اۆتونوميالى رايوندىق پارتكوم نازاريا ۇيرەنۋ وزەكتى گرۋپپاسىنىڭ (كەڭەيتىلگەن) ءماجىلىسى جانە ولكە دارەجەلى باسشىلار كىتاپ وقۋ كلاسىنىڭ پىكىر اۋىستىرۋ، زەرتتەۋ - تالقى ءماجىلىسى وتكىزىلدى
نەگىزگى تاقىرىپتىق تاربيەنى تىڭعىلىقتى ىلگەرىلەتىپ، پارتيانىڭ جاسامپاز نازارياسىن ىشكەرىلەي ۇيرەنىپ، جەتە ءتۇسىنىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، كورىكتى شينجياڭ قۇرۋعا قۇلشىنۋ كەرەك
ما شيڭرۇي، ۋاڭ گوشىڭ ءسوز سويلەدى
ەركىن تۇنياز، نۇرلان ءابىلماجىن، لي يفي، جاڭ چۇنلين، حى جۇڭيوۋ قاتىناستى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 4 - ايدىڭ 24 - كۇنى ۇرىمجىدەن حابارلايدى. باس شۋجي شي جينپيڭنىڭ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، نەگىزگى تاقىرىپتىق تاربيەنىڭ تەرەڭدەۋىن، ناقتىلانۋىن ىلگەرىلەتۋ ءۇشىن، 4 - ايدىڭ 24 - كۇنى تۇستەن بۇرىن اۆتونوميالى رايوندىق پارتكوم نازاريا ۇيرەنۋ وزەكتى گرۋپپاسىنىڭ (كەڭەيتىلگەن) ءماجىلىسى جانە ولكە دارەجەلى باسشىلار كىتاپ وقۋ كلاسىنىڭ پىكىر اۋىستىرۋ، زەرتتەۋ - تالقى ءماجىلىسى وتكىزىلدى، ماجىلىستە شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنۋدى، دايەكتىلەندىرۋدى، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، جاڭا داۋىردەگى جاڭا جورىقتا كورىكتى شينجياڭ قۇرۋعا قۇلشىنۋدى ارقاۋ ەتىپ، مۇقيات ۇيرەنۋ، پىكىر اۋىستىرۋ ورىستەتىلدى. اۆتونوميالى رايوندىق پارتكومنىڭ شۋجيى ما شيڭرۇي ءماجىلىستى باسقاردى ءارى ءسوز سويلەدى. نەگىزگى تاقىرىپتىق تاربيە ورتالىق 15 - جەتەكشىلىك ەتۋ گرۋپپاسىنىڭ باستىعى ۋاڭ گوشىڭ ماجىلىسكە قاتىناستى ءارى ءسوز سويلەدى.
ماجىلىستە ەركىن تۇنياز، نۇرلان ءابىلماجىن، لي يفي، جاڭ چۇنلين، حى جۇڭيوۋ، چىن ۋيجۇن، لي نيڭپيڭ، جاروللا يسامدين پىكىر اۋىستىرىپ، ءسوز سويلەدى. كوپشىلىك مىنالاردى ءبىلدىردى: وسى مەزگىلدەگى ۇيرەنۋ ارقىلى ”ەكىنى تۇراقتاندىرۋدىڭ“ شەشۋشى ءمانىن اناعۇرلىم تەرەڭ ءتۇسىنىپ، شي جينپيڭ جاڭا ءداۋىر جۇڭگوشا سوتسياليزم يدەياسىن، اسىرەسە، جاڭا داۋىردەگى پارتيانىڭ شينجياڭدى باسقارۋ جالپى جوباسىن ءتۇسىنۋدى، يگەرۋدى اناعۇرلىم تەرەڭدەتىپ، پارتيانىڭ جاسامپاز نازارياسىنان پايدالانىپ شينجياڭ قىزمەتىن ويداعىداي ىستەۋگە جەتەكشىلىك ەتۋدەگى يدەيالىق سانالىلىقتى، ساياسي سانالىلىقتى، ارەكەت سانالىلىعىن اناعۇرلىم كۇشەيتتىك. باستاماشىلدىقپەن نازاريا ۇيرەنۋدى كۇشەيتىپ، ىشكەرىلەي تەكسەرىپ - زەرتتەپ، پارتيانىڭ جاسامپاز نازارياسىنان اناعۇرلىم ويداعىداي پايدالانۋ ارقىلى ەكونوميكالىق، قوعامدىق دامۋداعى ءتۇرلى قايشىلىقتار مەن ماسەلەلەردى شەشىپ، رەفورما، دامۋ، ورنىقتىلىق قىزمەتتەرىن تىڭعىلىقتى ىلگەرىلەتىپ، باس شۋجي نۇسقاعان دۇرىس بەتالىستان بۇلجىماي العا ىلگەرىلەيمىز.
ما شيڭرۇي مىنالاردى اتاپ كورسەتتى: شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنۋ، دايەكتىلەندىرۋ − جاڭا داۋىردەگى جاڭا جورىقتاعى پارتيا مۇشەلەرىنىڭ، كادرلاردىڭ ماڭداي الدى ساياسي مىندەتى جانە ومىرلىك مىندەتتى ساباعى، ءسوز جوق، تاباندىلىق كورسەتىپ، ۇزدىكسىز قاجىماي كۇش سالىپ، ۇيرەنگەن سايىن جاڭارىپ، ۇعىنعان سايىن ىلگەرىلەۋ كەرەك. نەگىزگى تاقىرىپتىق تاربيەنى تىڭعىلىقتى ويداعىداي ورىستەتىپ، پارتيانىڭ جاسامپاز نازارياسىنىڭ نەگىزگى كوزقاراسىن، عىلمي جۇيەسىن جان - جاقتى، جۇيەلى يگەرىپ، قايراتتانا العا ۇمتىلاتىن اقىل - پاراسات پەن كۇش - قۋاتتى ۇزدىكسىز قابىلداپ، مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ شينجياڭ تاراۋىن قۇلشىنا جازۋ كەرەك. تاباندى تۇردە ۇيرەنۋ ارقىلى رۋحتى سومداپ، ساياسي ادالدىقتى ۇزدىكسىز بەكەمدەۋ كەرەك. پارتيانىڭ جاسامپاز نازارياسىمەن زەيىن - زەردەنى ۇيىستىرىپ، رۋحتى سومداۋعا تاباندى بولىپ، قالىڭ پارتيا مۇشەلەرىن، كادرلاردى سانالى تۇردە يدەيالىق جاقتان سومدالۋعا، رۋحاني جاقتان شىڭدالۋعا، اناعۇرلىم تاباندى، سانالى تۇردە ”ەكىنى تۇراقتاندىرۋدى“ قولداۋعا، ”ەكىنى قورعاۋدى“ ورىنداۋعا، ساياسي تۇرعىدا، ساياسي بەتالىستا، ساياسي پرينسيپتە، ساياسي جولدا شي جينپيڭ جولداستى ۇيتقى ەتكەن پارتيا ورتالىق كوميتەتىمەن باستان - اياق وسكەلەڭ ءبىر اۋىزدىلىقتى ساقتاۋعا تاربيەلەۋ، جەتەكتەۋ كەرەك. تاباندى تۇردە ۇيرەنۋ ارقىلى پاراساتتى ارتتىرىپ، قابىلەتتى، شەبەرلىكتى كۇش سالا جوعارىلاتۋ كەرەك. شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جۇيەسىن، مايەكتى ءمانىن، امالياتتىق تالابىن جاپپاي ۇيرەنىپ، يگەرىپ، ماسەلەنى بەتكە الا ۇيرەنىپ، وي جۇگىرتىپ، امالياتتا ايگىلەپ، ۇعىنىپ، ماركسيزمدىك ەرەن قابىلەتتى قۇلشىنا ۇيرەنىپ، پارتيانىڭ جاسامپاز نازارياسىنان وي جەلىسىن ىزدەپ، جاۋاپ ىزدەپ، ءادىس - امال ىزدەپ، شينجياڭنىڭ ءتۇرلى قىزمەتىن تىڭعىلىقتى ىلگەرىلەتۋ كەرەك. تاباندى تۇردە ۇيرەنۋ ارقىلى ستيلدى دۇرىستاپ، تاماشا ساياسي ەكولوگيا جەتىلدىرۋ كەرەك. شينجياڭنىڭ رەفورما، دامۋ، ورنىقتىلىق ىستەرىندەگى تەرەڭ قاتپارلى، شەشۋشى ماسەلەلەردى كوزدەي وتىرىپ، جاعدايدى انىقتاپ، تۇيىنشەكتەردى ءداپ باسىپ تاۋىپ، شارالاردى ناقتى العا قويىپ، حالىق ءۇشىن ىستەۋ باستى ماقساتىن ىشكەرىلەي امالياتتا ايگىلەپ، قاتاڭ ستيلدى بارىنشا اسقاقتاتىپ، ستيلدەگى تۇرپايىلىق، دورەكىلىك، ءبىر شىبىقپەن ايداۋ، ساتى - ساتى بويىنشا اۋىرتپالىق قوسۋ، ىلعي دا جوعارىنىڭ ەمەۋرىنىنە قاراپ، ءىس جۇزىندىك جاعدايمەن ساناسپاۋ، جوعارىنى الداپ، تومەننەن جاسىرۋ سياقتى ماسەلەلەردى باتىل تۇزەتىپ، وسىزامانداندىرۋ قۇرىلىسىنىڭ قاجەتىنە ۇيلەسەتىن، ادال، كىرشىكسىز، جاۋاپكەرشىلىك ارقالايتىن كادرلار قوسىنىن تۇلعالاۋ كەرەك. تاباندى تۇردە ۇيرەنۋ ارقىلى ىستەۋدى جەبەپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن تىڭعىلىقتى ىلگەرىلەتۋ كەرەك. جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، نازاردى بۇكىل ەلدىڭ دامۋ كەلەلى جاعدايىنداعى شينجياڭنىڭ ستراتەگيالىق ورنىنا شوعىرلاندىرىپ، كىرىسۋ ءتۇيىنىن، كۇش سالۋ ءتۇيىنىن ءدال تاۋىپ، جوعارى ساپالى دامۋ سىندى ماڭداي الدى مىندەتتى مىقتاپ يگەرىپ، باياندى تىنىشتىققا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى تىڭعىلىقتى ىلگەرىلەتىپ، پارتيا ورتالىق كوميتەتى جۇكتەگەن بورىش پەن مىندەتتى نىق قاداممەن ارەكەتتە ايگىلەپ، ونىمدىلىكتە كورسەتىپ، جاڭا داۋىردەگى جاڭا جورىقتا كورىكتى شينجياڭ قۇرۋعا قۇلشىنۋ كەرەك.
ۋاڭ گوشىڭ بىلاي دەپ اتاپ كورسەتتى: شينجياڭ پارتيا ورتالىق كوميتەتىنىڭ نەگىزگى تاقىرىپتىق تاربيە جونىندەگى شەشىمدەرىن، ورنالاستىرۋلارىن مۇقيات دايەكتىلەندىرىپ، باس تالاپتى، ءتۇبىرلى مىندەتتى جانە ناقتى نىسانانى مىقتاپ يگەرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرۋمەن تىعىز ۇشتاستىرىپ، ءتۇرلى قىزمەتتەردى تىڭعىلىقتى، ءتارتىپتى ورىستەتىپ، ۇيرەنۋ رايىن، ىستەۋ رايىن، قاتاڭ بولۋ رايىن بارعان سايىن قويۋلاتتى. ءتاسىلدى ونان ارى مولايتىپ، تەرەڭدىكتى اناعۇرلىم تەرەڭدەتىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى، دايەكتىلەندىرۋدى تەرەڭدەتۋ، كوكەيگە ۇيالاتۋ، كادەگە جاراتۋ قىزمەتىن ويداعىداي ىستەپ، نەگىزگى تاقىرىپتىق تاربيەنىڭ ۇزدىكسىز تەرەڭدەۋىن، ناقتىلانۋىن، كوڭىلگە ۇيالاۋىن ىلگەرىلەتۋ كەرەك. ۇيرەنگەندى قولدانا بىلۋگە، جاندى ۇيرەنىپ، جاندى قولدانۋعا تاباندى بولىپ، ۇيرەنۋ ونىمدىلىگىن بەرىك سەنىمگە، ناعىز شەبەرلىككە، حالىقشىلدىق ىنتا - ىقىلاسقا شىنايى اينالدىرىپ، جاڭا داۋىردەگى جاڭا جورىقتا بورىشتى، مىندەتتى كوزدەي وتىرىپ شىنايى يگەرىپ، ناقتى ىستەپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىنىڭ قاز - قالپىندا ناقتاپ تياناقتانۋىن، ناقتى ونىمدىلىك كورسەتۋىن ىلگەرىلەتۋ كەرەك.
اۆتونوميالى رايوندىق پارتكوم پارتيا ورتالىق كوميتەتىنىڭ ورنالاستىرۋى مەن تالابىنا ساي، شينجياڭنىڭ ءىس جۇزىندىك جاعدايىمەن ۇشتاستىرىپ، تاياۋدا ولكە دارەجەلى باسشىلاردىڭ ءبىر اپتالىق كىتاپ وقۋ كلاسىن 2 رەت اشىپ، پارتيا ورتالىق كوميتەتى تۇراقتاندىرعان 8 ءتۇرلى ۇيرەنۋ ماتەريالىن مۇقيات ۇيرەنۋ نەگىزىندە، باس شۋجي شي جينپيڭنىڭ شينجياڭ جونىندەگى جەلىلەس ماڭىزدى سوزدەرىنىڭ، ماڭىزدى نۇسقاۋلارىنىڭ، بەكىتۋلەرىنىڭ رۋحىن، جاڭا داۋىردەگى پارتيانىڭ شينجياڭدى باسقارۋ جالپى جوباسىن مۇقيات، زەر سالا وقىدى ءارى پىكىر اۋىستىرۋ، تالقى جۇرگىزۋ سياقتى قيمىلداردى ورىستەتتى.
ورتالىق جەتەكشىلىك ەتۋ گرۋپپاسىنىڭ قاتىستى مۇشەلەرى، جاڭ جۋ، تيان شياڭلي، ۋاڭ ميڭشان، ۋاڭ جيانشين، ياڭ فاسىن، ءيۇسۇپجان مامەت، ەلزات احمەتجان، قادەن كابەن، اۆتونوميالى رايوندىق حالىق قۇرىلتايىنىڭ، ۇكىمەتتىڭ، ساياسي كەڭەستىڭ باسشىلىق القا مۇشەلەرى، اۆتونوميالى رايوندىق جوعارى حالىق سوتى مەكەمەسىندەگى، اۆتونوميالى رايوندىق حالىق پروكۋراتۋراسىنداعى نەگىزگى جاۋاپتى جولداستار، قازىرگى مىندەتىنەن شەگىنگەن اۆتونوميالى رايونداعى ولكە دارەجەلى ءىشىنارا باسشىلار قاتارلىلار ماجىلىسكە قاتىناستى.
