− تايلاندتىڭ جۇڭگودا تۇراتىن باس ەلشىسى اتايۇي شيسامۋمەن سۇحبات
□ انار بۇلت \ شينجياڭ گازەتىنىڭ ءتىلشىسى جىڭ جو
4 - ايدىڭ 9 - كۇنىنەن 13 - كۇنىنە دەيىن تايلاندتىڭ جۇڭگودا تۇراتىن باس ەلشىسى اتايۇي شيسامۋ جانە ونىڭ ساپارلاستارى شينجياڭدا ەكسكۋرسيادا، ساپاردا بولدى. ەكسكۋرسيا، ساپار كەزىندە باس ەلشى اتايۇي شيسامۋ ءتىلشىنىڭ ارنايى سۇحباتىن قابىلدادى.
”بۇل مەنىڭ شينجياڭعا تۇڭعىش رەت ساپارلاي كەلۋىم. ايتىپ - ايتپاي، مىڭ ەستىگەننەن ءبىر كورگەن ارتىق دەگەن“. اتايۇي شيسامۋ بىلاي دەدى: شينجياڭ جۇڭگونىڭ ەرەكشە ماڭىزدى ولكە - رايونى، جىبەك جولىنداعى ماڭىزدى ارنا، شىعىس پەن باتىس وركەنيەتى وسى ارادا توعىسقان. شينجياڭنىڭ تابيعات كورىنىسى كوركەم، كوپ نەگىزدى مادەنيەتى بار، ۇلتتار وسى ارادا جاراسىمدى قاتار ءومىر سۇرۋدە، ورتالىق پەن اۆتونوميالى رايوندىق ۇكىمەت جەرگىلىكتى حالىقتىڭ تۇرمىس دەڭگەيىن بەلسەنە جوعارىلاتىپ، كاسىپ سالاسىن بار كۇشپەن دامىتتى، بۇلاردىڭ بارلىعى ماعان تەرەڭ اسەر قالدىردى.
سۇحباتتا اتايۇي شيسامۋ شينجياڭ ەكونوميكاسىنىڭ دامۋىنا جوعارى باعا بەردى. ول بىلاي دەدى: ورتالىق پەن اۆتونوميالى رايوندىق ۇكىمەتتىڭ شينجياڭدى دامىتۋعا كۇش سالۋ بەكىمى توتەنشە زور، اسا زور قۇلشىنىستار جاسادى، تابىسى جۇرتقا بەلگىلى. ايتالىق، شينجياڭ نەگىزدىك قۇرىلعىلار قۇرىلىسىن جەدەلدەتىپ، وسى زامانعى اۋىل شارۋاشىلىعى، جەمىس ورمانى شارۋاشىلىعى، جاسىل، تازا ەنەرگيا سياقتى كاسىپ سالالارىن بار كۇشپەن دامىتتى، سونىمەن بىرگە شينجياڭ وقۋ - اعارتۋعا توتەنشە ءمان بەردى، داشۋە جانە باۋلۋ قۇرىلىمدارى جۇمىستانۋشىلاردىڭ ەڭبەك شەبەرلىگىن جوعارىلاتۋىنا كومەكتەستى. وسى شارالار شينجياڭنىڭ ەكونوميكالىق دامۋى مەن قوعام ورنىقتىلىعىن پارمەندى جەبەدى.
تايلاند شىعىس وڭتۇستىك ازيا ەلدەرى وداعىنا، سونداي - اق «وڭىرلىك جان - جاقتى ەكونوميكالىق سەرىكتەستىك قارىم - قاتىناس كەلىسىمىنە» (RCEP) مۇشە ەلدەردىڭ ءبىرى رەتىندە، جۇڭگومەن باستان - اياق تىعىز سەلبەستىك قارىم - قاتىناسىن ساقتاپ كەلدى، اتايۇي شيسامۋ بىلاي دەپ قارادى: تايلاند پەن جۇڭگو شينجياڭىنىڭ سەلبەستىك كومەسكى كۇشى اسا زور، ەكى جاقتىڭ وڭىرلىك جان - جاقتى ەكونوميكالىق سەرىكتەستىك قارىم - قاتىناس جۇلگەسىندە اناعۇرلىم تىعىز سەلبەستىكتى ورىستەتۋىنە بولادى.
”ءىس جۇزىندە، كوپتەگەن تايلاندتىق ساۋداگەر شينجياڭعا كەلىپ ساۋدا ورايىن قاراستىرۋدى ءۇمىت ەتەدى“. اتايۇي شيسامۋ بىلاي دەدى: تايلاند ازىق - تۇلىك ەكسپورت ەتەتىن نەگىزگى ەل، جۇڭگونىڭ شينجياڭى زەردەلى اۋىل شارۋاشىلىعىن دامىتۋعا باسا ءمان بەرەدى، ەكى جاقتىڭ ءوزارا تاجىريبە اۋىستىرىپ، اۋىل شارۋاشىلىعى، مال شارۋاشىلىعى، ساۋدا سياقتى سالالاردا سەلبەستىك ورىستەتۋىنە بولادى. ونان قالسا، تازا ەنەرگيا جاعىندا، ايتالىق، كۇن ەنەرگياسى، جەل ەنەرگياسى جانە سۋ بايلىعى سىندى سالالاردا دا اسا زور سەلبەستىك ورناتۋ مۇمكىندىگى بار.
اتايۇي شيسامۋ مىنالاردى ءبىلدىردى: RCEP قامالدى تالقانداۋ، كەدەن باجىسىن ازايتۋ، ءتىپتى، كەدەن باجىسىن كۇشىنەن قالدىرۋ ارقىلى ءوڭىر ارا ساۋدا دەڭگەيىن جوعارىلاتۋعا كۇش سالادى. بولاشاقتا ەكى جاقتىڭ ساۋدادا، قارجى قوسۋدا، سونداي - اق قىزمەتكەرلەر جاعىندا ىشكەرىلەي اۋىس - كۇيىس جاساسۋىن ءۇمىت ەتەمىن.
”شينجياڭ توتەنشە كوركەم ەكەن“. اتايۇي شيسامۋ شينجياڭنىڭ مول ساياحات بايلىعىن دا ءتۇيىندى اۋىزعا الدى. ول: تايلاند حالقى شينجياڭدى ءتىپتى دە جان - جاقتى ءتۇسىنۋدى، تاماشالاپ ساياحاتتاۋدان سىرت، شينجياڭعا كەلىپ وقۋدى، تۇرلىشە مادەنيەتتى جانە جەرگىلىكتى تىلدەردى، ت. ب لاردى ۇيرەنۋدى ءۇمىت ەتەدى. ” ءبىز ەكى جەر اراسىندا تىكە ۇشاتىن اناعۇرلىم كوپ جولاۋشىلار ۇشاعىنىڭ ىسكە قوسىلۋىن، اناعۇرلىم قولايلى راسميات ءبىتىرۋ شارالارىنىڭ اتقارىلىپ، ءوزارا ءتۇسىنىسۋدىڭ تەرەڭدەپ، ەكى جاق سەلبەستىگىنە اناعۇرلىم مىعىم نەگىز قالانۋىن ءۇمىت ەتەمىز“، - دەدى.
