انار بۇلت \ شينجياڭ گازەتىنىڭ ءتىلشىسى جىڭ جو 4 - ايدىڭ 12 - كۇنى ۇرىمجىدەن حابارلايدى. اۆتونوميالى رايوننىڭ ۇكىمەت ىستەرىنە قىزمەت وتەۋ جانە الەۋمەتتىك بايلىق ساۋدا ورتالىعىنان ۇعىسۋىمىزشا، ءبىرىنشى ماۋسىمدا شينجياڭ الەۋمەتتىك بايلىق ساۋدا تورىندا جيىنى 32 كەن بارلاۋ ۇقىعى ماڭدايشالىق اسىپ وتكەرمەلەنگەن، قازىر كەلىسىلگەنى 14 بولىپ، ساۋدا سوماسى 31 ميلليارد 500 ميلليون يۋانعا جەتكەن.
ءبىرىنشى ماۋسىمداعى كەن بارلاۋ ۇقىعىن وتكەرمەلەۋ نەگىزىنەن قورعاسىن - مىرىش، التىن، مىس، فيلۋوريت، كومىر قاباتى گازى سياقتى سالالارعا شوعىرلانعان، مۇنىڭ ىشىندە جۇڭگونىڭ ەڭ ۇلكەن قورعاسىن - مىرىش كەنى − شينجياڭ حوتان اۋدانى حوشاۋيۇن قورعاسىن - مىرىش كەنىنىڭ كەن بارلاۋ ۇقىعىنا مەردىگەر شاقىرۋ نىسانى قامتىلعان، بۇل كەن بارلاۋ ۇقىعى مەيلى مەردىگەر شاقىرۋدىڭ العاشقى باعاسى بولسىن، الدە كەلىسكەن باعاسى بولسىن، تۇگەلدەي مەملەكەت بويىنشا كەن بارلاۋ ۇقىعىن وتكەرمەلەۋ رەكوردىن جاڭالادى.
شينجياڭ مەملەكەت بويىنشا مۇناي - تابيعي گاز وتكەرمەلەۋ ءتۇزىمى رەفورماسىن تۇيىندە سىناق ەتەتىن ولكە، رايون جانە مەملەكەت بويىنشا كەن شارۋاشىلىعى ۇقىعىن وتكەرمەلەۋ ءتۇزىمى رەفورماسى سىناق ءتۇيىنى ەتىلگەن 6 ولكەنىڭ ءبىرى. بيىل جىل باسىنان بەرى، اۆتونوميالى رايوننىڭ ۇكىمەتتىك قىزمەت وتەۋ جانە الەۋمەتتىك بايلىق ساۋدا ورتالىعى ”تومەنگە بەرۋ، باسقارۋ، قىزمەت وتەۋ“ رەفورماسىن تەرەڭدەتىپ، كاسىپ ءتارتىبىن ساپالىلاندىرىپ، تىزىمدەلۋ ماتەريالدارىن ىقشامداپ، كەن ونىمدەرى ساۋداسىنداعى قيىن ءتۇيىندى، بوگەت ءتۇيىندى ماسەلەلەردى كۇش سالا شەشتى. بۇل ورتالىق جالپى بارىس بويىنشا ەلەكتروندانعان ساۋدا ۇلگىسىن قولدانىپ، ”جۇزدەسپەي“ قابىلداۋ سياقتى تاسىلدەر ارقىلى اناعۇرلىم كوپ قۋاتتى كاسىپورىنداردىڭ كەن بايلىعى ساۋداسىنا قاتىناسۋىنا ”اشىق، ءادىل، ادىلەتتى“ قولايلى تۇعىر ازىرلەدى. سونىمەن بىرگە جىلجىمالى CA كۋالىگىن شىعارىپ، كاسىپورىن سول جەرگە بارماي - اق سالاۋاتىن كۋالاندىرۋ، سونداي - اق مەردىگەرلىككە شاقىرۋ، مەردىگەر بولۋ بارىسىن ورىنداپ، كاسىپورىندارعا قولايلىلىق تۋدىرىپ، ساۋدانىڭ وزىندىك قۇنىن تومەندەتتى.
اۆتونوميالى رايوننىڭ ۇكىمەتتىك قىزمەت وتەۋ جانە الەۋمەتتىك بايلىق ساۋدا ورتالىعى جاراتىلىستىق بايلىق ساۋدا ءبولىمىنىڭ قاتىستى جاۋاپتىسى مىنانى ءبىلدىردى: بيىل جۇزدەسپەي ساۋدالاسۋ تۇعىرىن ونان ارى كەمەلدەندىرىپ، ساۋدا ۇلگىسىنىڭ دارەجەسىن جوعارىلاتۋدى ىلگەرىلەتىپ، الەۋمەتتىك بايلىق ساۋداسىنا قىزمەت وتەۋدىڭ ماماندانۋىن، كوپ نەگىزدەنۋىن جەبەيمىز.
