نەگىزگى تاقىرىپتىق تاربيەنى وسكەلەڭ ساياسي سانالىلىقپەن تىڭعىلىقتى ورىستەتۋ كەرەك

اۆتونوميالى رايوندىق ساياسي كەڭەستىڭ شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسى قىزمەت ءماجىلىسى اشىلدى

نەگىزگى تاقىرىپتىق تاربيەنى وسكەلەڭ ساياسي سانالىلىقپەن تىڭعىلىقتى ورىستەتۋ كەرەك

　　انار بۇلت \ شينجياڭ گازەتىنىڭ ءتىلشىسى جاڭ يۇنمەي 4 - ايدىڭ 11 - كۇنى ۇرىمجىدەن حابارلايدى. 4 - ايدىڭ 10 - كۇنى تۇستەن كەيىن اۆتونوميالى رايوندىق ساياسي كەڭەس شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسى قىزمەت ءماجىلىسىن اشىپ، باس شۋجي شي جينپيڭنىڭ ورتالىقتىڭ نەگىزگى تاقىرىپتىق تاربيە قىزمەت ماجىلىسىندە سويلەگەن ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، اۆتونوميالى رايوندىق پارتكومنىڭ ورنالاستىرۋى، تالابى بويىنشا اۆتونوميالى رايوندىق ساياسي كەڭەستىڭ نەگىزگى تاقىرىپتىق تاربيە ورىستەتۋى جونىندە جۇمىلدىرۋ، ورنالاستىرۋ جاسادى. اۆتونوميالى رايوندىق ساياسي كەڭەس پارتيا باسشىلىق گرۋپپاسىنىڭ شۋجيى، ءتوراعا نۇرلان ءابىلماجىن ماجىلىسكە قاتىناستى ءارى ءسوز سويلەدى.

　　ءماجىلىس مىنالاردى اتاپ كورسەتتى: نەگىزگى تاقىرىپتىق تاربيەنىڭ ماڭىزدى ءمانىن تەرەڭ تانىپ، باتىل تۇردە يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن جانە پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرىپ، ”ەكىنى تۇراقتاندىرۋدىڭ“ شەشۋشى ءمانىن اناعۇرلىم ىشكەرىلەي ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ۇيرەنۋ ارقىلى رۋحتى سومداۋ، ۇيرەنۋ ارقىلى پاراساتتى ارتتىرۋ، ۇيرەنۋ ارقىلى ستيلدى دۇرىستاۋ، ۇيرەنۋ ارقىلى ىستەۋدى جەبەۋ جاعىندا ناقتى ونىمدىلىككە قول جەتكىزۋگە قۇلشىنۋ كەرەك. سايكەسۋ ءتۇيىنىن، كۇش سالۋ ءتۇيىنىن ءداپ باسىپ تاۋىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىنا اناعۇرلىم سانالى تۇردە قىزمەت ەتىپ، پارتيانىڭ جاسامپاز نازارياسىنان شىن مانىندە پايدالانىپ يدەيانى بىرلىككە كەلتىرىپ، ەرىك - جىگەردى بىرلىككە كەلتىرىپ، ارەكەتتى بىرلىككە كەلتىرىپ، نەگىزگى تاقىرىپتىق تاربيەنى وسكەلەڭ ساياسي سانالىلىقپەن تىڭعىلىقتى ورىستەتۋ كەرەك.

　　ءماجىلىس مىنانى باسا دارىپتەدى: نەگىزگى تاقىرىپتىق تاربيەنىڭ جالپى تالابىن مىقتى يگەرىپ، نىسانا - مىندەتتەردى ايرىقشا قاداعالاپ، كورنەكتى ماسەلەلەردى كۇش سالا شەشۋ كەرەك. ۇيرەنۋدى، وي جۇگىرتۋدى، قولدانۋدى ساباقتاستىرۋعا، تانىمدى، سەنىمدى، ارەكەتتى بىرلىككە كەلتىرۋگە تاباندى بولىپ، شي جينپيڭ جاڭا ءداۋىر جۇڭگوشا سوتسياليزم يدەياسىن مۇراتتى بەكەمدەۋدىڭ، پارتيالىلىقتى شىڭداۋدىڭ جانە امالياتقا جەتەكشىلىك ەتۋدىڭ، قىزمەتتى ىلگەرىلەتۋدىڭ قۋاتتى كۇشىنە اينالدىرۋ كەرەك. نىسانانى باعدار ەتۋ مەن ماسەلەنى باعدار ەتۋدىڭ بىرلىگىنە تاباندى بولىپ، ماسەلەنى شەشۋدى نەگىزگى تاقىرىپتىق تاربيەگە باستان - اياق شىنايى ءسىڭىرۋ كەرەك. ۇيرەنۋدى قولدانۋعا تاباندى بولىپ، نازاريا ۇيرەنۋدى، تەكسەرۋ - زەرتتەۋدى، دامۋدى ىلگەرىلەتۋدى، قاداعالاۋ جانە رەتتەۋ - تۇزەتۋدى، ەرەجە - ءتۇزىم ورناتۋدى ساباقتاستىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن ارقاۋ ەتىپ، ىشكەرىلەي تەكسەرۋ - زەرتتەۋ جۇرگىزىپ، ادالدىقپەن كەڭەسىپ، ناقتى قاداعالاپ، مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ جاڭا جورىعىندا كورىكتى شينجياڭدى قۇلشىنا قۇرۋعا ساياسي كەڭەستىڭ اقىل - پاراساتى مەن كۇش - قۋاتىن قوسۋ كەرەك.

　　ءماجىلىس مىنالاردى تالاپ ەتتى: نازاردى پارتيا 20 - قۇرىلتايىنىڭ ستراتەگيالىق ورنالاستىرۋلارىن جاپپاي دايەكتىلەندىرۋگە شوعىرلاندىرىپ، پارتيانىڭ جاسامپاز نازارياسىمەن قارۋلانۋدى كۇشەيتۋ مەن ساياسي كەڭەس قىزمەتىن ىلگەرىلەتۋدى تىعىز ۇشتاستىرىپ، ءبىر تۇلعالاندىرىپ، پارتيانىڭ جاسامپاز نازارياسىن اناعۇرلىم ويداعىداي قولدانىپ، اۆتونوميالى رايوندىق ساياسي كەڭەستىڭ قىزمەتتەرىنە جەتەكشىلىك ەتۋ جانە ونى ىلگەرىلەتۋ كەرەك. ۇيىمدىق باسشىلىقتى كۇشەيتىپ، قىزمەت جاۋاپكەرشىلىگىن قاتايتىپ، ناقتىلاندىرىپ، نەگىزگى تاقىرىپتىق تاربيەنى مۇقيات ورىستەتۋدى باس شۋجي شي جينپيڭنىڭ ماڭىزدى سوزدەرىن جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن تياناقتاندىرۋمەن ۇشتاستىرىپ، اۆتونوميالى رايوندىق پارتكومنىڭ قىزمەت تالاپتارىن دايەكتىلەندىرۋمەن، تياناقتاندىرۋمەن ورگانيكالى ۇشتاستىرىپ، ساياسي كەڭەستىڭ كەڭەسۋ، مىندەت اتقارۋ قىزمەتتەرىنىڭ تياناقتانۋىن ىلگەرىلەتۋمەن تىعىز ءتۇيىلىستىرىپ، نەگىزگى تاقىرىپتىق تاربيەنىڭ ناقتى ونىمدىلىككە قول جەتكىزۋىنە شىنايى كەپىلدىك ەتۋ كەرەك.

　　اۆتونوميالى رايوننىڭ نەگىزگى تاقىرىپتىق تاربيەگە ارالاپ جەتەكشىلىك ەتۋ 2 - گرۋپپاسى ماجىلىسكە بارىپ، ساياسي كەڭەس ورگانىنىڭ نەگىزگى تاقىرىپتىق تاربيە قىزمەتىنە جەتەكشىلىك ەتتى.