انار بۇلت \ شينجياڭ گازەتىنىڭ ءتىلشىسى ياۋ گاڭ 4 - ايدىڭ 24 - كۇنى تيانجيننەن حابارلايدى. 4 - ايدىڭ 24 - كۇنى كەشتە تيانجين ۇلكەن تەاترحاناسىنىڭ وپەرا زالىن ءالسىن - ءالى قىزۋ شاپالاق ءۇنى كەرنەدى. مادەنيەت جانە ساياحات مينيسترلىگى، شينجياڭ ۇيعۇر اۆتونوميالى رايوندىق حالىق ۇكىمەتى بىرلەسىپ تۇلعالاعان «جەلەگىڭدى اش − شينجياڭ جاقسى جەر» اتتى كولەمدى مۋزىكا، ءبي، ولەڭ، سۋرەت قويىلىمىن بۇكىل ەلدە ارالاي قويۋ 2 - ايالداما كونسەرتى وسى ارادا باستالدى، 12 مۇقام، ماناس، ساۋىردىن قاتارلى بەيزاتتىق مادەني مۇرا ءان - بيلەرى ىركەس - تىركەس ساحناعا كوتەرىلىپ، كورەرمەندەرگە شينجياڭنىڭ گۋمانيتارلىق كوركەمدىگىن تىكەلەي سەزىندىردى.
شينجياڭداعى بەيزاتتىق مادەني مۇرالاردىڭ قورعالۋى مەن جالعاسۋىن جاڭالىققا يە تاسىلمەن شوعىرلى ايگىلەۋ − وسى رەتكى كونسەرتتەگى جارقىن تۇيىندەردىڭ ءبىرى. «جۇلا» ءبيى «وششاق مۇقامىمەن» سۇيەمەلدەندى، ال «كۇن شۋاعىنا شومىلعان ماكىتتىڭ» سۇيەمەل مۋزيكاسى دولان مۇقامىنان الىنعان. ”وسى جولعى كونسەرتكە قاتىناسقان وركەستر قۇراما وركەستر ەسەپتەلەدى، مۇندا شينجياڭ ەرەكشەلىگىندەگى ۇلتتىق مۋزيكا اسپاپتارىنان باسقا، سيمفونيا، قوسىلا ءان ايتۋ، توپتىق حور دا بار، مۇنداي فورما تۇڭعىش رەت قولدانىلىپ وتىر“. ورتالىق ۇلتتىق مۋزيكا ۇيىرمەسىنىڭ باس ديريجەرى ليۋ شانىڭ ايتۋىنشا، وسى كونسەرتتە ەلەكترو اكۋاستيكالىق دىبىس جازۋ فورماسىنا جابىسىپ الماي، ءبي، ۆوكالدىق ءان، دراما، ەپوس ايتۋدى اۋەنمەن ارلەۋ جالپى بارىسى وركەستردىڭ سول جەردە سۇيەمەلدەۋىندە ورىندالىپتى.
كونسەرت زالىندا ەڭ ارتقى قاتارداعى كورەرمەندەردىڭ ارت جاعىندا ءبىر ۇلكەن ەكران بار، سول ارقىلى ارتيستەر ديريجەردىڭ ارەكەتىن كورە الادى. ”سول جەردىڭ وزىندە سۇيەمەلدەگەندىكتەن، ديريجەردىڭ ريتىمى مەن مۋزيكاعا قاراي «جۇلادا» مۇقامنىڭ ءان، ءبي، مۋزيكانى ءبىر تۇلعالاندىرعان قاز - قالپىندا بەينەلەۋ قالىبىن ايگىلەيمىز، بۇل كوپشىلىكتىڭ تىعىز سايكەسۋىن قاجەت ەتەدى“، - دەدى ءبي باستاۋشى ارتيست مايرا امەتجان.
”قۇماردان شىعا تاماشالادىق“! سول جەردەگى كوپتەگەن كورەرمەن ءتىلشىنىڭ سۇحباتىن قابىلداعاندا شىن جۇرەكتەن القادى. «سالتاناتتى ساۋىردىن» ءبيى، ۇلتتىق مۋزيكا اسپاپتارمەن ورىندالعان كۇي «جايلاۋ دۋمانى» سياقتى كونسەرت نومىرلەرىندە كوركەمونەرلىك تۇرعىدا ايگىلەۋ بەيزاتتىق مادەني مۇرالاردىڭ جاڭا بەينەسىن جايناتا ءتۇستى.
التاي ايماقتىق ءان - ءبي ۇيىرمەسىنەن كەلگەن ارشىن باقىت − ۇلتتىق مۋزيكا اسپاپتارمەن ورىندالعان «جايلاۋ دۋمانى» كۇيىن شىعارۋشىلاردىڭ ءبىرى. ”وسى كۇيدى شىعارۋ بارىسىندا ءبىز حۋماي سياقتى ءداستۇرلى مۋزيكالاردىڭ اۋەنىن ارالاستىردىق، سونىمەن بىرگە جاساپ دايىنداۋ ارقىلى كورەرمەندەردىڭ ءلاززاتتانۋ قاجەتىنە اناعۇرلىم جاقىنداتتىق“، - دەدى ارشىن.
