انار بۇلت \ شينجياڭ گازەتىنىڭ ءتىلشىسى حي حۇڭۋي 5 - ايدىڭ 26 - كۇنى ۇرىمجىدەن حابارلايدى. ”شەكارا وتكەلىندەگى اۋىل شارۋاشىلىق قوسىمشا ونىمدەرىن كەدەننەن تەز وتكىزەتىن ’جاسىل ارنانىڭ‘ ارقاسىندا، بيىل سەرىكتەستىكتىڭ ەكسپورت ەتكەن اۋىل شارۋاشىلىق ونىمدەرىنىڭ سانى زور مولشەردە ارتتى“. 5 - ايدىڭ 22 - كۇنى قورعاس جين - ي حالىقارالىق ساۋدا (توبى) شەكتى سەرىكتەستىگىنىڭ القا باستىعى يۇي چىڭجۇڭ بىلاي دەدى: بيىل ءبىرىنشى ماۋسىمدا سەرىكتەستىك 8700 توننادان استام اۋىل شارۋاشىلىق ءونىمىن ەكسپورت ەتىپ، ساۋدا سوماسى 53 ميلليون يۋاننان استى.
اۋىل شارۋاشىلىق قوسىمشا ونىمدەرىن كەدەننەن تەز وتكىزەتىن ”جاسىل ارنا“ ارقىلى شينجياڭنىڭ ءتىپتى دە كوپ اۋىل شارۋاشىلىق قوسىمشا ونىمدەرى مەملەكەت قاقپاسىنان شىقتى.
تۇڭعىش كەزەكتى جۇڭگو − ورتا ازيا باسشىلار ماجىلىسىندە جۇڭگو ورتا ازياداعى 5 ەلمەن ءبىرسىپىرا سەلبەستىك ورتاق تانىمىنا كەلدى. مۇندا شەكارا وتكەلدەرىندە اۋىل شارۋاشىلىق قوسىمشا ونىمدەرىن كەدەننەن تەز وتكىزەتىن ”جاسىل ارنانىڭ“ جاپپاي قامتۋىن جۇزەگە اسىرۋ ورتاعا قويىلدى.
بيىل جىل باسىنان بەرى شينجياڭ 11 تاس جول شەكارا وتكەلىنىڭ جولاۋشى تاسىمالى مەن زات تاسىمالىندا توتە جەتكىزۋدى قالپىنا كەلتىرۋدى ورنىقتى ىلگەرىلەتتى، ءۇرىمجى كەدەنى ”تاس جول - تەمىر جول بىرلەسىپ تاسىمالداۋ“ شينجياڭ ەرەكشەلىگىندەگى ماركا جەلىسىن تۇلعالاۋ ارقىلى جۇڭگو − قازاقستان تاس جول شەكارا وتكەلدەرىنىڭ اۋىل شارۋاشىلىعى قوسىمشا ونىمدەرىن كەدەننەن تەز وتكىزۋ ”جاسىل ارناسىمەن“ جاپپاي قامتىلۋىن ىلگەرىلەتىپ، كوپ ءتۇرلى ساۋدا ءتاسىلى ارقىلى يمپورت - ەكسپورت زات تاسىمالى مولشەرىنىڭ زور مولشەردە ارتۋىن جەبەدى.
ءۇرىمجى كەدەنىنىڭ ساندى مالىمەتىندە كورسەتىلۋىنشە، الدىڭعى 4 ايدا شينجياڭنىڭ اۋىل شارۋاشىلىعى ونىمدەرىنىڭ ەكسپورت قۇنى 3 ميلليارد 530 ميلليون يۋان بولىپ، سايكەس مەزگىلدەگىدەن ％5. 65 ارتتى، اۋىل شارۋاشىلىق ونىمدەرىنىڭ يمپورت قۇنى سايكەس مەزگىلدەگىدەن ％9. 40 ارتىپ، تۇگەلدەي زور كولەمدە ارتقان.
اۋىل شارۋاشىلىعى ونىمدەرى − جۇڭگونىڭ شينجياڭىنىڭ توڭىرەكتەگى ەلدەرمەن يمپورت - ەكسپورتىنىڭ ارتۋ قارقىنى ءبىرشاما تەز ءارى سەلبەستىك كومەسكى كۇشى زور تاۋارلاردىڭ ءبىرى. ساپالى اۋىل شارۋاشىلىعى قوسىمشا ونىمدەرى يمپورت - ەكسپورتىن كەڭەيتۋ ءۇشىن، ءۇرىمجى كەدەنى توڭىرەكتەگى ەلدەردىڭ كەدەندەرىمەن سەلبەستىكتى تەرەڭدەتىپ، پارىقتى باسقارۋدى اتقارىپ، جۇمىس ءبىتىرۋ ۋاقىتىن قىسقارتىپ، تەكسەرۋ ۇلگىسىن ساپالىلاندىرىپ كەدەننەن وتكىزۋ ونىمدىلىگىن جوعارىلاتتى ءارى اۋىل شارۋاشىلىعى قوسىمشا ونىمدەرىنىڭ شۇعىل جاعدايعا توتەپ بەرۋ بويىنشا كەدەننەن وتكىزۋ مەحانيزمىن ورناتىپ، وتكەلدى الدىعا جىلجىتىپ، ۋاقىتتى كەيىنگە سوزىپ باقىلاپ - باسقارىپ، ”جاسىل ارنا ارقىلى“ كەدەننەن ءوتۋ ۋاقىتىن ۇزدىكسىز قىسقارتتى؛ ارناۋلى ارنا اشىپ، ەكسپورت ەتىلەتىن اۋىل شارۋاشىلىعى ونىمدەرىنىڭ جۇمىسىن الدىمەن ءبىتىرىپ، جەدەل تەكسەرىپ وتكىزىپ، اۋىل شارۋاشىلىعى ونىمدەرىنىڭ ”ساپالى ەنگىزىلۋىن، ساپالى شىعارىلۋىن“ بار كۇشپەن قامتاماسىز ەتتى.
قازىر شينجياڭداعى باقتى، قاراسۋ، تورعات، ەركەشتام، قورعاس شەكارا وتكەلدەرىندە، ەلىمىز 3 مەملەكەتتىڭ شەكارا كەدەنىمەن اۋىل شارۋاشىلىعى قوسىمشا ونىمدەرىن كەدەننەن تەز وتكىزۋدىڭ 5 ”جاسىل ارناسىن“ اشىپ، جۇڭگو − قازاقستان، جۇڭگو − تاجىكستان، جۇڭگو − قىرعىزستان 3 ەل 5 جەلىسىندەگى اۋىل شارۋاشىلىعى قوسىمشا ونىمدەرىن كەدەننەن تەز وتكىزۋ ”جاسىل ارناسى“ اينالىم مەحانيزمىن ورناتتى.
