”ءۇرىمجى − سانجى − شىحىزى“ وڭىرىندەگى ءتۇيىندى كاسىپورىنداردىڭ لاستانۋدى جونگە سالۋ ارناۋلى ءماجىلىسى اشىلدى
ءوڭىردىڭ اتموسفەرا ورتاسىنىڭ ساپاسىن ۇزدىكسىز جاقسارتۋ كەرەك
انار بۇلت \ شينجياڭ گازەتىنىڭ تىلشىلەرى ليۋ شياڭ، جاڭ يانفاڭ 4 - ايدىڭ 13 - كۇنى ۇرىمجىدەن حابارلايدى. 4 - ايدىڭ 11 - كۇنى ”ءۇرىمجى − سانجى − شىحىزى“ وڭىرىندەگى ءتۇيىندى كاسىپورىنداردىڭ لاستانۋدى جونگە سالۋ ارناۋلى ءماجىلىسى اشىلدى. ءماجىلىس شي جينپيڭنىڭ ەكولوگيالىق وركەنيەت يدەياسىن ىشكەرىلەي ۇيرەنىپ، دايەكتىلەندىرىپ، اۆتونوميالى رايوندىق پارتكومنىڭ قىزمەت تالابى بويىنشا، قاتىستى جاقتاردىڭ قىزمەت مالىمەتىن تىڭداپ، ”ءۇرىمجى − سانجى − شىحىزى“ وڭىرىندەگى ءتۇيىندى كاسىپورىنداردىڭ لاستانۋدى جونگە سالۋداعى ”ءبىر كاسىپورىنعا ءبىر شارا“ جوباسىن اقىلداسىپ، ءوڭىردىڭ اتموسفەراسىنىڭ لاستانۋىن جونگە سالۋداعى ءتۇرلى شارالاردىڭ ناقتى تياناقتانۋىن ىلگەرىلەتتى. اۆتونوميالى رايوندىق پارتكومنىڭ ورىنباسار شۋجيى، قازىنا - ەكونوميكا كەڭسەسىنىڭ مەڭگەرۋشىسى جاڭ چۇنلين ماجىلىسكە قاتىناستى ءارى ءسوز سويلەدى.
ماجىلىستەن ىلگەرى، اۆتونوميالى رايونداعى وسى سالاعا جاۋاپتى باسشى جولداس ۇيىرمە باستاپ حۋاديان شينجياڭ ەلەكتر تاراتۋ شەكتى سەرىكتەستىگى حۇڭيانچى بولىمشە سەرىكتەستىگى، 1 - تامىز بولات - تەمىر جارنا شەكتى سەرىكتەستىگى، شينفا توبى شينجياڭ سەرىكتەستىگى، شينيە ەنەرگيا حيميا ونەركاسىبى شەكتى جاۋاپكەرشىلىك سەرىكتەستىگى، فۋكاڭ تيانشان سەمەنت شەكتى جاۋاپكەرشىلىك سەرىكتەستىگى سياقتى كاسىپورىندارعا جانە اۆتونوميالى رايوننىڭ ەكولوگيالىق ورتانى باقىلاۋ - ولشەۋ باس پۋنكتىنە باسى - قاسىندا تەكسەرۋ - زەرتتەۋ جۇرگىزدى. ءتۇيىندى كاسىپورىنداردىڭ اتموسفەرانى لاستايتىن زاتتاردى ىعىستىرۋ، سونداي - اق جيناۋ، جونگە سالۋ، ونەركاسىپ باقشا رايوندارىندا ”تاس جولدان تەمىر جولعا اۋىستىرىلاتىن“ زات تاسىمالى، اۆتونوميالى رايوننىڭ قورشاعان ورتا، اۋا ساپاسىن الدىن الا مەجەلەۋ، الدىن الا مالىمەت بەرۋ، سونداي - اق لاستاۋ قاينارىن ينتەرنەت جەلىسىندە باقىلاۋ - ولشەۋ سياقتى جاعدايلاردى ۇعىستى.
ماجىلىستە قاتىستى ورىندار، كاسىپورىندار اتموسفەرانىڭ لاستانۋىنان ساقتانۋ جانە ونى وڭاۋ قىزمەتى جاعدايىنان مالىمەت بەردى.
ءماجىلىس مىنالاردى اتاپ كورسەتتى: ساياسي دەڭگەيدى جوعارىلاتىپ، ”ءۇرىمجى − سانجى − شىحىزى“ وڭىرىندە اتموسفەرانىڭ لاستانۋىنان ساقتانۋ جانە ونى وڭاۋدىڭ ماڭىزدىلىعىن، كوكەي تەستىلىگىن جەتە تانىپ، اتموسفەرانىڭ لاستانۋىن وڭاۋ ونىمدىلىگىن نەگىزگى تاقىرىپتىق تاربيەنىڭ جەتىستىكتەرىن سىننان وتكىزۋدەگى ءبىر ماڭىزدى مازمۇن ەتىپ، ”ەكىنى تۇراقتاندىرۋدى“ باتىل قولداۋدىڭ، ”ەكىنى قورعاۋدى“ باتىل ورىنداۋدىڭ ناقتى امالياتى ەتىپ، ”ءۇرىمجى − سانجى − شىحىزى“ وڭىرىندەگى اۋا ساپاسىن جاقسارتۋدى شىنايى ىلگەرىلەتۋ كەرەك.
ءماجىلىس مىنالاردى باسا دارىپتەدى: نەگىزگى تاقىرىپتىق تاربيەگە ۇشتاستىرىپ، يدەيالىق تانىمدى تەرەڭدەتىپ، تەكسەرۋ - زەرتتەۋدى ىشكەرىلەي ورىستەتىپ، ماسەلەلەردى، ولقىلىقتاردى مۇقيات تاۋىپ، قىزمەت وي جەلىسىن كەمەلدەندىرىپ، قىزمەت شارالارىن اشالاپ، ونەركاسىپ سالاسىندا لاستانۋدى، لاس زاتتاردىڭ شىعارىلۋىن ازايتۋداعى كومەسكى كۇشتى ىشكەرىلەي اشۋ كەرەك. ماسەلەنى باعدار ەتۋدەن جازباي، لاس زاتتاردىڭ شىعارىلۋ جالپى مولشەرىن ازايتۋعا نازار اۋدارىپ، لاس زاتتاردىڭ شىعارىلۋىن ازايتۋ، جيناپ الۋ جانە قايتالاي پايدالانۋ جاعىنا كۇش سالىپ، جابدىق ۇسىنىلىمىن ارتتىرىپ، ءتۇيىندى كاسىپ سالالارىندا ىشكەرىلەي وڭاۋدى ەگجەي - تەگجەيلى يگەرۋ، ناقتى يگەرۋ كەرەك. جۇيەلى وي جۇگىرتۋگە، كەشەندى شارا قولدانۋعا تاباندى بولىپ، كاسىپ قۇرىلىمىن رەتتەۋ، ەنەرگيادا جاسىل، تومەن كومىر قىشقىل گازدى بولۋعا قاراي بۇرىلىس جاساۋ، قاتىناس - تاسىمال قۇرىلىمىن رەتتەۋ سياقتى قىزمەتتەردى ءبىر تۇتاس جوسپارلاپ، ويداعىداي يگەرىپ، لاس زاتتاردىڭ شىعارىلۋ جالپى مولشەرىن قاينار كوزىنەن باستاپ ازايتۋ كەرەك.
ءماجىلىس مىنالاردى تالاپ ەتتى: ”ءۇرىمجى − سانجى − شىحىزى“ وڭىرىندەگى ءار دارەجەلى پارتكومدار، ۇكىمەتتەر، قاتىستى تاراۋلار مەن كاسىپورىندار جالپى جاعداي كوزقاراسىن بەرىك ورناتىپ، ۇيىمدىق باسشىلىقتى كۇشەيتىپ، جاۋاپكەرشىلىكتى تياناقتاندىرۋدى كۇشەيتىپ، قىزمەت مەحانيزمىن كەمەلدەندىرىپ، ”ءۇرىمجى − سانجى − شىحىزى“ ءوڭىرى اتموسفەراسىنىڭ لاستانۋىن وڭاۋدان قامال الۋدا كەزەڭدىك ناتيجەگە قول جەتكىزۋگە شىنايى كەپىلدىك ەتۋ كەرەك.
ياڭ فاسىن، پيڭ شينلاي، ۋاڭ گاڭ، ليۋ شينجيان قاتارلىلار قاتىستى تەكسەرۋ - زەرتتەۋگە جانە ماجىلىسكە قاتىناستى.
