انار بۇلت \ شينجياڭ گازەتىنىڭ ءتىلشىسى يىن لۋ 4 - ايدىڭ 7 - كۇنى ۇرىمجىدەن حابارلايدى. 4 - ايدىڭ 7 - كۇنى كەشتە ءتول جاسامپازدىق ءان - ءبي تەاترى «ماناس» شينجياڭ حالىق تەاترحاناسىندا قويىلىپ، تۇڭعىش كەزەكتى شينجياڭ مادەنيەت - كوركەمونەر فەستيۆالىنىڭ ساحناسىنا كوتەرىلدى.
ءان - ءبي تەاترى «ماناس» − 2019 - جىلى جياڭسۋ ولكەسىنىڭ شينجياڭعا باعىتتامالى كومەكتەسۋ بويىنشا قىزىلسۋ قىرعىز اۆتونوميالى وبلىسىنداعى الدىڭعى شەپ قولباسشىلىق شتابىنىڭ قولداۋىمەن جاسالىپ دايىندالعان كولەمدى ساحنالىق تەاتر. وندا شينجياڭنىڭ بەيزاتتىق مادەنيەت مۇرالارى بايلىعى باسىمدىعى تولىق كادەگە جاراتىلىپ، ۇلتتىق ەپوس «ماناس» ۇلتتىق حالىقتىق بيمەن بەلسەنە توعىستىرىلعان، جياڭسۋ ولكەلىك ويىن - ساۋىق توبى مەن قىزىلسۋ وبلىستىق ءان - ءبي ۇيىرمەسى سەلبەسىپ ورىنداعان، 2020 - جىلدىڭ باسىندا نانجيڭدە تۇڭعىش رەت قويىلعان.
بۇل تەاتر 2022 - جىلى 8 - ايدان باستاپ قايتا دايىندالا باستالدى. قىزىلسۋ وبلىستىق ءان - ءبي ۇيىرمەسىنىڭ، اتۇش قالالىق ءان - ءبي ۇيىرمەسىنىڭ، ۇلۇقشات اۋداندىق ءان - ءبي ۇيىرمەسىنىڭ، اقشي اۋداندىق ويىن - ساۋىق ۇيىرمەسىنىڭ، اقتاۋ اۋداندىق ويىن - ساۋىق ۇيىرمەسىنىڭ ارتيستەرى بىرگە ورىندادى. 3 - ايدىڭ 18 - كۇنىنەن 23 - كۇنىنە دەيىن بۇل تەاتر بەيجيڭدە بۇكىل ەلدەگى ۇلتتىق وڭىرلەر كوركەمونەر ۇيىرمەلەرىنىڭ جينجيڭ كورمەلىك قويىلىمىنا قاتىناسىپ، ارت - ارتىنان 4 رەت قويىلىپ، جاقسى باعاعا يە بولدى.
بۇل ءان - ءبي تەاترىندا ماناستىڭ ومىرىندەگى دۇنيەگە كەلۋ، وداقتاسۋ، ۇيلەنۋ، الىسقا ساپار شەگۋ، قايتا ورالۋ سىندى 5 ماڭىزدى بەلەسى بەينەلەنگەن، تەرەڭ سۇيىسپەنشىلىككە تولى ءان، اسەرلى ءبي ارقىلى جۇڭحۋا ۇلتىنىڭ تالىقپاي تالپىنۋ رۋحى مەن وتاندى قورعاۋ سەنىمى جەتكىزىلگەن.
”بەيجيڭدەگى كونسەرتتەگى كۇشتى اڭىس ارتيستەرگە زور سەنىم سيلادى، ولاردىڭ باسىم كوبى تۇڭعىش رەت ءان - ءبي تەاترىن ورىنداپ، بۇرىن بولماعان جوعارى دەڭگەيگە سايىس جاريالاپ، كوپتەگەن قيىنشىلىقتاردى جەڭە ءبىلدى، اسىرەسە، جاس ارتيستەر جونىنەن العاندا، بۇل ءبىر رەتكى ماڭىزدى جەتىلۋ بولدى“، - دەدى قىزىلسۋ وبلىستىق ءان - ءبي ۇيىرمەسى پارتيا ياچەيكاسىنىڭ شۋجيى ياڭ حۋاميڭ.
قارلى تاۋ، مۇز شوقى، اسەم ساحارا، ادەمى وتاۋ... وسى تەاتردىڭ ساحنالىق كوركەمدىك جوبالانۋىندا پامير ءۇستىرتىنىڭ تابيعي كورىنىسى جانە ۇلتتىق سالت - ساناسى سانىمەن ءوز اينىندە بەينەلەندى، كيىم - كەشەكتەردىڭ كوزدىڭ جاۋىن الۋى جانە شەبەرلىكپەن جوبالانۋى كورەرمەندەردىڭ القاۋىن العان جارقىن ءتۇيىن بولدى.
”قىرعىز ۇلتىنىڭ كەستەلەرى، قىرعىز ۇلتىنىڭ كيىم - كەشەكتەرى تۇگەلدەي مەملەكەت دارەجەلى بەيزاتتىق مادەنيەت مۇرالارىنىڭ ۋاكىلدىك نىساندارى، وسى رەتكى ساحنالىق كوركەمدىك جوباسى دا بەيزاتتىق مادەنيەت مۇرالارىنان تولىق پايدالانىپ، ولاردىڭ وسى زامانعى رەال قۇندى ساۋلەلەندىرۋىنە مۇمكىندىك جاسادى“، - دەدى قىزىلسۋ وبلىستىق ءان - ءبي ۇيىرمەسىنىڭ ورىنباسار باستىعى قانيبەك تۇردى.
ءان - ءبي تەاترىنىڭ قويىلۋى ۇلتتىق ەپوس «ماناستىڭ» ءتىپتى دە كوپ ادامنىڭ ىقىلاسىنا بولەنىپ، اناعۇرلىم جوعارى قوعامدىق نازارعا يە بولۋىن ىلگەرىلەتتى.
”«ماناس» − وسى رەتكى كورمەلىك قويىلىم تىزىمدىگىندەگى مەن كورۋگە ەڭ قۇمارتقان، ينتەرنەتتەن ەرتە بەلەت بۇيىرتقان تەاتر، مەنشە، وندا ءداستۇردىڭ كوركەمدىگى ساقتالۋمەن بىرگە، وسى زامان تانىمى باي، ءبىزدىڭ تالعامىمىزعا وتە لايىق“، - دەدى كورەرمەن ليۋ جيڭيۇي.
قىزىلسۋ وبلىسىنان بەيجيڭگە، ونان ۇرىمجىگە دەيىن كورەرمەندەردىڭ ىنتىزارلىعى مەن قويىلىم كەزىندەگى شاتىرلاعان شاپالاق ءۇنى قىزىلسۋ وبلىستىق ءان - ءبي ۇيىرمەسىنىڭ باستىعى، وسى تەاتردىڭ باس رەجيسسەرى بۇاجار قۇكىرشيدىڭ سەنىمىن ەسەلەپ ارتتىردى. ”ادامزات وركەنيەتىنىڭ اسىلىنا مۇراگەرلىك ەتۋ جانە ونى قورعاۋ − ءبىزدىڭ جاسامپازدىقتاعى اۋەلگى ماقساتىمىز، بولاشاقتا اناعۇرلىم كوپ كوركەمونەرلىك ءتاسىلدى قولدانىپ، «ماناستى» قۇلپىرتىپ، ونىڭ جاڭا داۋىردەگى تىرشىلىك تىنىسى مەن ومىرشەڭدىك كۇشىن قاۋلاتا ءتۇسۋدى ءۇمىت ەتەمىن“.
ۇلتتىق ەپوس «ماناس» − ولەڭ، ءان، حيكايا ءبىر تۇلعالانعان ولەڭ ەپوسى، 2009 - جىلى بىرلەسكەن مەملەكەتتەر ۇيىمىنىڭ وقۋ - اعارتۋ، عىلىم، مادەنيەت ۇيىمى جاعىنان ادامزاتتىڭ بەيزاتتىق مادەنيەت مۇرالارىنىڭ ۋاكىلدىك تۋىندىلارى تىزىمدىگىنە ەنگىزىلگەن، وندا باتىر ماناس اۋلەتىنەن تاراعان سەگىز ۇرپاقتىڭ ۇلتتار ىنتىماعىن، العاباسارلىعىن قورعاپ، سىرتتىڭ شاپقىنشىلىعىنا بىرگە قارسى تۇرعان ىزگى ىستەرى جىرلانعان.
