انار بۇلت \ شينجياڭ گازەتىنىڭ ءتىلشىسى حي حۇڭۋي 4 - ايدىڭ 8 - كۇنى ۇرىمجىدەن حابارلايدى. اۆتونوميالى رايوندىق ساۋدا ىستەرى مەڭگەرمەسىنەن ۇعىسۋىمىزشا، ءبىرىنشى ماۋسىمدا رايونىمىز 2028 ساۋداگەر شاقىرىپ قارجى ەنگىزۋ نىسانىن تياناقتاندىرىپ اتقارعان، سايكەس مەزگىلدەگىدەن 216 نىسان كوبەيگەن؛ رايون سىرتىنان ەنگىزىپ تياناقتاندىرعان قارجىسى 131 ميلليارد 614 ميلليون يۋان بولىپ، سايكەس مەزگىلدەگىدەن ％04. 127 ارتقان.
تۇتاس رايونداعى 14 ايماق (وبلىس، قالا) اراسىندا 6 ايماقتىڭ (وبلىس، قالا) ءبىرىنشى ماۋسىمدا رايون سىرتىنان ەنگىزىپ تياناقتاندىرعان قارجىسى 10 ميلليارد يۋاننان اسقان، ولار جەكە - جەكە ءۇرىمجى قالاسى، سانجى حۇيزۋ اۆتونوميالى وبلىسى، ىلە قازاق اۆتونوميالى وبلىسى، اقسۋ ايماعى، قاشقار ايماعى، قۇمىل قالاسى. جوعارىداعى 6 ايماقتىڭ (وبلىس، قالا) رايون سىرتىنان تياناقتاندىرعان قارجىسىنىڭ جالپى جيىنتىعى 95 ميلليارد 950 ميلليون يۋان بولىپ، تۇتاس رايوننىڭ ％9. 72 يەلەگەن.
وڭىرلەردەن الىپ قاراعاندا، سولتۇستىك شينجياڭ ءوڭىرىنىڭ رايون سىرتىنان تياناقتاندىرعان قارجىسى 77 ميلليارد 72 ميلليون يۋان بولىپ، تۇتاس رايوننىڭ ％56. 58ىن يەلەپ، سايكەس مەزگىلدەگىدەن ％36. 145 ارتقان؛ وڭتۇستىك شينجياڭ ءوڭىرىنىڭ (تۇرپان، قۇمىل قامتىلادى) رايون سىرتىنان تياناقتاندىرعان قارجىسى 54 ميلليارد 542 ميلليون يۋان بولىپ، تۇتاس رايوننىڭ ％44. 41ىن يەلەپ، سايكەس مەزگىلدەگىدەن ％36. 105 ارتقان. سولتۇستىك شينجياڭ ءوڭىرىنىڭ يەلەگەن سالىستىرماسى ءۇرتىس ۇلعايعان.
ارتۋعا ۇلەس قوسۋدان الىپ قاراعاندا، ءۇرىمجى قالاسىنىڭ، سانجى وبلىسىنىڭ، ىلە وبلىسىنىڭ وتكەن جىلعى سول تۇستاعىدان ارتقان سوماسىنىڭ جالپى جيىنتىعى 38 ميلليارد 200 ميلليون يۋان بولىپ، ارتۋعا ۇلەس قوسۋ مولشەرىنىڭ جالپى جيىنتىعى ％88. 51كە جەتىپ، ۇلەسى كورنەكتى بولعان.
كاسىپ سالاسى قۇرىلىمى جاعدايىنان الىپ قاراعاندا، 1 - كاسىپ سالاسىندا 118 نىسان تياناقتاندىرىلىپ، اتقارىلىپ، تياناقتانعان قارجى 3 ميلليارد 340 ميلليون يۋان بولىپ، سايكەس مەزگىلدەگىدەن ％06. 143 ارتقان؛ 2 - كاسىپ سالاسىندا 1130 نىسان تياناقتاندىرىلىپ، اتقارىلىپ، تياناقتانعان قارجى 83 ميلليارد 625 ميلليون يۋان بولىپ، سايكەس مەزگىلدەگىدەن ％17. 142 ارتقان؛ 3 - كاسىپ سالاسىندا 780 نىسان تياناقتاندىرىلىپ، اتقارىلىپ، تياناقتانعان قارجى 44 ميلليارد 650 ميلليون يۋان بولىپ، سايكەس مەزگىلدەگىدەن ％36. 102 ارتقان. 2 - كاسىپ سالاسىندا تياناقتاندىرىلعان قارجىنىڭ يەلەگەن سالىستىرماسى بىلتىرعى سول تۇستاعىدان 4 پايىز جوعارىلاپ، 3 كاسىپ سالاسىندا تياناقتاندىرىلعان قارجىنىڭ قۇرىلىمدىق رەتتەلۋى 92. 33: 54. 63: 54. 2 بولعان.
ءبىرىنشى ماۋسىمدا ”8 ءىرى كاسىپ سالاسى شوعىرىندا“ ساۋداگەر شاقىرىپ قارجى ەنگىزۋ نىسانىنان 1130ى تياناقتاندىرىلىپ، اتقارىلىپ، تياناقتانعان قارجى 83 ميلليارد 828 ميلليون يۋان بولىپ، تۇتاس رايوننىڭ ％69. 63ىن يەلەپ، سايكەس مەزگىلدەگىدەن ％7. 179 ارتقان.
جىل باسىنان بەرى، شينجياڭنىڭ جەر - جەرى ەرەكشەلىككە، باسىمدىققا يە كاسىپ سالالارىن ارقاۋ ەتىپ، نازاردى ”8 ءىرى كاسىپ سالاسى شوعىرىنا“ شوعىرلاندىرىپ، ساۋداگەر شاقىرىپ قارجى ەنگىزۋ نىساندارىن جوسپارلاپ، تۇلعالاپ، ساۋداگەر شاقىرىپ قارجى ەنگىزۋدى بار كۇشىن سالا وتىرىپ ويداعىداي يگەرىپ، ”اتتانعان كەزدە - اق اتويلاۋدىڭ، باستالعان كەزدە - اق شەشۋشى شايقاس جۇرگىزۋدىڭ“ كۇشتى سيگنالىن تاراتتى. ايماقتىق (وبلىس، قالا)، اۋداندىق (قالا، رايون) ءار دارەجەلى پارتيا، ۇكىمەت ورىندارىنىڭ نەگىزگى باسشىلارى ۇيىرمە باستاپ، سىرتقا شىعىپ 344 توپ (رەت) ساۋداگەر شاقىرىپ، شينجياڭنىڭ ءىشى - سىرتىندا تانىستىرۋ، قول قويۋ قيمىلىنان 51 رەت ۇيىمداستىرىپ، ورىستەتىپ، 2466 كاسىپورىندى قيمىلعا قاتىناسۋعا ۇسىنىس ەتىپ، جالپى سوماسى 391 ميلليارد 800 ميلليون يۋاندىق 460 نىسانعا قول قويدى.
