جيليننىڭ شينجياڭعا كومەكتەسۋى
جيلين جەلى التايعا جىلۋ اكەلدى
□ انار بۇلت \ شينجياڭ گازەتىنىڭ ءتىلشىسى جاڭ تيڭ، ەرىكتى ءتىلشى حۋ جۇنشيۋ
3 جىلدان بەرى جيلين ولكەسىنىڭ شينجياڭعا باعىتتامالى كومەكتەسۋ قىزمەتى الدىڭعى شەپ قولباسشىلىق شتابى التاي ايماعىنىڭ ەرەكشە كاسىپ سالاسى، اۋىل - قىستاقتى گۇلدەندىرۋ، قار - مۇز ساياحاتى سياقتى ءتۇيىندى سالالارىن ارقاۋ ەتىپ، قايراتتانا ۇمتىلىپ، مىندەتىن وتەپ، جاۋاپكەرشىلىگىن ادا ەتىپ، ءبىر توپ نىساندار ىركەس - تىركەس تياناقتانىپ، ءبىر - بىرلەگەن ناقتى ىستەر تياناقتانىپ، تامىر تارتىپ، شينجياڭعا باعىتتامالى كومەكتەسۋ قىزمەتىندە جارقىن تۇيىندەر ءجيى جارىققا شىعىپ، قار قالاسى التايعا تەلەگەي قوزعاۋشى كۇش ۇستەدى.
ەرەكشە كاسىپ سالاسىنىڭ ساپاسىن جوعارىلاتىپ، ونىمدىلىگىن ارتتىردى
قازىر قابا اۋدانىنىڭ كولباي قالاشىعىنداعى جۇڭي ءدارى ءشوبى بوتاشىقتان مول ءونىم الىنۋ الدىندا تۇر. 4 - ايدىڭ 27 - كۇنى وسى اۋداننىڭ كولباي قالاشىعىنداعى جۇڭي ءدارى ءشوپ ەگىمشىلىك بازاسىنىڭ جيىن - تەرىن جۇمىس باسىندا ءدارى ماتەريالدارىن جينايتىن 3 ءىرى تۇرپاتتى ماشينا ارلى - بەرلى قايشالىسىپ ءجۇر، نەشە ونداعان جۇمىسشى تەرۋ، تۇرگە ايىرۋ، اۆتوكولىككە تيەۋ سياقتى جۇمىستاردى دابىرالى جۇرگىزۋدە، ەگىنشى ليۋ شيحۋان بىلاي دەدى: ”بىلتىر ءبىز 700 نەشە مۋ جەرگە بوتاشىقتى سىناق رەتىندە ەكتىك، بيىل ءونىم الىناتىن بولدى. جاس كۇيدەگى بوتاشىقتىڭ ءار كيلوگرامىنىڭ بازارداعى باعاسى 13 يۋان، كەپتىرىلگەن زاتىنىڭ ءار كيلوگرامىنىڭ بازارداعى باعاسى 58 يۋان، جالپى جاقتان پايداسى اجەپتاۋىر جاقسى“.
ءداستۇرلى قازاق ءدارى - دارمەكتەرىنىڭ شوعىرلى دامۋىن سۇيەمەلدەۋ − جيليننىڭ كاسىپ سالاسى ارقىلى شينجياڭعا كومەكتەسۋىنىڭ ەندى ءبىر جولى.
سوڭعى جىلدارى التاي ايماعىنىڭ جاعراپيالىق باسىمدىعىمەن ۇشتاستىرىپ، جيليننىڭ شينجياڭعا كومەكتەسۋ ۇجىمى چاڭچۇن جۇڭگوشا ەمدەۋ، ءدارى - دارمەك داشۋەسىن، جيلين اۋىل شارۋاشىلىعى داشۋەسىن التاي ايماقتىق جۇڭي شيپاحاناسىمەن، اۋىل شارۋاشىلىعى، اۋىل - قىستاق مەكەمەسىمەن سەلبەستىكتى تەرەڭدەتۋگە سايكەستىرىپ، جۇڭي ءدارى ءشوپ كاسىپ سالاسىن دامىتۋ جوباسىن جاساپ، جۇڭي دارىلەردىڭ جاساۋلى ءدارى - دارمەكتەرىن زەرتتەپ اشىپ، سورتتى كوشەت جەتىلدىرۋدەن ۇلگى كورسەتۋ بازاسىن جانە ساپالى ءدارى ماتەريالدارى ەكولوگيالىق ەگىمشىلىگىنەن ۇلگى كورسەتۋ بازاسىن قۇرۋدى ىلگەرىلەتىپ، جۇڭي ءدارى ءشوپ تۇقىمىنان 40 ءتۇرىن ەنگىزىپ جەتىلدىرۋ سىناعى، 15 ءتۇرلى ساپالى جابايى جۇڭي ءدارى ماتەريالدارى تۇقىمىن ەنگىزىپ جەتىلدىرۋ سىناعى جانە ”استىق پەن ءدارى“، ”ءشوپ پەن ءدارى“، ”دارى مەن ءدارى“ سىندى 3 ءتۇرلى فورماداعى ارالاستىرا ەگۋ ۇلگىسى سياقتىلاردى ورىندادى. سونىمەن بىرگە جيلين ولكەسىندەگى جۇڭي ءدارى ماتەريالدارىن وندىرەتىن ايگىلى 10 نەشە كاسىپورىندى التاي ايماعىنا بارىپ تەكسەرۋ جۇرگىزۋگە ۇيىمداستىرىپ، جالپىلىق تۇتىنىلاتىن جۇڭي ءدارى ماتەريالدارىنىڭ جاسىل، ولشەمدەنگەن ءوندىرىس بازاسىن قۇرۋدى جەدەلدەتىپ، التاي ايماعىنىڭ جۇڭي ءدارى ءشوپ كاسىپ سالاسىنىڭ باياندى دامۋىن جەبەدى.
قازىر التاي ايماعىندا التاي قالاسىن، قابا اۋدانىن، بۋرىلتوعاي اۋدانىن، شىڭگىل اۋدانىن نەگىز ەتكەن جۇڭي ءدارى ماتەريالدارىن ءوندىرۋ ءوڭىرى العاشقى قادامدا قالىپتاستى. مۇنان سىرت، جيلين اۋىل شارۋاشىلىق داشۋەسىنىڭ نىسان ۇجىمى تاعى التاي ايماعىنىڭ ەرەكشە ءدارى ماتەريالدارى ميا، شۇعىنىق، جەرشاشاق، كيەلى ەرمەن سياقتىلاردىڭ حيميالىق قۇرامىنا، ساپا ولشەمىنە جانە دارىلىك رولىنا جۇيەلى زەرتتەۋ جۇرگىزدى؛ حايۋاناتتاردىڭ تۇيىرشىك جەمى، مەرگيا - شاشىراتقى تەز ەريتىن كوفە، مەرگيا - شىرعاناق اراعى، جەلىلەس ساماۋىر سورپاسى تۇزدىقتارى سياقتى ونىمدەردى اشتى، جۇڭي ءدارى شوپتەرىنە قاتىستى زەرتتەۋ جەتىستىگى ەل ىشىندە 6 ءتۇرلى پاتەنتكە يە بولدى، 3 ءتۇرلى حالىقارالىق وكىلەتتى پاتەنتكە، 4 ءتۇرلى سىرتقى كورىنىسىن جوبالاۋ پاتەنتىنە قول جەتكىزدى.
”ءبىز تاعى شينجياڭداعى العاشقى ’ولكە دارەجەلى تەكسەرۋ - ولشەۋ قۇرىلىمىنىڭ تولىمدىلىعىن تۇراقتاندىرۋىنا (CMA)، اۋىل شارۋاشىلىعى ونىمدەرىن تەكسەرۋ قۇرىلىمىنىڭ تەكسەرىپ ماقۇلداۋىنا (CATL) يە بولعان جانە جۇڭگو تولىمدىلىقتى تۇراقتاندىرۋ بويىنشا مەملەكەتتىك ماقۇلداۋ كوميتەتىنە (CNAS) ءوتىنىش ەتۋگە ۇيلەسەتىن، سونداي - اق تۇقىمدىق زات بايلىعى كارتاسى (كەستە) قامباسىن زەرتتەۋ جانە اشۋ ءىسىن ورىستەتۋگە بولاتىن‘ تەكسەرۋ - ولشەۋ قۇرىلىمىن قۇردىق“. جيلين ولكەسىنىڭ 4 - توپتا شينجياڭعا كومەكتەسۋ قىزمەتى الدىڭعى شەپ قولباسشىلىق شتابىنىڭ باس قولباسشىسى يۇي حۋاياڭ مىنانى ءبىلدىردى: جۇڭي ءدارى ءشوپ كاسىپ سالاسىن دامىتۋ ارقىلى التاي ايماعىنىڭ اۋىل - قىستاقتى گۇلدەندىرۋىن ونان ارى ىلگەرىلەتىپ، ەگىنشى - مالشىلاردىڭ كىرىستى ارتتىرىپ، بايۋىن جۇزەگە اسىرامىز.
قار - مۇز سەلبەستىگى سۇبەلى جەمىس بەردى
ءار جىلى قىس ماۋسىمىندا چاڭبايشان تاۋىنان التاي تاۋىنىڭ ەتەگىنە دەيىن، سۇڭحۋاجياڭ وزەنى جاعاسىنان ەرتىس وزەنى جاعاسىنا دەيىن، ۇزىننان - ۇزاققا سوزىلىپ مۇز قۇرسانىپ، قار جاستانىپ جاتقان كوركەم كورىنىس شاڭعى تەبەتىن سانسىز ساياحاتشىلاردى ايرىقشا باۋرايدى. قار - مۇز جۇمىسىن قايتكەندە جەتكىلىكتى ىستەپ، ”اق قاردى بايلىققا“ اينالدىرۋ جيلين ولكەسى حالقى مەن التاي حالقىنىڭ ورتاق نىساناسىنا اينالدى.
2021 - جىلى 3 - ايدىڭ 12 - كۇنى جيلين ولكەلىك ۇكىمەت پەن شينجياڭ ۇيعۇر اۆتونوميالى رايوندىق ۇكىمەت بەيجيڭدە ستراتەگيالىق سەلبەستىك جۇلگەلىك كەلىسىمىنە قول قويىپ، جۇڭگو (چاڭبايشان تاۋ سىلەمى − التاي تاۋ سىلەمى) قار - مۇز ەكونوميكاسىن جوعارى ساپالى دامىتۋ سىناق رايونىن بىرگە قۇرىپ، جيلين − التاي ەكى جەردىڭ ورتاق تانىمدى ۇزدىكسىز ۇيىستىرىپ، اۋىس - كۇيىستى، سەلبەستىكتى تەرەڭدەتىپ، قار - مۇز كاسىپ سالاسىنىڭ جوعارى ساپالى دامۋىن بىرگە ىلگەرىلەتۋىنە ماڭىزدى وراي اكەلدى.
وسى ءۇشىن جيلين ولكەسىنىڭ شينجياڭعا باعىتتامالى كومەكتەسۋ الدىڭعى شەپ قولباسشىلىق شتابى قار - مۇز ەكونوميكاسىن جوعارى ساپالى دامىتۋ سىناق رايونىنىڭ ستراتەگيالىق تالابىن مۇقيات تياناقتاندىرىپ، قار - مۇز كاسىپ سالاسىن جوبالاۋ، قار - مۇز باسەكەلى جارىس سپورتتارىن دامىتۋ سياقتىلار ارقىلى دەنە تاربيە ساياحاتىنداعى جاڭا قىزۋ تۇيىندەردى ۇزدىكسىز جەتىلدىرىپ، سۋىق جەر قار - مۇز ەكونوميكاسىن بار كۇشپەن دامىتتى.
تولىق ەمەس ساناققا قارعاندا، بىرنەشە جىلدان بەرى جيلين ولكەسىنىڭ شينجياڭعا باعىتتامالى كومەكتەسۋ قىزمەتى الدىڭعى شەپ قولباسشىلىق شتابى اۆتونوميالى رايون مەن التاي ايماعىنىڭ قاتىستى ۋاكىلدەر ۇيىرمەسى قاتىناسقان جۇڭگو − شىعىس سولتۇستىك ازيا كورمەسى، حالىقارالىق قار ويما كوركەمونەر كورمەسى سياقتى ساۋدا اۋىس - كۇيىس قيمىلىن 17 رەت جالعاستىردى؛ جيلين − شينجياڭ ەكى ولكە، رايونداعى جاستار مەن ورەندەردىڭ جىلدام سىرعاناۋ، تاۋ شاڭعىسى سياقتى ەرەكشە جارىستان 28 ءتۇرىن ۇشتاستىردى؛ جيلين ولكەلىك دەنە تاربيە مەكەمەسى سياقتى ورىنداردى التاي ايماعىنا بارىپ قار - مۇز ۇلكەن اۋماعىن قۇرۋ دارىندىلارى، قار - مۇز سپورتى وقىتۋشىسى سياقتىلاردى باۋلۋعا سايكەستىردى، 615 ادام باۋلىنۋ ارقىلى قاتىستى تولىمدىلىق كۋالىگىنە يە بولدى ءارى جۇمىستاندى؛ جيليننىڭ شينجياڭعا كومەكتەسۋى بويىنشا 15 رەت ارناۋلى پويەز جۇرگىزىپ، 47 كەزەكشى ۇشاق جالداپ، شينجياڭ سىرتىنان 25 مىڭنان استام ساياحاتشىنى التايعا كەلىپ ساياحاتتاۋعا ۇيىمداستىرىپ، التاي ايماعىنىڭ قار - مۇز كاسىپ سالاسىنىڭ دامۋىن بارىنشا ىلگەرىلەتتى.
جيلين ولكەسىنەن شينجياڭعا كومەككە كەلگەن كادر، كەزىندە التاي ايماقتىق مادەنيەت، دەنە تاربيە، راديو - تەلەۆيزيا جانە ساياحات مەكەمەسىنىڭ ورىنباسار باستىعى بولعان ياۋ تاۋ مىنالاردى ءبىلدىردى: ”ءبىز جيلين، شينجياڭ ەكى جەردىڭ قول ۇستاسا قۇلشىنۋىندا التايدىڭ قار - مۇز كاسىپ سالاسى دامۋىنىڭ جاڭا تاراۋىن اشاتىندىعىنا، قار - مۇز كاسىپ سالاسى دامۋىنىڭ سۇبەلى جەتىستىكتەرىنەن بىرگە يگىلىكتەنەتىندىگىنە سەنەمىز“.
اقىل - پاراسات جاعىنان شينجياڭعا كومەكتەسۋ ءداۋىر جاڭالاپ، دارەجەسىن ءوسىردى
4000 نەشە مامان، دارىندى التايعا كەلىپ يكەمدى قىزمەت وتەۋ جۇمىستارىن ورىستەتتى، دارىندىلاردى وركەندەتۋ بويىنشا 60تان استام جاڭالىق اشۋ تۇعىرى ماڭدايشالىق اسىپ جۇمىس جۇرگىزدى، شينجياڭ ءىشى - سىرتىنداعى جوعارى مەكتەپتەردەن وقۋ تاۋىسقان 100 نەشە وقۋشى التايعا كەلىپ قىزمەت ىستەدى... مۇندا جيليننىڭ ەڭبەگى زور.
التاي ايماقتىق ەرەكشە تاربيە مەكتەبىندە چاڭچۇن شىفان جوعارى دارەجەلى ارناۋلى ماماندىق مەكتەبى ءار جىلى ورىستەتەتىن وقىتۋ جەتكىزۋ قيمىلى جەرگىلىكتى وقىتۋشىلاردىڭ ءۇيىنىڭ الدىندا عانا جوعارى دارەجەلى مەكتەپتىڭ وقىتۋشىلىق تولىمدىلعى باۋلۋىنان يگىلكتەنۋىنە مۇمكىندىك جاساپ، وقىتۋشىلار مەن وقۋشىلاردىڭ قارسى الۋىنا بولەندى.
التاي ايماقتىق كاسىپتىك - تەحينكالىق شۋەيۋانىندا جاقىنعى 3 جىلدان بەرى جيلين ولكەسىنىڭ شينجياڭعا باعىتتامالى كومەكتەسۋ قىزمەتى الدىڭعى شەپ قولباسشىلىق شتابى ءبىر جارىم جىلدىق مەرزىممەن ورتا دارەجەلى كاسىپتىك مەكتەپ وقىتۋشىلارىنان 30 ادامدى، جوعارى دارەجەلى كاسىپتىك مەكتەپ وقىتۋشىلارىنان 19 ادامدى تاڭداپ جىبەرىپ، ۇيىرمە قۇراۋ ارقىلى ايماقتىڭ كاسىپتىك وقۋ - اعارتۋىنا كومەك بەردى، ۇيىرمە قۇراۋ ارقىلى شينجياڭعا كومەكتەسەتىن وقىتۋشىلاردى ساباقتىق پاندەر بويىنشا باۋلۋ، لەكسيا سويلەۋ، ايگىلى وقىتۋشىلار تالقى مىنبەرى سياقتىلاردان جيىنى 485 رەت وتكىزىپ، جەرگىلىكتى ورىنداعى وقىتۋشىلاردان 12 مىڭ 400 ادامدى(رەت) باۋلىدى. 5 جوعارى دارەجەلى كاسىپتىك مەكتەپتىڭ جاڭا ماماندىعىنا ءوتىنىش بەرۋ، 25 كاسىپتىك ساباق ولشەمدى قۇرىلىسى جانە وقىتۋى سياقتى كوپتەگەن قىزمەت مىندەتىن ورىندادى.
2020 - جىلدان 2022 - جىلعا دەيىن، جيلين ولكەسىنىڭ شينجياڭعا باعىتتامالى كومەكتەسۋ قىزمەتى الدىڭعى شەپ قولباسشىلىق شتابى شينجياڭعا كومەكتەسۋ قارجىسىنان 45 ميلليون 450 مىڭ يۋان جۇمساپ، ”كىشكەنتاي اق تەرەك“ جوسپارى نىسانىن قولداپ، باتىس بولىك جوسپارىنداعى جوعارى مەكتەپ بىتىرگەن ەرىكتىلەردەن ىگەرىندى - كەيىندى 805 ادام (رەت) ەنگىزىپ، قىزمەت وتەگەن ورىن التاي ايماعىنداعى 80 نەشە نەگىزگى ساتى مەكەمە - ورنىن قامتىدى، 2022 - جىلى جالعاستى تۇردە قىزمەت ىستەۋ مولشەرى ％37كە جەتىپ، التاي ايماعىنىڭ دارىندىلار قوسىنىنا سارقىلماس جاڭا قان قوستى.
سوڭعى جىلدارى جيلين ولكەسىنىڭ شينجياڭعا باعىتتامالى كومەكتەسۋ قىزمەتى الدىڭعى شەپ قولباسشىلىق شتابى ساياحات، وقۋ - اعارتۋ جانە ەمدەۋدە ”ۇيىرمە قۇراۋ“ ارقىلى كومەكتەسۋ مەن شۇعىل قاجەتتى، تاپشى قىزمەت ورىندارىنا ”دارىندىلاردى يكەمدى ەنگىزۋدى“ ءوزارا ۇشتاستىرۋ ءتاسىلى ارقىلى دارىندىلاردى يكەمدى ەنگىزۋ ارناۋلى شينجياڭعا كومەكتەسۋ قارجىسىنان جيىنى 15 ميلليون يۋاننان استام شىعارىپ، ەكونوميكا، فينانس، ۇلكەن ساندى مالىمەت، قار - مۇز، توعىسپالى مەديا، ەمدەۋ سياقتى جاقتارداعى ارناۋلى تەحنيكالىق دارىندىلاردان ىلگەرىندى - كەيىندى 265 ادام (رەت) ەنگىزىپ، ايماقتىڭ ءتۇرلى ىستەرىنىڭ دامۋىنا پارمەندى دارىندىلار تىرەگىن ازىرلەدى.
2021 - جىلى جيلين ساياحاتى − ”شاعىن ۇيىرمە قۇراۋ“ التاي ايماعىنىڭ ۇلتتار ىنتىماعى، العاباسارلىعىنداعى وزات كوللەكتيۆ اتاعىنا جانە جيلين ولكەسىنىڭ ”13 - بەسجىلدىقتاعى“ ۇلەس قوسۋ نەگىزگى تاقىرىپتىق امالياتتىق قيمىلىنىڭ 1 - دارەجەلى سيلىعىنا يە بولدى؛ 2020 - جىلى وقۋ - اعارتۋ دارىندىلارىنىڭ ”ۇيىرمە قۇراۋ“ ارقىلى شينجياڭعا كومەكتەسۋى سول جىلى جيلين ولكەلىك ولكەگە توتە قاراستى ورگاندارىنىڭ ”13 - بەسجىلدىقتا“ ۇلەس قوسۋ كورنەكتى قىزمەت ناتيجەسى نىسانىنىڭ 2 - دارەجەلى سيلىعىنا يە بولدى؛ التاي ايماقتىق جۇڭي شيپاحاناسىنىڭ ءساتتى تۇردە 3A دارەجەلى ۇلتتىق شيپاگەرلىك شيپاحاناسى دەڭگەيىنە كوتەرىلۋىنە كومەكتەستى.
”جيلين جەلى التايعا جىلۋ اكەلدى، ءۇمىتتى اقتاپ، ادالدىقتى ايگىلەيمىز. جيلين ولكەسىنىڭ 4 - توپتا شينجياڭعا كومەكتەسۋ قىزمەتى تابىستى اياقتادى، دەسەدە، جيليننىڭ شينجياڭعا كومەكتەسەتىن قوسىنى التايمەن بىرگە ۇزدىكسىز ءبىر نيەتپەن العا ىلگەرىلەپ، بىرگە بولاشاق اشادى“، - دەدى يۇي حۋاياڭ تەرەڭ سۇيىسپەنشىلىكپەن.
