حوتان ايماعى:
نىساندى تۇتقا ەتىپ، كاسىپ سالاسى قۇرىلىمىن ساپالىلاندىردى
انار بۇلت \ شينجياڭ گازەتىنىڭ ءتىلشىسى ءپاريزات ابدۇل
جايما شۋاق كوكتەم كەلىسىمەن، حوتان 2 × 350 مىڭ كيلوۆات جىلۋ مەن ەلەكتردى بىرلەستىرىپ ءوندىرۋ نىسانى قۇرىلىسىنىڭ جۇمىس باسىندا كراندار گۇرىلدەپ، جۇمىسشىلار جۇمىس ورىندارىندا قاربالاس جۇمىس ىستەدى. كوك اسپان استىندا نەگىزگى زاۆود ۇيلەرى، پار قازان، سۋىتۋ باعانالارىنىڭ العاشقى تۇلعاسى قالىپتاسىپ بولدى.
بۇل نىسان جالپى 3 ميلليارد 372 ميلليون يۋان قارجى قوسىلعان اۆتونوميالى رايوننىڭ ”14 - بەسجىلدىق“ جوباسىنداعى ماڭىزدى قۇرىلىس نىسانى. ”نىساننىڭ ءۇي قۇرىلىس ينجەنەرياسى 5 - ايدىڭ سوڭىندا اياقتالادى، ودان سوڭ جابدىقتاردى قۇراستىرۋ كەزەڭىنە وتەدى، جىل سوڭىنا دەيىن قۇرىلىستى ءبىتىرىپ پايدالانۋعا بەرۋگە كۇش سالامىز“. شينجياڭ ەنەرگيا (توبى) حوتان ەنەرگيا شەكتى جاۋاپكەرشىلىك سەرىكتەستىگىنىڭ باس ديرەكتورى گو ۋيجۇن بىلاي دەدى: نىسان سالىنىپ بولعان سوڭ، شينجياڭ ەلەكتر تورىنىڭ سوڭعى جەلىسىندەگى حوتان ايماعىنىڭ ەلەكتر تورىن تۇراقتى ەلەكتر قاينارىمەن قامداپ، جەرگىلىكتى ورىننىڭ كۇن سايىن ارتىپ كەلە جاتقان جىلۋدان جەتكىلىكتى پايدالانۋ قاجەتىن قاناعاتتاندىرىپ، جىلۋمەن قامداۋ ساپاسىن جوعارىلاتادى. سونىمەن بىرگە جەرگىلىكتى ورىننىڭ ونەركاسىپ كاسىپ سالاسىنىڭ دامۋىن ەلەكتر قۋاتىمەن، جىلۋ تىرەگىمەن قامداپ، قاتىستى كاسىپ سالاسىنىڭ دامۋىن جەبەيدى.
بيىلعى ۇكىمەت قىزمەتى بايانداماسىندا: ”كاسىپ سالاسىنىڭ ورتا، جوعارى دەڭگەيگە قاراي قادام تاستاۋىن ىلگەرىلەتۋ“، ”جوعارى دەڭگەيلى جابدىق، بيولوگيالىق ءدارى - دارمەك، فوتوەلەكتروندىق ينفورماتسيا، جاڭا ەنەرگيالى اۆتوكولىك، فوتوۆولت، جەل ەلەكترى سياقتى جاڭادان گۇلدەنگەن كاسىپ سالالارىن جەدەل دامىتۋدى ىلگەرىلەتۋ“ كەرەكتىگى العا قويىلدى. گو ۋيجۇن بىلاي دەدى: ”ەنەرگيا قۇرىلىمىنىڭ ۇزدىكسىز تيبىن وزگەرتىپ، دارەجەسىن جوعارىلاتۋىنا بايلانىستى، جۇڭگو جاڭا ەنەرگيا كاسىپ سالاسىنىڭ ماڭىزدى قۇرامداس بولىگى رەتىندە، كاسىپورنىمىز جاڭا دامۋ ورايى مەن سىن - سايىستاردى قارسى الىپ، جىلۋ مەن ەلەكتردى بىرلەستىرىپ ءوندىرۋ كاسىپ سالاسىن دامىتۋدى جەدەلدەتىپ، كومىر بايلىعى باسىمدىعىن ەكونوميكالىق باسىمدىققا اينالدىرۋدى جەبەيدى“.
قوندىرعىلاردى بەكەمدەپ، تاقتالاردى قۇراستىرىپ ورناتتى... لوپ اۋدانى بەيجيڭ ونەركاسىپ باقشا رايونىنداعى مەملەكەت ەلەكتر قارجى قوسۋ توبى شينجياڭ ەنەرگيا، حيميا ونەركاسىپ شەكتى جاۋاپكەرشىلىك سەرىكتەستىگىنىڭ لوپ 100 مىڭ كيلوۆات \ 400 مىڭ كيلوۆات ساعاتتىق ەنەرگيا ساقتاۋ نىسانىنىڭ سايكەستى 400 مىڭ كيلوۆات فوتوۆولتتىق ەلەكتر تاراتۋ نىسانى قۇرىلىسىنىڭ جۇمىس باسىندا جۇمىسشىلار كۇن ەنەرگياسى ەلەكتر تاقتالارىنىڭ فوتوۆولت بولشەكتەرىن قۇراستىرىپ جاتىر، قاتار - قاتار رەتتى تىزىلگەن فوتوۆولت تاقتالارى قۇبا تۇزدە كوز ۇيالتا جارقىرايدى.
ءتىلشىنىڭ ۇعىسۋىنشا، بۇل نىسانعا جالپى 2 ميلليارد 440 ميلليون يۋان قارجى قوسىلعان، قازىر جالپى ينجەنەريانىڭ ％50ى ورىندالىپ بولىپ، 6 - ايدىڭ سوڭىندا جەلىگە قوسىلىپ، ەلەكتر تاراتۋ جوسپارلانىپ وتىر ەكەن. نىسان سالىنىپ بولعاننان كەيىن، مەجەمەن جىلدىق ەلەكتر تاراتۋ مولشەرى 600 ميلليون كيلوۆات ساعاتقا جەتىپ، حوتان ايماعىنىڭ كولەمدى فوتوۆولت بازاسى قۇرىلىسىن ىلگەرىلەتۋ، جەرگىلىكتى ورىننىڭ ەنەرگيا قۇرىلىمىن ساپالىلاندىرۋ، جەردىڭ شولەيتتەنۋىن وڭاۋدى جەبەۋ، وڭتۇستىك شينجياڭنىڭ اۋىل - قىستاقتارىنىڭ گۇلدەنۋىنە دەم بەرۋ سياقتىلاردا ماڭىزدى مانگە يە بولادى.
كەلەلى نىساندار قۇرىلىسىن جەدەلدەتۋ − حوتان ايماعىنىڭ ءونىمدى قارجى قوسۋىن كەڭەيتۋىنىڭ، ەكونوميكانىڭ جالپى اۋقىمىن ورنىقتىرۋدىڭ ماڭىزدى تىرەگى. بيىل حوتان ايماعى 976 قۇرىلىس نىسانىن سالالادى، وعان جالپى 312 ميلليارد 500 ميلليون يۋان قارجى قوسىلدى، بيىل جىل ىشىندە 58 ميلليارد 700 ميلليون يۋان قارجى قوسۋ جوسپارلاندى. ءبىرىنشى ماۋسىمدا 396 نىسان جۇمىستى قالپىنا كەلتىرىپ، جۇمىس باستادى، جالپى قوسىلعان قارجى 99 ميلليارد 200 ميلليون يۋان بولدى.
”ءبىز مەملەكەتتىك ەكى ءماجىلىستىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى كەزەكتەگى جانە مۇنان بىلايعى ءبىر مەزگىلدەگى كەلەلى ساياسي مىندەت ەتىپ، جاپپاي ۇيرەنۋگە، جاپپاي يگەرۋگە، جاپپاي تياناقتاندىرۋعا اناعۇرلىم زور كۇش سالامىز. حوتان ايماعىنىڭ جاسىل كەن كاسىبى، كۇن نۇرى، جىلۋ سياقتى بايلىق باسىمدىعىنا سۇيەنىپ، ’كەلەلى نىسان، كەلەلى كاسىپ سالاسى، كەلەلى تۇعىر، كەلەلى ساياسات، كەلەلى رەفورما، ءتۇيىندى فاكتوردى‘ ارقاۋ ەتىپ، نىسانداردى تۇتقا ەتىپ، كاسىپ سالاسى قۇرىلىمىن ساپالىلاندىرىپ، ەكونوميكانىڭ جوعارى ساپالى دامۋىن ىلگەرىلەتەمىز“، - دەدى حوتان ايماقتىق دامۋ جانە رەفورما كوميتەتىنىڭ مەڭگەرۋشىسى شۇي يۋان.
