كوپتىڭ كەڭەسىن تىڭداپ، كوپتىڭ اقىل - پاراساتىن ۇيىستىرىپ، مەملەكەتتىڭ ەنەرگيا حاۋىپسىزدىگى مەن ەكونوميكالىق دامۋ كەلەلى جاعدايىنا اناعۇرلىم كوپ شينجياڭ ۇلەسىن قوسۋ كەرەك

قۇمىلدىڭ ماي كومىر بايلىعىنان جوعارى ءونىمدى پايدالانۋ ستراتەگيالىق زەرتتەۋ - تالقى ءماجىلىسى ۇرىمجىدە اشىلدى

كوپتىڭ كەڭەسىن تىڭداپ، كوپتىڭ اقىل - پاراساتىن ۇيىستىرىپ، مەملەكەتتىڭ ەنەرگيا حاۋىپسىزدىگى مەن ەكونوميكالىق دامۋ كەلەلى جاعدايىنا اناعۇرلىم كوپ شينجياڭ ۇلەسىن قوسۋ كەرەك

ما شيڭرۇي قاتىناستى ءارى اكادەميك - ماماندارمەن پىكىر اۋىستىردى

ەركىن تۇنياز، جاڭ چۇنلين قاتىناستى

　　انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 4 - ايدىڭ 7 - كۇنى ۇرىمجىدەن حابارلايدى. قۇمىلدىڭ ماي كومىر بايلىعىنان جوعارى ءونىمدى پايدالانۋ ستراتەگيالىق زەرتتەۋ - تالقى ءماجىلىسى 4 - ايدىڭ 7 - كۇنى ۇرىمجىدە اشىلىپ، جۇڭگو عىلىم اكادەمياسىنىڭ كوپتەگەن اكادەميكتەرى مەن ەل ىشىندەگى حيميا، حيميا ونەركاسىپ سالاسىنداعى كوپتەگەن ماماندار، وقىمىستىلار ۇسىنىس ەتىلىپ، ىشكەرىلەي پىكىر اۋىستىرىلىپ، زەتتەۋ - تالقى جۇرگىزىلدى. اۆتونوميالى رايوندىق پارتكومنىڭ شۋجيى ما شيڭرۇي ماجىلىسكە قاتىناستى ءارى اكادەميك - ماماندارمەن اڭگىمەلەسىپ، پىكىر اۋىستىرىپ، ماي كومىردى جوعارى ءونىمدى اشۋدى، پايدالانۋدى ىلگەرىلەتىپ، شينجياڭنىڭ كومىردەن مۇناي جانە تابيعي گاز ايىرۋ كاسىپ سالاسىنىڭ دامۋىن جەدەلدەتىپ، مەملەكەتتىڭ ەنەرگيا حاۋىپسىزدىگى مەن ەكونوميكالىق دامۋ كەلەلى جاعدايىنا اناعۇرلىم كوپ شينجياڭ ۇلەسىن قوسۋدى بىرگە اقىلداستى.

　　اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز، اۆتونوميالى رايوندىق پارتكومنىڭ ورىنباسار شۋجيى جاڭ چۇنلين ماجىلىسكە قاتىناستى.

　　ماجىلىسكە قاتىناسقان اكادەميك - ماماندار بىلاي دەپ قارادى: قۇمىل وڭىرىنە ماي كومىر بايلىعى مولىنان شوعىرلانعان، ونىڭ ۇستىنە ول دۇنيە جۇزىندە سيرەك كەزدەسەتىن ەرەكشە ماي كومىر ءتۇرى. وسى بايلىقتى جوعارى دەڭگەيدە، كوپ نەگىزدى، تومەن كومىر قىشقىل گازدى اشۋدى، پايدالانۋدى جەدەل ىلگەرىلەتىپ، كومىردەن مۇناي جانە تابيعي گاز ايىرۋ كاسىپ سالاسىنىڭ دامۋىن جەبەۋ شينجياڭنىڭ ”8 ءىرى كاسىپ سالاسى شوعىرىن“ قۇرۋدى جەدەلدەتۋ، ەكونوميكانىڭ جوعارى ساپالى دامۋىن ىلگەرىلەتۋ، مەملەكەتتىڭ ەنەرگيا حاۋىپسىزدىگىن اناعۇرلىم ويداعىداي قامتاماسىز ەتۋ جونىنەن ماڭىزدى مانگە يە.

　　جۇڭگو عىلىم اكادەمياسىنىڭ اكادەميگى شۇي چۇنميڭ ”كومىر قىشقىل گازىنىڭ شىعارىلۋىن ەڭ جوعارى مانگە جەتكىزۋ، كومىر قىشقىل گازىن بەيتاراپتاندىرۋ“ ستراتەگياسىن توڭىرەكتەي ەنەرگيا حيميا ونەركاسىبنىڭ دامۋى جونىندە نەگىزگى ماقسات بايانداماسىن جاساپ، مۇناي (تاس كومىر مايى) حيميا ونەركاسىبىنىڭ جوعارى ساپالى دامۋى، سۋتەگى ەنەرگياسىن كاسىپ سالالاندىرا پايدالانۋ، جاسىل ەلەكتر، جاسىل سۋتەگى بويىنشا ءداستۇرلى حيميا ونەركاسىبىن قايتا قۇرۋ سياقتى ماسەلەلەر جونىندە كاسىپتىك تالداۋ جاسادى. شينجياڭ داشۋەسىنىڭ ولكە - مينيسترلىك بىرلەسىپ قۇرعان كومىرتەكتى ەنەرگيا بايلىعى حيمياسى جانە ودان پايدالانۋ مەملەكەتتىك ءتۇيىندى تاجىريبەحاناسىنىڭ مەڭگەرۋشىسى جيا ديانزىڭ ”شينجياڭ قۇمىل ماي كومىرىن اشۋدىڭ، پايدالانۋدىڭ قازىرگى جاعدايى جانە وعان نازار“ دەگەن نەگىزگى ماقسات بايانداماسىندا نازاردى قۇمىلدىڭ ەرەكشە ماي كومىر تۇرىنە شوعىرلاندىرىپ، مۇناي ايىرىپ الۋدى باستى نىسانا ەتكەن شەشۋشى تەحنيكالاردى اشۋ، ماي كومىردەن جوعارى ءونىمدى پايدالانۋ كاسىپ سالاسى شوعىرىن تۇلعالاۋ سياقتىلاردى ارقاۋ ەتىپ، پىكىر - ۇسىنىس بەردى.

　　جۇڭگو عىلىم اكادەمياسىنىڭ اكادەميكتەرى جىڭ لانسۇن، لي يادۇڭ، يۇي شۋحۇڭ، حۇڭ ماۋچۇن، بۋ شيانحى قاتارلىلار جەكە - جەكە ءسوز سويلەپ، ءوز زەرتتەۋ سالالارىنا بايلانىستىرىپ، قۇمىل ماي كومىر بايلىعىنىڭ دامۋ ورنىن تۇراقتاندىرۋ، شەشۋشى تەحنيكالاردان جوعارى ءونىمدى پايدالانۋدان قامال الۋدى جەبەۋ، بايلىقتىڭ قوسىمشا قۇنى مەن ەكونوميكالىق قۇنىن جوعارىلاتۋ، مەملەكەتتىڭ ستراتەگياسىنا اناعۇرلىم ويداعىداي قىزمەت وتەۋ سياقتى ماسەلەلەر جونىندە اقىل - كەڭەس بەردى. قاتىستى ماماندار مەن كاسىپورىن ۋاكىلدەرى قۇمىل ماي كومىر بايلىعىن اشۋعا، پايدالانۋعا قاتىستى ناقتى ماسەلەلەر جونىندە ىشكەرىلەي پىكىر اۋىستىردى، تالقى ورىستەتتى.

　　ما شيڭرۇي اكادەميك - مامانداردىڭ ءسوزىن دەن قويا تىڭدادى ءارى كوپشىلىكپەن پىكىر اۋىستىرىپ، كوپشىلىكتىڭ ۇزاق ۋاقىتتان بەرى شينجياڭ قىزمەتىنە كوڭىل بولگەندىگىنە، ونى قولداعاندىعىنا العىس ايتتى. ول بىلاي دەدى: شينجياڭ ەكونوميكاسىنىڭ، قوعامىنىڭ جوعارى ساپالى دامۋى، اسىرەسە، ەنەرگيا بايلىعى باسىمدىعىن كادەگە جاراتۋدى ىلگەرىلەتۋ جوعارى ورەدەگى دارىندىلاردىڭ قولداۋىنان ايىرىلا المايدى. سىزدەر قۇمىل ماي كومىرىنەن جوعارى ءونىمدى پايدالانۋ جونىندە دۇرىس كوزقاراس ءبىلدىرىپ، شينجياڭنىڭ بايلىق باسىمدىعىن، شىنىمەن، كاسىپ سالاسى باسىمدىعىنا، ەكونوميكالىق باسىمدىققا اينالدىرۋىنا ماڭىزدى اقىل - پاراسات تىرەگىن ازىرلەدىڭىزدەر. ءبىز شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىن ورىستەتۋدى وراي ەتىپ، باس شۋجي شي جينپيڭنىڭ ەنەرگيا حاۋىپسىزدىگى جونىندەگى ماڭىزدى بايىمداۋلارىن جانە شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي ۇيرەنىپ، قاتىستى عىلمي زەرتتەۋ تۇعىرلارىمەن جانە اكادەميك - ماماندارمەن سەلبەستىك جاساسۋدى ۇزدىكسىز كۇشەيتىپ، ماي كومىر سياقتى شينجياڭنىڭ ابزال ەنەرگيا بايلىقتارىنان جوعارى ءونىمدى پايدالانۋدى ىشكەرىلەي تەكسەرىپ، زەرتتەپ، عىلمي جوسپارلاپ، مەملەكەتتىك ەنەرگيا بايلىعى ستراتەگياسىن قامتاماسىز ەتۋ بازاسىن بەلسەنە تۇلعالاپ، مەملەكەتتىڭ دامۋ كەلەلى جاعدايىنا اناعۇرلىم ويداعىداي قىزمەت وتەۋ ءۇشىن بەلسەنە ۇلەس قوسامىز.

　　چىن ۋيجۇن، ءيۇسۇپجان مامەت، قادەن كابەن، قايسار ابدۇكەرىم، شۇي شيان - ي، اكادەميك - ماماندار ۋاكىلدەرى، اۆتونوميالى رايوننىڭ قاتىستى مەڭگەرمە، مەكەمەلەرىنىڭ نەگىزگى جاۋاپتى جولداستارى، قۇمىل قالاسىنداعى قاتىستى جاۋاپتى جولداستار، قاتىستى كاسىپورىنداردىڭ ۋاكىلدەرى قاتارلىلار قاتىستى قيمىلدارعا قاتىناستى.