انار بۇلت \ شينجياڭ گازەتىنىڭ ءتىلشىسى پاڭ شۇي 4 - ايدىڭ 13 - كۇنى ۇرىمجىدەن حابارلايدى. قارلى تاۋدىڭ زاڭعار شىڭىندا قاناتىن كەڭگە جايىپ سامعار قىران؛ قارلى تاۋدىڭ ەتەگىندە ماڭگىلىك ۇيقىعا كەتتى قاھارمان. 4 - ايدىڭ 13 - كۇنى مۋزيكالى تەاتر «لاچين بايەكە» شينجياڭ كوركەمونەر تەاترحاناسىنىڭ مۇقام كوركەمونەر ۇيىرمەسى تەاترحاناسىندا قويىلدى.
”وسى مۋزيكالى تەاتردى كورگەنىمدە، كوڭىل كۇيىم وقيعا جەلىسىنە ىلەسە تولقىپ وتىردى، راسىندا، قاتتى اسەرلەندىم“، - دەدى كورەرمەن ۋ يۇيفىڭ.
تۇڭعىش كەزەكتى شينجياڭ مادەنيەت - كوركەمونەر فەستيۆالىندا جاڭا داۋىردەگى ساحنالىق كوركەمونەردەگى تاڭداۋلى تەاتر بولعان وسى تەاتردا لاچين بايەكە پروتوتيپ ەتىلگەن، بۇكىل تەاتر جالپى 5 پەردەگە بولىنەدى، جەكە - جەكە «پامير ءوسپىرىمى»، «پاميردەگى جاس»، «پامير ازاماتى»، «پامير باتىرى»، «پامير قىرانى» بولىپ، لاچين بايەكەنىڭ ەسەيىپ - ەرجەتۋى، قوسىنعا قاتىناسۋى، ۇيلەنۋى، شەكارا قورعاۋى، ەڭ سوڭىندا سۋعا كەتكەن بالانى قۇتقارۋ جولىندا قۇربان بولۋى سىندى كەشىرمەسى جاندى بەينەلەنگەن.
”لاچين بايەكە − بارلىق وتباسىنا تانىس قاھارمان كەيىپكەر، ونىڭ رولىنا شىعۋ ورايىنا يە بولۋىم مەنىڭ ومىرىمدەگى ەڭ ەستەن كەتپەس كەشىرمەم“، - دەدى ارتيست يليپار يىلحام، - ”بۇل تەاتردىڭ قاھارمان وبرازىنىڭ ءتىپتى دە كوپ ادامنىڭ جۇرەگىنە ۇيالاۋىنا مۇمكىندىك جاساۋىن ءۇمىت ەتەمىن“.
ۇعىسۋعا قاراعاندا، مۋزيكالى تەاتر «لاچين بايەكە» 2022 - جىلى 4 - ايدا قاشقار داشۋەسىندە تۇڭعىش رەت ءساتتى قويىلىپ، قوعامنىڭ جاپپاي نازارىن اۋدارعان، ىلە - شالا 12 اۋدان، قالادا ارالاي قويىلعان.
شييان مادەنيەت شارۋاشىلىعى توبىنىڭ ورىنباسار باسالقاسى، مۋزيكالى تەاتر «لاچين بايەكەنى» دايىنداۋشى لياۋ چيان بىلاي دەپ تانىستىردى: وسى تەاتردىڭ ساحنا كوركەمدىگى، كيىم - كەشەك جانە مۋزيكا جاسامپازدىعى جاعىنىڭ بارلىعىنا جاڭالىق ەنگىزىلدى، ”ءبىز كورۋ تۇيسىگى قۇراستىرۋىندا كينولىق مونتاجداۋ ءتاسىلىن قوسىپ، كورەرمەندەردىڭ ءتىپتى دە بەرىلە كورۋىنە مۇمكىندىك جاسادىق“.
