تيانشان الابى توتىداي تۇرلەندى

− شينجياڭ ەكونوميكانىڭ، قوعامنىڭ جوعارى ساپالى دامۋىن ىلگەرىلەتتى

حالىق گازەتىنىڭ تىلشىلەرى لي يانان، ياڭ شوبي، شياڭ زىفىڭ

　　5 - اي، تيانشان الابى گۇلدەي جايناپ، شينجياڭنىڭ بايتاق دالاسى الۋان تۇسكە ەندى، گازەتىمىزدىڭ تىلشىلەرى جول بويى شەشەك اتقان گۇلدەردى تاماشالاپ، شينجياڭدى ارالاپ، ءار ۇلت كادىر - بۇقاراسىنىڭ ءبىر نيەتپەن سەلبەسىپ، قول ۇستاسا كۇرەس جۇرگىزگەن اسقاق كەلبەتىنە كۋا بولدى. ەكونوميكالىق دامۋ گۇلى، ۇلتتار ىنتىماعى گۇلى، شينجياڭعا كومەكتەسۋ سەلبەستىگى گۇلى، مادەنيەت، وركەنيەت گۇلى، باقىتتى بولۋ، بايۋ گۇلى... شينجياڭدا قۇلپىرا اشىلۋدا.

　　5 - ايدىڭ 18 - كۇنى شينجياڭ ىلە قازاق اۆتونوميالى وبلىسى قورعاس تاس جول شەكارا وتكەلىندەگى باقىلاۋ - ولشەۋ ۇلكەن ەكرانىنان زاتتى كەدەننەن وتكىزۋ كورىنىسى دەر كەزىندە كورىنىپ تۇردى. سول كۇنى قورعاس تاس جول شەكارا وتكەلىنەن شەكارادان كىرىپ - شىققان جۇك اۆتوموبيلى تۇڭعىش رەت 1000نان اسىپ، 1099عا جەتىپ، تاريحتاعى ەڭ جوعارى دەڭگەيدى جاراتتى. قورعاس تاس جول شەكارا وتكەلىندە كۇنىنە شەكارادان كىرىپ - شىعاتىن جۇك اۆتوموبيلى 2019 - جىلعى 300گە جەتپەيتىن اۆتوموبيلدەن بۇگىنگى كۇنى 1000نان اسىپ، زات يمپورت - ەكسپورتىنىڭ جەدەل دامۋى شينجياڭ ەكونوميكاسىنىڭ، قوعامىنىڭ جوعارى ساپالى دامۋىنىڭ ۇلگىسىنە اينالدى.

　　جاڭا داۋىردەگى پارتيانىڭ شينجياڭدى باسقارۋ جالپى جوباسىنىڭ شينجياڭنىڭ بايتاق دالاسىندا تياناقتانىپ تامىر تارتۋىنا ىلەسە ءار ۇلت كادر - بۇقاراسى ءبىر نيەتپەن سەلبەسىپ، قول ۇستاسا كۇرەس جۇرگىزىپ، ەكونوميكانىڭ، قوعامنىڭ جوعارى ساپالى دامۋىن ىلگەرىلەتتى. تيانشان الابىندا جىبەك جولى تۇتاسىپ، جۇڭگو − ەۆروپا كەزەكشى پويەزدەرى كۇندىز - ءتۇن توقتاۋسىز جۇيتكىپ، دامۋدىڭ قوزعاۋشى قۋاتىن ۇزدىكسىز تۋىنداتتى؛ ءداستۇرلى كاسىپ سالاسىنىڭ تيبىن جاڭالاپ، دارەجەسىن ءوسىرىپ، جاڭادان گۇلدەنگەن كاسىپ سالالارى ۇزدىكسىز جارىققا شىعىپ، ەكونوميكالىق قۇرىلىم ۇزدىكسىز ساپالىلاندى؛ جاسىل كاسىپ سالاسى قارىشتاپ دامىپ، بايلىق ارتىقشىلىعى ويداعىداي، ۇتىمدى پايدالانىلىپ، ەكونوميكانىڭ دامۋى تىڭ بەلەسكە كوتەرىلدى... ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا كورىكتى شينجياڭ بىرتىندەپ رەالدىققا اينالۋدا.

كاسىپ سالاسىنىڭ دەڭگەيىن جوعارىلاتىپ، باياندى دامۋعا دەم بەردى

　　گۇلدى دانەكەر ەتىپ، گۇل ارقىلى اۋىل شارۋاشىلىعىن گۇلدەندىردى، ”گۇل ەكونوميكاسى“ شينجياڭداعى بۇقارانى كىرىسىن ارتتىرىپ، بايۋعا باستادى. شينجياڭ وزىندىك باسىمدىعىن تياناق ەتىپ، اۋىل شارۋاشىلىعى قوسىمشا ونىمدەرىن مانەرلەۋ كاسىپ تىزبەگىن ۇزارتىپ، مادەنيەت پەن ساياحاتتى توعىستىرۋدىڭ جاڭا جارقىن ءتۇيىنىن تۇلعالادى.

　　5 - اي كىرىسىمەن اۆتوكولىكپەن ىلە اڭعارىن بويلاپ باتىسقا قاراي جۇرگەندە، جول بويى قۇلپىرا اشىلعان گۇلدەر كوزدىڭ جاۋىن الادى. ىلە قازاق اۆتونوميالى وبلىسى قورعاس اۋدانى سانگۇڭ حۇيزۋ اۋىلىندا مەملەكەت تاس جولىنىڭ ەكى جاعىنداعى ءتاتتى كۇرەڭكەي قۇلپىرا اشىلىپ، ادامدى سۇيىندىرەدى. ءتاتتى كۇرەڭكەي جاپىراعىنىڭ ءار كيلوگرامى كەزىندە تەك ون نەشە يۋانعا عانا ساتىلاتىن، قازىر 300 يۋانعا جۋىق ساتۋعا بولادى. مۇنىڭ سەبەبى نەدە؟

　　”جاپىراقتان ’اق قانت‘ شىعارىپ الىنادى. ايىرۋ تەحنيكاسى بولعان سوڭ، ءبىز سول جەردىڭ وزىندە ءتاتتى كۇرەڭكەي گليۋكوزيدىن وندىرە الامىز“. شينجياڭ حۇيجيا بيو عىلىم - تەحنيكا شەكتى سەرىكتەستىگىنىڭ ءوندىرىس سەحىندا ءتاتتى كۇرەڭكەي جاپىراعىن ايىرىپ الۋ ءوندىرىس جەلىسى بار قارقىنمەن جۇمىس جۇرگىزۋدە. اق ءتۇستى كريستالدار ءوندىرىس جەلىسىنىڭ سوڭعى بۋىنىندا باياۋ ءبولىنىپ شىعىپ، ءتاتتى كۇرەڭكەي گليۋكوزيدى جاسالىپ شىعادى. سەرىكتەستىكتىڭ القا باستىعى جوۋ مىڭ بىلاي دەپ تانىستىردى: ءتاتتى كۇرەڭكەي جاپىراعى تابيعي ساپالى وسىمدىكتەردىڭ ءتاتتى دامدەندىرگىشى، تاتتىلىك دارەجەسى ساحاروزانىڭ 300 دە 400 ەسەسىندەي، ال جىلۋ مولشەرى اق قانتتىڭ 300/1 ىندەي عانا. ءتاتتى كۇرەڭكەي جاپىراقتارىنان الىنعان ءتاتتى كۇرەڭكەي گليۋكوزيدى ءدارى - دارمەك جانە ازىق - تۇلىك ونەركاسىبىندە كەڭىنەن قولدانىلادى.

　　شينجياڭ حۇيجيا بيو عىلىم - تەحنيكا شەكتى سەرىكتەستىگى − شينجياڭنىڭ سوڭعى جىلداردان بەرى كۇش سالا جەتىلدىرگەن تەحنيكادا جاڭالىق اشۋ تيبىندەگى كاسىپورىن. قازىر سەرىكتەستىك 2 ءتاتتى كۇرەڭكەي گليۋكوزيد ءوندىرىس جەلىسىن قۇرىپ، كەمەلدى سايكەستى ءوندىرىس ۇلاسپالى جەلىسى جابدىعىن ورناتىپ، ۇلاسپالى كەرى اعىستان ءبولىپ الۋ، ءۇرتىس يون الماستىرعىش تەحنيكاسى، جارعاقتى ايىرۋ سياقتى تەحنيكالاردى قولدانىپ، شينجياڭنىڭ ءتاتتى كۇرەڭكەي جاپىراقتارىن ۇلاسپالى ايىرىپ الۋداعى اقتاڭداعىن تولتىردى.

　　ءتاتتى كۇرەڭكەي كاسىپ سالاسى عانا ەمەس. لاۆاندا، روزا گۇلى، شۇعىنىق... گۇلدەردىڭ ۇزدىكسىز ۇزارعان كاسىپ تىزبەگىن ارقاۋ ەتىپ، ءتىپتى دە كوپ بۇقارانى ”ءتۇرلى تاسىلمەن“ بايۋعا جەتەكتەدى.

　　قورعاس اۋدانى لۋساۋگۋ قالاشىعى سىگۇڭ قىستاعى 3 - گرۋپپاسىنىڭ تۇرعىنى ما جۇڭلياڭنىڭ دۇكەنىندە لاۆاندانى جىنتىكتەي مانەرلەگەن ونىمدەردەن ەفير مايى، قۇرعاق گۇل، سۇيەنىش جاستىق، ت.ب رەتتى جيناپ قويىلىپتى...

　　”باييمىن دەسەڭ، تەك ەگۋگە عانا سۇيەنۋ جەتكىلىكسىز، امالىن تاۋىپ لاۆاندانىڭ قوسىمشا قۇنىن جوعارىلاتۋ كەرەك“، - دەدى لۋساۋگۋ قالاشىعى پارتكومىنىڭ شۋجيى لي زىڭجيە. 2010 - جىلى سىگۇڭ قىستاعى لاۆاندا كاسىبىن دامىتىپ، ينۇڭشياڭ سەلبەستىك كووپەراتيۆىن قۇرىپ، ەفير مايىن مانەرلەۋ كاسىپورىندارىن ەنگىزىپ، ەگۋدەن، اشۋدان، ساتۋدان كەيىنگى كەزدەگى لاۆاندا سابانىن قايتالاي جيناپ الىپ پايدالانۋعا، جاراقسىز زاتتاردى اسىلعا اينالدىرۋعا دەيىنگى ەرەكشە كاسىپ تىزبەگىن بىرتىندەپ قالىپتاستىرىپ، 300 نەشە شارۋا ”گۇل ەگۋشىدەن“ ”گۇل ساۋداگەرىنە“ اينالدى.

　　”دۇكەندەگى لاۆاندا ەفير مايى ەڭ ءوتىمدى“، - دەدى ما جۇڭلياڭ. لاۆاندا قوسىمشا قۇنىنىڭ ۇزدىكسىز جوعارىلاۋىنا بايلانىستى، 2022 - جىلى سىگۇڭ قىستاعىنداعى 718 وتباسىنىڭ جان باسىندىق كىرىسى 22 مىڭ يۋان بولىپ، تۇتاس قالاشىقتىڭ جان باسىندىق كىرىسىنەن شامامەن 2000 يۋان جوعارى بولدى.

باتىس سولتۇستىكتەگى شەكارا ءوڭىر ەسىك اشۋدىڭ الدىڭعى شەبىنە اينالدى

　　قىزىل بۇرىش جارتى قارىس قانا ءوستى، قىزاناقتىڭ جارتىسى قىزاردى، بىرنەشە كۇننەن كەيىن ءۇزىپ الۋعا بولادى.

　　شينجياڭ ءوندىرىس - قۇرىلىس بيڭتۋانى 9 - شى 163 - تۋانى 7 - ليانىنىڭ قىزمەتكەرى ليۋ جينجيڭ كوكونىس ەگۋ جىلىجايىندا قاربالاس جۇمىس ىستەپ جاتتى. ”ءبىزدىڭ بۇل ارادا جالپى 150 جىلىجاي بار، بۇل شاۋەشەك قالاسى يۇڭلي ساۋدا شەكتى جاۋاپكەرشىلىك سەرىكتەستىگىنىڭ كوكونىس ەگۋ بازاسىنا تاۋەلدى“. ليۋ جينجيڭ: كەشە ءۇزىپ سەرىكتەستىككە وتكىزگەن كوكونىسىڭىزدى بۇگىن قازاقستان وتباسىلارىنىڭ داستارقانىنان كورە الاسىز، - دەدى.

　　جىلىجايدىڭ سىرتىندا سەرىكتەستىكتىڭ جاۋاپتىسى يۇي شينلي ساتىپ الۋدى كۇتىپ تۇر. جەمىس - جيدەك، كوكونىس سىرتقى ساۋداسىمەن شۇعىلدانعانىنا 20 نەشە جىل بولعان ول بىلاي دەپ تانىستىردى: سەرىكتەستىك ورتا ەسەپپەن جىلىنا تارباعاتايدىڭ باقتى شەكارا وتكەلىنەن 80 مىڭ توننا اينالاسىندا جەمىس - جيدەك، كوكونىس ەكسپورت ەتەدى، مۇنىڭ ％40ى جەرگىلىكتى ورىندى زات قاينارى ەتىپ، جەرگىلىكتى شارۋالارعا پايدا جەتكىزدى، ”ءبىر جىلدا ەكى رەت ەگەمىن، ءبىر مۋ جەردەگى جىلىجايدان كىرەتىن كىرىس 50 مىڭ يۋانعا جەتەدى“.

　　مۇنداي تابىس ەسىك اشۋدان كەلدى. 2013 - جىلى 12 - ايدا شاۋەشەك قالا رايونىنان نەبارى 12 كيلومەتر كەلەتىن باقتى شەكارا وتكەلىندە مەملەكەت بويىنشا تۇڭعىش اۋىل شارۋاشىلىعى قوسىمشا ونىمدەرىن كەدەننەن جەدەل وتكىزەتىن ”جاسىل ارنا“ اشىلىپ، كەدەننەن ءوتۋ جىلدامدىعى ۇزدىكسىز تەزدەدى. ”نەگىزىنەن كۇتە تۇرۋدىڭ قاجەتى جوق، كەلسە بولدى بىتىرىلەدى“، - دەدى يۇي شينلي.

　　”بولات - تەمىر كەرۋەنى“ − جۇڭگو − ەۆروپا كەزەكشى پويەزدەرى گۇرىلدەپ ءوتىپ، كونتەينەردى تولتىرا تيەگەن جۇك اۆتوموبيلدەرى تولاستامادى... شينجياڭداعى شەكارا وتكەلدەرىنىڭ بارىنەن قاربالاس كورىنىستى كورۋگە بولادى. ءۇرىمجى كەدەنىنىڭ ساناعىنا قاراعاندا، بيىل 1 - ايدان 4 - ايعا دەيىن شينجياڭنىڭ سىرتقى ساۋدا يمپورت - ەكسپورت جالپى قۇنى 94 ميلليارد 950 ميلليون يۋان بولىپ، 2022 - جىلعى سول تۇستاعىدان ％7. 82 ارتقان. مۇنىڭ ىشىندە ەكسپورت 80 ميلليارد 640 ميلليون يۋان بولىپ، ％1. 90 ارتىپ، بۇكىل ەلدىڭ ارتۋ قارقىنىنان 5. 79 پايىز جوعارى بولعان.

　　پايداعا كەنەلۋشىلەردىڭ ىشىندە، ۇرپاقتار بويى شەكارا جەلىسىنىڭ جانىندا تۇرمىس كەشىرىپ كەلە جاتقان شاۋەشەك قالاسى ارگۇڭ قالاشىعى قاراۇڭگىر قىستاعىنىڭ تۇرعىنى جاڭ شياۋپيڭ بار. جاڭ شياۋپيڭ ۇيىندە وتىرىپ، ساۋساعىن قيمىلداتىپ قانا شاعىن باعدارلاما بويىنشا قۇنى 7200 يۋاننان استام زىعىر تۇقىمىن يمپورت ەتۋگە ءوتىنىش ەتىپ، ىرگە تەپكەن مانەرلەۋ كاسىپورىندارىنا ساتىپ بەرەدى. شەكارا تۇرعىنى رەتىندە، ونىڭ كۇنىنە 8000 يۋان باجى الىنبايتىن يمپورت سوماسى بار.

　　2019 - جىلى باقتى جۇڭگو − قازاقستان شەكارالىق تۇرعىندار بازارى رەسمي تيجارات باستادى، 2022 - جىلى شينجياڭدا ىرگە تەپكەن مانەرلەۋ ”تۇتاسىمەن كىرگىزۋ، تۇتاسىمەن شىعارۋ“ ۇلگىسىندەگى سىناقتى الدىمەن ورىندادى: شەكارالىق تۇرعىنداردىڭ ءوزارا كومەكتەسۋ گرۋپپاسى، سەلبەستىك كووپەراتيۆى فورماسىندا ۇيىرمە قۇرىپ، شەكارالىق تۇرعىندار بازارى ارقىلى زاتتاردى يمپورت ەتۋگە قاتىناسىپ، ونان سوڭ ىرگە تەپكەن مانەرلەۋ كاسىپورىندارىنا ساتىپ بەردى.

　　”بۇرىن تۇگەلدەي تۇتاسىمەن كىرگىزىپ - پارشا شىعارۋدا ءار كۇنى شەكارا وتكەلىنە بارىپ جۇمىس باسىندا مالىمدەۋدى ءوتىنىش ەتەتىنبىز. قازىر ءبىز 224 شەكارا تۇرعىنى سەلبەستىك كووپەراتيۆىن قۇرىپ، ۋيشين شاعىن باعدارلاماسىنا تىركەلىپ، ساۋساعىمىزدى قيمىلداتىپ قانا ءوتىنىش ەتۋدى ورىنداپ، اي سايىن تاعى 1000 يۋاننان استام كىرىس كىزگىزە الاتىن بولدىق“، - دەدى جاڭ شياۋپيڭ.

جاسىل بولۋدىڭ تيبىن جاڭالاپ، ساپانى جوعارىلاتىپ، ونىمدىلىكتى ارتتىرۋدى جەبەدى

　　تاكلاماكان ءشولىنىڭ جيەگىندەگى قۇمدى ءشول تاس جولىندا زىمىراپ بارا جاتىپ، قۇبا تۇزگە كوز جىبەرگەندە، قاز - قاتار جارقىراعان فوتوۆولتتىق ەلەكتر ستانسيالارى ادامعا جاڭا ءۇمىت باعىشتايدى.

　　حوتان ايماعى لوپ اۋدانى مەملەكەتتىك ەلەكتر قۋاتى قارجى قوسۋ توبى شەكتى سەرىكتەستىگىنىڭ لوپ فوتوۆولتتىق ەلەكتر ستانسياسىندا قۇراستىرۋ، قۇرىلىس جۇرگىزۋ اترەتىنىڭ باستىعى ءماتياسىن امەت فوتوۆولتتىق تاقتاعا تەكسەرۋ - ولشەۋ جۇمىسىن جۇرگىزۋدە. ءماتياسىن امەت لوپ اۋدانى شارباق قالاشىعى جىمىكولارىق قىستاعىنىڭ تۇرعىنى، مەملەكەتتىك ەلەكتر قۋاتى قارجى قوسۋ توبى شەكتى سەرىكتەستىگىنىڭ لوپ فوتوۆولتتىق ەلەكتر ستانسياسى ونىڭ ۇيىنەن 5 كيلومەتر عانا جەردە، ءماتياسىن امەت 2021 - جىلدان باستاپ وسى نىسان قۇرىلىسىنا ات سالىسىپ، جۇك تاسىمالداۋشىدان فوتوۆولتتىق ەلەكتر ستانسياسىنىڭ قۇراستىرۋ، قۇرىلىس جۇرگىزۋ اترەتىنىڭ باستىعىنا اينالعان، بيىل ول سول قىستاقتاعى 20 نەشە تۇرعىندى باستاپ، باقشا رايونىنا كۇن ەنەرگيالى ەلەكتر تاقتاسىن ورناتىپ، ورتاشا ايلىق كىرىسى شامامەن 10 مىڭ يۋان بولدى.

　　حوتان ايماعىنىڭ وندىرىسكە قوسقان جەكە تۇلعاسى ەڭ ۇلكەن جاڭا ەنەرگيامەن ەلەكتر شىعارۋ نىسانى رەتىندە، وسى فوتوۆولتتىق ەلەكتر ستانسياسىنىڭ سالىنىپ جاتقان كەزدەگى جۇمىسقا قابىلداعان ادام سانى شامامەن 1500گە جەتكەن، مۇنىڭ ىشىندە لوپ اۋدانىنىڭ جەرگىلىكتى ورنىنان ىستەتكەن جۇمىسكەرى 1000 ادامعا جەتكەن. 3 ايدىڭ الدىندا بۇل نىسان جالپى سيىمدىلىعى بويىنشا جەلىگە قوسىلىپ ەلەكتر تاراتقان، مەجەمەن جىلدىق ورتاشا ەلەكتر تاراتۋ مولشەرى 360 ميلليون كيلوۆات ساعاتقا جەتەدى ەكەن.

　　جەل ەنەرگياسىن ”جەل ەكونوميكاسىنا“ اينالدىردى، 2000 كيلومەتردەن استام شالعايداعى تارباعاتايدا مول جەل ەنەرگيا بايلىعى شاۋەشەك قالاسىنىڭ تۇرعىنى ديداردىڭ كوڭىلىندەگى قىزمەتىن تابۋىنا سەپتىگىن تيگىزدى.

　　جارتى ايدىڭ الدىندا ديدار سان - ي جۇڭنىڭ جارنا شەكتى سەرىكتەستىگى سان - ي (تارباعاتاي) جەل ەلەكتر جابدىقتارى شەكتى سەرىكتەستىگىنىڭ الدىڭعى شەپتەگى ءوندىرىس ورنىندا جۇمىسقا ورنالاسىپ، ايىنا 5000 يۋاننان استام ەڭبەكاقى الاتىن بولدى. تانىستىرۋعا قاراعاندا، وسى سەرىكتەستىك 4 - ايدىڭ 25 - كۇنى العاشقى جەل ەلەكتر اگراگاتتارىن رەسمي ىسكە قوسقان، بۇل تارباعاتايدىڭ جەل كۇشى بايلىعى مول بولعانمەن، ءبىراق جەل گەنەراتورى جابدىقتارىن جاساي الماۋ سىندى اقتاڭداعىن تولتىردى.

　　تارباعاتاي ايماعىندا شينجياڭداعى ايگىلى ەكى ۇلكەن جەل ءوتى بار، ياعني سارعۋسىن - مايتاس، قوجىر - تەرەكتى ءوڭىرى، جەل ءوتى وڭىرىندە ءار سەكۋندتىق ورتاشا جەل جىلدامدىعى 5. 6 مەتردەن 35. 9 مەترگە دەيىن، جىلدىق پايدالانۋعا بولاتىن ساعاتى 7500 ساعات بولىپ، شينجياڭداعى جەل ەنەرگياسى بايلىعى ەڭ مول وڭىرلەردىڭ ءبىرى.

　　”قازىر تارباعاتاي ءتۇيىندى وركەندەتۋ، ەسىك اشۋ سىناق رايونى سان - ي جۇڭنىڭ، جينفىڭ عىلىم - تەحنيكاسى سياقتى 4 جەل ەلەكتر جابدىقتارىن جاساۋ كاسىپورنىن ەنگىزدى، وندىرىسكە قوسىلعاننان كەيىن ءبىرشاما كەمەلدى جەل ەلەكتر جابدىقتارىن جاساۋ كاسىپ سالاسى تىزبەگىن قالىپتاستىرادى“، - دەدى تارباعاتاي ايماقتىق پارتكومنىڭ ورىنباسار باس حاتشىسى شياۋ زۋۋىن.

　　قۋاڭشىلىق، جاۋىن - شاشىن از، كۇن نۇرىنىڭ ءتۇسۋى كۇشتى، قۇمدى بوران كۇشتى، بۇل شارت - جاعدايلار شينجياڭنىڭ جاسىل تيپكە بۇرىلىس جاساۋىنىڭ تۇتقاسىنا اينالدى، ەنەرگيا قۇرىلىمىن جاقسارتۋ ارقىلى جاسىل، تومەن كومىر قىشقىل گازدى كاسىپ سالاسىن ەنگىزدى، بيىل ءبىرىنشى ماۋسىمدا شينجياڭنىڭ جەل كۇشى فوتوۆولتتىق ەلەكتر تاراتۋ نىسانىنا قوسىلعان قارجى 1. 2 ەسە ارتىپ، تۇتاس رايونعا قوسىلعان قارجىنىڭ 2. 7 پايىز ارتۋىن جەبەدى. مۇنىڭ ىشىندە جەل كۇشىمەن ەلەكتر تاراتۋعا قوسىلعان قارجى ％5. 75 ارتتى، فوتوۆولتتىق ەلەكتر شىعارۋعا قوسىلعان قارجى 5. 4 ەسە ارتتى. بيىل 3 - ايدىڭ سوڭىنا دەيىن شينجياڭ ەلەكتر تورابىنىڭ جالپى ەلەكتر قاينارى گەنەراتور اگراگاتتار سيىمدىلىعى 117 ميلليون 210 مىڭ كيلوۆاتقا جەتتى، مۇنىڭ ىشىندە جاڭا ەنەرگيا گەنەراتور اگراگاتتارىنىڭ سيىمدىلىعى 43 ميلليون 170 مىڭ كيلوۆاتقا جەتىپ، باتىس سولتۇستىك ولكەلەر بويىنشا 1 - ورىندى يەلەدى.