انار بۇلت \ شينجياڭ گازەتىنىڭ ءتىلشىسى ما ينيڭ 5 - ايدىڭ 26 - كۇنى ۇرىمجىدەن حابارلايدى. اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسىنەن ۇعىسۋىمىزشا، 1 - ايدان 4 - ايعا دەيىن رايونىمىزدىڭ كولەمنەن جوعارى ونەركاسىبىنىڭ ارتقان قۇنى سايكەس مەزگىلدەگىدەن ％8. 8 ارتقان، بۇل بۇكىل ەلدىكىنەن 2.5 پايىز جوعارى بولىپ، بۇكىل ەل بويىنشا 6 - ورىندى يەلەگەن.
رايونىمىز ونەركاسىبىنىڭ 3 ۇلكەن سالاسى ءبىرشاما تەز ارتۋدى ساقتادى. 1 - ايدان 4 - ايعا دەيىن بۇكىل رايوننىڭ كەن اشۋ كاسىبىنىڭ ارتقان قۇنى سايكەس مەزگىلدەگىدەن ％2. 13 ارتتى، جاساۋ كاسىبىنىڭ ارتقان قۇنى ％5 ارتتى، ەلەكتردىڭ، جىلۋدىڭ، جانار گازدىڭ جانە سۋدىڭ ءوندىرىسى مەن قامداۋ كاسىبىنىڭ ارتقان قۇنى ％9. 10 ارتتى. بۇكىل رايوننىڭ ءتۇيىندى ونەركاسىپ سالاسىندا كومىر، ەلەكتر، قۇرىلىس ماتەريالدارى، بولات - تەمىر، جابدىق جاساۋ سياقتى سالالار 2 ورىندى ساننان جوعارى ارتۋدى ساقتاپ، بۇكىل رايوننىڭ ونەركاسىپ ەكونوميكاسىنىڭ جىلدام ارتۋىن جەبەۋ رولى كورنەكتى بولدى؛ مۇناي سالاسى ورنىقتى، ءبىرشاما تەز ارتىپ، ونەركاسىپ ”ورنىقتىرعىشى“ رولىن ۇزدىكسىز ساۋلەلەندىردى. سونىمەن بىرگە، بۇكىل رايوننىڭ ونەركاسىپ ونىمدەرىنىڭ ساتىلۋ مولشەرى ％9. 97 بولىپ، ءبىرىنشى ماۋسىمداعىدان 1. 1 پايىز جوعارىلاپ، بۇكىل ەلدىڭ ورتاشا دەڭگەيىنەن 9. 1 پايىز جوعارى بولدى.
1 - ايدان 4 - ايعا دەيىن بۇكىل رايوننىڭ ونەركاسىپكە قارجى قوسۋى سايكەس مەزگىلدەگىدەن ％7. 31 ارتىپ، ارتۋ جىلدامدىعى ءبىرىنشى ماۋسىمداعىدان 3. 4 پايىز جوعارىلاپ، بۇكىل ەلدىڭ ونەركاسىپكە قارجى قوسۋ ورتاشا ارتۋ جىلدامدىعىنان 4. 23 پايىز جوعارىلاپ، بۇكىل رايوننىڭ تۇراقتى مۇلىككە قارجى قوسۋ ارتۋ جىلدامدىعىنان 17 پايىز جوعارى بولدى.
بيىل جىل باسىنان بەرى رايونىمىزدىڭ ونەركاسىپ نىساندارى قۇرىلىسى جەدەل ىلگەرىلەپ، 1 - ايدان 4 - ايعا دەيىن بۇكىل رايوننىڭ ونەركاسىپ نىساندارىنىڭ جۇمىس باستاۋ سالىستىرماسى ％4. 74 بولىپ، 50 ءىرى ونەركاسىپ نىسانىنىڭ 46 نىسانى جۇمىس باستادى (جۇمىستى قالپىنا كەلتىردى).
14 ايماقتىڭ (وبلىس، قالا) ىشىندە قۇمىل قالاسى، تۇرپان قالاسى، قاشقار ايماعى، بۇراتالا موڭعۇل اۆتونوميالى وبلىسى، اقسۋ ايماعى، سانجى حۇيزۋ اۆتونوميالى وبلىسى، حوتان ايماعى سىندى 7 ايماقتىڭ (وبلىس، قالا) كولەمنەن جوعارى ونەركاسىبىنىڭ ارتقان قۇنىنىڭ ارتۋى ەكى ورىندى ساننان استى.
اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسىنىڭ جۇمىس جۇرگىزۋدى قاداعالاۋ، سايكەستىرۋ مەكەمەسىنىڭ باستىعى گو رۇيبين بىلاي دەپ تانىستىردى: ”8 ءىرى كاسىپ سالاسى شوعىرى“ قۇرىلىسى ساياسات جۇيەسىن ونان ارى كەمەلدەندىرىپ، ونەركاسىپ جانە ينفورماتسيالاندىرۋ مەڭگەرمەسى باستاماشى بولعان 3 ءتۇيىندى كاسىپ سالاسى شوعىرى ارەكەت جوسپارى مەن 17 ءتۇيىندى كاسىپ سالاسى تىزبەگى اتقارۋ جوباسىن شىعارىپ جانە ونى اتقارىپ، ءتۇيىندى ءوندىرىس فاكتورلارىن قامتاماسىز ەتۋدى، سايكەستىرۋدى جانە ونەركاسىپ نىساندارى قۇرىلىسىن ويداعىداي مىقتى يگەرىپ، شينجياڭنىڭ ونەركاسىپ ەكونوميكاسىنىڭ جوعارى ساپالى دامۋىن بار كۇشپەن ىلگەرىلەتتى.
