− ساياحات جارمەڭكەسىندەگى جارقىن تۇيىندەرگە نازار سالعاندا ③
□ انار بۇلت \ شينجياڭ گازەتىنىڭ ءتىلشىسى ياۋ گاڭ
”كوك اسپان، جاسىل جايلاۋ، كوز ۇشىندا اسقارالى قارلى تاۋلار. اشىق اسپان، اقشا بۇلت استىنداعى جوعارى دەڭگەيدەگى ۇيشە كولىك قونالقى ورنى سەيىلدەپ، دەمالعان ساياحاتشىلاردىڭ قاجەتىن قاناعاتتاندىرادى“... 4 - ايدىڭ 10 - كۇنى 2023 - جىلعى شينجياڭ مادەنيەت - ساياحات كاسىپ سالاسى جارمەڭكەسى جانە 4 - كەزەكتى شينجياڭ كوكتەمگى ساياحات كورمەسى ورنىندا شينجياڭ سىمەي شىڭشى مادەنيەت - ساياحات شەكتى سەرىكتەستىگى ۇيشە كولىك قونالقى ورنىن تانىستىرۋ ءتۇرى شينجياڭنىڭ ءىشى - سىرتىنداعى ساۋداگەرلەردىڭ جانە قىرعىزستاندىق كورمەگە قاتىناسۋشىلاردىڭ نازارىن اۋداردى.
”سايرام كولى، چوڭقۇشتاي، قاراجون سياقتى 6 ءىرى ۇيشە كولىك قونالقى ورنىن قۇرۋ نەگىزىندە، بيىل ءبىز 30 شاعىن قونالقى ورنىن قۇرىپ، ساياحاتشىلاردىڭ كورىنىس ءوڭىرىنىڭ ’سوڭعى ءبىر شاقىرىمىنا‘ جەتۋ سۇرانىسىن قاناعاتتاندىرامىز“. وسى سەرىكتەستىكتىڭ ورىنباسار باس ديرەكتورى سۇڭ تاۋ بىلاي دەدى: ”شينجياڭ ءوز كولىگىمەن ساياحاتتاۋدىڭ جەر ۇيىعى، كوپتەگەن تۇزدە تۇنەۋ، ۇيشە كولىك جانە ۇيشە كولىك قونالقى ورنى كاسىپورىندارىن ىرگە تەبۋگە باۋرادى. ۇقساس سيپاتتى باسەكەدە اعالاپ العا شىعۋ ءۇشىن، ءبىر جاعىنان، قاتتى بولشەك قۇرىلعىلارى مەن جۇمساق بولشەك قىزمەت كورسەتۋىنىڭ دەڭگەيىن ۇزدىكسىز جوعارىلاتۋ قاجەت بولسا؛ ەندى ءبىر جاعىنان، قامدايتىن ءونىم ءدال بولۋى، سول ارقىلى تۇرلىشە نىساناداعى ساياحاتشىلاردىڭ سۇرانىسىن قاناعاتتاندىرۋعا بولادى“. شاعىن قونالقى ورنىن قۇرۋدىڭ ءوزى ساياحاتشىلاردىڭ سۇرانىسىنا تالداۋ جاساۋ نەگىزىندە جاسالعان قورىتىندى.
بيىل جىل باسىنان بەرى، ادامداردىڭ سىرتقا شىعىپ ساياحاتتاۋ تىلەگى تولىق ىسكە اسىپ، شينجياڭنىڭ ساياحات بازارىندا ”جوعارى باستالىپ، جوعارى ءجۇرۋ“ سىندى ۇزدىكسىز ورلەۋ كۇيى جارىققا شىقتى. وراي الدىندا كورمەگە قاتىناسقان كاسىپورىندار مەن ساۋداگەرلەردىڭ اراسىندا ساياحاتشىلاردىڭ سۇرانىسىن بەتالىس ەتىپ، دالمە - ءدال، ماماندانعان، ەرەكشەلىككە يە ونىمدەردى جاسامپازدىقپەن تۇلعالاۋعا دەن قويىپ، ساياحاتشىلاردىڭ الۋان تۇرلىلەنگەن، دارالانعان سۇرانىسىن قۇلشىنا قاناعاتتاندىرىپ، سول ارقىلى ارنايى ات باسىن بۇراتىن ساياحاتشىلاردى باۋرايتىندار كوبەيە ءتۇستى.
بەيجيڭ يدىلي ويىن جابدىقتارى شەكتى سەرىكتەستىگى، نەگىزىنەن، بولمە ءىشى - سىرتىنداعى كەڭەيتۋ جابدىقتارى، سەرىپپەلى توسەك باقشاسى، سۋ ۇستىندە اتا - انالار مەن بالالار بىرگە ويناۋ جابدىقتارى سياقتىلاردى وندىرەدى. ساياحات جارمەڭكەسىندە سەرىكتەستىكتىڭ ساتۋ ديرەكتورى چىڭ حۇي 100 نەشە كيلەنتتى دوستارى ەتىپ قوسىپ الدى. ”قازىر وتباسىلىق ساياحات، اتا - انالار مەن بالالار بىرگە ساياحاتتاۋ بارعان سايىن قارسى الىنىپ، حاۋىپسىزدىگى جوعارى، ەرەكشەلىگى بار ويىن جابدىقتارىن جۇرت ۇناتىپ وتىر. وسى رەتكى ساياحات جارمەڭكەسىندە جاڭادان تانىسقان دوستارىمنىڭ كوبى توڭىرەكتە ساياحاتتاۋ، اتا - انالار مەن بالالار بىرگە ساياحاتتاۋ اۋماقتارىنىڭ جاۋاپتىلارى“. چىڭ حۇيدىڭ ايتۋىنشا، ساياحات جارمەڭكەسى اياقتاعاننان كەيىن، ول بۇراتالا موڭعۇل اۆتونوميالى وبلىسىنا، اقسۋ ايماعىنا بارىپ تەكسەرۋ جۇرگىزىپ، ەكى جەردىڭ كورىنىس وڭىرلەرىمەن، ساۋداگەرلەرىمەن بايلانىس ورناتىپ، سۋعا قاتىستى تۇرلەردى بىرگە تۇلعالايدى ەكەن.
”شينجياڭداعى شاڭعى تەبۋ ورلەۋىنە مەڭزەس، ءبىز قارلى دالا قونالقى جەر كولىگىن ارناۋلى زەرتتەپ جاسادىق، جىلۋ ساقتاۋ قاباتىن قوستىق، سۋ قۇبىرلارىن سۋىقتان ساقتاناتىن ەتىپ جوبالادىق“. شاندۇڭ رۇڭيە ۇيشە كولىك جاساۋ بويىنشا قىزمەت كورسەتۋ شەكتى سەرىكتەستىگىنىڭ ساتۋ ديرەكتورى حۋاڭ دۇڭشيننىڭ ايتۋىنشا، ولار شينجياڭنىڭ بازارىنا ۇزاق ۋاقىت تەكسەرۋ - زەرتتەۋ جۇرگىزىپ، قار - مۇز ساياحاتىن كوزدەي وتىرىپ، باعىتتامالى ونىمدەردى شىعارىپ، ساياحات جارمەڭكەسىندە نازارعا ىلىككەن كورىنەدى.
ءۇرىمجى تەمىر جول حالىقارالىق ساياحات كووپەراتيۆى شەكتى جاۋاپكەرشىلىك سەرىكتەستىگى، نەگىزىنەن، ”پويەزبەن شينجياڭدى ساياحاتتاۋ“ ماركاسىن تۇلعالاپ، ”شيندۇڭفاڭ جىلدام كولىگى“، ”جىبەك جولى تيانشان ءنومىرلى“ ساياحات ارناۋلى پويەزىنەن تىس، تاعى ”تيانشان ءنومىرلى · كورىكتى شينجياڭدى ساياحاتتاۋ“، ”تاكلاماكاندى اينالىپ ساياحاتتاۋ“، ”وڭتۇستىك شينجياڭدى ەمىن - ەركىن ساياحاتتاۋ“ سياقتى جاڭا ونىمدەردى شىعاردى. سەرىكتەستىكتىڭ باس ديرەكتورى حۋاڭ تيڭفىن بىلاي دەپ تانىستىردى: ”بازاردىڭ سۇرانىسى بويىنشا ءبىز تاعى شينجياڭنان شىعاتىن ارناۋلى پويەزدى، گۇل تاماشالاۋ مەرەكەلىك ساياحات ارناۋلى پويەزىن جۇرگىزىپ، ساياحات ارناۋلى پويەزىنىڭ ساپاسىن زور كولەمدە جوعارىلاتىپ، ىشكەرىلەي ساياحاتتاۋشىلاردىڭ سۇرانىسىن قاناعاتتاندىرامىز“.
ءۇرىمجى جيۋشيڭ مادەنيەت مەديا شەكتى سەرىكتەستىگىنىڭ ”ساياحات ەستەلىك بۇيىمدارى بويىنشا تۇتاس تىزبەكتىك قىزمەت ەتەمىز“ دەگەن جارناما سوزگە قىزىققان باعراش اۋدانى، ونسۋ اۋدانى، ماناس اۋدانى سياقتى جەرلەردىڭ مادەنيەت - ساياحات تاراۋلارى مەن كورىنىس وڭىرلەرىنىڭ جاۋاپتىلارى وسى سەرىكتەستىكتىڭ كورمە ورنى الدىنا كەلدى. ”الدىڭعى مەرزىمدىك تەكسەرۋ - زەتتەۋ بويىنشا جوسپارلاۋدان، ورتا مەزگىلدىك جوبالاۋدى كورسەتۋدەن، ۇلگى باسىپ جاساۋدان ءوندىرىپ تياناقتاندىرۋعا، تەرمينالدا ساتۋعا دەيىن تۇتاس تىزبەكتىك قىزمەت كورسەتۋدى جۇزەگە اسىردىق، مۇنداعى ماقسات كورىنىس وڭىرلەرىنىڭ، كورىنىس تۇيىندەرىنىڭ كورنەكى، بازارلى مادەنيەت جاسامپازدىق ونىمدەرىن تۇلعالاۋ بولىپ تابىلادى“، - دەدى وسى سەرىكتەستىكتىڭ باس ديرەكتورى ياڭ جۇنفىڭ تانىستىرىپ.
اۆتونوميالى رايوندىق ساياحات قوعامىنىڭ ورىنباسار باستىعى جاڭ شياۋيۇي بىلاي دەپ قارادى: كوپشىلىك قولدى ساياحاتتىڭ الۋان تۇرلىلەنگەن، دارالانعان تۇتىنۋ قاجەتىنە ۇيلەسىپ، ساياحاتتىق تۇتىنۋ جاعدايىندا جاڭالىق اشىپ، ساياحاتتىق تۇتىنۋدىڭ جاڭا ۇلگىسىن بەلسەنە جەتىلدىرۋ ساياحات سالاسىنىڭ ورتاق تانىمىنا اينالدى. ساياحات جارمەڭكەسىنە قاتىناسقان كاسىپورىندار مەن ساۋداگەرلەر ۇسىنعان جاڭا ونىمدەردەن كوپشىلىكتىڭ مادەنيەت - ساياحات تۇتىنۋ دەڭگەيىنىڭ جوعارىلاۋ بەتالىسىنا ىلەسىپ، ساياحاتتىڭ جاڭا قامداۋىن، جاڭا جاعدايىن، جاڭا ۇلگىسىن تۇلعالاپ، ساياحات بازارىنان اناعۇرلىم زور يگىلىككە يە بولعىسى كەلەتىندىگىن كورۋگە بولادى.
