انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 5 - ايدىڭ 20 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوننىڭ ءتوراعاسى ەركىن تۇنياز 5 - ايدىڭ 20 - كۇنى ۇرىمجىدە وزبەكستان تاشكەنت وبلىسىنىڭ باستىعى مىرزايەۆپەن جانە ونىڭ ساپارلاستارىمەن كەزدەسىپ، جۇڭگو − ورتا ازيا باسشىلار ءماجىلىسىنىڭ جەتىستىكتەرىن، اسىرەسە، ءتوراعا شي جينپيڭنىڭ وزبەكستاننىڭ زۇڭتۇڭىمەن كەلىسكەن ماڭىزدى ورتاق تانىمدى تياناقتاندىرىپ، جۇڭگو شينجياڭىنىڭ وزبەكستاننىڭ تاشكەنت وبلىسىمەن ءار سالاداعى اۋىس - كۇيىسىن، سەلبەستىگىن ونان ارى تەرەڭدەتىپ، جاڭا داۋىردەگى جۇڭگو − وزبەكستان تاعدىرلاس ورتاق تۇلعاسىن قۇرۋعا كۇش - قۋات قوسۋ جونىندە ىشكەرىلەي پىكىر اۋىستىردى.
ما شيڭرۇي اۆتونوميالى رايوندىق پارتكوم مەن ۇكىمەت اتىنان، مىرزايەۆتىڭ جۇڭگو − ورتا ازيا باسشىلار ءماجىلىسى ءساتتى وتكىزىلگەن ساتتە شينجياڭعا ساپارلاي كەلگەندىگىن قارسى الدى. ول بىلاي دەدى: جۇڭگو − ورتا ازيا باسشىلار ءماجىلىسى جۇڭگو − ورتا ازيا قارىم - قاتىناسى تاريحىنداعى تىڭ بەلەس، جۇڭگو − ورتا ازيا سەلبەستىگىنىڭ جاڭا ءداۋىرىن اشادى. باسشىلار ءماجىلىسى كەزىندە جۇڭگو − وزبەكستان ەكى ەلدىڭ مەملەكەت باسشىلارى كەڭەس وتكىزىپ، كەڭ كولەمدى ورتاق تانىمعا كەلىپ، ەكى ەل قارىم - قاتىناسى دامۋىنىڭ جاڭا جوباسىن بىرگە كەسكىندەپ، جاڭا داۋىردەگى جۇڭگو − وزبەكستان جان - جاقتى ستراتەگيالىق سەرىكتەستىك قارىم - قاتىناسىنىڭ ءمانىن تولىقتىرۋعا جاڭا قوزعاۋشى كۇش ۇستەدى. تاياۋدا جۇڭگو شينجياڭ دوستىق اۋىس - كۇيىس ساپارلاۋ ۇيىرمەسى وزبەكستانعا ساپارلاي بارىپ، ەلدەرىڭىز باسشىلارىنىڭ جانە وبلىس باستىعى مىرزانىڭ، سونداي - اق ءارقايسى جاقتاردىڭ ىستىق ىقىلاسپەن جان - جاقتى كۇتىپ الۋىندا بولدى، ەكى جاق دوستىق بەينەدە، ىشكەرىلەي اۋىس - كۇيىس جاساسىپ، جۇڭگونىڭ شينجياڭى مەن وزبەكستاننىڭ تاشكەنت وبلىسى دوس رايون - وبلىس قارىم - قاتىناسىن ورناتۋ نيەتناماسىن جاساستى، ءبىز شىن جۇرەكتەن العىس ايتامىز. وبلىس باستىعى مىرزانىڭ وسى رەت شينجياڭعا ساپارلاي كەلۋى، ءسوز جوق، ەكى جاقتىڭ ءار سالاداعى سەلبەستىگىن ونان ارى كەڭەيتەدى جانە تەرەڭدەتەدى. شينجياڭ تاشكەنت وبلىسىمەن بىرگە جۇڭگو − ورتا ازيا باسشىلار ءماجىلىسىنىڭ جەتىستىكتەرىن، اسىرەسە، جۇڭگو − وزبەكستان ەكى ەل مەملەكەت باسشىلارىنىڭ ماڭىزدى ورتاق تانىمدارىن بەلسەنە تياناقتاندىرىپ، دوستىق بارىس - كەلىس سەرپىنىن ارتتىرىپ، اۋىس - كۇيىس، سەلبەستىك مەحانيزمىن جانە ەرەجەسىن ورناتىپ، كەمەلدەندىرىپ، ەكى جاق كاسىپورىندارىنىڭ بەلسەندىلىگىن ونان ارى جۇمىلدىرىپ، ساۋدانى جەبەۋ قيمىلدارى مەن ساۋدا كولەمىنىڭ تىڭ ساتىعا قادام تاستاۋىن ىلگەرىلەتىپ، تازا ەنەرگيا، وسى زامانعى ەگىن، مال شارۋاشىلىعى سياقتى سالالارداعى سەلبەستىك ورەسىن جوعارىلاتىپ، مادەنيەت - كوركەمونەر، وقۋ - اعارتۋ، عىلىم - تەحنيكا، ەرەكشە ساياحات سياقتى اۋىس - كۇيىستى، سەلبەستىكتى تەرەڭدەتىپ، جاڭا داۋىردەگى جۇڭگو − وزبەكستان تاعدىرلاس ورتاق تۇلعاسىن تۇلعالاۋعا اناعۇرلىم كوپ ۇلەس قوسۋدى قالايدى.
مىرزايەۆ جۇڭگو − ورتا ازيا باسشىلار ءماجىلىسىنىڭ جۇڭگونىڭ شي - انىندا ءساتتى وتكىزىلگەندىگىن قۇتتىقتادى. ول مىنانى ءبىلدىردى: وسى رەتكى باسشىلار ءماجىلىسى − جۇڭگونىڭ ورتا ازيا ەلدەرىمەن دوستىق قارىم - قاتىناسىنىڭ ونان ارى تەرەڭدەگەندىگىنىڭ، ءار سالاداعى سەلبەستىكتىڭ ۇزدىكسىز كەڭەيگەندىگىنىڭ پارمەندى ايعاعى. تاشكەنت وبلىسى باسشىلار ءماجىلىسىنىڭ جەتىستىكتەرىن ويداعىداي تياناقتاندىرىپ، جۇڭگومەن، اسىرەسە، جۇڭگو شينجياڭىمەن ءار سالاداعى اۋىس - كۇيىستى، سەلبەستىكتى بەلسەنە ىرىقتىلىقپەن كۇشەيتەدى. جۇڭگو شينجياڭ دوستىق اۋىس - كۇيىس ساپارلاۋ ۇيىرمەسى تاياۋدا وزبەكستاندا ساپاردا بولىپ، جۇڭگو شينجياڭىنىڭ وزبەكستانمەن، اسىرەسە، تاشكەنت وبلىسىمەن اۋىس - كۇيىس، سەلبەستىك جاساسۋى ءۇشىن تىڭ ءورىس اشتى. كەزەكتە تاشكەنت وبلىسىنىڭ جۇڭگونىڭ جەرگىلىكتى ورىندارىمەن اراداعى اۋىس - كۇيىسى قويۋلاپ، سەلبەستىگى جاقساردى. وسى رەت شينجياڭدا ساپاردا بولعاندا، ەكى جاقتىڭ سەلبەستىكتى تەرەڭدەتۋىنە تىڭ قوزعاۋشى كۇش ۇستەپ، ءار سالاداعى سەلبەستىكتىڭ جاڭا ورەگە كوتەرىلۋىن ىلگەرىلەتۋدى ءۇمىت ەتەمىن. مىرزايەۆ تاشكەنت وبلىسى كاسىپ سالاسىنىڭ دامۋ جاعدايىن جانە جۇڭگونىڭ شينجياڭىمەن سەلبەستىكتى كۇشەيتۋىنىڭ كومەسكى كۇشىن، باسىمدىعىن تانىستىردى ءارى ەكى جاقتىڭ قۇرىلىس ماتەريالدارى، ەلەكترون عىلىم - تەحنيكاسى جانە سيفرلاندىرۋ، وسى زامانعى اۋىل شارۋاشىلىعى، ەرەكشە ءدارى - دارمەك، توقىماشىلىق جانە جەڭىل ونەركاسىپ، جاسىل ەنەرگيا، كەن كاسىبى سياقتى سالالاردا سەلبەستىكتى ونان ارى تەرەڭدەتۋى جونىندەگى پىكىر - ۇسىنىستارىن العا قويدى.
تاشكەنت وبلىسىنىڭ ورىنباسار باستىعى شاريپوۆ جانە تاشكەنت وبلىستىق ۇكىمەتىنىڭ قاتىستى تاراۋلارىنىڭ جاۋاپتىلارى، كاسىپورىن ۋاكىلدەرى كەزدەسۋگە قاتىناستى. چىن ۋيجۇن، قادەن كابەن جانە اۆتونوميالى رايوننىڭ قاتىستى تاراۋلارىنداعى جاۋاپتى جولداستار كەزدەسۋگە قاتىناستى.
