انار بۇلت \ شينجياڭ گازەتىنىڭ ءتىلشىسى حي حۇڭۋي 4 - ايدىڭ 11 - كۇنى حايكوۋدان حابارلايدى. 4 - ايدىڭ 11 - كۇنى تۇستەن بۇرىن شينجياڭ ساۋدا ۇيىرمەسى 3 - كەزەكتى جۇڭگو حالىقارالىق تۇتىنۋ بۇيىمدارى كورمەسىندە شينجياڭ كۇنى قيمىلىن وتكىزىپ، شوعىرلى تۇردە 8 ۋاكىلدىك نىسان كەلىسىمىنە قول قويىستى، كەلىسىم سوماسى 447 ميلليون يۋان بولدى.
كەزەكتە شينجياڭ ساۋدا ۇيىرمەسى وسى كەزەكتى تۇتىنۋ بۇيىمدارى كورمەسىندە جيىنى 24 نىسان كەلىسىمىنە قول قويىسقان، كەلىسىم جالپى سوماسى ءبىر ميلليارد يۋانعا جۋىق بولىپ، توقىماشىلىق، كيىم - كەشەك، اۋىل شارۋاشىلىعى ونىمدەرى، ازىق - تۇلىك جانە ەمدەۋ، ءدارى - دارمەك سياقتى سالالارعا سايادى.
شينچيكاڭ ءدارى - دارمەك شەكتى جارنا سەرىكتەستىگى شينجياڭ كۇنى قيمىلىندا شيپا ءتىس پاراشوگى قاتارلى، سونداي - اق ايگىلى ماركا تيجاراتى جونىندەگى سەلبەستىك كەلىسىمىنە قول قويىسىپ، كەلىسىم سوماسى 120 ميلليون يۋان بولدى. ”ءبىز كەلىسىم جاساسقان نىساندار ارقىلى 1 -، 2 -، 3 - كاسىپتەردىڭ سايكەسە قيمىلداۋىن جۇزەگە اسىرىپ، ايگىلى ماركانىڭ قۇنىن اناعۇرلىم ويداعىداي ساۋلەلەندىرۋدى ءۇمىت ەتەمىز“، - دەدى وسى سەرىكتەستىكتىڭ شيپا - ي ماركاسىنا جاۋاپتى باسقارۋشى چىن گى.
شينجياڭ كۇنى قيمىلىندا شينجياڭ ساۋدا ۇيىرمەسى تاعى شينجياڭ ماقتا توقىماشىلىق كاسىپورىندارىن ارناۋلى تانىستىرۋ قيمىلىن وتكىزدى. قىزمەتكەرلەر روزا گۇلى فورماسىنداعى ”كىشكەنتاي ماقتانى“ كورەرمەندەرگە ۇسىندى.
شيامىننان كورمەگە قاتىناسقان ساۋداگەر لۋ شيڭيۇي ”كىشكەنتاي ماقتانى“ تاپسىرىپ العاننان كەيىن دەرەۋ ۋيشين دوستار شەڭبەرىنە جولدادى. ”سوڭعى جىلدارى شينجياڭنىڭ ماقتا كاسىپ سالاسى تەز دامىدى، شينجياڭ سارايىنان شينجياڭ ماقتاسىنان جاسالعان كوپتەگەن كيىم - كەشەكتەردىڭ وتە جاقسى ەكەندىگىن كوردىم، سىرت جەردە قىزمەت ىستەيتىن شينجياڭدىق رەتىندە، وتە ماقتانامىن، سونداي - اق اۋىلىمداعى كاسىپورىندارمەن سەلبەستىك ورايىن بەلسەنە قاراستىرۋدامىن“، - دەدى ول.
شىنجىندىق ساۋداگەر حۋاڭ جيڭحۇڭ شينجياڭ ماقتاسىنان جاسالعان توقىما بۇيىمداردى ۇناتىپ قالدى. ”شينجياڭ ماقتاسىن شيكىزات ەتىپ جاساعان ورامالدىڭ، ماقتا كورپەنىڭ ساپاسى وتە جاقسى، شينجياڭداعى بىرنەشە كاسىپورىنمەن ءبىر - بىرىمىزگە بايلانىس ءتاسىلىمىزدى قالدىردىق، وراي بولسا، شينجياڭدا قارجى قوسسام دەيمىن“، - دەدى ول.
قيمىلدا شينجياڭنان كورمەگە قاتىناسقان ساۋداگەرلەردىڭ ۋاكىلدەرى ەل ءىشى - سىرتىنداعى تۇتىنۋشىلارعا جانە دۇنيە جۇزىندەگى ساۋداگەرلەرگە شينجياڭنىڭ ماقتادان جاسالعان تۇتىنۋ سارا بۇيىمدارىن تانىستىردى. يدا جۇڭگو جارناسى مەڭگەرىلەتىن شەكتى سەرىكتەستىگى 1995 - جىلدان باستاپ شينجياڭ ماقتاسىمەن ايرىلماس بايلانىس ورناتتى. ”مەيلى عارىشتا تۇقىم جەتىلدىرۋ تەحنيكاسىنان پايدالانىپ ساپالى ماقتا ۇرىعىن جەتىلدىرۋ بولسىن، الدە شينجياڭدا زەردەلى ماقتا توقىماشىلىق زاۆودىن قۇرۋ بولسىن، ءبىز باستان - اياق شينجياڭدا تۇقىم سەۋىپ، شينجياڭ ماقتاسىمەن بىرگە ءوسىپ - جەتىلۋگە تاباندىلىقپەن تالپىندىق“، - دەدى. يدا شىرۋشى تيجارات باس باقىلاۋشىسى ساي ۋي بىلاي دەپ تانىستىردى: سوڭعى مەزگىلدە كاسىپورىن عىلىم - تەحنيكاعا ۇسىنىلىمدى ۇزدىكسىز ارتتىرىپ، ماقتا كاسىپ سالاسى تىزبەگىن ۇزارتادى.
ۇعىسۋعا قاراعاندا، شينجياڭ كۇنى قيمىلى 2 كۇنگە جالعاسادى ەكەن، شينجياڭ ماقتا توقىماشىلىق كاسىپورىندارىنىڭ ارناۋلى قيمىلىنان سىرت، شينجياڭنىڭ ساپالى اۋىل شارۋاشىلىق ونىمدەرى، ساياحات بايلىعى جانە مادەنيەت جاسامپازدىعى ونىمدەرى سياقتى نەگىزگى تاقىرىپتىق تانىستىرۋ قيمىلدارىن دا ورىستەتەدى ەكەن.
