ەركىن تۇنياز ىلە قازاق اۆتونوميالى وبلىسىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
تەكسەرۋ - زەرتتەۋدى تەرەڭدەتۋ ارقىلى دامۋداعى قيىن ماسەلەلەردى شەشۋدى ىلگەرىلەتۋ كەرەك
انار بۇلت \ شينجياڭ گازەتىنىڭ ءتىلشىسى لي ياڭ 4 - ايدىڭ 9 - كۇنى قۇلجادان حابارلايدى. 4 - ايدىڭ 9 - كۇنى اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ىلە قازاق اۆتونوميالى وبلىسىنا كەلىپ، ورمان باستىعى ءتۇزىمىن جاپپاي تياناقتاندىرۋ، ەرەكشەلىككە، باسىمدىققا يە كاسىپ سالالارىن زورايتۋ، اۋىل - قىستاقتى گۇلدەندىرۋدى ىلگەرىلەتۋ، ۇلتتار ىنتىماعىن جانە ءدىن جاراسىمدىلىعىن جەبەۋ سياقتىلار جونىندە تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: اۆتونوميالى رايوندىق پارتكومنىڭ ءبىر تۇتاس ورنالاستىرۋىنا ساي، شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىن ىشكەرىلەي ورىستەتىپ، ”يدەيانى ۇيرەنۋ، پارتيالىلىقتى كۇشەيتۋ، امالياتقا ءمان بەرۋ، جاڭا ۇلەس قوسۋ“ باس تالابىن مىقتاپ يگەرىپ، تەكسەرۋ - زەرتتەۋدى تەرەڭدەتۋ ارقىلى دامۋداعى قيىن ماسەلەلەردى شەشۋدى ىلگەرىلەتىپ، دامۋدى حالىق تۇرمىسىن جاقسارتۋدا، جەرگىلىكتى ورىنعا تيىمدىلىك جاساۋدا، ىنتىماقتى كۇشەيتۋدە شىنايى تياناقتاندىرۋ كەرەك.
كۇنەس اۋدانى ۇلاستاي ورمان ءوسىرۋ رايونى 54 - ورمان بولىگىندە ەركىن تۇنياز جاڭبىرعا قاراماي سول جەردە ورماندى شارلادى، ورمان بايلىعى، جابايى حايۋاناتتار مەن وسىمدىكتەردىڭ تارالۋ جاعدايى جونىندەگى تانىستىرۋدى تىڭدادى، ورمان ءورتىن ءسوندىرۋ، ورتتەن ساقتانۋ، شۇعىل جاعدايعا توتەپ بەرۋ بولىمشە اترەتىنىڭ ورتتەن ساقتانۋ - ءورت ءوشىرۋ زاتتىق ماتەريالدارىن دايىنداۋ، قىزمەتكەرلەر ورنالاستىرۋ، ءورت جاعدايىن تەكسەرۋ، ءبىر جاقتى ەتۋ سياقتى جاعدايلارىنا قۋزاۋ - جەتەكشىلىك ەتتى جانە ونى تەكسەردى. ول بىلاي دەپ باسا دارىپتەدى: كۇندەلكتى شارلاۋ - تەكسەرۋ جاتتىعۋىن كۇشەيتىپ، ورمان ورتىنەن ساقتانۋ حاۋىپسىزدىك تومەنگى شەگىن باتىل ساقتاپ، ماسەلەلەردى، كومەسكى قاتەردى ەرتە بايقاۋعا، ەرتە مالىمدەۋگە، ەرتە ءبىر جاقتى ەتۋگە شىنايى كەپىلدىك ەتىپ، حالىق بۇقاراسىنىڭ ءومىرىنىڭ، مال - مۇلكىنىڭ جانە ورمان بايلىعىنىڭ حاۋىپسىزدىگىن بار كۇشپەن قورعاۋ كەرەك.
كۇنەس اۋدانى مۋجۇن ەگىن، مال شارۋاشىلىعىن دامىتۋ شەكتى سەرىكتەستىگىندە، نىلقى اۋدانى شينجياڭ تيانيۇن ورگانيكالىق اۋىل شارۋاشىلىعى شەكتى سەرىكتەستىگىندە ەركىن تۇنياز قوڭىر سيىر، سالمون بالىعى باعىمشىلىق جاعدايىنا ناقتى تەكسەرۋ - زەرتتەۋ جۇرگىزىپ، كاسىپورىنداردىڭ تالاپ - تىلەگىن كوڭىل قويا تىڭداپ، قيىنشىلىقتارىن سايكەستىرىپ شەشتى. ول بىلاي دەپ باسا دارىپتەدى: سۋىق سۋ بالىعى كاسىپ سالاسىن جەتەكشى ەتىپ، جەرگىلىكتى ورىننىڭ 1 -، 2 -، 3 - كاسىپتەرىنىڭ توعىسپالى دامۋىن ىلگەرىلەتىپ، ەگىنشى - مالشىلاردىڭ جۇمىس ىستەۋىن، جۇمىستانۋىن، كىرىستەرىن ارتتىرىپ بايۋىن ۇزدىكسىز جەبەۋ كەرەك. شينجياڭ جيڭكى ەنەرگيا شەكتى سەرىكتەستىگىندە ەركىن تۇنياز جالاڭ كريستالدى كرەمني سەحىنا كىرىپ، ءوندىرىس تيجارات، بازاردىڭ كەڭەيۋى، جۇمىستانۋعا جەتەكشىلىك ەتۋ سياقتى جاعدايلاردى ۇعىستى ءارى بىلاي دەپ باسا دارىپتەدى: دەربەس جاڭالىق اشۋ تەبىنىن ارتتىرىپ، ”ساۋدا ارقىلى ساۋداگەر شاقىرۋدى“ كۇشەيتىپ، ۇزدىكسىز تۇردە تىزبەكتى ۇزارتىپ، تىزبەكتى تولىقتاپ، تىزبەكتى كەڭەيتىپ، تىزبەكتى كۇشەيتىپ، جاسىل، تومەن كومىر قىشقىل گازدى كرەمني نەگىزدى كاسىپ سالاسىن تۇلعالاۋ كەرەك.
تەكسەرۋ - زەرتتەۋ كەزىندە ەركىن تۇنياز تاعى بۇقارانىڭ وتباسىلارىنا بارىپ، بەتپە - بەت اڭگىمەلەسىپ، قاجەتتەرىن تىڭداپ، مۇگەدەكتەر ىستەرىنىڭ دامۋ جاعدايىن ۇعىسىپ، ءدىني قايراتكەرلەرمەن پىكىر اۋىستىردى.
ەركىن تۇنياز تەكسەرۋ - زەرتتەۋدە بىلاي دەپ باسا دارىپتەدى: ىلە وبلىسى جەرگىلىكتى ورىننىڭ ەرەكشەلىككە يە باسىمدىعىن تياناق ەتىپ، يدەيانى ۇزدىكسىز ازات ەتىپ، كوزقاراستا بۇرىلىس جاساپ، ءتۇرلى قىزمەتتەردى ىلگەرىلەتۋدە ماڭىزدى ءتۇيىندى كورنەكتىلەندىرۋگە، جالپى تۇلعالىق جاقتان جوعارىلاتۋعا تاباندى بولىپ، تۇتاس رايوننىڭ ەكونوميكالىق، قوعامدىق دامۋ كەلەلى جاعدايىنا كوپ ۇلەس قوسۋى كەرەك. كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرىپ، ەگىنشى - مالشىلاردىڭ ”قالتاسىن قامپايتۋمەن“ بىرگە، ”وي - ساناسىن دا بايىتۋىنا“ مۇمكىندىك جاساۋ كەرەك. مال شارۋاشىلىعىن كوركەيتۋ ارەكەتىندە عىلىم - تەحنيكالىق تىرەكتى كۇشەيتىپ، ىلە تۇلپارى، شينجياڭ قوڭىر سيىرى، قازاق قويى، ىلە قارا اراسى سياقتى ءبىر توپ وڭىرلىك الەۋمەتتىك تانىمالى ماركالاردى شوعىرلى تۇلعالاپ، ىلەنىڭ جاسىل، ورگانيكالىق، ساپالى ەگىن، مال شارۋاشىلىعى ونىمدەرىنىڭ ماڭدايشالىعىن جارقىراتۋ كەرەك. تۇنىق سۋ، جاسىل تاۋ − باعالى بايلىق ۇستانىمىن بەرىك ورناتىپ، ورمان باستىعى ءتۇزىمىن جاپپاي تياناقتاندىرىپ، ەكولوگيانى قورعاۋدىڭ قىزىل سىزىعىن باتىل ساقتاپ، بۇقارانىڭ تاماشا ەكولوگيالىق ورتاعا بولعان قاجەتىن اناعۇرلىم ويداعىداي قاناعاتتاندىرۋ كەرەك. نەگىزگى ساتى پارتيا ۇيىمدارىنىڭ جاۋىنگەر قورعاندىق رولىن تولىق ساۋلەلەندىرىپ، نەگىزگى ساتىنىڭ قوعامدىق باسقارۋىن كۇشەيتىپ جانە جاقسارتىپ، نەگىزگى ساتىنى باسقارۋدىڭ قوعامدانۋ، زاڭمەن باسقارۋ، ماماندانۋ دەڭگەيىن جوعارىلاتىپ، ۇلتتار ىنتىماعىن، ءدىن جاراسىمدىلىعىن زور كۇشپەن جەبەپ، ءار ۇلت بۇقاراسىن جۇڭحۋا ۇلتى ورتاق تۇلعا تانىمىن ۇزدىكسىز بەكەمدەۋگە جەتەكتەپ، كورىكتى شينجياڭ قۇرۋعا قۋاتتى كۇش ۇيىستىرۋ كەرەك.
ياڭ شيۋلي تەكسەرۋ - زەرتتەۋدە بىرگە بولدى.
