وزەكتى ورىندا تۇردى! بۇقارا ساحناداعى باس كەيىپكەرگە اينالدى

 انار بۇلت \ شينجياڭ گازەتىنىڭ ءتىلشىسى يىن لۋ

　　”جەلەگىڭدى اش ... ءجۇزىڭدى كورەيىن“... 4 - ايدىڭ 3 - كۇنى ءۇرىمجى ۆوگزالىنان شىققان ەر ادامنىڭ قوڭىر داۋىسى پويەز كۇتۋ زالىن تەربەتىپ، ادامدار لەگىن ايالداتىپ، كولىك كۇتۋشىلەردىڭ نازارىن اۋدارىپ، ويناپ جۇرگەن بالالاردى لەزدە تىنىشتاندىردى. تۇڭعىش كەزەكتى شينجياڭ مادەنيەت - كوركەمونەر فەستيۆالىنىڭ بۇقارالىق مادەنيەت قيمىلى كورمەلىك قويىلىمىنىڭ 3 - رەتكى قويىلىمى ءۇرىمجى قالالىق مادەنيەت سارايى شييۇي ەرلەر حور ۇيىرمەسىنىڭ كۋايشان شىرقاۋىمەن باستالدى.

　　تۇڭعىش كەزەكتى شينجياڭ مادەنيەت - كوركەمونەر فەستيۆالى باستالعاننان بەرى، شينجياڭ حالىقارالىق ۇلكەن بازارىنان، شيشان لاۋجۇنمياۋدىڭ جانىنداعى الاڭنان ءۇرىمجى ۆوگزالىنا، حۇڭشان باقشاسىنىڭ كورىنىس تەكشەسىنە دەيىن بۇكىل شينجياڭنىڭ جەر - جەرىنەن كەلگەن بۇقارالىق مادەنيەت كونسەرت اترەتتەرى تارتىمدى قويىلىمدارىمەن كوكتەمگى ۇرىمجىگە اسەم بوياۋ بەرىپ ءارى بۇكىل شينجياڭعا، ءتىپتى، بۇكىل ەلگە شينجياڭنىڭ بۇقارالىق مادەنيەت قيمىلىنىڭ باي دا الۋان ءتۇرلى ەكەندىگىن، ءار ۇلت بۇقاراسىنىڭ بەلسەندى دە ۇمتىلعىش بەينەسىن كورسەتتى.

تارتىمدى قويىلىمدار تولاستامادى، قالا مەن اۋىلدىڭ بارلىق جەرى ساحناعا اينالدى

　　”سەن ءتۇسىردىڭ بە؟ مەن تولىق ءتۇسىرىپ الدىم“. ءۇرىمجى ۆوگزالىنىڭ پويەز كۇتۋ زالىندا لانجوۋعا قايتقالى تۇرعان ساياحاتشى جوۋشاڭ سەرىگىنە قۋانىشپەن بىلاي دەدى: ”مىنا كۋايشان وتە تارتىمدى بولدى، حور ۇيىرمەسىندەگى اعايلار جادىراعان بەينەمەن ومىرگە ىنتالارىن، كوركەمونەرگە پەيىلدەرىن تولىق كورسەتتى“.

　　شينجياڭنىڭ ساپالى مادەنيەت بايلىعىن نەگىزگى ساتىعا قاراي بەيىمدەۋدى، كەڭەيتۋدى ۇزدىكسىز جەبەۋىنە ىلەسە، بۇكىل شينجياڭنىڭ جەر - جەرىندەگى بۇقارالىق مادەنيەت قيمىلىنا قاتىناسۋشىلاردىڭ سانى دا ۇزدىكسىز ارتتى، كوركەمونەر ءتۇرى كۇن سايىن مولايىپ، ورىنداۋشىلىق قۋاتى ۇزدىكسىز ارتتى، كوپتەگەن ۇيىرمەلەر شينجياڭ ىشىندەگى جانە ەل ىشىندەگى جارىستاردان ولجالى ورالدى.

　　تۇڭعىش كەزەكتى شينجياڭ مادەنيەت - كوركەمونەر فەستيۆالىنىڭ بۇقارالىق مادەنيەت قيمىلىنداعى قويىلىمدا ءبي، حور، اسپاپتار مۋزيكاسى، ءان - كۇي، سەرىك، تەاتر سياقتى كوركەمونەر فورمالارى كوزگە ءتۇستى، «جەلەگىڭدى اش» اتتى حور، «جاراسىمدى شينجياڭ» اتتى الاڭ ءبيى، ”كىشى حانىمنىڭ ماس بولۋى“ اتتى تەاتر، «جاڭا بايگە اتى» اتتى ىرحوۋ كۇيى، «شەبەرلىك» اتتى سەرىك ويىنى قويىلدى... ”جاڭا داۋىردە بيگە باسۋ“ اتتى الاڭ ءبيى قويىلىمى مەن ”جاڭا ءداۋىردى جىرلايمىز“ اتتى ءان شىرقاۋ قويىلىمىنداعى نومىرلەردىڭ ءبارى تۇگەلدەي شينجياڭنىڭ سوڭعى جىلداردا مەملەكەتتىك نەمەسە باتىس سولتۇستىك ولكە، اۆتونوميالى رايوندىق جارىستاردىڭ سيلىعىن العان بۇقارالىق مادەنيەت - كوركەمونەر تۋىندىلارى، سونداي - اق اۆتونوميالى رايون، ايماق، اۋدان ءۇش دارەجەلى مادەنيەت سارايلارىنىڭ جاڭادان جاساعان جانە جالپىلاستىرعان ۇزدىك بۇقارالىق مادەنيەت - كوركەمونەر تۋىندىلارى بولىپ تابىلادى.

　　قازىرگە دەيىن بۇكىل شينجياڭدا جيىنى 2746 بۇقارالىق مادەنيەت - كوركەمونەر ۇيىرمەسى (اۆتونوميالى رايون دارەجەلى 55، ايماق، قالا دارەجەلى جانە ودان تومەن 2691) بار بولىپ، جالپى مۇشەلەرى 56 مىڭ ادامنان اسادى. ولار بۇكىل شينجياڭنىڭ جەر - جەرىندەگى نەگىزگى ساتى بۇقارالىق مادەنيەت قيمىلدارىنىڭ الدىڭعى شەبىندە ساحنانىڭ باس كەيىپكەرلەرى بولىپ، وزدەرىنىڭ جانە باسقالاردىڭ تابىس سەزىمىن، باقىت سەزىمىن جوعارىلاتتى.

　　شييۇي ەرلەر حور ۇيىرمەسى 2014 - جىلى 12 - ايدا قۇرىلعان، قوعامنىڭ ءار سالاسىنداعى تۇرلىشە جاستاعى، تۇرلىشە كاسىپتەگى سايكەستى مۋزيكا دەڭگەيى بار حور اۋەسكەرلەرىنەن قۇرام تاپقان، كەزىندە شينجياڭنىڭ ”تيانشان كوكتەمى“ 2 - كەزەكتى حور كورمەلىك كونسەرتىنىڭ بىرىنشىلىگى، 3 - كەزەكتى جۇڭگو حالىق اندەرى حور فەستيۆالىنىڭ التىن سيلىعى، 14 - كەزەكتى جۇڭگو حالىقارالىق حور فەستيۆالىنىڭ A دارەجەلى 10 ۇزدىك حور ۇيىرمەسى سياقتى داڭقتارعا يە بولعان.

　　كۋايشان الاڭىندا ولاردىڭ كيىمى بىركەلكى بولماسا دا، ەڭ ۇندەس تە ۇيلەس ءان اۋەنىن شارىقتاتىپ، تابيعي دا بايىپتى ورىنداپ، شىنايى دا ىقىلاستى ىقپالداسىپ، ءان اۋەنى ارقىلى شينجياڭدى اسەم كارتيناداي بەينەلەدى.

　　”بۇقارادان الىپ، بۇقاراعا قايتارامىز. حور ۇيىرمەسىندەگى 45 ءار ۇلت باۋىرلاس بۇقارالىق مادەنيەت قويىلىمىنىڭ ساحناسىندا ءبىر نيەتپەن ىنتىماقتاسىپ، ءبىر ءۇيلى جانداي ەتەنە بولىپ، ەڭ كوركەم شينجياڭدى ءان اۋەنىمەن اۋەلەتتى“، - دەدى شييۇي ەرلەر حور ۇيىرمەسىنىڭ جەتەكشىسى شى جۇڭميڭ.

ساحناعا شىقتىم، كونسەرت قويدىم، كوڭىلدىمىن

　　4 - ايدىڭ 2 - كۇنى اۋات اۋدانىنىڭ حالىقتىق كوركەمونەر ۇيىرمەسى لاۋجۇنمياۋدىڭ قاسىنداعى الاڭدا «دولان ءماشىرابىن» بيلەدى، 3 مينۋت 48 سەكۋندقا جالعاسقان بيدە كورەرمەندەر ريتىمگە ىلەسىپ شاپالاق سوعىپ، ىرعالىپ وتىردى. ”داپتىڭ ءۇنى كوتەرىلگەندە - اق ءبىز ەرىكسىزدەن بەرىلىپ كەتىپپىز، ساحناعا شىعىپ بىرگە بيلەگىمىز كەلىپ جەلپىنىپ كەتتىك“، - دەيدى كورەرمەن دۋان يۇيمەي.

　　59 جاستاعى دۋان يۇيمەيدىڭ الاڭ ءبيىن بيلەگەنىنە 9 جىل بولدى، اۋەلى، سۋجوۋعا جانە شياڭگاڭعا بارىپ كوركەمونەر فەستيۆالىندا ويىن قويۋعا قاتىناسقان. ”ءبي بىلمەۋدەن 8 ءتۇرلى ءبيدى يگەرىپ العانعا دەيىن ءوزىمىزدىڭ جۇڭگونىڭ ۇلتتىق، حالىقتىق بيلەرىن ءبىلىپ عانا قويماي، تاعى جاز مۋزيكاسى ءبيىن، تيتتۋپ ءبيىن بيلەي الاتىن بولدىم. قازىر دەنساۋلىعىم ءتىپتى دە مىقتى، ءتىپتى دە كوڭىلدىمىن“، - دەگەن دۋان يۇيمەي بۇقارالىق مادەنيەت قيمىلدارىنا قاتىناسۋ ءوزىنىڭ تۇرمىس ساپاسىن تۇبىرىنەن جوعارىلاتقاندىعىن ءبىلدىردى.

　　”وسى جولعى كورمەلىك قويىلىمدا ءبىز بيگە بارىمىزدى سالدىق، ويتكەنى دولان ءبيىن بيلەگەن كەزدە بيشىلەر كورەرمەندەردىڭ كوڭىل كۇيىنىڭ اسەرىنە وتە وڭاي ۇشىرايدى“. 24 جاستاعى قايسار داۋۇت «دولان ءماشىرابى» كونسەرتىنە قاتىناستى، شينجياڭ كوركەمونەر شۋەيۋانىنىڭ دراما، كينو - تەلەۆيزيا ورىنداۋشىلىق ماماندىعىنان وقۋ تاۋىسقان وسى جاس جىگىت اۋىلى اۋات اۋدانىنا قايتىپ بارعان سوڭ، حالىقتىق كوركەمونەرشىلەرگە ىلەسىپ زەرتتەپ ۇيرەنىپ، حالىقتىق كونسەرت پەن كاسىپتىك ساحنالىق كونسەرتتى اناعۇرلىم ويداعىداي بىرلەستىرۋدىڭ ءتاسىلىن قاراستىردى.

　　جۋىق جىلداردان بەرى، ءتىپتى دە كوپ ”95 - جىلداردىڭ تۇلەكتەرى“، اۋەلى، ”2000 - جىلدىڭ تۇلەكتەرى“ بۇقارالىق مادەنيەت ويىندارىن قويۋ قوسىنىنا توپتىق قاتىناسۋدا، قايسار سياقتى كوپتەگەن جاستار نەگىزگى ساتىداعى مادەنيەت قىزمەتى بارىسىندا وزدەرىنىڭ كوركەمونەر ارمانىن جۇزەگە اسىرۋدى ءۇمىت ەتۋدە.

　　”كوركەمونەرلىك ويىندارعا قاتىناسامىن، كوركەمونەرلىك كۋرستارعا جەتەكشىلىك ەتەمىن، ينتەرنەتتىك فيلمدەر تۇسىرەمىن، جاسايمىن، مەنىڭ جاستىق كوكتەمىم وتە ماعىنالى وتۋدە، ماعان كەڭ ساحنا بار“. ۇيرەنگەنىن كادەگە جاراتا بىلگەن قايسار ءوزىنىڭ ورنىن ءتىپتى دە انىق بىلەدى.

　　شينجياڭ مادەنيەت سارايىنىڭ باستىعى جوۋ ۋىنلياڭ: ”بۇقارالىق مادەنيەت قيمىلدارىندا ويىن قويۋ بۇقارانىڭ ’ساحناعا شىعۋىن، ويىن قويۋىن، كوڭىلدى بولۋىن‘ جۇزەگە اسىردى. قازىر بۇقارانىڭ وزدىگىنەن ۇيىمداسۋى مەن ۇكىمەتتىڭ جەتەكشىلىگى پايدالى تولىقتىرۋ قالىپتاستىرىپ، مادەنيەت ونىمدەرىمەن قامداۋدى ارتتىرىپ عانا قويماي، بۇقارانىڭ ءوز قۇنىن تانۋىن جوعارىلاتتى، مەيلى الاڭ ءبيى بولسىن، الدە حور ايتۋ بولسىن، بارلىعى دا سالاماتتى، سەنىمدى، جالىندى دا الىمدى شينجياڭدى ايگىلەيدى“، - دەدى.

بۇقارالىق مادەنيەت قيمىل ماركالارىن جەتىلدىردى، ايشىقتادى

　　”الىس قيىر جولداردا جۇڭگونىڭ جولى ەڭ كورىكتى، ءزاۋلىم بايتەرەك قۇنارلى توپىراققا تەرەڭ تامىر تارتقان“... ساحنادا سانجى جىبەك جولى اۋەنى جاستار حور ۇيىرمەسى «اۋەلگى ماقساتتى ۇمىتپاۋ» ءانىن تەرەڭ سۇيىسپەنشىلىكپەن شىرقادى، تومەندە وتىرعان سانجى حۇيزۋ اۆتونوميالى وبلىستىق مادەنيەت سارايىنىڭ كادرى جۋ شۋانيۇي اقىرىن ىلەسىپ ايتىپ وتىر، نەشە اي ۇيىرمەگە جەتەكشىلىك ەتكەن ەڭبەكتەرىنىڭ جەمىسىن كورەتىن ساحناعا اقىرى جەتتى.

　　وسى جولعى بۇقارالىق مادەنيەت قيمىلى كورمەلىك قويىلىمىنا اناعۇرلىم ويداعىداي دەم بەرىپ، كۇش ۇستەۋ ءۇشىن، تۇتاس شينجياڭنىڭ جەر - جەرىندەگى مادەنيەت سارايلارىندا جۋ شۋانيۇي سياقتى كادرلار ۇيىرمەنى تاڭداپ جىبەرۋدىڭ ارتقى شەپ قامتاماسىزداندىرۋ قىزمەتىن قۇلشىنا ويداعىداي ىستەدى.

　　جاسامپازدىققا باۋلىدى، جاتتىعۋعا جەتەكشىلىك ەتتى، ورىنمەن قامدادى، كيىم - كەشەك ازىرلەپ، بەزەندىردى، ۇيىرمە باستاپ كونسەرت قويدى... نەگىزگى ساتى بۇقارالىق مادەنيەت قيمىلدارىنىڭ جاسامپازدىق جاراتۋ، كونسەرت قويۋ قوسىنىن الۋەتتەندىرىپ، بۇقارالىق مادەنيەت - كوركەمونەردىڭ ساپاسىن جوعارىلاتۋ ءۇشىن، ءار دارەجەلى مادەنيەت سارايلارى ”كاپيلليار قان تامىرلارىنا“ بەلسەنە قورەكتىك جىبەردى.

　　ساناققا قاراعاندا، 2022 - جىلى تۇتاس شينجياڭداعى ءار دارەجەلى الەۋمەتتىك كىتاپحانالار، مادەنيەت سارايلارى (پۋنكت) ءار ءتۇرلى بۇقارالىق مادەنيەت قيمىلدارىن 37 مىڭ 103 رەت وتكىزىپ، ينتەرنەت جەلىسىنەن تىسقارىدا 18 ميلليون 389 مىڭ بۇقاراعا (رەت) قىزمەت وتەدى.

　　جاقىنعى جىلداردان بەرى، حوتان ايماعىنداعى مادەنيەت سارايلارى ينتەرنەت جەلىسىندە جانە ينتەرنەت جەلىسىنەن تىسقارىدا جۇڭحۋانىڭ تاڭداۋلى ءداستۇرلى مادەنيەتىن اسقاقتاتاتىن كوركەمونەر ساباعىن ۇزدىكسىز اشىپ، شينجياڭنىڭ ءىشى - سىرتىنداعى مامانداردى جەتەكشىلىك ەتۋگە ۇسىنىس ەتىپ، بەتكە باسار بۇقارالىق مادەنيەت قيمىلى قوسىنىن قۇرۋعا بەرىك نەگىز قالادى. وسى جولعى بۇقارالىق مادەنيەت قيمىلى كورمەلىك قويىلىمىندا بوي كورسەتكەن «شىراق ءبيى» حوتان مادەنيەت سارايىنىڭ سەلبەسۋشى كونسەرت اترەتى ورىنداعان سارا تۋىندى، ول ”شينجياڭ ءبيىنىڭ“ قالىپتاسىپ قالعان بەينەسىن جاڭالاپ، كۇسان كۇيلەرى مەن بيلەرىنىڭ، كلاسسيكالىق ءبيدىڭ، ۇلتتىق، حالىقتىق بيلەردىڭ ەرەكشەلىكتەرىمەن ۇشتاستىرىپ، كورمەلىك قويىلىمداعى قيىندىق دارەجەسى جوعارى بۇقارالىق مادەنيەت كوركەمونەر نومىرىنە اينالدى.

　　”جاقىنعى 10 جىلدان بەرى، بۇقارالىق مادەنيەت قيمىلدارىمەن نارلەندىرۋدىڭ ارقاسىندا، ءار ۇلت بۇقاراسىنىڭ جۇڭحۋا مادەنيەتىن شىنايى مويىنداۋى ۇزدىكسىز كۇشەيدى، كوركەمونەردەن ءلاززات الۋ ورەسى كورنەكتى جوعارىلادى، جاسامپازدىق جاراتۋعا، كونسەرت قويۋعا قاتىناسۋ ىنتاسى ايرىقشا تاسقىندادى“. اۆتونوميالى رايوندىق مادەنيەت جانە ساياحات مەڭگەرمەسى الەۋمەتتىك قىزمەت وتەۋ باسقارماسىنىڭ باستىعى پۋ حۋايمين بىلاي دەدى: كەلەسى قادامدا ءار دارەجەلى مادەنيەت سارايلارى بۇقارالىق مادەنيەت قيمىلدارى ماركاسىن ۇزدىكسىز جەتىلدىرىپ، ايشىقتاپ، بۇقارانىڭ نەگىزگى تۇلعالىق رولىن ويداعىداي ساۋلەلەندىرىپ، بۇقارالىق مادەنيەت قيمىلى ماركاسىن جالپىلاستىرۋدى كۇشەيتىپ، ”الاڭ بيلەرىنىڭ“، ”حورلاردىڭ“ دەڭگەيىن ۇزدىكسىز جوعارىلاتادى.