مادەنيەت - ساياحات تۇتىنۋىنىڭ جاپپاي قالپىنا كەلۋىن ىلگەرىلەتتى

شىحىزى قالاسى:

مادەنيەت - ساياحات تۇتىنۋىنىڭ جاپپاي قالپىنا كەلۋىن ىلگەرىلەتتى

□ انار بۇلت \ شينجياڭ گازەتىنىڭ ءتىلشىسى ميھىرگۇل عوپۇر

　　ۇكىمەت قىزمەتىنەن باياندامادا اس - سۋ، مادەنيەت، ساياحات، دەنە تاربيە سياقتى تۇرمىستىق قىزمەت وتەۋ تۇتىنۋىنىڭ قالپىنا كەلۋىن ىلگەرىلەتۋ كەرەكتىگى العا قويىلدى. شينجياڭ ءوندىرىس - قۇرىلىس بيڭتۋانى 8 - شىسى شىحىزى قالاسىنىڭ مادەنيەت - ساياحات تاراۋى مەملەكەتتىك ەكى ءماجىلىستىڭ رۋحىن مۇقيات ۇيرەنىپ، ۇگىتتەپ، دايەكتىلەندىرىپ، مادەنيەت جانە ساياحات ونىمدەرىمەن قامداۋدى ۇزدىكسىز مولايتىپ، اسكەري تىڭ يگەرۋ مادەنيەتى زەرتتەۋ - ۇيرەنۋ ساياحاتىن بارىنشا دامىتىپ، مادەنيەت جانە ساياحات جاعىنداعى قىزمەت وتەۋ ساپاسىن بار كۇشپەن جوعارىلاتىپ، مادەنيەت جانە ساياحات تۇتىنۋىنىڭ جاپپاي قالپىنا كەلۋىن ىلگەرىلەتتى.

　　3 - ايدىڭ 25 - كۇنى اشىلعان 8 - شى شىحىزى قالاسىنىڭ تۇڭعىش كەزەكتى باتپىراۋىق مادەنيەت فەستيۆالىندا قابىلدانعان ساياحاتشى 100 مىڭ ادامنان (رەت) اسىپ، 20 ميلليون يۋان شاماسىنداعى ساياحات تۇتىنۋىن جەبەدى. 8 - شى شىحىزى قالالىق مادەنيەت، دەنە تاربيە، راديو - تەلەۆيزيا جانە ساياحات مەكەمەسىنىڭ ساندىق مالىمەتىندە كورسەتىلۋىنشە، بيىل ءبىرىنشى ماۋسىمدا شىحىزى قالاسى قابىلداعان ساياحاتشى 2 ميلليون 800 مىڭ ادامعا (رەت) جەتىپ، سايكەس مەزگىلدەگىدەن ％4. 5 ارتقان، ساياحات كىرىسى ءبىر ميلليارد 370 ميلليون يۋان بولىپ، سايكەس مەزگىلدەگىدەن ％2. 2 ارتقان.

　　بيىل كوكتەمدە شىحىزى قالاسى قالا ساياحاتى، قالا ماڭى ساياحاتى سارا جەلىلەرىن ساتىلى، ءتۇيىندى تۇردە، ۋاقىت كەزەڭدەرىنە ايىرا تۇلعالادى جانە ۇسىندى، سونىمەن بىرگە ءبىرسىپىرا مادەنيەت جانە ساياحات ونىمدەرى مەن باي مازمۇندى، الۋان ءتۇرلى مەرەكەلىك قۇتتىقتاۋ قيمىلدارىن شىعارىپ، قالىڭ ساياحاتشىلاردى بەلسەندى قاتىناسۋعا باۋراپ، ساياحاتشىلار سانى مەن ساياحات كىرىسىن ورنىقتى ارتتىردى. 8 - شى شىحىزى قالالىق مادەنيەت، دەنە تاربيە، راديو - تەلەۆيزيا جانە ساياحات مەكەمەسى تۇتىنۋ بەلەتىن تاراتۋ، قاقپا بەلەتىن ارزانداتىپ ساتۋ سياقتى ءتيىمدى ساياساتتاردى شىعارىپ، شاڭعى الاڭى، كىتاپ دۇكەنى، دەنە شىنىقتىرۋ سارايى، قوناق ءۇي، شارۋالار شاتتىعى سياقتى ورىندارداعى 10 ميلليون يۋانعا تاياۋ مادەنيەت - ساياحات تۇتىنۋىنا تۇرتكى بولدى.

　　”بيىل ءبىز شى، قالا دەڭگەيىندەگى 13 مەرەكەلىك قۇتتىقتاۋ قيمىلىن، تۋان، الاڭ دەڭگەيىندەگى 14 مەرەكەلىك قۇتتىقتاۋ قيمىلىن، كورىنىس وڭىرلەرى مەن كورىنىس تۇيىندەرىنىڭ 7 مەرەكەلىك قۇتتىقتاۋ قيمىلىن وتكىزىپ، مەرەكەلىك قيمىلدار ارقىلى ادامداردى توپتاپ، تۇتىنۋدى جەبەپ، بازاردى جانداندىرىپ، 8 - شى شىحىزى قالاسىنىڭ ساياحاتتاعى باسەكەلىك قۋاتىن جانە تانىمالىلىعىن ونان ارى ارتتىردىق“. 8 - شى شىحىزى قالالىق مادەنيەت، دەنە تاربيە، راديو - تەلەۆيزيا جانە ساياحات مەكەمەسى پارتيا باسشىلىق گرۋپپاسىنىڭ شۋجيى، مەكەمە باستىعى جاڭ ۋىنشيڭ تانىستىرىپ بىلاي دەدى: مادەنيەت پەن ساياحاتتىڭ تەرەڭدەي توعىسۋىن ۇزدىكسىز ىلگەرىلەتىپ، مادەنيەت پەن ساياحاتقا قاتىستى كاسىپ سالاسى تىزبەگىن بىرتىندەپ ۇزارتامىز؛ قار - مۇز ساياحاتى، قىزىل ساياحات، قالا ماڭى ساياحاتى، قالا ساياحاتى سياقتى جاقتاردا تىڭ سەرپىلىس بولۋىن جۇزەگە اسىرىپ، جاڭا ونىمدەردى، جاڭا كاسىپ كۇيىن تۇلعالاۋ ارقىلى مادەنيەت - ساياحات تۇتىنۋىن جەبەيمىز.