ءتىلشىنىڭ اۆتونوميالى رايوندىق ورمان شارۋاشىلىعى جانە جايلىم مەكەمەسىنەن ۇعىسۋىنشا، تاياۋدا مەملەكەتتىك ورمان شارۋاشىلىعى جانە جايلىم مەكەمەسى مەملەكەت بويىنشا 2022 - جىلعى ورمان باستىعى ءتۇزىمىنىڭ تياناقتانۋ جاعدايىن قۋزاۋ - تەكسەرۋ، باعالاۋ ناتيجەسى جونىندە حابارلاندىرۋ شىعارعان.
مەملەكەت بويىنشا 12 ولكە ۇزدىك دارەجەلى بولىپ باعالاندى
20 ولكە دارەجەلى ورىن تاڭداۋلى دارەجەلى بولىپ باعالاندى
شينجياڭ ۇزدىك بولىپ باعالانىپ، مەملەكەت بويىنشا 5 - ورىندى يەلەدى
شينجياڭنىڭ سولتۇستىك بولەگىندەگى تاۋلى رايوننىڭ ورمانى ءونىمدى قورعالىپ، ساياحاتشىلاردىڭ تىنىعاتىن، سالقىندايتىن تاماشا جەرىنە اينالدى (ماتەريال سۋرەت). سۋرەتتى ساۋ حۋا تۇسىرگەن
حابارلاندىرۋدا مىنالار اتاپ كورسەتىلدى: ٴبىر جىلدان بەرى، شينجياڭ ورمان باستىعى ٴتۇزىمى ۇيىمدىق، جاۋاپكەرشىلىك، ٴتۇزىم جۇيەسىن جاپپاي ورناتىپ، پارتيا مەن ۇكىمەت بىردەي جاۋاپتى بولاتىن، قاراستى جەر جاۋاپتى بولاتىن، تاراۋلار سايكەسەتىن، قاينارىنان جونگە سالاتىن، تۇتاس ٴوڭىردى قامتىعان باياندى مەحانيزمدى العاشقى قادامدا ورناتتى. اۆتونوميالى رايوننىڭ ٴبىرىنشى باس ورمان باستىعى باستاماشىلدىقپەن مىندەت اتقارىپ، جاۋاپكەرشىلىكتى ادا ەتىپ، ورمان باستىعى ٴتۇزىمىنىڭ جەتەكشىلىك رولىن تولىق ساۋلەلەندىرىپ، ورمان، جايلىم ٴتۇيىندى قىزمەتىندە كورنەكتى ونىمدىلىككە قول جەتكىزدى.
كەلۋ قاينارى: شينحۋا اگەنتتىگى بەينەبايان قيما سۋرەتى
2022 - جىلى
شينجياڭنىڭ ورمان باستىعى ٴتۇزىمى ”مەحانيزم ورناتۋدان“ ”ونىمدىلىككە قول جەتكىزۋگە“ قاراي بەت الىپ
كەزەڭدىك ناتيجەگە قول جەتكىزدى
بۇكىل رايونداعى 30 مىڭنان استام ورمان باستىعى 247 مىڭنان استام رەت ورمان شارلاپ، 67 مىڭ ماسەلەنى بايقاپ، شەشىمدەدى؛
ٴبىر ميلليون 570 مىڭ 900 مۋ جەرگە ورمان ٴوسىرىپ، جاسىلداندىرۋ مىندەتىن ورىنداپ، مەملەكەت تۇسىرگەن جوسپاردان %9.3 اسىرىپ، مەملەكەتتىك ورمان شارۋاشىلىعى جانە جايلىم مەكەمەسىنىڭ حابارلاندىرۋ شىعارىپ ماداقتاۋىنا يە بولدى؛
قۇمايتتانعان 6 ميلليون 989 مىڭ 800 مۋ جەردى جونگە سالىپ، جىلدىق جوسپاردان %74 اسىرىپ، جونگە سالۋ كولەمى بۇكىل ەل بويىنشا الدىڭعى قاتارعا ٴوتىپ، شولەيتتەنگەن، قۇمايتتانعان جەر اۋدانىن ”قاتار ازايتۋ“ جۇزەگە اسىرىلىپ، بۇكىل ەلدەگى بىردەن - ٴبىر قۇمايتتانعان جەرى كەڭەيگەن ولكە، اۆتونوميالى رايون تاريحى اياقتالدى.
بۇگۇر اۋدانىنداعى بايىرعى توراڭعى ورمانىنىڭ كۇزگى كوركەم كورىنىسى. سۋرەتتى چۋە . حۋرە تۇسىرگەن
شينجياڭنىڭ جەر ـ جەرى ٴىس جۇزىندىك جاعدايمەن ۇشتاستىرىپ ورمان باستىعىٴتۇزىمى مەحانيزمىن اتقارۋ جونىندە ۇزدىكسىز ىزدەنىس جاسادى
بۇراتالا موڭعۇل اۆتونوميالى وبلىسى، سانجى حۇيزۋ اۆتونوميالى وبلىسى، ونسۋ اۋدانى ورمان باستىعى ٴتۇزىمىن اتقارۋ جاعدايىن 3 ـ جاق باعالاۋىن الدىمەن سىناق رەتىندە اتقاردى؛
اقسۋ ايماعى، بايىنعولين موڭعۇل اۆتونوميالى وبلىسى، بۇراتالا موڭعۇل اۆتونوميالى وبلىسى، قۇمىل قالاسى، تۇرپان قالاسى سياقتى ايماق، وبلىس، قالالار جانە اۆتونوميالى رايونعا توتە قاراستى 3 ورىنداعى مەملەكەت مەنشىگىندەگى ورمان باسقارۋ مەكەمەسى ورمان مەن جايلىم جاعىندا ”بيڭتۋان مەن جەرگىلىكتى ورىننىڭ توعىسۋى“، ”ورمان باستىعى + باس پروكۋرور“، ”ورمان باستىعى + (وزەن) كول باستىعى“ سياقتى رايونىمىزدىڭ جاعدايىنا ۇيلەسەتىن سايكەستى ىقپالداستىعى بار جاڭا مەحانيزم ورناتۋ جونىندە بەلسەنە ىزدەنىس جاسادى.
ونسۋ اۋدانى مەملەكەتتىك ورمان باستىعى ٴتۇزىمى قىزمەتىندە شابىتتاندىرىلعان 8 قالا، اۋداننىڭ ٴبىرى بولىپ باعالانىپ، مەملەكەتتىك كەڭەستىڭ ماداقتاۋىنا، شابىتتاندىرۋىنا يە بولدى.
التاي ايماقتىق ورمان شارۋاشىلىعى جانە جايلىم مەكەمەسى، ٴۇرىمجى قالاسى تيانشان رايوندىق باۋ - باقشا باسقارۋ مەكەمەسى سياقتى 9 ورىن ”جاسىلداندىرۋ قىزمەتىندەگى مەملەكەتتىك وزات كوللەكتيۆ“ اتاعىنا يە بولدى.
جىڭ اۋدانىنداعى شياۋحايزىنىڭ اسەم كوركى كوز تارتادى. كەلۋ قاينارى: بۇراتالا وبلىستىق توعىسپالى مەديا ورتالىعى
2022 ـ جىلى 1 ـ ايدىڭ 28 ـ كۇنى ”اۆتونوميالى رايوننىڭ ورمان باستىعى ٴتۇزىمى قىزمەتىن باعالاۋ ٴادىسى“ باسىپ تاراتىلدى، وسى ”ادىستە“ رايونىمىزدىڭ ورمان باستىعى ٴتۇزىمى قىزمەتىن باعالاۋدىڭ كولەمى، پرينسيبى، مازمۇنى، ۋاقىتى، اتقارۋ سۋبيەكتى، قادامى، ناتيجەسىن قولدانۋ سياقتىلار جونىندە ەگجەي ـ تەگجەيلى بەلگىلەمە جاسالدى. بۇدان بىلاي ورمان باستىعى ٴتۇزىمىن باعالاۋ ناتيجەسى پارتيا، ۇكىمەت باسشى كادرلارىن جان ـ جاقتى تەكسەرۋدىڭ، باعالاۋدىڭ ماڭىزدى نەگىزى ەتىلەدى، قىزمەتتىڭ تياناقتانۋى پارمەندى بولماسا، جىلدىق باعالاۋ ٴبىرشاما ناشار بولسا، شاقىرىپ كەڭەسۋ جۇرگىزىلەدى. ”ٴادىستىڭ“ جاريالانۋى شينجياڭنىڭ ٴار دارەجەلى جەرگىلىكتى پارتكومدار مەن ۇكىمەتتەردىڭ ورمان، جايلىم بايلىعىن قورعاۋداعى، دامىتۋداعى تۇلعالىق جاۋاپكەرشىلىگى مەن جەتەكشىلىك رولىن اناعۇرلىم نىعايتىپ، باقىلاۋ ـ تەكسەرۋ، باعالاۋ ارقىلى قىزمەتتىڭ تياناقتانۋىن ىلگەرىلەتۋدىڭ ”وتكىر سەمسەرلىك“ رولىن ويداعىداي ساۋلەلەندىرىپ، ورمان باستىعى ٴتۇزىمىنىڭ ۇزدىكسىز تەرەڭدەۋىن، ناقتىلانۋىن ىلگەرىلەتەتىندىگىنەن دەرەك بەرەدى.
بايىنبۇلاق سازدىعى. سۋرەتتى اۆتونوميالى رايوندىق ورمان شارۋاشىلىعى جانە جايلىم مەكەمەسى بەرگەن
2023 - جىلى
شينجياڭ ٴار دارەجەلى پارتكوم مەن ۇكىمەتتىڭ ورمان، جايلىم بايلىعىن قورعاۋداعى، دامىتۋداعى تۇلعالىق جاۋاپكەرشىلىگىن اناعۇرلىم ناقتىلاندىرىپ، ورمان باستىعى ٴتۇزىمىنىڭ جىلدىق باقىلاۋ ـ تەكسەرۋ ، باعالاۋ قىزمەتىن ويداعىداي ىستەپ، جاسىلداندىرۋدى دارىپتەۋ، جاسىلداندىرۋدى ارتتىرۋ، جاسىلداندىرۋ، قايتا جاسىلداندىرۋ، جاسىلداندىرۋدان پايدالانۋ، جاسىلداندىرۋدى جانداندىرۋ، جاسىلداندىرۋدى قورعاۋدا شىنايى ەڭبەك ەتىپ، ناقتى ونىمدىلىككە قول جەتكىزىپ، اسپانى ٴتىپتى دە اشىق، تاۋى ٴتىپتى دە جاسىل، سۋى ٴتىپتى دە تۇنىق كورىكتى شينجياڭ قۇرۋعا تىڭ دا اناعۇرلىم زور ۇلەس قوسادى.
