ءيۇسۇپجان مامەت ءوزى جاۋاپتى بولىپ باسقاراتىن تاراۋلار مەن بايلانىس ورناتقان ورىنداردا ارناۋلى تاقىرىپتىق پارتيا ساباعىن ءوتتى
نازاردى ماڭداي الدى مىندەتكە شوعىرلاندىرىپ، جوعارى ساپالى دامۋدىڭ تىڭ تاراۋىن قۇلشىنا جازۋ كەرەك
انار بۇلت \ شينجياڭ گازەتىنىڭ ءتىلشىسى لياڭ ليحۋا 7 - ايدىڭ 11 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ نەگىزگى تاقىرىپتىق تاربيە قىزمەت ورنالاستىرۋىنا ساي، جۋىقتا اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ءيۇسۇپجان مامەت ”نازاردى ماڭداي الدى مىندەتكە شوعىرلاندىرىپ، ستراتەگيالىق ورىندى ءدال يگەرىپ، جوعارى ساپالى دامۋدى ىلگەرىلەتۋدىڭ جاڭا ناتيجەلەرى ارقىلى نەگىزگى تاقىرىپتىق تاربيەنىڭ جەتىستىكتەرىن سىننان وتكىزەيىك“ تاقىرىبى توڭىرەگىندە، ءوزى جاۋاپتى بولىپ باسقاراتىن تاراۋلار مەن بايلانىس ورناتقان ورىندارداعى پارتيا مۇشەلەرىنە، كادرلارعا ارناۋلى تاقىرىپتىق پارتيا ساباعىن ءوتتى.
ءيۇسۇپجان مامەت بىلاي دەپ باسا دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسىمەن زەيىن - زەردەنى ۇيىستىرۋعا، رۋح سومداۋعا تاباندى بولىپ، ”يدەيانى ۇيرەنۋ، پارتيالىلىقتى كۇشەيتۋ، امالياتقا ءمان بەرۋ، جاڭا ۇلەس قوسۋ“ جالپى تالابىن مىقتاپ يگەرىپ، نىسانا - مىندەتتى كوزدەپ، قىزمەت ورنالاستىرۋلارىن تياناقتاندىرىپ، نەگىزگى تاقىرىپتىق تاربيەنىڭ تەرەڭگە بويلاۋىن، ناقتىلانۋىن ىلگەرىلەتۋ كەرەك. باس شۋجي شي جينپيڭنىڭ جوعارى ساپالى دامۋ جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، اۆتونوميالى رايوندىق 10 - كەزەكتى پارتكوم سەگىزىنشى جالپى ءماجىلىسىنىڭ رۋحىن قاز - قالپىندا بۇلجىتپاي تياناقتاندىرىپ، ءىس جۇزىندىكتى تياناق ەتىپ، جوبانى ەگجەي - تەگجەيلىلەندىرىپ، تىزىمدىك شىعارىپ، تياناقتاندىرۋدى مىقتى يگەرىپ، جاۋاپكەرشىلىكتى باتىلدىقپەن ارقالاپ، قيىندىقتاردان قامال الىپ، دامۋدى جەبەپ، دەن قويا، سۇيىسپەنشىلىكپەن ناقتى ىستەر ىستەپ، حالىقتىڭ مۇڭ - مۇقتاجىن شەشىپ، بۇلجىماي حاۋىپ - قاتەردەن ساقتانۋ، تومەنگى شەكتى ساقتاۋ كەرەك.
ءيۇسۇپجان مامەت بىلاي دەپ اتاپ كورسەتتى: نەگىزگى تاقىرىپتىق تاربيەنى ۇزدىكسىز تەرەڭدەتىپ، دۇرىس ناتيجە كوزقاراسىن ورناتىپ، ۇيرەنۋ ارقىلى پاراساتتى ارتتىرىپ، ساياسي قابىلەتتى، ويلاۋ قابىلەتىن، امالياتتا ايگىلەۋ قابىلەتىن جوعارىلاتىپ، جوعارى ساپالى دامۋدىڭ جالىندى امالياتىنا بەلسەندىلىكپەن ات سالىسىپ، نازاريامەن قارۋلانۋدى كۇشەيتۋ جاعىندا جاڭا دەڭگەيگە كوتەرىلىپ، يدەيالىق كوزقاراستى ازات ەتۋ جاعىندا تىڭ قادام تاستاپ، شارۋاشىلىق تۇلعالارىن زورايتۋ جاعىندا تىڭ ىسكەرلىك تانىتىپ، كاسىپ سالاسىن شوعىرلاندىرىپ دامىتۋ جاعىندا تىڭ تابىسقا قول جەتكىزىپ، ساپادا قۋاتتى رايون قۇرۋدى ىلگەرىلەتۋ جاعىندا تىڭ سەرپىلىس جاساپ، حاۋىپسىزدىك تومەنگى شەگىن بەرىك ساقتاۋ جاعىندا جاڭا جاۋاپكەرشىلىك ارقالاۋدى ايگىلەپ، جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن قۇلشىنا جازۋ كەرەك.
