داي لي
انار بۇلت \ شينجياڭ گازەتىنىڭ حابارىنا قاراعاندا، ءبىرىنشى ماۋسىمدا شينجياڭنان قاتىناعان جۇڭگو − ەۆروپا (ورتا ازيا) كەزەكشى پويەزىنىڭ سانى مەن وتكىزىلگەن زات مولشەرى بىردەي ارتىپ، تۇگەلدەي تاريحتاعى جاڭا دەڭگەيگە جەتكەن. ”ءبىر بەلدەۋ، ءبىر جولدى“ بىرگە قۇرۋدىڭ بەلگى سيپاتتى ماركاسى رەتىندە، كوكتەمدە جۇڭگو − ەۆروپا (ورتا ازيا) كەزەكشى پويەزى جاڭا جىلدامدىق جاراتىپ، جۇڭگونىڭ ”ءبىر بەلدەۋ، ءبىر جول“ بويىنداعى ەلدەرمەن سەلبەستىك ونىمدىلىگىن جانە ساپاسىن جوعارىلاتۋعا تيىمدىلىك جاساۋمەن بىرگە، شينجياڭنىڭ ”ءبىر پورت، ەكى رايون، بەس ۇلكەن ورتالىق، شەكارا وتكەلى ەكونوميكالىق بەلدەۋى“ قۇرىلىسىن جەدەلدەتۋىنە دە قۋاتتى قوزعاۋشى كۇش ازىرلەدى.
جىل باسىنان بەرى، شينجياڭنىڭ يمپورت - ەكسپورت ساۋداسى ورنىقتى ارتتى. جۇڭگو − ەۆروپا (ورتا ازيا) كەزەكشى پويەزىنىڭ قاتىناۋ سانى مەن وتكىزىلگەن زات مولشەرى تاماشا باستامانى جۇزەگە اسىردى، بۇل شينجياڭنىڭ سىرتقى ساۋدانى جەبەپ، ارتۋدى ورنىقتىرۋىنىڭ جاندى امالياتى بولۋمەن بىرگە، سىرتقى ساۋدانىڭ جاقسارا ءتۇسۋىنىڭ بەلسەندى سيگنالى. مۇنى ”ءبىر بەلدەۋ، ءبىر جول“ بويىنداعى ەلدەرمەن بولعان ەكونوميكا - ساۋدا سەلبەستىگىنىڭ كۇن سايىن جيىلەۋىنەن بولە قاراۋعا بولمايدى ءارى شەتەل بازارىنىڭ ”جۇڭگودا جاسالعانعا“سۇرانىسىنىڭ كۇن سايىن ارتۋىمەن تىعىز بايلانىستى. مۇنداي ناتيجەلەرگە قول جەتكىزۋ شينجياڭنىڭ شەكارا وتكەلىنىڭ كەدەننەن وتكىزۋ ونىمدىلىگىن ۇزدىكسىز جوعارىلاتۋىنىڭ، قاتىناستىڭ ءتۇرلى ۇلاسپالى تاسىمال دەڭگەيىن جوعارىلاتۋىنىڭ، قىزمەت وتەۋ بۋىندارىنىڭ سايكەسۋ قابىلەتىن كۇشەيتۋىنىڭ جەمىسى. ءوزارا تيىمدىلىك جەتكىزۋ سەلبەستىگىن ۇزدىكسىز وزەك، بازار سۇرانىسىن جەتەكشى، كاسىپ سالاسىن دامىتۋدى قوزعاۋشى كۇش ەتىپ، حالىقارالىق زات تاسىمال ۇلكەن ارناسىنىڭ رولىن تولىق ساۋلەلەندىرگەندە جۇڭگو − ەۆروپا (ورتا ازيا) كەزەكشى پويەزى بارعان سايىن تەز زىمىراپ، زىمىراعان سايىن كوركەيەدى.
جۇڭگو − ەۆروپا (ورتا ازيا) كەزەكشى پويەزىنىڭ ۇزدىكسىز تورلانۋىنا بايلانىستى، شينجياڭنىڭ اناعۇرلىم تەرەڭ، اناعۇرلىم كەڭ، اشىق سەلبەستىككە ات سالىسۋ ىرىقتىلىعى بارعان سايىن كۇشەيدى، بولاشاق شينجياڭنىڭ اناعۇرلىم ىركىلىسسىز اشىق ارنا، اناعۇرلىم كەمەلدى توراپ قۇرىلعىلارى، اناعۇرلىم باسىمدىققا يە كاسىپ سالاسىنىڭ دامۋى ارقىلى جان - جاقتى، كوپ دەڭگەيلى، كەڭ سالالى سىرتقا ەسىك اشۋدى ىلگەرىلەتىپ، كەزەكشى پويەزدىڭ زاتتى كوپ تاسۋىنا، تەز تاسۋىنا، جوعارى دەڭگەيدە ەسىك اشۋدىڭ تىڭ ساتىعا كوتەرىلۋىنە مۇمكىندىك جاسايتىندىعى داۋسىز.
