انار بۇلت \ شينجياڭ گازەتىنىڭ ءتىلشىسى رىن جياڭ 5 - ايدىڭ 22 - كۇنى ۇرىمجىدەن حابارلايدى. ”بۇدان كەيىن، جۇڭگونىڭ شينجياڭىمەن ورتا ازياداعى 5 ەلدىڭ اراسىنداعى مادەنيەت، ساياحات اۋىس - كۇيىسى بارىنشا جيىلەيدى، شينجياڭنان ورتا ازياداعى ءارقايسى ەلگە بارىپ ساياحاتتاۋ بارعان سايىن قولايلى، ىركىلىسسىز بولادى“، - دەدى 5 - ايدىڭ 22 - كۇنى شينجياڭ جۇڭگو حالىقارالىق ساياحات كووپەراتيۆى شەكتى جاۋاپكەرشىلىك سەرىكتەستىگىنىڭ باس ديرەكتورى جوۋ دي.
وسى كەزدە ول اۆتونوميالى رايوندىق مادەنيەت جانە ساياحات مەڭگەرمەسى اشقان جيىننان جاڭا عانا شىعىپتى، 6 - كەزەكتى جۇڭگو شينجياڭ حالىقارالىق ۇلتتىق ءبي فەستيۆالى شەتەل ۇيىرمەلەرىن قاتىناسۋعا ۇسىنىس ەتىپتى، شينجياڭ جۇڭگو حالىقارالىق ساياحات كووپەراتيۆى ءبىر ءبولىم شەتەل ۇيىرمەلەرىن قابىلداۋ قىزمەتىن مىندەتىنە الادى ەكەن.
وسى كۇندەردەن بەرى جوۋ دي مەن ساياحات كووپەراتيۆىندەگى قىزمەتتەستەرى جۇڭگو − ورتا ازيا باسشىلار ماجىلىسىنە ءۇرتىس نازار اۋداردى، ولار جۇڭگولىق ساياحاتشىلاردى ورتا ازياداعى 5 ەلگە ساياحاتتاۋعا ۇيىمداستىرۋدىڭ بولاشاعىنا زور ءۇمىت ارتتى. بيىل 4 - ايدىڭ سوڭعى شەنىندە اتالعان ساياحات كووپەراتيۆى ۇيىمداستىرعان ”ءجۇز ۇيىرمە، مىڭ ادامنىڭ ورتا ازيانى ساياحاتتاۋى“اتىنداعى قازاقستانعا باراتىن العاشقى ۇيىرمە ۇرىمجىدەن اتتاندى. گۋاڭجوۋ، سىچۋان، حيلۇڭجياڭ، گۋاڭشي، شاڭحاي، شينجياڭ سياقتى جەرلەردەن كەلگەن 36 ساياحاتشى باتىستى بەتكە الىپ، قورعاس شەكارا وتكەلى ارقىلى مەملەكەت قاقپاسىنان شىعىپ، ورتا ازيا ساپارىن باستادى. ”قازىر ءبىز وسى ءونىمدى ساپالىلاندىرۋدامىز. شينجياڭنان تىسقارى جەردەگى ساياحاتشىلار، وتە - موتە، گۋاڭجوۋداعى، شاڭحايداعى ساياحاتشىلار ورتا ازياعا ساياحاتتاۋعا ەرەكشە قىزىعادى، اقىل - كەڭەس سۇراعاندار دا وتە كوپ، مولشەرمەن 5 - ايدىڭ سوڭىندا تاعى ءبىر رەت ۇيىرمە اتتاندىرامىز“، - دەدى جوۋ دي.
بۇل اۆتونوميالى رايوندىق مادەنيەت - ساياحات مەڭگەرمەسى باستاعان ”ءجۇز ۇيىرمە، مىڭ ادامنىڭ ورتا ازيانى ساياحاتتاۋ“ قيمىلىنىڭ ءبىر ءبولىمى. وسى مەڭگەرمە سيلاۋ جوباسىن بەلگىلەپ، سيلىق قوسىمشا قاراجاتىن بەرۋ شاراسىن العا قويىپ، ساياحات كووپەراتيۆتەرىن، كاسىپورىنداردى ورتا ازياعا باراتىن شەكارادان شىعۋ - كىرۋ ساياحاتى بازارىن بەلسەندى كەڭەيتۋگە شابىتتاندىرىپ، قولداۋ كورسەتىپ، شەكارادان شىعىپ ساياحات لەنياسىن تاڭداۋ ۇيىرمەسىن قازاقستانعا بارىپ، سول جەردەگى ساياحات كاسىپورىندارىمەن اڭگىمە ءماجىلىس وتكىزىپ، پىكىر اۋىستىرۋعا، سەلبەستىك قاتىناسىن ورناتۋعا ۇيىمداستىرىپ، ”شينجياڭ + ورتا ازيا“ ساياحات جاڭا لەنياسىنان، جاڭا ونىمدەرىنەن ءبىر توبىن شىعاردى.
قازىر اۆتونوميالى رايوندىق مادەنيەت - ساياحات مەڭگەرمەسى جۇڭگو شينجياڭىنىڭ قازاقستاننىڭ 4 وبلىس، ءبىر قالاسىمەن ساياحات سەلبەستىك كەڭەسىن، جۇڭگو شينجياڭىنىڭ وزبەكستاننىڭ ەكى وبلىسىمەن ساياحات سەلبەستىك كەڭەسىن اشۋعا دايىندالۋدا، سوڭعى جارتى جىلدا ورتا ازيا ەلدەرىنە بارىپ ساۋدا - ساتتىق قيمىلىن ورىستەتۋگە بەلسەنە سايكەسىپ، ورتا ازياداعى 5 ەلدە ”شينجياڭ − جاقسى جەر“ اتىندا مادەنيەت - ساياحاتتى ۇگىتتەۋ، تانىستىرۋ جەلىلەس قيمىلدارىن وتكىزىپ، ۇزدىكسىز تۇعىر ازىرلەپ، حالىقارالىق ساياحات كووپەراتيۆتەرىنىڭ، كاسىپتىك قوعامداردىڭ، قاتىستى قوعامدىق قۇرىلىمداردىڭ سەلبەستىك كەلىسىمىنە قول قويىسۋىن جەبەيدى.
بۇدان تىس، شينجياڭ 6 - كەزەكتى جۇڭگو شينجياڭ حالىقارالىق ۇلتتىق ءبي فەستيۆالى، ”كورىكتى جۇڭگو . جۇڭگونى تانۋ ساپارى“ قيمىلى، تۇڭعىش كەزەكتى شينجياڭ حالىقارالىق ساياحات فوتو سۋرەت جينالىسى سياقتى ءبىر قىدىرۋ كولەمدى مادەنيەت - ساياحات قيمىلدارىن وتكىزىپ، ورتا ازيا ەلدەرىنىڭ ۇيىرمەلەرىن قاتىناسۋعا ۇسىنىس ەتەدى.
”’ءبىر بەلدەۋ، ءبىر جولدى‘ بىرگە قۇرۋ باستاماسى العا قويىلعاندىعىنىڭ 10 جىلدىعى بايلانىسىمەن ءبىز جۇڭگو − ورتا ازيا باسشىلار ءماجىلىسىنىڭ تابىستارىنان اناعۇرلىم ويداعىداي پايدالانىپ، باسىمدىقتى تياناق ەتىپ، اۋىس - كۇيىس تۇعىرىن ازىرلەپ، ورتا ازياداعى 5 ەلمەن مادەنيەت جانە ساياحات اۋىس - كۇيىس سەلبەستىگىن كۇشەيتىپ، مادەنيەتتىڭ جانە ساياحاتتىڭ حالىق تىلەگىن توعىستىرۋداعى رولىن اناعۇرلىم ساۋلەلەندىرەمىز“، - دەدى اۆتونوميالى رايوندىق مادەنيەت - ساياحات مەڭگەرمەسى پارتيا باسشىلىق گرۋپپاسىنىڭ ورىنباسار شۋجيى، ورىنباسار مەڭگەرمە باستىعى يان نايمين.
