ءبي ارقىلى ومىرشەڭدىككە تولى، جاراسىمدى دا باقىتتى شينجياڭدى ايگىلەدى
□ انار بۇلت \ شينجياڭ گازەتىنىڭ ءتىلشىسى ياۋ گاڭ
”مەيلى «ءجۇزىم ءۇزۋ» بولسىن، الدە «جۇلا» مەن «قاراجورعا» بولسىن، بارىنەن شينجياڭ حالقىنىڭ كوڭىلدى دە باقىتتى تۇرمىسىن كوردىم“، - دەدى كورەرمەن شي جۋان.
4 - ايدىڭ 24 - كۇنى «جەلەگىڭدى اش − شينجياڭ جاقسى جەر» اتتى كولەمدى مۋزيكا، ءبي، ولەڭ، سۋرەت قويىلىمى بۇكىل ەلدە ارالاپ قويۋدىڭ 2 - ايالداماسى تيانجينگە كەلدى، مازمۇنى باي، فورماسى الۋان ءتۇرلى 90 مينۋتتىق قويىلىم كورەرمەندەرگە تەرەڭ اسەر قالدىردى. ول ومىرشەڭدىككە تولى، جاراسىمدى دا باقىتتى شينجياڭدى ايگىلەدى.
”ارتيستەر اينىتپاي ورىنداعان ەكەن، جەڭىل قيمىلداعان بىلەك، ەپتى ءبي ارەكەتتەرىنەن ونىڭ جان دۇنيەسىندەگى شاتتىقتى سەزدىك“. «ءجۇزىم ءۇزۋ» ءبيى شي جۋانعا تەرەڭ اسەر قالدىرىپتى. اسىرەسە، ءبىر مينۋتتىق داپ سوعۋ كونسەرتتى قىزدىرىپ جىبەردى. داپتىڭ ريتىمىمەن بىرگە كورەرمەندەردىڭ رەتتى دە بىركەلكى سوعىلعان شاپالاق ءۇنى كونسەرتتى شىرقاۋ شەگىنە جەتكىزدى، كونسەرت بارىسىندا كورەرمەندەر 7 رەت قىزۋ شاپالاق سوقتى.
”بۇل بيدە بارابان مەن ءبي تىعىز سايكەستىرىلىپتى، بارابان ارقاۋ مۋزيكانىڭ قاينارى ءارى ساحنالىق جابدىق رەتىندە ساحناعا شىعارىلدى. داپتىڭ داۋىسى زور، ويناقى ەستىلىپ، كورەرمەندەرگە جالىندى تۇرمىس تىرشىلىگىمىزدى جەتكىزدى“، - دەدى داپشى پارحات ياسىن.
«ءجۇزىم ءۇزۋ» بيىندە قالىقتاعان بارابان مۋزيكاسى مەن اسەرلى ءبي ارەكەتىنە ىلەسە، بويجەتكەننىڭ ءجۇزىم باعىندا ءجۇزىم ۇزگەن، ءجۇزىم جەگەن كەزدەگى قۋانىشتى كوڭىل كۇيى بەينەلەنگەن. بويجەتكەننىڭ قۋناقىلانا قاسىن كوتەرىپ، موينىن قوزعالتىپ، بىلەگىن بۇلعاقتاتىپ، قولىنداعى ءجۇزىمدى داپشىعا بەرمەك بولعان كورىنىسى مول ءونىم جاعدايىن ايگىلەيدى.
”«قاراجورعا» بيشىلەرىنىڭ يىعىن سەلكىلدەتكەن ارەكەتى اتپەن شاۋىپ بارا جاتقانداي بولىپ، بيشىمەن بىرگە اتى دا بيگە باسقانداي سەزىندىرەدى ەكەن“، - دەدى كورەرمەن ۋاڭ يۋە.
ءبيدىڭ دايىنداۋشى رەجيسسەرلەرىنىڭ ءبىرى دابىل قيبات بىلاي دەپ تانىستىردى: «قاراجورعا» جىگەرلىلىك پەن اق جارقىندىقتى، ىستىق ىنتا مەن قاراپايىمدىلىقتى ءبىر تۇلعالاندىرىپ، ادام مەن تابيعاتتىڭ جاراسىمدى بىرگە ءومىر سۇرگەن تۇرمىس كورىنىسىن كوركەمونەر ارقىلى كورەرمەننىڭ كوز الدىنا اكەلىپ، شينجياڭدا جاساپ جاتقان ادامداردىڭ قۋانىشتى كوڭىل كۇيىن جەتكىزەدى.
«جۇلا» بيىندە ساتار، عيجەك، دۋتار، تامبۇر، چاڭ، داپ سياقتىلارمەن اۋەلەگەن 12 مۇقام مۋزيكاسىنا ىلەسە بيشىلەر بۇرالا بيگە باسىپ، ىنتالى، بايىپتى، ءبيازى بولىپ، ماعىنالى تۇردە 12 مۇقامنىڭ ءان، ءبي، مۋزيكا ءبىر تۇلعالانعان كوركەمونەر تارتىمدىلىعىن ەگجەي - تەگجەيلى بەينەلەيدى.
”«جەلەگىڭدى اش − شينجياڭ جاقسى جەر» كوپتەگەن فورماداعى بيلەردى قامتىپ، ارتيستەردىڭ تارتىمدى ويىندارى كورەرمەندەرگە ۇمتىلعىش، جاراسىمدى، كورىكتى شينجياڭ وبرازىن ايگىلەدى“، - دەدى ۋاڭ يۋە.
