اۆتونوميالى رايوندىق ۇكىمەت ۇنەمىلىك ىستەر ءماجىلىسىن اشتى
ىشكى - سىرتقى ساۋدانى ءبىر تۇلعالاندىرا دامىتۋ سياقتى قىزمەتتەردى اقىلداستى، ورنالاستىردى
انار بۇلت \ شينجياڭ گازەتىنىڭ ءتىلشىسى لي ياڭ 4 - ايدىڭ 8 - كۇنى ۇرىمجىدەن حابارلايدى. 4 - ايدىڭ 7 - كۇنى تۇستەن كەيىن اۆتونوميالى رايوننىڭ ءتوراعاسى ەركىن تۇنياز اۆتونوميالى رايوندىق ۇكىمەتتىڭ ۇنەمىلىك ىستەر ءماجىلىسىن باسقارىپ اشتى، ءماجىلىس باس شۋجي شي جينپيڭنىڭ جۋىقتا سويلەگەن ماڭىزدى ءسوزىنىڭ رۋحىن جەتكىزدى، ۇيرەندى، اۆتونوميالى رايوندىق پارتكومنىڭ ورنالاستىرۋىنا ساي، ىشكى - سىرتقى ساۋدانى ءبىر تۇلعالاندىرا دامىتۋ، زاڭ ەرجە شىعارۋدى ولشەمدەندىرۋدى جەدەلدەتۋ، مال شارۋاشىلىعىنىڭ ساپاسىن جوعارىلاتىپ، ونىمدىلىگىن ارتتىرۋ سياقتى قىزمەتتەردى اقىلداستى، ورنالاستىردى.
ءماجىلىس مىنالاردى اتاپ كورسەتتى: جاڭا دامۋ ارناسىنا بەلسەنە قىزمەت وتەپ جانە وعان توعىسىپ، ىشكى - سىرتقى ساۋدانى ءبىر تۇلعالاندىرۋدى تۇيىندە سىناق ەتۋدى تۇتقا ەتىپ، ءتۇرلى ءتۇيىندى مىندەتتەردى تىڭعىلىقتى ىلگەرىلەتىپ، ىشكى - سىرتقى ساۋدا ءتۇزىم جۇيەسىن كۇش سالا كەمەلدەندىرىپ، ساۋدادا قۋاتتى ەل قۇرۋعا ۇلەس قوسۋ كەرەك. ءۇرىمجى شەكارا قوناق سارايى ساۋدا بازارىندا، الاتاۋ ساعاسى ازيا − ەۆروپا تاۋار بازارىندا مەملەكەتتىڭ بازاردان ساتىپ الۋ ساۋدا ءتاسىلىن تۇيىندە سىناق ەتۋ قىزمەتىن جاپپاي ىلگەرىلەتىپ، مەملەكەتتىڭ ءتۇرلى ساياساتتارىنان تولىق، جاندى، ويداعىداي پايدالانىپ، وسى زامانعى ساۋدا - زات اينالىمى تورىنىڭ جايعاسۋىن ونان ارى ساپالىلاندىرىپ، ىشكى - سىرتقى ساۋدانى توعىستىرا دامىتۋ تۇعىرىن ورناتىپ، رەتتەۋ - مەڭگەرۋ جۇيەسىن كەمەلدەندىرىپ، رايونىمىزدىڭ ساۋدا - زات اينالىمىنىڭ وسىزاماندانۋ دەڭگەيىن ۇزدىكسىز جوعارىلاتۋ كەرەك. ءبىر توپ وڭىرلىك تۇتىنۋ ورتالىق قالاسىن قۇرىپ، قالانىڭ ساۋدا نەگىزدىك قۇرىلعى فۋنكتسياسىن كۇشەيتىپ، قالانىڭ ساۋدا شەڭبەرىن ساپالىلاندىرۋ جانە تۇنگى مادەنيەت، ساياحات تۇتىنۋ ورىندارىن قۇرۋ ينجەنەرياسىن اتقارىپ، ينتەرنەت جەلىسىندە، جەلىدەن تىسقارى بايلىقتى اشىپ، ساۋدا، اۋىل شارۋاشىلىعى، ساياحات، كۇتىنۋ سياقتى تۇتىنۋدىڭ شەكارا اتتاپ توعىسۋىن ىلگەرىلەتۋ كەرەك. شەكارا وتكەلدەرىنىڭ نەگىزدىك قۇرىلعى قۇرىلىسىن كۇشەيتىپ، شەكارا وتكەلىنىڭ قاتىناۋ قابىلەتى مەن زات وتكىزۋ ونىمدىلىگىن جاپپاي جوعارىلاتىپ، جۇڭگونىڭ شينجياڭىنىڭ ورتا ازياداعى ەلدەرمەن ىرگەلەس بولۋداي وڭىرلىك ورىن باسىمدىعىن تولىق ساۋلەلەندىرىپ، شەكارا ساۋداسى، وڭدەۋ ساۋداسى، شەكارا اتتاعان زات اينالىمى، قامداۋ تىزبەگى ساۋداسى، شەكارا اتتاعان ساياحات سياقتىلاردى دامىتىپ، زورايتىپ، سىرتقا باعىتتالعان ەكونوميكانىڭ دامۋ دەڭگەيىن ۇزدىكسىز جوعارىلاتۋ كەرەك.
ءماجىلىس مىنالاردى اتاپ كورسەتتى: «مەملەكەتتىڭ ولشەمدەندىرىلگەن دامۋ باعدارلاماسىن» ىشكەرىلەي دايەكتىلەندىرىپ، اۆتونوميالى رايوننىڭ ولشەمدەندىرۋ ەرەجەسىن شىعارۋ اياق الىسىن جەدەلدەتىپ، بۇكىل رايوننىڭ ولشەمدەندىرۋ رەفورماسىن بار كۇشپەن ىلگەرىلەتۋ كەرەك. بازار ارقىلى جەبەۋ، ۇكىمەت جەتەكشىلىك ەتۋ، كاسىپورىندى نەگىز ەتۋ، قوعام ات سالىسۋ، اشىق ۇستاۋ، توعىستىرۋ پرينسيبىنە تاباندى بولىپ، ولشەمدەندىرۋ سىناق ءتۇيىنى ۇلگى نىساندارى قۇرىلىسىن ورىستەتىپ، ايگىلى ماركا ولشەمىن جەتىلدىرىپ، تۇتاس قوعامنىڭ ولشەمدەندىرۋ تاسىلىنەن پايدالانىپ ءوندىرىستى، تيجاراتتى، باسقارۋدى جانە قىزمەت وتەۋدى ۇيىمداستىرۋدى ىلگەرىلەتىپ، ولشەم ارقىلى جاڭالىق اشۋعا جەتەكتەپ، تيبىن وزگەرتىپ، دارەجەسىن جوعارىلاتۋدى جەبەۋ كەرەك. كاسىپورىن ولشەمىنىڭ ”باستاماشىسى“ ءتۇزىمىن اتقارىپ، دەربەس جاڭالىق اشۋ تەحنيكاسىنا يە، تاماشا اتقارۋ ونىمدىلىگىنە قول جەتكىزگەن وزىق كاسىپورىننىڭ ولشەمىنىڭ وسى سالانىڭ ”باستاماشىسى“ بولۋ ولشەمىنە اينالۋىن قولداۋ كەرەك. ولشەمدى زەرتتەپ جاساۋ مەن عىلىم - تەحنيكادا جاڭالىق اشۋدىڭ، كاسىپ سالاسىنىڭ دامۋىنىڭ توعىسۋ مەحانيزمىن ساپالىلاندىرىپ، كەمەلدەندىرىپ، قاتىستى كاسىپورىنداردى، ءىسورىنداردى ”ءبىر بەلدەۋ، ءبىر جول“ ولشەمدەندىرۋ سەلبەستىگى مەن اۋىس - كۇيىسىن ورىستەتۋگە، حالىقارالىق ولشەمدى بەلگىلەۋگە ات سالىسۋعا شابىتتاندىرۋ كەرەك. ولشەمدەندىرۋ ۇگىتى مەن باۋلۋ قىزمەتىن كۇشەيتىپ، ولشەمدەندىرۋ ۇستانىمىن تاراتۋ، ولشەمدەندىرۋ تانىمىن جوعارىلاتۋ كەرەك.
ءماجىلىس مىنالاردى تالاپ ەتتى: رايونىمىزدىڭ بايلىق باسىمدىعىن تياناق ەتىپ، مال شارۋاشىلىعى ءوندىرىسىنىڭ جايعاسۋىن ساپالىلاندىرىپ، اۋىل شارۋاشىلىعى وڭىرلەرىندە مال شارۋاشىلىعىن كوركەيتۋ ارەكەتىن ءتۇيىندى تۇردە تياناقتاندىرىپ، سويىس سيىر، سويىس قوي، ءسۇت شارۋاشىلىعىن كاسىپ سالالاندىرىپ دامىتۋدى ءتۇيىن ەتىپ، مال شارۋاشىلىعىنىڭ جوعارى ساپالى دامۋىن جەبەۋ كەرەك. مال شارۋاشىلىعىندا جەم - ءشوپ تاپشى بولۋ سياقتى كورنەكتى ماسەلەلەردى كۇش سالا شەشىپ، جەم - شوپپەن قامداۋ جۇيەسىن اقاۋسىزداندىرىپ، جايلىم ەكولوگياسى مال شارۋاشىلىعىن بەلسەنە دامىتىپ، توڭىرەكتەگى ەلدەرمەن سەلبەستىكتى كۇشەيتىپ، كاسىپ سالاسىنىڭ دەڭگەيىن ءوسىرىپ، دارەجەسىن جوعارىلاتۋدى جەبەپ، شينجياڭنىڭ جوعارى دەڭگەيدەگى جاسىل مال شارۋاشىلىعى ونىمدەرىنىڭ ءوندىرىس بازاسىن قۇرۋ كەرەك. مال شارۋاشىلىعىنداعى باستاماشى كاسىپورىنداردى جەتىلدىرىپ، زورايتىپ، كاسىپ سالالانعان تيجارات دەڭگەيىن جوعارىلاتىپ، جاسىل، ەكولوگيالىق، ورگانيكالىق، ساپالى مال شارۋاشىلىعى ونىمدەرى ماركاسى وبرازىن كۇش سالا تۇلعالاۋ كەرەك.
ءماجىلىس باسقا دا ىستەردى اقىلداستى.
