بۇكىل رايوننىڭ جوعارى ساپالى دامۋ (شىعىس شينجياڭ اۋماعى) ءماجىلىسى ۇرىمجىدە اشىلدى
نەگىزگى تاقىرىپتىق تاربيە ورايىن يگەرىپ، قابىلەتتى، ونەردى شىنايى جوعارىلاتىپ، كۇشتى جاۋاپكەرشىلىك سەزىممەن، كوكەي تەستىلىك سەزىممەن جوعارى ساپالى دامۋ جولىمەن ويداعىداي ءجۇرۋ كەرەك
ما شيڭرۇي قاتىناستى ءارى ءسوز سويلەدى
ەركىن تۇنياز باسقاردى، لي يفي، جاڭ چۇنلين، حى جۇڭيوۋ قاتىناستى
4 - ايدىڭ 11 - كۇنى بۇكىل رايوننىڭ جوعارى ساپالى دامۋ (شىعىس شينجياڭ اۋماعى) ءماجىلىسى ۇرىمجىدە اشىلدى. اۆتونوميالى رايوندىق پارتكومنىڭ شۋجيى ما شيڭرۇي ماجىلىسكە قاتىناستى ءارى ءسوز سويلەدى.
□ سۋرەتتى انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 4 - ايدىڭ 11 - كۇنى ۇرىمجىدەن حابارلايدى. بۇكىل رايوننىڭ جوعارى ساپالى دامۋ (شىعىس شينجياڭ اۋماعى) ءماجىلىسى 4 - ايدىڭ 11 - كۇنى ۇرىمجىدە اشىلدى، ءماجىلىس شي جينپيڭ جاڭا ءداۋىر جۇڭگوشا سوتسياليزم يدەياسى نەگىزگى تاقىرىپتىق تاربيەسىن ورىستەتۋمەن ۇشتاستىرىپ، پارتيا 20 - قۇرىلتايىنىڭ شەشىمدەرى مەن ورنالاستىرۋلارىن جاپپاي دايەكتىلەندىرۋدى، باس شۋجي شي جينپيڭنىڭ جوعارى ساپالى دامۋ جونىندەگى ماڭىزدى بايىمداۋلارىن مۇقيات دايەكتىلەندىرۋدى ارقاۋ ەتىپ، ىشكەرىلەي اۋىس - كۇيىس جاساپ، كوپتىڭ پاراساتىن ساۋلەلەندىرىپ، كوپ بولىپ كۇش سالىپ، شىعىس شينجياڭ اۋماعىنىڭ جوعارى ساپالى دامۋىنداعى كورنەكتى ماسەلەلەر مەن كىلتەڭ شەكتەمەلەردى بىرگە زەرتتەپ شەشتى، شىعىس شينجياڭ اۋماعىنىڭ يدەيانى ۇيرەنۋدى، پارتيالىلىقتى كۇشەيتۋدى، امالياتقا باسا ءمان بەرۋدى، جاڭا ۇلەس قوسۋدى ۇزدىكسىز ىشكەرىلەتۋىن جەبەپ، جوعارى ساپالى دامۋدى ىلگەرىلەتۋ قابىلەتى مەن دەڭگەيىن اناعۇرلىم جوعارىلاتىپ، دامىل الماي تياناقتاندىرۋدى يگەرىپ، قيىن ماسەلەلەردى تىڭعىلىقتى شەشىپ، جوعارى ساپالى دامۋ جولىمەن ويداعىداي جۇرۋگە بار كۇشتى سالۋدى تالاپ ەتتى. اۆتونوميالى رايوندىق پارتكومنىڭ شۋجيى ما شيڭرۇي ماجىلىسكە قاتىناستى ءارى ءسوز سويلەدى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ءماجىلىستى باسقاردى. اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي، اۆتونوميالى رايوندىق پارتكومنىڭ ورىنباسار شۋجيى جاڭ چۇنلين، حى جۇڭيوۋ ماجىلىسكە قاتىناستى.
ماجىلىستە قۇمىل قالاسىنىڭ، تۇرپان قالاسىنىڭ، بايىنعولين موڭعۇل اۆتونوميالى وبلىسىنىڭ جانە بيڭتۋان 2 - شىسى تيەمىنگۋان قالاسىنىڭ، 13 - شى شينشيڭ قالاسىنىڭ نەگىزگى جاۋاپتى جولداستارى ءوز جەرىنىڭ ەكونوميكالىق، قوعامدىق دامۋ جاعدايىن، ورىن تەپكەن ماسەلەلەردى جانە سايكەستىرۋدى، قولداۋدى قاجەت ەتەتىن ىستەردى تانىستىردى. اۆتونوميالى رايوننىڭ قاتىستى باسشىلارى مەن تاراۋلارداعى جاۋاپتى جولداستار وزدەرى باسقاراتىن سالالاردىڭ، تاراۋلاردىڭ قىزمەت جاۋاپكەرشىلىگىمەن ۇشتاستىرىپ، جەر - جەردىڭ ءتۇيىندى ماسەلەلەرى جونىندە ۇستىندە جاۋاپ قايتارىپ، ۇسىنىس - پىكىر بەردى. ما شيڭرۇي ءسوزدى مۇقيات تىڭداپ، ءالسىن - ءالى ءسوز قىستىرىپ، پىكىر اۋىستىرىپ، شىعىس شينجياڭ اۋماعىنىڭ كومىر كاسىبى سالاسىن جوبالاۋ، دامىتۋ، تەمىر جول تاسىمال قۋاتىن جوعارىلاتۋ، كرەمني نەگىزدى جاڭا ماتەريالدار كاسىپ سالاسىن دامىتۋ، زورايتۋ سياقتى ءتۇيىندى قىزمەتتەردى ارقاۋ ەتىپ، كوپشىلىكپەن ىشكەرىلەي پىكىر اۋىستىرىپ، وي جەلىسىن ونان ارى اشالاپ، بەتالىستى ايقىنداپ، شارالاردى العا قويدى، جەر - جەردەن، تاراۋلاردان ماجىلىستەن كەيىن جەدەل اقىلداسىپ، ءتۇيىندى ماسەلەلەردى شەشىپ، كەلەلى نىسانداردى ىلگەرىلەتىپ، بەلسەنە ىسكەرلىك كورسەتىپ، ءىستى ءساتتى جۇرگىزىپ، تابىستى اياقتاتىپ، اۋماقتىڭ جوعارى ساپالى دامۋىن ىلگەرىلەتۋدە تىڭ ىلگەرىلەۋشىلىككە قول جەتكىزۋدى تالاپ ەتتى.
ما شيڭرۇي بىلاي دەپ باسا دارىپتەدى: ءار دارەجەلى باسشى كادرلار، اسىرەسە، پارتيا، ۇكىمەت ورىندارىنداعى نەگىزگى جاۋاپتى جولداستار پارتيا ورتالىق كوميتەتىنىڭ نەگىزگى تاقىرىپتىق تاربيە ورىستەتۋ جونىندەگى شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، تياناقتاندىرىپ، پارتيا 20 - قۇرىلتايىنىڭ رۋحىن جاپپاي دايەكتىلەندىرۋمەن، تياناقتاندىرۋمەن ۇشتاستىرىپ، شي جينپيڭ جاڭا ءداۋىر جۇڭگوشا سوتسياليزم يدەياسىن شىن مانىندە جەتە ۇيرەنىپ، جەتە يگەرىپ، شىنايى تياناقتاندىرىپ، اسىرەسە، جاپپاي ۇيرەنۋگە، تەرەڭ تۇسىنۋگە، دالمە - ءدال يگەرۋگە، جوعارى ساپالى دامۋدى تىڭعىلىقتى ىلگەرىلەتۋگە اناعۇرلىم زور كۇش سالىپ، شينجياڭنىڭ جوعارى ساپالى دامۋىن ىلگەرىلەتۋ جاۋاپكەرشىلىك سەزىمىن، كوكەي تەستىلىك سەزىمىن ۇزدىكسىز كۇشەيتۋى كەرەك. نازاريامەن قارۋلانۋدى كۇشەيتۋدى شينجياڭنىڭ ءىس جۇزىندىك جاعدايىن تياناق ەتۋمەن تىعىز ۇشتاستىرىپ، پارتيانىڭ جاسامپاز نازارياسىن ىشكەرىلەي ۇيرەنۋ، جەتە ءتۇسىنۋ بارىسىندا ءبىلىم ولقىلىقتارىن تولىقتاپ، وي جەلىسىنىڭ شەكتەمەلىلىگىن تالقانداپ، جۇيە كوزقاراسىن بەرىك ورناتىپ، ستراتەگيالىق ويدى كۇشەيتىپ، قىزمەتتەگى ءبىر سىدىرعىلىقتان ارىلىپ، جولدىق يەك سۇيەۋدى جويىپ، قالىڭ پارتيا مۇشەلەرىنىڭ، كادرلاردىڭ ءىس تىندىرعىسى كەلەتىن، ءىس تىندىرا الاتىن، ىستەن ناتيجە شىعاراتىن بولۋىن ىلگەرىلەتىپ، قابىلەت داعدارىسىن ۇزدىكسىز جەڭىپ، قىزمەت قابىلەتىن جوعارىلاتىپ، جوعارى ساپالى دامۋعا تۇساۋ بولاتىن كورنەكتى ماسەلەلەردى پارمەندى، ءونىمدى تۇردە شەشۋ كەرەك. دۇرىس ناتيجە كوزقاراسىن بەرىك ورناتىپ، تەكسەرۋ - زەرتتەۋ ستيلىن بارىنشا ساۋلەلەندىرىپ، شىندىققا جۇگىنىپ ناقتى ءىس ىستەۋ، شىنايى يگەرىپ ناقتى ىستەۋ ستيلىن بارىنشا اسقاقتاتىپ، نەگىزگى ساتىعا ىشكەرىلەي ارالاسىپ، ناقتى جاعدايدى باقىلاپ، تيپتىك ماسەلەلەردى تەكسەرىپ - زەرتتەپ، شىنايى جاعدايدى شىن مانىندە يگەرىپ، ءىس جۇزىندىك قىزمەتتى زەرتتەپ، ىلگەرىلەتىپ، قاراپايىمداستىرۋعا، بەتالدى ىستەۋگە باتىل قارسى تۇرىپ، جاۋاپكەرشىلىك ارقالاماۋعا، ءىس تىندىرماۋعا باتىل قارسى تۇرىپ، كوز بوياۋشىلىق ىستەۋگە، ەپتەپ - سەپتەۋگە باتىل قارسى تۇرىپ، ۇزدىكسىز تۇردە ماسەلەنى بايقاۋ، ماسەلەنى زەرتتەۋ، قيىن ماسەلەلەردى شەشۋ ءىس جۇزىندىك ارەكەتى ارقىلى جوعارى ساپالى دامۋدى ىلگەرىلەتۋدە تىڭ دا اناعۇرلىم زور ونىمدىلىكتەرگە قول جەتكىزۋ كەرەك.
ما شيڭرۇي بىلاي دەپ باسا دارىپتەدى: جاڭا داۋىردەگى مەملەكەتتىڭ ”ءۇش بازا، ءبىر ارنا“ قۇرىلىسىنىڭ جاپپاي ىلگەرىلەۋىنە مەڭزەس، شىعىس شينجياڭ اۋماعى وسىزامانداندىرۋ قۇرىلىسىنداعى باسىمدىعى مەن ورنىن اناعۇرلىم ءدال تاۋىپ، شينجياڭنىڭ مەملەكەت ەنەرگيا بايلىعى ستراتەگيالىق قامتاماسىزداندىرۋ بازاسىن تۇلعالاۋداعى كۇش سالۋ ءتۇيىنى مەن قامال الۋ ءتۇيىنىن ايقىنداپ، بايلىق ارتىقشىلىعىن تياناق ەتىپ، كاسىپ سالاسىنىڭ ورنالاسىمىن ساپالىلاندىرىپ، كاسىپ سالاسى دەڭگەيىن جوعارىلاتىپ، وسىزاماندانعان كاسىپ سالاسىنىڭ دامۋىنان ۇلگى كورسەتۋ، جەتەكشىلىك ەتۋ رايونىن كۇش سالا قۇرىپ، مەملەكەتتىڭ ەنەرگيا بايلىعى حاۋىپسىزدىگىن قامتاماسىز ەتۋگە اناعۇرلىم زور ۇلەس قوسۋ كەرەك. مۇناي - تابيعي گازدى شەشۋشى ءتۇيىن ەتۋگە تاباندى بولىپ، تارىم، تۇرپان − قۇمىل سياقتى ءىرى مۇناي - تابيعي گاز الاپتارىندا قوردى مولايتىپ، ءونىمدى ارتتىرۋدى ىلگەرىلەتىپ، مۇناي - تابيعي گاز كاسىپ سالاسىنىڭ تىزبەكتى ۇزارتۋىن، تىزبەكتى تولىقتاۋىن، تىزبەكتى كۇشەيتۋىن جەبەپ، مەملەكەتتىڭ ءىرى مۇناي - تابيعي گاز ءوندىرۋ، وڭدەۋ جانە زاپاس ساقتاۋ بازاسىن جەدەل قۇرۋ كەرەك. كومىردى نەگىز ەتۋگە تاباندى بولىپ، ساپالى ءوندىرىس قۋاتىن كۇش سالا ىسكە قوسىپ، تۇرپان - قۇمىل كومىرمەن قامداۋدى قامتاماسىز ەتۋ ءىرى بازاسى قۇرىلىسىن جەدەلدەتىپ، ماي كومىردى ءونىمدى اشىپ پايدالانۋدى جەدەلدەتىپ، كومىر حيميا ونەركاسىبى كاسىپ سالاسىنىڭ جوعارى دەڭگەيدە، كوپ نەگىزدى، تومەن كومىر قىشقىل گازدى دامۋىن ىلگەرىلەتۋ كەرەك. جاڭا ەنەرگيانى بەتالىس ەتۋگە تاباندى بولىپ، 10 ميلليون كيلوۆاتتىق جاڭا ەنەرگيا بازاسى مەن شوعىرلى رايون قۇرۋدى جەدەلدەتىپ، جاڭاشا ەلەكتر قۋاتى جۇيەسىن قۇرىپ، قاتىستى جابدىق جاساۋ كاسىبىن كەمەلدەندىرىپ، جاڭا ەنەرگيامەن قامداۋدى قامتاماسىز ەتۋ قۋاتىن جاپپاي جوعارىلاتۋ كەرەك. كەن بايلىعىن ءتۇيىن ەتۋگە تاباندى بولىپ، بارلاۋ، اشۋ تەبىنىن ارتتىرىپ، بايلىقتىڭ ءتۇيىندى كاسىپ سالالارىنا، اينالمالى ەكونوميكا كاسىپ سالالارىنا، ەرەكشە كاسىپ سالالارىنا شوعىرلانۋىن ىلگەرىلەتىپ، ستراتەگيالىق كەن بايلىعىنىڭ حاۋىپسىزدىگىن قامتاماسىزداندىرۋ كەرەك. سۋ بايلىعىن تىرەك ەتۋگە تاباندى بولىپ، سۋ بايلىعىن شوعىرلى، ۇنەمدى پايدالانۋدى كۇشەيتىپ، ءتۇيىندى سۋ يگىلىگى ينجەنەريالارىن تىڭعىلىقتى ىلگەرىلەتىپ، وڭىرلىك سۋ تاپشى بولۋ ماسەلەسىن شەشۋدى ۇزدىكسىز ىلگەرىلەتىپ، وڭىرلەردىڭ جوعارى ساپالى دامۋىنا بەرىك سۋ بايلىعى قامتاماسىزدىعىن ازىرلەۋ كەرەك.
ما شيڭرۇي بىلاي دەپ باسا دارىپتەدى: شىعىس شينجياڭ اۋماعىنىڭ وڭىرلىك ورىن باسىمدىعى مەن توراپتىق رولىن ونان ارى ساۋلەلەندىرىپ، سىرتقا ىركىلىسسىز، ىشپەن تۇتاسقان، قولايلى، جوعارى ءونىمدى تاسىمال ارناسىن جانە امبەباپ ستەرەولدى نەگىزدىك قۇرىلعى تورىن قۇرىپ، تاسىمال ارناسىنىڭ ونىمدىلىگى جوعارى بولماۋ، تاسىمال قۋاتى تاپشى بولۋ سياقتى كورنەكتى ماسەلەلەردى جەدەل شەشىپ، ازيا − ەۆروپا التىن ارناسىنىڭ جوعارى ءونىمدى، ىركىلىسسىز بولۋىن قامتاماسىز ەتۋ كەرەك. ارنالاردى تۇتاستىرۋ دەڭگەيىن ۇزدىكسىز جوعارىلاتىپ، قاتىناس نەگىزدىك قۇرىلعىلار قۇرىلىسىن جەدەل ىلگەرىلەتىپ، جوعارى ءونىمدى، سيىمدىلىعى زور ستەرەولدى قاتىناس - تاسىمال جۇيەسىن بەلسەنە قۇرۋ كەرەك. قۇرلىقتاعى ەنەرگيا ءىرى ارناسى قۇرىلىسىن جاپپاي جەدەلدەتىپ، ”تابيعي گازدى باتىستان شىعىسقا جەتكىزۋ“ 4 - جەلىسى سياقتى مۇناي - تابيعي گاز قۇبىرى، ”شينجياڭنىڭ كومىرىن سىرتقا تاسىمالداۋ“ ارناسىنىڭ سايكەستى ينجەنەرياسى، ”شينجياڭنىڭ ەلەكترىن سىرتقا جەتكىزۋدىڭ“ 3 - جانە 4 - ارناسى قۇرىلىسىن كۇش سالا ىلگەرىلەتىپ، مۇناي - تابيعي گاز، كومىر، ەلەكتردى سىرتقا جەتكىزۋ قۋاتىن بارىنشا جوعارىلاتۋ كەرەك. وسى زامانعى زات اينالىمى جۇيەسى قۇرىلىسىن ءبىر تۇتاس جوسپارلاپ ىلگەرىلەتىپ، زات اينالىمىنىڭ تاسىمال قۋاتى مەن تاسىمال ونىمدىلىگىن ۇزدىكسىز جوعارىلاتىپ، كاسىپ سالاسى تىزبەگىنىڭ، قامداۋ تىزبەگىنىڭ حاۋىپسىزدىگىن، ورنىقتىلىعىن قامتاماسىز ەتۋ كەرەك. توڭىرەكتەگى ولكە، اۆتونوميالى رايوندارمەن قارىم - قاتىناستى، ۇشتاسۋدى كۇشەيتىپ، وڭىرلىك ەكونوميكالىق دامۋعا قىزمەت وتەيتىن ستراتەگيالىق ارنا قۇرۋ كەرەك.
چىن ۋيجۇن، ەلزات احمەتجان، قادەن كابەن، اۆتونوميالى رايوندىق حالىق قۇرىلتايىنىڭ، ۇكىمەتتىڭ، ساياسي كەڭەستىڭ جانە بيڭتۋاننىڭ قاتىستى باسشى جولداستارى، اۆتونوميالى رايوندىق جوعارى حالىق سوتى مەكەمەسىنىڭ، اۆتونوميالى رايوندىق حالىق پروكۋراتۋراسىنىڭ نەگىزگى جاۋاپتى جولداستارى، قاتىستى وبلىستارداعى، قالالارداعى جانە بيڭتۋاننىڭ شى، قالالارىنداعى، رايونعا (ورتالىققا) توتە قاراستى جانە بيڭتۋانداعى قاتىستى مەكەمە - ورىنداردىڭ جاۋاپتى جولداستارى قاتارلىلار ۇرىمجىدەگى نەگىزگى ءماجىلىس الاڭىندا ماجىلىسكە قاتىناستى. ءماجىلىس بەينە ەكران فورماسىندا اشىلدى، قاتىستى وبلىستاردا، قالالاردا جانە بيڭتۋاننىڭ شى، قالالارىندا بولىمشە ءماجىلىس الاڭى ورنالاستىرىلدى.
