باس شۋجي شي جينپيڭنىڭ ماڭىزدى ءسوزىنىڭ، ارناۋ ءسوزىنىڭ، جاۋاپ حاتىنىڭ رۋحىن جانە پارتيا ورتالىق كوميتەتىنىڭ نەگىزگى تاقىرىپتىق تاربيە نازاريا ۇيرەنۋى جونىندەگى ورنالاستىرۋلارىن، تالاپتارىن جەتكىزدى، ۇيرەندى، دايەكتىلەندىردى

اۆتونوميالى رايوندىق پارتكوم تۇراقتى كوميتەتى ءماجىلىس اشتى

باس شۋجي شي جينپيڭنىڭ ماڭىزدى ءسوزىنىڭ، ارناۋ ءسوزىنىڭ، جاۋاپ حاتىنىڭ رۋحىن جانە پارتيا ورتالىق كوميتەتىنىڭ نەگىزگى تاقىرىپتىق تاربيە نازاريا ۇيرەنۋى جونىندەگى ورنالاستىرۋلارىن، تالاپتارىن جەتكىزدى، ۇيرەندى، دايەكتىلەندىردى

ءتۇيىندى سالالارداعى حاۋىپ - قاتەردەن ساقتانۋ جانە ونى جويۋ قىزمەتىن اقىلداستى، ورنالاستىردى

ما شيڭرۇي ءماجىلىستى باسقاردى

　　انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 4 - ايدىڭ 13 - كۇنى ۇرىمجىدەن حابارلايدى. اۆتونوميالى رايوندىق پارتكوم تۇراقتى كوميتەتى 4 - ايدىڭ 13 - كۇنى تۇستەن بۇرىن ءماجىلىس اشىپ، باس شۋجي شي جينپيڭنىڭ تاياۋداعى سىرتقى ىستەر قيمىلىنداعى ماڭىزدى ءسوزىنىڭ، ماڭىزدى ارناۋ ءسوزىنىڭ رۋحىن جانە قاتىستى ماڭىزدى جاۋاپ حاتىنىڭ رۋحىن جەتكىزدى، ۇيرەندى، دايەكتىلەندىردى، پارتيا ورتالىق كوميتەتىنىڭ «شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ باعدارلاماسىن (2023 - جىلعى باسىلىمى)» جانە «شي جينپيڭ شىعارمالارىنان تاڭدامالىلاردىڭ» 1 - تومىن، 2 - تومىن ۇيرەنۋ جونىندەگى قاتىستى ورنالاستىرۋلارىن، تالاپتارىن دايەكتىلەندىردى، تياناقتاندىردى، اۆتونوميالى رايوننىڭ قاتىستى سالالارداعى ەلەۋلى حاۋىپ - قاتەردەن ساقتانۋ جانە ونى جويۋ قىزمەتىن اقىلداستى، ورنالاستىردى. اۆتونوميالى رايوندىق پارتكومنىڭ شۋجيى ما شيڭرۇي ءماجىلىستى باسقاردى.

　　ءماجىلىس مىنالاردى اتاپ كورسەتتى: شي جينپيڭنىڭ ديپلوماتيا يدەياسىن ىشكەرىلەي دايەكتىلەندىرىپ، باس شۋجي شي جينپيڭنىڭ فرانسيانىڭ زۇڭتۇڭى ماكرونمەن جانە ەۆروپا وداعى كوميتەتىنىڭ ءتوراعاسى ۆوندەرلەيەنمەن جانە جۇڭگو − فرانسيا − ەۆروپا وداعى ءۇش جاق كەزدەسۋىن وتكىزگەن كەزدەگى ماڭىزدى ءسوزىنىڭ، ماڭىزدى ارناۋ ءسوزىنىڭ رۋحىن مۇقيات ۇيرەنىپ، دايەكتىلەندىرىپ، شينجياڭنىڭ جوعارى دەڭگەيدە سىرتقا ەسىك اشۋىن كۇش سالا ىلگەرىلەتىپ، ازيا − ەۆروپا التىن ارناسىن جانە باتىسقا ەسىك اشۋدىڭ الدىڭعى شەبىن تۇلعالاۋدى كوزدەپ، ەكى بازاردان، ەكى بايلىقتان اناعۇرلىم ويداعىداي پايدالانىپ، سىرتپەن اۋىس - كۇيىس جاساۋ تاسىلىندە جاڭالىق اشىپ، سىرتپەن سەلبەسۋ ارناسىن ىركىلىسسىزدەندىرىپ، جۇڭگو − ەۆروپا كەزەكشى پويەزىنىڭ جوعارى ساپالى قاتىناۋىن جەبەپ، حالىقارالىق اۋىس - كۇيىس پەن ەكونوميكا - ساۋدا سەلبەستىگىن تەرەڭدەتىپ، ”ءبىر بەلدەۋ، ءبىر جول“ قۇرىلىسىنا اناعۇرلىم ويداعىداي قىزمەت وتەۋ كەرەك. باس شۋجي شي جينپيڭنىڭ اراب تانىمال كوركەمونەرشىلەرى ۋاكىلدەرىنە جازعان ماڭىزدى جاۋاپ حاتىنىڭ رۋحىن مۇقيات ۇيرەنىپ، دايەكتىلەندىرىپ، شينجياڭدى مادەنيەتپەن نارلەندىرۋ قىزمەتىن ىلگەرىلەتۋمەن ۇشتاستىرىپ، حالىقارالىق مادەنيەت - كوركەمونەر اۋىس - كۇيىسىنە بەلسەنە ات سالىسىپ، جۇڭگونىڭ شينجياڭى جونىندەگى حيكايالاردى جاقسى بايانداپ، تاماشا شينجياڭ وبرازىن ايگىلەۋ كەرەك.

　　ءماجىلىس مىنالاردى اتاپ كورسەتتى: «شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ باعدارلاماسى (2023 - جىلعى باسىلىمى)» پارتيانىڭ جاسامپاز نازارياسىن جان - جاقتى، جۇيەلى بايىمدادى، ونىڭ نەگىزگى رۋحىن، نەگىزگى مازمۇنىن، نەگىزگى تالابىن اناعۇرلىم ويداعىداي تۇسىنۋگە، يگەرۋگە ءتيىمدى. «شي جينپيڭ شىعارمالارىنان تاڭدامالىلار» پارتيانىڭ كەلەلى نازاريالىق جاسامپازدىق جەتىستىكتەرىن شوعىرلى بەينەلەگەن، بۇكىل پارتيانىڭ، بۇكىل ەلدەگى ءار ۇلت حالقىنىڭ شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنۋدەگى، دايەكتىلەندىرۋدەگى بەدەلدى وقۋلىعى. «شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ باعدارلاماسىن (2023 - جىلعى باسىلىمى)» جانە «شي جينپيڭ شىعارمالارىنان تاڭدامالىلاردىڭ» 1 - تومىن، 2 - تومىن نەگىزگى تاقىرىپتىق تاربيەسى ۇيرەنۋ جوسپارىنا ەنگىزىپ، كوپ فورمالى، ساتىعا بولىنگەن، جاپپاي قامتىعان ۇيرەنۋ باۋلۋىن ىشكەرىلەي ورىستەتىپ، قالىڭ پارتيا مۇشەلەرىنىڭ، كادرلاردىڭ شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنۋىن، ەگجەي - تەگجەيلى ءتۇسىنۋىن، شىنايى اتقارۋىن ىلگەرىلەتىپ، وسى يدەيانىڭ وزەكتى ءمانىن، رۋحاني ماڭىزىن، باي مازمۇنىن، امالياتتىق تالابىن جان - جاقتى، جۇيەلى، ىشكەرىلەي يگەرىپ، وندا قامتىلعان باسشىلىق ءادىسىن، يدەيالىق ءادىسىن، قىزمەت ءادىسىن جەتىك يگەرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنۋ، سانالىلىقپەن ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ۇيرەنۋ ونىمدىلىگىن شىن مانىندە ءوز قىزمەتىمىزدى ويداعىداي ىستەۋدىڭ، ىستەردى دامىتۋدى ىلگەرىلەتۋدىڭ جاندى امالياتىنا اينالدىرىپ، قايراتتانا ىسكەرلىك كورسەتەتىن رۋحاني كۇيمەن، شىندىققا جۇگىنىپ، ناقتى ءىس ىستەيتىن قىزمەت ستيلىمەن، ادال دا تاباندى جاۋاپكەرشىلىك ارقالاۋمەن جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، رەفورما، دامۋ، ورنىقتىلىق ءتۇرلى قىزمەتتەرىن تىڭعىلىقتى ىلگەرىلەتىپ، مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ جاڭا جورىعىندا كورىكتى شينجياڭ قۇرۋعا كۇش سالۋىمىز كەرەك.

　　ءماجىلىس اۆتونوميالى رايوننىڭ قاتىستى كاسىپورىندارى مەن ورىندارىنىڭ حاۋىپ - قاتەردەن ساقتانۋ جانە ونى جويۋ جاعدايى جونىندەگى مالىمەتىن تىڭدادى. ءماجىلىس مىنالاردى باسا دارىپتەدى: ءار دارەجەلى، ءارقايسى تاراۋلار باس شۋجي شي جينپيڭنىڭ ەلەۋلى حاۋىپ - قاتەردەن ساقتانۋ جانە ونى جويۋ جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، تومەنگى شەكتە ويلاۋعا تاباندى بولىپ، جۇيە كوزقاراسىن كۇشەيتىپ، بازارلاندىرۋ، زاڭمەن باسقارۋ پرينسيبىنە بويسۇنىپ، ەلەۋلى حاۋىپ - قاتەردەن ساقتانۋ جانە ونى جويۋ قىزمەتىن ءبىر تۇتاس جوسپارلاپ ويداعىداي ىستەۋى، اسىرەسە، مەملەكەت مەنشىگىندەگى كاسىپورىندار مەن فينانس سياقتى ءتۇيىندى سالالاردى ارقاۋ ەتىپ، حاۋىپ - قاتەر مەن كومەسكى كىناراتتاردان بەلسەنە ساقتانۋ، ۇيلەسىمدى ءبىر جاقتى ەتۋ، ءونىمدى تۇردە جويۋ، كاسىپورىنداردىڭ، سالالاردىڭ اقاۋسىز، باياندى دامۋىن جەبەپ، وڭىرلىك سيپاتتى، جۇيەلىك سيپاتتى حاۋىپ - قاتەر تۋىلماۋىنىڭ تومەنگى شەگىن باتىل ساقتاۋ كەرەك.