جاڭ چۇنلين كەزدەسۋگە قاتىناستى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 4 - ايدىڭ 12 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوننىڭ ءتوراعاسى ەركىن تۇنياز 4 - ايدىڭ 12 - كۇنى ۇرىمجىدە تايلاندتىڭ جۇڭگودا تۇراتىن باس ەلشىسى اتايۇيمەن جانە جۇڭگو − شىعىس وڭتۇستىك ازيا ەلدەرى وداعى ورتالىعىنىڭ باس حاتشىسى شى جۇڭجۇنمەن جانە ولاردىڭ ساپارلاستارىمەن كەزدەسىپ، ءتوراعا شي جينپيڭ بىلتىر ازيا − تىنىق مۇحيت ەكونوميكالىق سەلبەستىك ۇيىمىنىڭ باسشىلار بەيرەسمي ماجىلىسىنە قاتىناسقان كەزدە تايلاند سياقتى شىعىس وڭتۇستىك ازيا ەلدەرى وداعىنا مۇشە ەلدەردىڭ مەملەكەت باسشىلارىمەن بىرگە كەلىسكەن ماڭىزدى ورتاق تانىمدى تياناقتاندىرىپ، جۇڭگونىڭ شينجياڭىنىڭ تايلاندپەن جانە شىعىس وڭتۇستىك ازيا ەلدەرى وداعىنداعى مەملەكەتتەرمەن جەرگىلىكتى ورىندار ارا دوستىق اۋىس - كۇيىستى، ناقتى ىستەر سەلبەستىگىن ونان ارى ىلگەرىلەتۋ جونىندە ىشكەرىلەي پىكىر اۋىستىرىپ، جوعارى دەڭگەيدە سىرتقا ەسىك اشۋ ارقىلى شينجياڭنىڭ جوعارى ساپالى دامۋىن جەبەدى.
اۆتونوميالى رايوندىق پارتكومنىڭ ورىنباسار شۋجيى جاڭ چۇنلين كەزدەسۋگە قاتىناستى.
ما شيڭرۇي اۆتونوميالى رايوندىق پارتكوم مەن ۇكىمەت اتىنان اتايۇيدىڭ، شى جۇڭجۇننىڭ جانە ولاردىڭ ساپارلاستارىنىڭ شينجياڭعا كەلىپ ەكسكۋرسيادا، ساپاردا بولىپ، سەلبەستىكتى تەرەڭدەتۋىن قارسى الاتىندىعىن ءبىلدىردى ءارى شينجياڭنىڭ ەكونوميكالىق، قوعامدىق دامۋ جاعدايىن تانىستىردى. ول بىلاي دەدى: ءتوراعا شي جينپيڭ جۇڭگونىڭ جۇڭگو ۇلگىسىندەگى وسىزامانداندىرۋدى ىلگەرىلەتۋىنە جەتەكشىلىك ەتىپ، جۇڭگونىڭ جوعارى ساپالى دامۋى ارقىلى دۇنيە جۇزىنە ۇزدىكسىز اناعۇرلىم كوپ جاڭا وراي ازىرلەدى. شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىندە، شينجياڭ جىبەك جولى ەكونوميكالىق بەلدەۋى وزەكتى رايونى قۇرىلىسىن جەدەلدەتىپ، سالىستىرمالى تۇردە تۇيىق ىشكى قۇرلىقتان سىرتقا ەسىك اشۋدىڭ الدىڭعى شەبىنە اينالىپ، اناعۇرلىم كەڭ كولەمدە، اناعۇرلىم كەڭ سالادا، اناعۇرلىم تەرەڭ دەڭگەيدە سىرتقا ەسىك اشۋدى جەدەلدەتۋدە. ءبىز تايلاند جاقپەن بىرگە قۇلشىنىپ، جۇڭگو − تايلاند ەكى ەل مەملەكەت باسشىلارىنىڭ ماڭىزدى ورتاق تانىمىن ويداعىداي، بەلسەندى تياناقتاندىرىپ، ”ءبىر بەلدەۋ، ءبىر جولدى“ بىرگە قۇرۋدى ارقاۋ ەتىپ، جۇڭگونىڭ شينجياڭىنىڭ تايلاندتىڭ جەرگىلىكتى ورىندارىمەن ءتۇرلى سالاداعى سەلبەستىگىن تەرەڭدەتىپ، ەكونوميكا - ساۋدا ناقتى ىستەر سەلبەستىگىن تەرەڭدەتىپ، مادەنيەت اۋىس - كۇيىسىن ۇزدىكسىز كۇشەيتىپ، ءوزارا تيىمدىلىك جەتكىزىپ دامۋ كەڭىستىگىن ۇزدىكسىز كەڭەيتىپ، جۇڭگو − تايلاند تاعدىرلاس ورتاق تۇلعاسىن قۇرۋعا كۇش قوسۋدى قالايمىز. سوڭعى جىلدارى جۇڭگو مەن شىعىس وڭتۇستىك ازيا ەلدەرى وداعى قارىم - قاتىناسى قارىشتاپ دامىپ، ەكى جاق ەڭ جان - جاقتى، ەڭ ناقتى مانگە يە، بارىنشا ءوزارا تيىمدىلىك جەتكىزىپ، بىرگە يگىلىككە كەنەلەتىن ستراتەگيالىق سەرىكتەرگە اينالىپ، جۇڭگو − شىعىس وڭتۇستىك ازيا ەلدەرى وداعى ورتالىعىنىڭ ماڭىزدى رولى ۇزدىكسىز كورنەكتىلەندى. وسى ورتالىقتىڭ باسىمدىقتى اناعۇرلىم ويداعىداي ساۋلەلەندىرىپ، جۇڭگونىڭ شينجياڭىنىڭ شىعىس وڭتۇستىك ازيا ەلدەرى وداعىنداعى مەملەكەتتەردىڭ جەرگىلىكتى ورىندارىمەن اراداعى سەلبەستىكتى تەرەڭدەتۋى ءۇشىن بەلسەندى تۇردە كوپىرلىك، دانەكەرلىك رول اتقارىپ، كومەك، قولداۋ كورسەتىپ، اۋىس - كۇيىس، سەلبەستىك دەڭگەيىنىڭ جان - جاقتىلى جوعارىلاۋىن ىلگەرىلەتىپ، اناعۇرلىم مول ناقتى تابىستار ارقىلى ەكى جاق حالقىنا ناقتى قۇت - ىرىس اكەلۋدى ءۇمىت ەتەمىز.
اتايۇي مىنالاردى ءبىلدىردى: بۇل رەت جۇڭگونىڭ شينجياڭىنا كەلىپ كوپتەگەن ايماق، قالالاردا دوستىق، كوڭىلدى ساپاردا بولدىق. شينجياڭ وزگەشە وڭىرلىك ورىن باسىمدىعىنا يە، جىبەك جولى ەكونوميكالىق بەلدەۋى وزەكتى رايونى مەن جۇڭگونىڭ باتىسقا ەسىك اشۋىنداعى الدىڭعى شەپ، تايلاندتىڭ جەرگىلىكتى ورىندارىمەن ارادا كوپ سالالى سەلبەستىك، اۋىس - كۇيىس جاساۋ ءورىسى ءبىرشاما كەڭ، كومەسكى كۇشى ءبىرشاما زور. جۇڭگونىڭ شينجياڭىمەن بىرگە وسى زامانعى اۋىل شارۋاشىلىق سەلبەستىگىن كۇشەيتىپ، مادەنيەت - ساياحات جاقتاعى اۋىس - كۇيىستى تەرەڭدەتىپ، جەل ەنەرگياسى سياقتى تازا ەنەرگيانى اشۋدى، پايدالانۋدى جانە مۇناي - تابيعي گاز كاسىپ سالاسىنداعى دامۋ سەلبەستىگىن كۇشەيتىپ، سەلبەستىك كەڭىستىگىن ۇزدىكسىز ۇلعايتىپ، سەلبەستىك دەڭگەيىن جوعارىلاتىپ، اناعۇرلىم مول تابىستارعا قول جەتكىزۋدى قالايمىز.
شى جۇڭجۇن مىنالاردى ءبىلدىردى: جۇڭگو − شىعىس وڭتۇستىك ازيا ەلدەرى وداعى ورتالىعى كوپىرلىك، دانەكەرلىك رولىن ونان ارى ويداعىداي ساۋلەلەندىرىپ، شىعىس وڭتۇستىك ازيا ەلدەرى وداعىنداعى مەملەكەتتەردىڭ قاتىستى قۇرىلىمدارىن جانە قىزمەتكەرلەرىن شينجياڭعا بارىپ دوستىق ساپار، ساۋدا، قارجى قوسۋ، تانىستىرۋ سياقتى قيمىلداردى ورىستەتۋگە ۇيىمداستىرىپ، ەكى جاقتىڭ وقۋ - اعارتۋ، مەديا، جاسىل اۋىل شارۋاشىلىعى، قورشاعان ورتانى قورعاۋ سياقتى سالالارداعى اۋىس - كۇيىسىن، سەلبەستىگىن كۇشەيتۋدى جەبەپ، شىعىس وڭتۇستىك ازيا ەلدەرى وداعىنداعى مەملەكەتتەردە جۇڭگونىڭ شينجياڭىنىڭ حيكاياسىن بەلسەندى تۇردە ويداعىداي بايانداپ، جۇڭگونىڭ شينجياڭىنىڭ شىعىس وڭتۇستىك ازيا ەلدەرى وداعىنداعى مەملەكەتتەردىڭ جەرگىلىكتى ورىندارىمەن اراداعى سەلبەستىگىن كەڭەيتۋىنە پارمەندى قولداۋ كورسەتىپ، جۇڭگونىڭ شىعىس وڭتۇستىك ازيا ەلدەرى وداعىمەن قارىم - قاتىناسىنىڭ دامۋىن جەبەۋگە بەلسەندى ۇلەس قوسۋدى قالايدى.
چىن ۋيجۇن قاتارلىلار كەزدەسۋگە قاتىناستى.
