اۆتونوميالى رايوندىق 14 - كەزەكتى حالىق ۇكىمەتىنىڭ 1 - رەتكى پاكتىك قىزمەتى ءماجىلىسى اشىلدى
ۇكىمەت جۇيەسىنىڭ پارتيا ستيلى، پاكتىك قۇرىلىسىن بۇلجىماي ىلگەرىلەتۋ كەرەك
انار بۇلت \ شينجياڭ گازەتىنىڭ ءتىلشىسى لي ياڭ 4 - ايدىڭ 7 - كۇنى ۇرىمجىدەن حابارلايدى. 4 - ايدىڭ 7 - كۇنى تۇستەن كەيىن اۆتونوميالى رايوندىق 14 - كەزەكتى حالىق ۇكىمەتىنىڭ 1 - رەتكى پاكتىك قىزمەتى ءماجىلىسى اشىلدى. ءماجىلىس مىنالاردى باسا دارىپتەدى: پارتيا 20 - قۇرىلتايىنىڭ رۋحىن ىشكەرىلەي دايەكتىلەندىرىپ، باس شۋجي شي جينپيڭنىڭ پارتيانى جاپپاي قاتاڭ باسقارۋ جونىندەگى ماڭىزدى بايىمداۋلارى مەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرىپ، مەملەكەتتىك كەڭەستىڭ 1 - رەتكى پاكتىك قىزمەتى ءماجىلىسىنىڭ رۋحىن جاپپاي تياناقتاندىرىپ، اۆتونوميالى رايوندىق 10 - كەزەكتى ءتارتىپ تەكسەرۋ كوميتەتىنىڭ ءۇشىنشى جالپى ءماجىلىسىنىڭ تالاپتارىنا ساي، رايونىمىزدىڭ ۇكىمەت جۇيەسىنىڭ پارتيا ستيلى، پاكتىك قۇرىلىسىن بۇلجىماي ىلگەرىلەتىپ، شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىنا، جاڭا جورىقتا تاماشا باستاما اشۋىنا بەرىك قامتاماسىزدىق ازىرلەۋ كەرەك.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ماجىلىسكە قاتىناستى ءارى ءسوز سويلەدى.
ءماجىلىس مىنالاردى اتاپ كورسەتتى: بيىل − پارتيا 20 - قۇرىلتايىنىڭ رۋحىن جاپپاي دايەكتىلەندىرۋدىڭ باستاما جىلى، سونداي - اق وسى كەزەكتى ۇكىمەت زاڭ بويىنشا مىندەت اتقارعان تۇڭعىش جىل، پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ قىزمەتىن مىقتى يگەرۋ جونىنەن ايرىقشا ماڭىزدى ءمان الادى. يدەيا مەن ارەكەتتى پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن شىن مانىندە بىرلىككە كەلتىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، قۇرىشتاي بەرىك بەكىممەن، قۇرىشتاي قاتاڭ شارامەن، قۇرىشتاي مىعىم ستيلمەن شىرىكتەسۋگە باتىلدىق ەتكىزبەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الدىرماۋدى ءبىر تۇلعادا ىلگەرىلەتىپ، ساڭلاۋلاردى دەن قويا تەكسەرىپ، ماسەلەلەردى تاۋىپ، ولقىلىقتاردى تولىقتاپ، ءتۇزىمدى قاتايتىپ، ۇستىنەن وڭاۋ مەن تۇبىرىنەن وڭاۋدى جانە جۇيەلى وڭاۋدى تەرەڭدەتىپ، ستيلى پاك، سالتى دۇرىس، ءىس تىندىرىپ، ناتيجە جاراتاتىن تاماشا ساياسي ەكولوگيانى بار كۇشپەن قالىپتاستىرۋ كەرەك.
ءماجىلىس مىنالاردى باسا دارىپتەدى: زاڭ بويىنشا اكىمشىلىك جۇرگىزۋدى تىڭعىلىقتى ىلگەرىلەتىپ، زاڭدى ءادىل، وركەنيەتتى اتقارۋدى قاتاڭ ارناعا ءتۇسىرىپ، زاڭمەن باسقارۋ ۇگىت - تاربيەسىن ىشكەرىلەي ورىستەتىپ، زاڭمەن باسقارۋ تاماشا ورتاسىن قالىپتاستىرۋ كەرەك. فينانس، استىق ساتىپ الۋ - ساتۋ، مەملەكەت مەنشىگىندەگى مال - مۇلىك، مەملەكەت مەنشىگىندەگى كاسىپورىندار، دامۋ - رەفورما، قازىنا، جاراتىلىستىق بايلىق، ونەركاسىپ جانە ينفورماتسيالاندىرۋ، سۋ يگىلىگى، قاتىناس، تۇرعىن ءۇي جانە قالا، اۋىل قۇرىلىسى سياقتى ءتۇيىندى سالالار مەن تاراۋلاردىڭ پاكتىك حاۋىپ - قاتەرىن ءبىر - بىرلەپ تەكسەرۋ، رەتتەۋ - وڭاۋ سەرپىنىن ارتتىرىپ، وتكەلدى الدىعا جىلجىتىپ شىرىكتەسۋدەن ساقتانۋ كەرەك. قازىنا - ەكونوميكا ءتارتىبىن قاتايتىپ، مەجە ەسەپ شەكتەمەسىن قاتايتىپ، ءار تۇردەگى ءتۇيىندى شىعىستى ءبىر تۇتاس جوسپارلاپ، ويداعىداي ورنالاستىرىپ، ”ءۇش ءتۇرلى ۇكىمەتتىك قاراجاتتى“ قاتاڭ مەڭگەرىپ، الەۋمەتتىك قارجىنى ويداعىداي باسقارىپ، ودان ويداعىداي پايدالانۋ كەرەك. الەۋمەتتىك بايلىق ساۋداسىن ونان ارى ارناعا ءتۇسىرىپ، جالپى بارىستى، تۇتاس تىزبەكتى باسقارۋدى شىن مانىندە كۇشەيتىپ، جاريا، ءادىل، تۋراشىل بولۋدى ورىنداۋ كەرەك. اۋىل - قىستاقتى گۇلدەندىرۋ، وقۋ - اعارتۋ، ەمدەۋ، قيىنشىلىعى بار بۇقاراعا كومەك بەرۋ سياقتى سالالارداعى كورنەكتى ماسەلەلەردى باتىل رەتتەپ - وڭاپ، بۇرىس ستيلدى بار كۇشپەن تۇزەتۋ كەرەك. شارۋاشىلىق - ساۋدا ورتاسىن ارناۋلى وڭاۋدى ۇزدىكسىز ورىستەتىپ، نازاردى نىسانداردىڭ تياناقتانۋى، كاسىپورىندارعا ساياتىن قىزمەت وتەۋ، كاسىپورىندارعا تيىمدىلىك جاساۋ ساياساتتارىنىڭ تياناقتانۋى سياقتىلارعا شوعىرلاندىرا وتىرىپ نىسانالى باقىلاۋ جۇرگىزىپ، شارۋاشىلىق - ساۋدا ورتاسىن بۇلدىرگەن تيپتىك دەلولاردى قاتاڭ تەكسەرىپ، شارۋاشىلىق - ساۋدا ورتاسىنداعى بوگەت تۇيىندەردى، قيىن تۇيىندەردى كۇش سالا اشۋ كەرەك.
ءماجىلىس مىنالاردى تالاپ ەتتى: پارتيانىڭ ساياسي قۇرىلىسىن ماڭداي الدى ورىنعا قويۋعا تاباندى بولىپ، پارتيانى جاپپاي قاتاڭ باسقارۋ تۇلعالىق جاۋاپكەرشىلىگىن باتىل تياناقتاندىرىپ، ۇقىق جۇرگىزۋدىڭ تۇزىمدىك جۇيەسىن اقاۋسىزداندىرىپ، كەمەلدەندىرىپ، ارناعا ءتۇسىرىپ، ۇكىمەت جۇيەسىنىڭ پارتيا ستيلى، پاكتىك قۇرىلىسىنىڭ ناقتى ونىمدىلىككە قول جەتكىزۋىنە شىنايى كەپىلدىك ەتۋ كەرەك. شىنايى يگەرىپ، ناقتى ىستەۋ تاڭداۋلى ستيلىن ۇزدىكسىز كۇشەيتىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىن ورىستەتۋمەن ۇشتاستىرىپ، تەكسەرۋ - زەرتتەۋ ستيلىن بارىنشا ساۋلەلەندىرىپ، جاۋاپكەرشىلىك ارقالاۋدى كۇشەيتىپ، حالىق رازى بولاتىن زاڭمەن باسقارىلاتىن ۇكىمەتتى، جاڭاشىل ۇكىمەتتى، پاك ۇكىمەتتى جانە قىزمەت كورسەتۋشى ۇكىمەتتى قۇلشىنا قۇرۋ كەرەك.
تيان شياڭلي ۇسىنىس بويىنشا ماجىلىسكە قاتىناستى. چىن ۋيجۇن ءماجىلىستى باسقاردى، ءيۇسۇپجان مامەت، چىن ميڭگو، سۇن حۇڭمەي، ليۋ سۋشى، شۋە بين، ءماردان مۇحيت، قايسار ابدۇكەرىم ماجىلىسكە قاتىناستى.
