انار بۇلت \ شينجياڭ گازەتىنىڭ ءتىلشىسى ما بەي 4 - ايدىڭ 11 - كۇنى ۇرىمجىدەن حابارلايدى. بيىل اۆتونوميالى رايوندىق قوعامدىق قامسىزداندىرۋ ورتالىعى جۇمىس ۇستىندە زاقىمدالۋشىلاردىڭ ەمدەۋ قاراجاتى ەسەبىن ينتەرنەتتە جابۋ جۇيەسىن بەلسەنە اشىپ، شيپاحانانىڭ ينفورماتسيا جۇيەسى مەن قوعامدىق قامسىزداندىرۋ قىزمەت جۇيەسىندەگى جۇمىس ۇستىندە زاقىمدالعان جۇمىسشى - قىزمەتكەرلەردىڭ ەمدەلۋ ينفورماتسياسىن دەر كەزىندە ءوزارا بايلانىستىرۋدى ىلگەرىلەتىپ، جۇمىس ۇستىندە زاقىمدالۋشىلاردىڭ شيپاحانادا جاتىپ ەمدەلۋ قاراجاتى مەن امبولاتورياداعى ەمدەلۋ قاراجاتىنىڭ ەسەبىن ينتەرنەتتە قولما - قول جابۋدى جۇزەگە اسىرىپ، جۇمىس ۇستىندە زاقىمدالعان جۇمىسشى - قىزمەتكەرلەردىڭ اۋرۋ كورسەتكەندە الدىمەن ءوزى اقشا تولەي تۇرىپ، ونان سوڭ قوعامدىق قامسىزداندىرۋ بويىنشا قىزمەت وتەۋ تەرەزەسىنەن ەسەپتەن كوتەرتۋ تاريحىن تۇبىرىنەن وزگەرتتى.
قازىرگە دەيىن، بۇكىل رايوندا شيپاحانا تەرمينالىندا جۇمىس ۇستىندە زاقىمدالۋ قامسىزداندىرۋى كەلىسىمى بويىنشا 152 قۇرىلىم تىكە ەسەپ جابۋدى ىسكە قوسقان، 4656 رەتكى ەسەپ جابۋ ورىندالىپ، ساياتىن قور سوماسى 3 ميلليون 986 مىڭ 400 يۋان بولعان.
جۇمىس ۇستىندە زاقىمدالعان جۇمىسشى - قىزمەتكەرلەر تەك ءوزىنىڭ ازاماتتىق كۋالىگى نەمەسە قوعامدىق قامسىزداندىرۋ كارتچكاسى (ەلەكتروندى قوعامدىق قامسىزداندىرۋ كارتچكاسىن قامتيدى) ارقىلى جۇمىس ۇستىندە زاقىمدالۋ قامسىزداندىرۋى بويىنشا بەلگىلەنگەن شيپاحانادا قولما - قول ەسەپ جابۋىنا بولادى، بەلگىلەمە بويىنشا ءوزى تولەۋگە ءتيىستى ءبىر ءبولىم قاراجاتتى عانا تولەيدى، قالعان قاراجاتتاردىڭ ەسەبى ينتەرنەت جۇيەسى ارقىلى تىكەلەي جاسالادى. ءداستۇرلى، قولمەن ىستەلەتىن ەسەپتەن كوتەرۋ تاسىلىمەن سالىستىرعاندا، جۇمىس ۇستىندە زاقىمدالۋ قامسىزداندىرۋى بويىنشا ەمدەۋ قاراجاتىنىڭ ەسەبىن شيپاحانا تەرمينالىندا ينتەرنەت ارقىلى جابۋ جۇمىس ۇستىندە زاقىمدالعان جۇمىسشى - قىزمەتكەرلەردىڭ نەمەسە ادام ىستەتۋشى ورىننىڭ ەمدەۋ قاراجاتىن تولەي تۇرۋداعى ەكونوميكالىق اۋىرتپالىعىن ءونىمدى تۇردە جەڭىلدەتىپ قانا قويماي، جۇمىس ۇستىندە زاقىمدالعان جۇمىسشى - قىزمەتكەرلەردىڭ نەمەسە ادام ىستەتۋشى ورىننىڭ جۇمىس ۇستىندە زاقىمدالۋ قامسىزداندىرۋى بويىنشا ەمدەۋ قاراجاتىن ينتەرنەت جەلىسىنەن تىس ەسەپتەن كوتەرۋدەگى ”قايتا - قايتا شاپقىلاۋ“ قىسىمىن باسەڭدەتىپ، قوعامدىق قامسىزداندىرۋ راسمياتىن ءبىتىرۋ قىزمەتكەرلەرىنىڭ جۇمىس ۇستىندە زاقىمدالۋ قامسىزداندىرۋى بويىنشا ەمدەۋ قاراجاتىن ادام كۇشىمەن تەكسەرىپ سالىستىرۋدا تۋىلۋى مۇمكىن بولعان جۇمىس قاتەرىن ازايتىپ، جۇمىس ۇستىندە زاقىمدالۋ قامسىزداندىرۋى قورىنىڭ حاۋىپسىزدىگىن قورعايدى.
اۆتونوميالى رايوندىق قوعامدىق قامسىزداندىرۋ ورتالىعى ەندى ولكە اتتاپ ەمدەلگەندە نەمەسە شينجياڭ كولەمىندە باسقا جەردە ەمدەلگەندە شيپاحانا تەرمينالىندا تىكە ەسەپ جابۋ قىزمەتىن جاپپاي ىلگەرىلەتىپ، ۇزاق ۋاقىت باسقا جەردە قونىستانعان جۇمىس ۇستىندە زاقىمدالعان جۇمىسشى - قىزمەتكەرلەردىڭ ەمدەلۋ جانە باسقا جەرگە بارىپ ەمدەلۋ، باسقا شيپاحاناعا بارىپ ەمدەلۋ بارىسىنداعى ەسەپ جابۋ قيىنشىلىعىن ءبىر قىدىرۋ ءونىمدى شارا قولدانۋ ارقىلى شەشىپ، اناعۇرلىم كوپ جۇمىس ۇستىندە زاقىمدالعان جۇمىسشى - قىزمەتكەرلەردى اناعۇرلىم ىڭعايلى قىزمەت وتەۋدەن جانە اناعۇرلىم ويداعىداي ەمدەۋ قامتاماسىزدىعىنان يگىلىكتەندىرمەكشى.
