فۋجياننىڭ شينجياڭعا كومەك كورسەتۋى
فۋجيان بار مۇمكىندىكتەن تولىق پايدالانىپ، سانجىنىڭ تاماشا جاعدايىن جاراتتى
□ انار بۇلت \ شينجياڭ گازەتىنىڭ ءتىلشىسى گى يوۋجۇن، ەرىكتى ءتىلشى ليۋ چيان
جادىراعان 5 - اي، سانجى حۇيزۋ اۆتونوميالى وبلىسىنىڭ بايتاق جەرىن ارالايتىن بولساڭىز، مەيلى شەتكەرى ورنالاسقان قىستاقتار، شاعىن قالاشىقتار بولسىن، الدە قالانىڭ دۋماندى كوشە وڭىرلەرى بولسىن شينجياڭعا كومەك كورسەتۋدەگى فۋجيان بەلگىسى تاڭبالانعان نىساندار ەرەكشە كوزگە تۇسەدى.
سانجى وبلىسىنىڭ بايلىق، وڭىرلىك ورىن سياقتى ابزالدىلىقتارىمەن ۇشتاستىرىپ، ساۋداگەر شاقىرىپ قارجى ەنگىزۋ، كىرىستى ارتتىرىپ، حالىقتى بايىتۋدان ارالاسۋ، ىشتەسۋ، توعىسۋعا دەيىن فۋجياننىڭ شينجياڭعا كومەك كورسەتۋى كاسىپ سالاسى ارقىلى شينجياڭعا كومەكتەسۋ، اقىل - پاراسات جاعىنان شينجياڭعا كومەكتەسۋ، شينجياڭدى مادەنيەتپەن نارلەندىرۋ سياقتى سالالاردا تىنباي تىڭ سەرپىلىسكە قول جەتكىزۋدەن تانبادى.
كاسىپ سالاسى ارقىلى شينجياڭعا كومەكتەسۋ
دامۋدىڭ جاڭا قوزعالتقىشىن مازداتتى
4 - ايدىڭ 28 - كۇنى شونجى ۇنىن تولتىرا تيەگەن بىرنەشە ۇلكەن جۇك كولىگى شينجياڭ شينلياڭ حۋاماي ۇن شەكتى جاۋاپكەرشىلىك سەرىكتەستىگى زاۆودى رايونىنان شىعىپ، لانجوۋ قالاسىنا قاراي جول الدى.
شونجى اۋدانى − بۇكىل شينجياڭداعى ەڭ ۇلكەن ۇن وندىرەتىن، وڭدەيتىن بازا، جىل سايىن ءبىر ميلليون مۋدان استام جەرگە ءبيداي ەگەدى. شونجى ۇنىنىڭ ”بۇلتتىق پورتالدان“ بۇكىل ەلگە تانىلۋى − فۋجياننىڭ شينجياڭعا كومەكتەسۋدە بار پەيىلىمەن قولداۋ كورسەتكەندىگىنىڭ ارقاسى.
فۋجياننىڭ شينجياڭعا كومەكتەسۋ فۋجوۋ بولىمشە قولباسشىلىق شتابى شونجىنىڭ كاسىپ سالاسى ابزالدىلىعىن ساۋلەلەندىرىپ، كاسىپ سالاسى ەلەكتروندى ساۋداسىن قامال الۋ ءتۇيىنى ەتىپ، ىلگەرىندى - كەيىندى شينجياڭعا كومەكتەسۋ بويىنشا 11 ميلليون يۋاننان استام قاراجات شىعارىپ، ”شونجى سالەمدەمەسى“، ”شونجى ۇنى“ سياقتى الەۋمەتتىك وڭىرلىك ماركا جاراتىپ، شينلياڭ حۋاماي سياقتى ەلەكتروندى ساۋدا نەگىزگى تۇلعاسىن جەتىلدىرىپ، شي - ان، ءۇرىمجى بۇلتتىق قامباسىن قۇرىپ، ينتەرنەت جەلىسىندە، جەلىدەن تىس بىرلەسىپ ارەكەتتەنۋ ارقىلى شونجى اۋدانىنىڭ جانە سانجى وبلىسىنىڭ ەرەكشە ونىمدەرىن سىرتقا ساتۋ ارناسىن ۇزدىكسىز كەڭەيتتى.
فۋجيان ولكەسىنىڭ شينجياڭعا باعىتتامالى كومەكتەسۋ قىزمەتى الدىڭعى شەپ قولباسشىلىق شتابى شينجياڭعا كومەكتەسۋدەگى كوپىرلىك، دانەكەرلىك رولىن تولىق ساۋلەلەندىرىپ، ”سانجى قاجەتىن“، ”فۋجيان كۇشىن“، سونداي - اق فۋجيان − سانجى ەكى جەردىڭ بازارى مەن بايلىق ابزالدىلىعىن تياناق ەتىپ تۇعىر ورناتۋعا، ارنانى ىركىلىسسىزدەندىرۋگە، سىرتقا ساتۋدى كەڭەيتۋگە كۇش سالدى. سيلىق تولىقتاما قاراجاتىن ورنالاستىرىپ، فۋجيان ولكەسىندەگى جەر - جەردىڭ 60 ”فۋجياننىڭ شينجياڭعا كومەكتەسۋى بويىنشا سانجى ەرەكشە ونىمدەر دۇكەنىن“ اشۋىنا قولداۋ كورسەتىپ، سانجىنىڭ 180 ءتۇرلى اۋىل شارۋاشىلىق ەرەكشە ونىمدەرىن ساتىپ، جىلدىق ساتۋ سوماسىن 100 ميلليون يۋانعا جەتكىزدى. شينجياڭعا كومەكتەسۋ قاراجاتىن ورنالاستىرىپ، ءارقايسى كومەك قابىلداۋشى اۋدان، قالالاردىڭ ەلەكتروندى ساۋدا تۇعىرىن قۇرۋىنا، ينتەرنەت جۇرگىزۋشىلەرىن باۋلۋىنا كومەك كورسەتىپ، جەرگىلىكتى ورىننىڭ ەرەكشە ونىمدەرىن ينتەرنەت جەلىسىندە ساتۋ قابىلەتىن جوعارىلاتىپ، سانجى وبلىسىنىڭ ەرەكشە اۋىل شارۋاشىلىق ونىمدەرىن سىرتقا ساتۋ سوماسىنىڭ ءار جىلى 600 ميلليون يۋاننان اسۋىن كوپ ءتۇرلى شارالاردى قاتار قولدانا وتىرىپ ىلگەرىلەتتى.
3 جىلدان بەرى فۋجيان شينجياڭعا كومەكتەسۋدە نازاردى حالىق تۇرمىسى قۇت - ىرىسىنا شوعىرلاندىرىپ، 231 جوسپار ىشىندەگى شينجياڭعا كومەكتەسۋ نىسانىن اتقارىپ، جوسپار ىشىندەگى شينجياڭعا كومەكتەسۋ قاراجاتىنىڭ ％90ىن حالىق تۇرمىسى سالاسىنا جۇمسادى.
فۋجيان شينجياڭعا كومەكتەسۋدە نازاردى ءتۇيىندى كاسىپ سالالارىنا، ءىرى كاسىپورىنداردى شاقىرىپ، قۋاتتى كاسىپورىنداردى ەنگىزۋگە، تىزبەكتى تولىقتاۋعا، تىزبەكتى كۇشەيتۋگە شوعىرلاندىرىپ، كورمە - ءماجىلىس تۇعىرىنان تولىق پايدالانىپ، تۇيىندە تۇرىپ ساۋداگەر شاقىرۋ، باعىتتامالى ساۋداگەر شاقىرۋ، ساۋدا ارقىلى ساۋداگەر شاقىرۋ، بىرلەسىپ ساۋداگەر شاقىرۋ، ينتەرنەت جەلىسىندە ساۋداگەر شاقىرۋ سياقتى تاسىلدەر ارقىلى تاماشا نىسانداردىڭ، ءىرى نىسانداردىڭ سانجىعا ىرگە تەبۋىن تەزدەتتى. 2020 - جىلدان بەرى ساۋداگەر شاقىرىپ قارجى ەنگىزۋ بويىنشا جالپى 142 نىساننىڭ تياناقتانۋىن جۇزەگە اسىردى، بۇعان قوسىلعان جالپى قارجى 45 ميلليارد 519 ميلليون يۋان بولدى. وسى نىسانداردىڭ جەتەكتەۋ سيپاتى كۇشتى، باياندى بولۋى ويداعىداي، جالپىلىق ونىمدىلىگى جوعارى بولىپ، سانجى وبلىسى كاسىپ سالاسىنىڭ تيبىن جاڭالاپ، دارەجەسىن ءوسىرۋىن، ەكونوميكانىڭ جوعارى ساپالى دامۋىن پارمەندى ىلگەرىلەتتى.
بويعا قاراي تون ءپىشتى
دالمە - ءدال كومەك كورسەتتى ءارى ”بالىق اۋلاۋدى ۇيرەتتى“
2022 - جىلى 6 - ايدىڭ 25 - كۇنى فۋجيان ولكەسىنەن ەنگىزگەن 20 مىڭ ۋيحۋاڭ، ۋيزى شاباق بالىعى جەمسارى اۋدانى بەيتيڭ قالاشىعى جاۋشياڭ باعىمشىلىق كاسىپتىك سەلبەستىك كووپەراتيۆىنىڭ بالىق كولشىگىنە سالىندى، بۇل فۋجياننىڭ شينجياڭعا كومەك كورسەتۋدەگى اۋىل شارۋاشىلىق تەحنيكا دارىندىسى، بالىق شارۋاشىلىعى مامانى يوۋ شياۋتيڭ جاۋاپتى بولعان شينجياڭنىڭ تۇڭعىش رەت ەنگىزگەن تەڭىز بالىعى نىسانىنىڭ تابىستى بولعاندىعىن كورسەتەدى.
”بالىق اۋلاپ بەرگەننەن گورى، بالىق اۋلايتىن قارماق بەرگەن ابزال“. فۋجيان شينجياڭعا كومەكتەسۋدە قانداي كادر - دارىندى تاپشى بولسا، سونداي كادر - دارىندىنى جىبەرىپ، ۇزدىكتەرىن تاڭداپ، تاڭداۋلىلارىن جىبەرۋدى، قامداۋ مەن سۇرانىستى ءوزارا سايكەستىرۋدى ورىندادى.
3 جىلدان بەرى فۋجيان ولكەسىنىڭ وقۋ - وقىتۋ، ەمدەۋ - دەنساۋلىق ساقتاۋ، اۋىل شارۋاشىلىق عىلىم - تەحنيكاسى، ۇگىت - مادەنيەت، نىسان - ەكونوميكا، كاسىپورىن باسقارۋ سياقتى كوپتەگەن سالالارىنان كەلگەن كاسىپتىك تەحنيكالىق دارىندىلار وزىق قىزمەت ۇستانىمى مەن وزىق تەحنيكانى سانجى وبلىسىنىڭ ەكونوميكالىق، قوعامدىق دامۋ بارىسىنا ساباقتاستىرىپ، سانجى وبلىسىنداعى كادر - بۇقارانىڭ كوز اياسىن كەڭەيتۋىنە، قابىلەتتەرىن جوعارىلاتۋلارىنا كومەكتەستى.
سالاماتتىققا ءمان بەرىپ، ”ەمدەۋ ۇيىرمەسى“ تۇراقتاپ تۇراتىن ەمدەۋ تىرەكتىلەرى قوسىنىن تۇلعالادى. 3 جىلدان بەرى سانجىعا باعىتتامالى كومەكتەسەتىن فۋجيان ولكەسىنىڭ ”ۇيىرمە قۇراۋ ۇلگىسى“ بويىنشا ەمدەۋ دارىندىلارى جيىنى 290 مىڭعا تاياۋ ادامنىڭ (رەت) اۋرۋىن كورىپ، الۋان ءتۇرلى 15 مىڭ (رەت) وپەراتسيا جاساپ، نەگىزگى ساتىنى ىشكەرىلەي ارالاپ، 390 رەت تەگىن ەمدەۋ ورىستەتتى، اۋرۋ كورسەتكەن بۇقارا 50 مىڭ ادامعا (رەت) تاياپ، قۇنى 500 نەشە مىڭ يۋاندىق ءدارى - دارمەكتى تەگىن تاراتتى. 3 جىلدان بەرى فۋجياننان شينجياڭعا كومەككە كەلگەن شيپاگەرلەر كومەك قابىلداعان جەرلەردىڭ ەمدەۋ تەحنيكا دەڭگەيىن جوعارىلاتۋعا دەم بەرىپ، 322 ەمدەۋ جاڭا تەحنيكاسى ءتۇرىن ەنگىزىپ، 39 جاڭا ءبولىم قۇرىپ، ”ەمدەۋ دارىندىلارىنىڭ ۇيىرمە قۇراۋ ۇلگىسى“ بويىنشا شينجياڭعا كومەكتەسۋدە سانجى وبلىسىنا تۇراقتاپ تۇراتىن ەمدەۋ تىرەكتىلەرى قوسىنىن تۇلعالادى.
سەنترگە تارتۋ كۇشىن ۇيىستىرىپ، ”وقۋ - اعارتۋدا ۇيىرمە قۇراۋ فورماسىمەن“ ساپالى وقۋ - اعارتۋدان ۇلگى كورسەتۋدە تابىستى بولدى. فۋجياننان شينجياڭعا كومەككە كەلگەن وقىتۋشىلار دەن قويا، سۇيىسپەنشىلىكپەن ءبىلىم ۇيرەتىپ، ادام تاربيەلەپ، مەكتەپتەردە جيىنى شامامەن 3000 رەت ساباق تىڭداپ ساباق باعالاۋ جۇرگىزىپ، 561 رەت ءار دارەجەلى اشىق ساباق وتكىزىپ، ايگىلى وقىتۋشىلار كەڭسەسىنەن 15ىن قۇردى، جۇپ قۇراعان وقىتۋشى - وقۋشى 231 جۇپ بولدى.
”قاينار قوزعاۋشى كۇشىن“ جانداندىرىپ، ”ەكونوميكادا ۇيىرمە قۇراۋ“ ارقىلى جوعارى ساپالى دامۋعا قۋات ۇستەدى. 3 جىلدان بەرى فۋجيان ولكەسى 3 توپقا ءبولىپ اۋىل شارۋاشىلىعى تەحنيكا دارىندىلارىنان 126 ادامدى تاڭداپ جىبەرىپ، شينجياڭدا اۋىل شارۋاشىلىعىن قولداۋ قىزمەت وتەۋىن ورىستەتتى. اۋىل شارۋاشىلىعى تەحنيكا دارىندىلارى ەگىن، مال شارۋاشىلىعى، بالىقشىلىق كاسىبىندەگى ءوندىرىس ماسەلەسىنەن 429ىن شەشۋگە كومەكتەسىپ، ”ايگىلى، ساپالى، ەرەكشە، جاڭا“ تۇردەن 271ىن ەنگىزىپ، وزىق قولدانىلمالى تەحنيكادان 150 ءتۇرىن جالپىلاستىردى. باسقا سالالارداعى شينجياڭعا كومەككە كەلگەن دارىندىلار قىزمەت ورنىن تياناق ەتىپ، ارتىقشىلىقتارىن ساۋلەلەندىرىپ، فۋجياننىڭ كاسىپ سالاسى ىستەرى جونىندەگى دامۋ وي جەلىسى، وزىق تەحنيكا، باسقارۋ تاجىريبەسى سياقتىلاردى سانجىعا اكەلىپ، جەرگىلىكتى ورىننىڭ دامۋىنا جاڭا ومىرشەڭدىك كۇش قوستى.
3 جىلدان بەرى وقۋشىلار اسىعا كۇتكەن جاڭا وقىتۋ عيماراتتارى ەڭسە كوتەرىپ، بۇقارا اسىعا كۇتكەن شيپاحانالار ءۇيىنىڭ جانىندا قۇرىلدى... جۇرت جۇرەگىن جىلىتاتىن وسى كورىنىستەر شينجياڭعا كومەككە كەلگەن كادر - دارىندىلاردىڭ دەن قويا، اقىل - پاراساتىمەن، سۇيىسپەنشىلىگىمەن شينجياڭعا كومەكتەسۋىنىڭ سۇبەلى جەتىستىگىن ايگىلەدى.
شينجياڭدى مادەنيەتپەن نارلەندىرىپ
كوركەم جاڭا كارتينانى بىرگە كەسكىندەدى
بيىل جاڭا جىلدا موري قازاق اۆتونوميالى اۋدانى دانانگوۋ وزبەك اۋىلىندا مەملەكەت دارەجەلى بەيزاتتىق مادەنيەت مۇرا نىسانى − جاڭجوۋ اعاش ويما مەرەكەلىك سۋرەتىنىڭ فۋجيان ولكە دارەجەلى جالعاستىرۋشىسى يان چاۋجۇن قىستاق تۇرعىندارىمەن شاتتىقپەن باس قوسىپ، سول ورىندا قىستاق تۇرعىندارىنا اعاش ويما مەرەكەلىك سۋرەتىن جاساۋدى ۇيرەتتى. قىل قالامدى سياعا ماتىرىپ، قىزىل قاعازدى جايىپ، ۇستىنە تەگىستەپ ورنەك سالدى... ءاپ - ساتتە ”福“ ءارپى باسىلعان قىزىل ءتۇستى اعاش ويما مەرەكەلىك سۋرەتى وزبەك قىز جاڭاگۇلدىڭ قولىنان جاسالىپ شىقتى.
مۇنداي مادەنيەت اۋىس - كۇيىسى جاڭجوۋ ”جاڭبىرمەن نارلەنگەن توراڭعى“ شينجياڭدى مادەنيەتپەن نارلەندىرۋ قىزمەتىن ورىستەتۋدىڭ ارقاسى. جاڭجوۋ قالاسىندا 100دەن استام بەيزاتتىق مادەنيەت مۇرالارىن قورعاۋ نىسانى بار بولىپ، فۋجيان ولكەسى بويىنشا الدىڭعى قاتاردى يەلەيدى. ”جاڭبىرمەن نارلەنگەن توراڭعى“ جەلىلەس قيمىلى ەكى جەردەگى ادامداردىڭ جانە مادەنيەتتىڭ ارالاسۋىن، ىشتەسۋىن، توعىسۋىن تەرەڭدەتىپ، شينجياڭدى مادەنيەتپەن نارلەندىرۋدىڭ رۋحاني مازمۇنىن بايىتتى.
كەرۋەن قوڭىراۋى جاڭعىرىپ، شينجياڭدى مادەنيەتپەن نارلەندىرۋ توعىستى. 2020 - جىلدان بەرى فۋجيان 200دەن استام رەت فۋجيان − سانجى ەكى جەردىڭ ءتۇرلى مادەنيەت اۋىس - كۇيىس قيمىلىن ۇيىمداستىرىپ ورىستەتتى. ”قىزىل مادەنيەتپەن شەكارا ءوڭىردى نارلەندىرۋ“، ”قىزىل ارميا باسقان جولدى قايتا باسۋ“ سياقتى نەگىزگى تاقىرىپتىق قيمىلداردى ورىستەتىپ، قىزىل مادەنيەتتى بار كۇشپەن اسقاقتاتتى؛ ”لين زىشۇي جاساتقان تاس جولدى قايتا باسۋ. جىبەك جولىنداعى شينجياڭعا كومەكتەسۋ سۇيىسپەنشىلىگى“ نەگىزگى تاقىرىپتىق تىلشىلىك ىستەۋ قيمىلىن ۇيىمداستىرىپ، ۇلى وتانشىلدىق رۋحتى اسقاقتاتتى؛ ”جۋزى مادەنيەتىن مەكتەپتەرگە ەنگىزۋ“ سياقتى قيمىلداردى ورىستەتىپ، جۇڭحۋانىڭ تاڭداۋلى ءداستۇرلى مادەنيەتىن جالعاستىردى، تاراتتى.
”ينتەرنەت +“ مادەنيەت اۋىس - كۇيىس تۇعىرىن ورناتىپ، سانجى وبلىسىنىڭ 2 كەزەك ينتەرنەت مادەنيەت مەرەكەسىن، 3 كەزەك تيانشان تالقىسى جاڭا مەديالارمەن ”كەزدەسۋ“ تالقى مىنبەرىن وتكىزۋىنە كومەكتەسىپ، ينتەرنەت مادەنيەتىIP ”جەتى قىلىشكەردىڭ تيانشانعا كەلۋى“ فيلمىن تۇلعالاپ، مۋزيكالى تەاتر «سەرت»، ميكرو كينو «بەيتيڭ كەشىرمەلەرى»، حۇجاتتى فيلم «بايتاق سانجى» سياقتىلاردى جاساۋعا قولداۋ كورسەتىپ، جاڭا ءداۋىردىڭ نەگىزگى اۋەنىن كۇش سالا اسقاقتاتىپ، شينجياڭنىڭ تاماشا وبرازىن جانە فۋجيان مەن شينجياڭنىڭ قول ۇستاسا بىرگە ىلگەرىلەگەن رۋحاني كەلبەتىن كوپ تۇرعىدان ايگىلەدى.
كومەك بەرگەن، كومەك قابىلداعان ەكى جەردىڭ ەمدەۋ، وقۋ - اعارتۋ، مادەنيەت، ساياحات جانە اۋىل - قىستاقتى گۇلدەندىرۋ سياقتى سالالاردا سەلبەسىپ بىرگە قۇرۋدى كۇشەيتۋىن سايكەستىردى. فۋجيانداعى 3A دارەجەلى 13 شيپاحانا سانجى وبلىسىنداعى اۋدان دارەجەلىدەن جوعارى 13 شيپاحانامەن جۇپ قۇراپ بىرگە قۇردى؛ فۋجيان ولكەسىندەگى قاتىستى مەكتەپتەر سانجى وبلىسىنداعى 44 مەكتەپپەن جۇپ قۇراپ بىرگە قۇردى؛ فۋجيانداعى 4 داشۋە سانجى وبلىسىندا قىزمەتكەرلەر - وقىتۋشىلار بىرلەستىگىن قۇردى؛ فۋجيان ولكەسىنەن شينجياڭعا كومەككە كەلگەن 84 كادر - دارىندى 134 وتباسىنداعى از ۇلت بۇقاراسىمەن تۋىس بولىپ جۇپ قۇرادى...
تاۋ اسىپ، وزەندى ەندەي ءوتىپ، جاڭا باستامادا فۋجيان شينجياڭعا باعىتتامالى كومەكتەسۋدە ۇزدىكسىز زەيىن - زەردەسى مەن كۇش - قۋاتىن ارناي وتىرىپ تيانشان باۋرايىندا اناعۇرلىم تاماشا جاڭا تاراۋدى ۇزدىكسىز جازادى.
