− شەتەلدەگى جۇڭگو ءتىل - جازۋىنداعى مەديا قىزمەتكەرلەرى شينجياڭعا كەلدى
□ انار بۇلت \ شينجياڭ گازەتىنىڭ ءتىلشىسى ميھىرگۇل عوپۇر
”شينجياڭداعى ساپارىمىز سونداي ءساتتى بولدى، مەن شينجياڭدا كورگەن - بىلگەندەرىمدى بۇكىل دۇنيە جۇزىنە جەتكىزەمىن“، - دەدى 7 كۇندىك ەكسكۋرسيا، ساپارىن اياقتاتقاننان كەيىن كامبودجا «كامبودجا گازەتىنىڭ» باس رەداكتورى ان جيا تەبىرەنە.
5 - ايدىڭ 19 - كۇنىنەن 25 - كۇنىنە دەيىن شەتەلدەگى جۇڭگو ءتىل - جازۋىنداعى مەديالاردىڭ جوعارى دارەجەلى ءبىلىم اسىرۋ جانە جۇڭگونى (شينجياڭ) سەزىنۋ ەكسكۋرسيا، ساپار ۇيىرمەسى شينجياڭعا ەكسكۋرسيالاي، ساپارلاي كەلدى، ەكسكۋرسيا، ساپار ۇيىرمەسىنىڭ مۇشەلەرى ءۇرىمجى قالاسىنا، قاشقار ايماعىنا ىشكەرىلەي بارىپ، كاسىپورىن، الەۋمەتتىك اۋماق، كورىنىس ءوڭىرى، اۋىل - قىستاق، مەشىت سياقتىلاردى ارالاپ، ءار ۇلت بۇقاراسىمەن ىشكەرىلەي اڭگىمەلەسىپ، شينجياڭنىڭ قوعامى ورنىقتى، ەكونوميكاسى دامىعان، ۇلتتارى ىنتىماقتى، ءدىن جاراسىمدى، مادەنيەتى گۇلدەنگەن، ساياحاتى قارىشتاپ دامىعان ناقتى جاعدايىن شىنايى سەزىندى.
شينجياڭ مۇراجايىنىڭ 2 - مەرزىمدىك جاڭا سارايىنىڭ «شينجياڭ تاريحي مادەني ەسكەرتكىشتەر كورمەسى» كورمە زالىنداعى چين پاتشالىعىنان چيڭ پاتشالىعىنا دەيىنگى قىمباتتى مادەني ەسكەرتكىشتەر تاريح كەرۋەنىندە شينجياڭدا تۋىلعان حيكايالاردى جىم - جىرت بايانداپ تۇر. ەكسكۋرسيا، ساپار ۇيىرمەسىنىڭ مۇشەلەرى ءالسىن - ءالى كىدىرىپ، ءتۇسىندىرۋشىنىڭ تانىستىرۋىن مۇقيات تىڭداپ، مادەني مۇرالاردىڭ استارىنداعى اڭگىمەلەردى سۇراپ ۇعىستى. ”ۋاقىت كەڭىستىگىنەن ەندەي وتكەن مادەنيەت ساپارى سياقتى، ءارى اسەرلى، ءارى ۇمىتىلمايدى“. كانادا تەلەۆيزيا - مەديا ستانسياسىنىڭ باستىعى جۋ فىڭجيە تەبىرەنە بىلاي دەدى: شينجياڭعا تۇڭعىش رەت كەلۋىم، جۇڭحۋا وركەنيەتىنىڭ تەرەڭدىگى مەن شۇعىلاسىن شىنايى سەزىندىم، شينجياڭنىڭ ەجەلدەن بەرى جۇڭگو تەرريتورياسىنىڭ ايرىلماس ءبىر بولىگى ەكەنىن اناعۇرلىم شىنايى سەزىندىم.
شينجياڭ ءىسلام ءدىنى شۋەيۋانىندا ەكسكۋرسيا، ساپار ۇيىرمەسىندەگىلەر وقىتۋ عيماراتى، كىتاپحانا، وقۋشىلار اسحاناسى، ناماز وتەۋ زالى سياقتىلاردى ەكسكۋرسيالادى. ”كەرەمەت ەكەن“! فيليپپين «ساۋدا گازەتىنىڭ» اتقارۋشى باس رەداكتورى ساي يوۋميڭ بىلاي دەدى: ”ءبىز جۇڭگو ۇكىمەتىنىڭ ءدىني سەنىم ەركىندىگىن قامتاماسىز ەتكەندىگىن كورە بىلۋمەن بىرگە، جۇڭگو ۇكىمەتىنىڭ ءدىني دارىندىلاردى باۋلۋعا وسكەلەڭ ءمان بەرگەندىگىن دە بىلدىك، بۇل سىرتتا تارالعان كەيبىر ايتىلىمداردان مۇلدە باسقاشا ەكەن. ءبىز شىنايى، وبيەكتيۆ شينجياڭدى سەزىندىك، بۇل دا ءبىزدىڭ قايتىپ بارعاننان كەيىن دۇنيە جۇزىنە جەتكىزەتىن ءۇنىمىز“، - دەدى ول.
ءۇرىمجى حالىقارالىق قۇرلىقتىق پورت رايونىندا ەكسكۋرسيا، ساپار ۇيىرمەسى ”ءبىر بەلدەۋ، ءبىر جولدى“ بىرگە قۇرۋدىڭ ىشكەرىلەي ىلگەرىلەتىلۋىنە ىلەسە شينجياڭنىڭ ەندىگارى شەت - شالعاي ءوڭىر ەمەس، قايتا وزەكتى ءوڭىر، توراپ ءتۇيىنى ءوڭىرى بولعاندىعىن ۇعىندى. كوپشىلىك جابال بىلاي دەستى: حالىقارالىق قۇرلىقتىق پورت رايونىنىڭ گۇلدەنۋى، دامۋى شينجياڭنىڭ سىرتقا ەسىك اشۋدى كەڭەيتۋىنىڭ ىقشام كورىنىسى، كورىكتى شينجياڭ كوپتەگەن ادامداردى قارجى قوسىپ، كاسىپتى گۇلدەندىرۋگە باۋراۋدا.
ۇرىمجىدەن قاشقارعا دەيىن، جول بويى كورگەن سالت - سانا مادەنيەت سالتى ەكسكۋرسيا، ساپار ۇيىرمەسىنىڭ مۇشەلەرىن قاتتى تامساندىردى. شينجياڭدا ساياحاتتىڭ قاۋىرت مەزگىلىنىڭ كەلۋىنە ىلەسە، شينجياڭ حالىقارالىق ۇلكەن بازارى مەن قاشقار بايىرعى قالاسى قىزۋ دۋمانعا بولەندى. كوزدىڭ جاۋىن الاتىن تاۋارلار، سىلەكەيىڭدى شۇبىرتاتىن ءدامدى تاعامدار، قوناعۋار جەرگىلىكتى بۇقارا... ەكسكۋرسيا، ساپار ۇيىرمەسىنىڭ مۇشەلەرى جەرگىلىكتى تۇرعىندارمەن جانە ساياحاتشىلارمەن بىرگە ءدامدى تاعامداردان ءدام تاتىپ، ويىن - ساۋىق كورىپ، سۋرەتكە ءتۇسىپ ەستەلىك قالدىردى.
”شينجياڭ حالقىنىڭ تۇرمىسى تاماشا، باقىت كورسەتكىشى وتە جوعارى ەكەن“! بيرما «جينفىڭحۋاڭ گازەتىنىڭ» اتقارۋشى باس جوراسى جاڭ چۇڭ اراعا 4 جىل سالىپ شينجياڭعا تاعى كەلدى، ”مەن ’شينجياڭ جاقسى جەر‘ ەكەنىن اناعۇرلىم تەرەڭ سەزىندىم، جوعارى قارقىندى پويەز، مەترو سياقتى قاتىناس ءجۇرىس - تۇرىسقا وتە قولايلى بولىپ، ءار ۇلت بۇقاراسى تىنىش ءومىر، شات - شادىمان تىرشىلىك كەشىرۋدە ەكەن“.
ساپارلاي ءجۇرىپ، جول بويى كورىپ، جول بويى ەستەلىك الدى، ەكسكۋرسيا، ساپار ۇيىرمەسىنىڭ مۇشەلەرى بارعان جەرلەرىندە قول تەلەفوندارىن، فوتو اپپاراتىن الىپ شىعىپ كورگەن - بىلگەندەرىن مۇقيات ەستەلىككە الدى ءارى وتباسىنداعىلارمەن جانە دوس - جاراندارىمەن ءبولىستى. كوپشىلىك ءبىر اۋىزدان تەبىرەنە: ۋاقىت قىسقا بولعانىمەن، شينجياڭداعى بار نارسە كوپشىلىككە تەرەڭ اسەر قالدىردى، شىندىقتى بىلگىڭىز كەلسە، ءسوز جوق، شينجياڭعا كەلىپ ارالاپ كورىڭىز. شينجياڭنىڭ قوعامى ورنىقتى جانە حالقى تىنىش ءومىر، شات - شادىمان تىرشىلىك كەشىرۋدە، كەيبىر باتىس مەديالارىنىڭ شينجياڭعا قاتىستى جالعان ينفورماتسيالارى اۋىزعا الۋعا تاتىمايدى، ءسوز جوق، ءوز كوزىمىزبەن كورگەن شينجياڭدى ءتىپتى كوپ اداممەن بولىسەمىز، ءتىپتى دە كوپ دوستارىمىزدىڭ شينجياڭعا كەلىپ، ناعىز شينجياڭدى ءتۇسىنۋىن ءۇمىت ەتەمىز.
