حالىقتى بارىنەن جوعارى قويىپ، جاڭا جورىقتا حالىق تۇرمىسىنىڭ ەمتيحان جاۋابىن ىقىلاسپەن جازدى
□ انار بۇلت \ شينجياڭ گازەتىنىڭ ءتىلشىسى جاۋ چۇنحۋا
تاڭەرتەڭ، بۋرىلتوعاي اۋدانى شىعانجيدە اۋىلى شىعانجيدە قىستاعىنداعى بالاباقشادا 5 جاستاعى ەرەنتاي شالقاربەك قولىن بۇلعاپ اكەسىمەن قوشتاستى. ”بالاباقشادا وقۋ قاراجاتىن تاپسىرۋدىڭ قاجەتى جوق، بالالار دا كوپتەگەن جاقسى ادەتتەردى قالىپتاستىردى“، - دەدى بالانىڭ اكەسى شالقاربەك راحمەتوللا.
تۇستە گۇما اۋدانى موكويلا اۋىلى قاقشال قىستاعىندا 54 جاستاعى قىستاق تۇرعىنى گۇلسۇم سىمايىل ءۇيىنىڭ الدىندا جالپى حالىقتىق دەنساۋلىق تەكسەرۋ ۇگىتشىسىنە جولىقتى، ”بىلتىر جالپى حالىقتىق دەنساۋلىق تەكسەرۋىنەن دەنساۋلىعىمدا ماسەلە بار ەكەنىن ءبىلدىم، بۇدان بىلاي مەن جىل سايىن جالپى حالىقتىق دەنساۋلىق تەكسەرۋگە قاتىناسىپ تۇرامىن“.
كەشقۇرىم، بەيجيڭ، مەملەكەتتىك حالىق قۇرىلتايىنىڭ ۋاكىلى، ۇلۇقشات اۋدانى ۇقسالۇر اۋىلى ۇقسالۇر قىستاعى پارتيا ياچەيكاسىنىڭ ورىنباسار شۋجيى، قىستاق تۇرعىندار كوميتەتىنىڭ مەڭگەرۋشىسى قانبي ايسا ءباز - باياعىسىنداي قاربالاس، ول قىستاققا قايتىپ بارعاننان كەيىن ورىستەتىلەتىن مەملەكەتتىك ەكى ءماجىلىستىڭ رۋحى جونىندە ۇگىت لەكسيا جاساۋعا دايىندالىپ جاتقان ەدى. ”مەملەكەتتىك حالىق قۇرىلتايىنىڭ ۋاكىلى رەتىندە، مەن، ءسوز جوق، پارتيا ورتالىق كوميتەتىنىڭ ءار ۇلت بۇقاراسىنا دەگەن قامقورلىعىن، مەيىرىن، پارتيانىڭ ساياساتىن ويداعىداي ۇگىتتەيمىن“!
...
بۇل تيانشان الابىنداعى قاراپايىم بۇقارانىڭ ءبىر كۇنى، بۇل پارتيا ورتالىق كوميتەتىنىڭ ىقىلاستى قامقورلىعىندا، جۇڭگو ۇلگىسىندەگى وسىزامانداندىرۋدىڭ جاڭا جورىعىندا حالىقتى وزەك ەتۋگە مىقتاپ تاباندى بولعان شينجياڭ امالياتىنان تۋىنداعان كۇشتى جىلى لەپ.
باس شۋجي شي جينپيڭ 14 - كەزەكتى مەملەكەتتىك حالىق قۇرىلتايىنىڭ 1 - ماجىلىسىنە قاتىناسقان جياڭسۋ ۋاكىلدەر ۇيىرمەسىنىڭ باياندامانى قاراۋىنا قاتىناسقاندا بىلاي دەپ باسا دارىپتەدى: حالىقتىڭ باقىتتى، امان - ەسەن بولۋى − جوعارى ساپالى دامۋدى ىلگەرىلەتۋدەگى ەڭ سوڭعى ماقسات.
شينجياڭ جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، ەكونوميكانى دامىتۋ مەن حالىق تۇرمىسىن جاقسارتۋدى شينجياڭنىڭ ورنىقتىلىعىن، شينجياڭنىڭ تىنىشتىعىن ساقتاۋ ستراتەگيالىق دەڭگەيىنە كوتەرىپ، حالىققا ءتيىمدى بولسا، ءسوز جوق، كوركەيتتى.
حالىق تۇرمىسىن جاقسارتۋدى باستان - اياق كوكەيدە بەرىك ساقتاپ، مىقتى يگەردى
شەت - شالعاي مال شارۋاشىلىق وڭىرىندەگى ءبىر شاعىن قىستاقتا 13 بالا ءۇشىن قۇرىلعىلارى تولىق بالاباقشا سالىندى. قانىمبۇ ايسا: بۇل ”حالىق ءۇشىن“ دەپ جاۋاپ بەردى.
”بالالار ۇيدەن شىعا سالا بالاباقشاعا كىرەدى، اۋدان قالاشىعىنا كوشىپ كەتكەندەردىڭ بارلىعى قازىر قايتىپ كەلدى“، - دەدى قانىمبۇ ايسا.
باس شۋجي شي جينپيڭ حالىقتى ەسىنەن شىعارمادى. ول بىلاي دەپ اتاپ كورسەتتى: ءار ۇلت بۇقاراسىنىڭ تىنىش ءومىر، شات - شادىمان تىرشىلىك كەشىرۋىن مىقتاپ ارقاۋ ەتىپ، ءوندىرىس، تۇرمىس شارت - جاعدايىن جاقسارتاتىن نىسانداردى كوبىرەك اتقارىپ، حالىق تۇرمىسىنا تيىمدىلىك جەتكىزەتىن ناقتى ىستەردى كوبىرەك ىستەپ، ءار ۇلت بۇقاراسىنىڭ كوكەي تەستى ماسەلەلەرىن كوبىرەك شەشۋ كەرەك.
اۆتونوميالى رايوندىق پارتكوم نەگىزگى ساتىنى باسقارۋ مەن حالىق تۇرمىسىن قامتاماسىز ەتۋدى حالىق بۇقاراسىنىڭ ءتول مۇددەسىنە ساياتىن، بىرگە بايۋدى جەبەيتىن، جوعارى ساپالى تۇرمىس جاراتاتىن نەگىزدىك ينجەنەريا ەتۋدەن جازباي، قازىنالىق شىعىستىڭ ％70تەن استامىن حالىق تۇرمىسىن قامتاماسىز ەتۋگە جانە جاقسارتۋعا جۇمساۋعا تاباندى بولدى. اسىرەسە، وتكەن ءبىر جىلدا حاۋىپ - قاتەرلەر مەن سىن - سايىستارعا بەلسەنە توتەپ بەرىپ، حالىق تۇرمىسىن جاقسارتۋدى باستان - اياق ەستە بەرىك ساقتاپ، قاي - قاشان دا مىقتى يگەردى.
− قالا - قالاشىقتاردا 461 مىڭ 500 ادام تىڭنان جۇمىستاندى، اۋىل - قىستاق ەڭبەككۇشتەرىنەن 3 ميلليون 32 مىڭ 400 ادام (رەت) سىرتقا شىعىپ جۇمىس ىستەدى، 2 ميلليون 168 مىڭ ادام (رەت) ءتۇرلى كاسىپتىك شەبەرلىككە باۋلىندى.
− قيىنشىلىعى بار بۇقاراعا قۇتقارۋ - كومەكتەسۋ، كومەك قاراجاتىنان 8 ميلليارد 627 ميلليون يۋان ءتۇسىرىپ، جەر - جەردىڭ قالا، اۋىلدارداعى قيىنشىلىعى بار بۇقارانىڭ نەگىزگى تۇرمىسىن قامتاماسىز ەتۋ قاتارلى قىزمەتتەردى ءبىر تۇتاس جوسپارلاپ ىستەۋىنە قولداۋ كورسەتتى، قالا، اۋىلداردىڭ ەڭ تومەنگى تۇرمىستى قامتاماسىز ەتۋ ولشەمى جەكە - جەكە ％10 جانە ％15 جوعارىلاتىلدى...
قانىمبۇ ايسانىڭ قالىڭ قىزمەت ەستەلىگىندەگى سان - سيفردان باقىتتى تۇرمىس كورىنىستەرىن سەزىنۋگە بولادى. ول بىلاي دەدى: ءبىز اناعۇرلىم ساپالى قىزمەت وتەۋ مەن اناعۇرلىم ەگجەي - تەگجەيلى باسقارۋدى ارقاۋ ەتىپ، ءادىس - امال قاراستىرىپ، ناقتى شارا شىعارىپ، بۇقارامەن جۇرەكتەرى توعىسقان ءبىر ءۇيلى جاندارعا اينالۋىمىز كەرەك.
ۇكىمەت قىزمەتىنەن باياندامادا بىلاي دەپ اتاپ كورسەتىلدى: قوعامدىق ساياساتتا حالىق تۇرمىسىنىڭ تومەنگى شەگىن مىقتى يگەرۋ كەرەك. اۆتونوميالى رايوننىڭ 2023 - جىلعى حالىق تۇرمىسىنا قاتىستى 10 ناقتى ءىس جونىندەگى ماتەريالعا مەملەكەتتىك حالىق قۇرىلتايىنىڭ ۋاكىلى ءانۋار تۇرسۇن تولتىرا بەلگى سالىپتى. ”تۇرعىن ءۇي، وقۋ - اعارتۋ، زەينەتكەرلىك سياقتىلاردىڭ بارلىعى بۇقارانىڭ حال - جاعدايىنا سايادى، اۆتونوميالى رايون تارماقتار، تۇرلەر بويىنشا قىزمەت جوباسىن زەرتتەپ جاساپ، مىندەتتەردى ءبولىپ، ەگجەي - تەگجەيلىلەندىرىپ، قاداعالاپ ورنالاستىرۋدى كۇشەيتتى، ءبىز دە شەگە قاعۋ رۋحىمەن حالىق تۇرمىسىن جاقسارتۋ مىندەتتەرىنىڭ تىڭعىلىقتى ونىمدىلىككە قول جەتكىزۋىنە شىنايى كەپىلدىك ەتۋىمىز كەرەك“، - دەدى ول.
اۆتونوميالى رايوندىق پارتكوم پارتيا مەكتەبىنىڭ شەشىم جاساۋ، كەڭەس بەرۋ ءبولىمىنىڭ ورىنباسار مەڭگەرۋشىسى مۇحتار سادىق بىلاي دەدى: بۇقارا − حالىق تۇرمىسىن جاقسارتۋدىڭ ەڭ تىكە يگىلىگىن كورۋشى، سونداي - اق وسى ەمتيحاننىڭ ءنومىر قويۋشىسى، تاباندىلىقپەن ىستەگەندە عانا، جوعارى ءنومىر الۋعا بولادى.
اناعۇرلىم كوپ سۇرانىس تىزىمدىگىنىڭ اناعۇرلىم جوعارى ساپالى تۇرمىسقا اينالۋىن ىلگەرىلەتتى
كوكتەم باسى بولعان كۇنى، جەدەل جەتكىزۋشى جىگىت جاڭ ليپيڭ شينجياڭدا قونىستانۋ شەشىمىن جاسادى، ”شەشە، مەن ۇرىمجىدە جۇمىس ۇستىندە جارالانعانداردى قامسىزداندىرۋعا قاتىناستىم، كاسىپورىن، ءىسورىندارىنداعى جۇمىسشى - قىزمەتكەرلەرمەن بىردەي مامىلەدەن يگىلىكتەنەتىن بولدىم، الاڭسىز بولىڭىزدار“! تەلەفوننىڭ ارجاعىندا حىنانداعى الاڭداپ جۇرگەن شەشەسىنىڭ كوڭىلى اقىرى ورنىقتى.
جاڭا كاسىپ كۇيى ەكونوميكاسى جەدەل دامىدى، جاڭا جۇمىستانۋ فورماتسياسىنداعى ەڭبەكشىلەر ءتىپتى دە كوپ جاڭا ۇمىتكە يە بولدى. ”ءبىز بۇكىل شينجياڭدا الدىمەن اتقارىپ، الدىمەن سىناق جۇرگىزىپ، نەگىزگى ساتىداعى جەدەل جەتكىزۋ توراپ تۇيىندەرىنىڭ جۇمىس ۇستىندە جارالانۋ قامسىزداندىرۋىنا الدىمەن قاتىناسۋ قىزمەتىن جەدەل باستادىق، 2021 - جىلدان قازىرگە دەيىن 9509 تاماق جەتكىزۋشى، جەدەل جەتكىزۋشى اناعۇرلىم ويداعىداي قامتاماسىزدىققا يە بولدى“، - دەدى ءۇرىمجى قالالىق قوعامدىق قامتاماسىزداندىرۋ ورتالىعى پارتكومىنىڭ شۋجيى جوۋ فىڭ.
باس شۋجي شي جينپيڭ بىلاي دەپ باسا دارىپتەدى: حالىق تۇرمىسىن قامتاماسىز ەتۋ مەن جاقسارتۋدىڭ شەگى بولمايدى، تەك ۇزدىكسىز جالعاساتىن جاڭا باستاماسى عانا بار.
مىندەتتى وقۋ - اعارتۋ نەگىزگى جاقتان بىركەلكى بولۋدان ساپالى بىركەلكى بولۋعا قاراي قادام قويدى، وڭتۇستىك شينجياڭداعى ءبىر ميلليون 100 مىڭ شارۋا وتباسىن تازا ەنەرگيا ارقىلى جىلۋمەن قامداۋ جۇزەگە اسىرىلدى... اۆتونوميالى رايوندىق پارتكوم شىندىقتى ءىس جۇزىنەن ىزدەۋگە، بارلىعىندا ءىس جۇزىندىكتى نەگىزگە الۋعا تاباندى بولىپ ءارى شاماعا قاراي ىستەپ، ءارى بار كۇشىن سالىپ، جوعارى ساپالى دامۋ بارىسىندا حالىق بۇقاراسى ءۇشىن ۇزدىكسىز جوعارى ساپالى تۇرمىس جاراتتى.
15 مينۋتتا نە ىستەۋگە بولادى؟ كۇندەلىكتى تۇرمىسقا قاجەتتى بۇيىمداردى ساتىپ الىپ قانا قويماي، قارتتاردىڭ كۇتىمدەلۋى، سابيلەردى اماناتتاپ باعۋ، ءتىپتى سىدىرما جوندەتۋ، كىلت سوقتىرۋ دا وسى 15 مينۋتتىق تۇرمىس شەڭبەرىندە بولدى. ءۇرىمجى قالاسى شۇيموگوۋ رايونى نانحۋ وڭتۇستىك جولى ءمالىسى انجۇي الەۋمەتتىك اۋماعىندا 4000نان استام تۇرعىننىڭ سۇرانىس ءتىزىمى ريزا بولۋ تىزىمدىگىنە اينالۋدا.
”بىلتىر ءبىز ءۇرىمجى قالاسىنداعى 15 مينۋت ىشىندەگى حالىققا قولايلى تۇرمىس شەڭبەرىنىڭ سىناق ءتۇيىنى ورنى قاتارىنا الىنىپ، ’قارتتار مەن بالالار‘، ’ءبىر دۇكەن، ءبىر تاڭعى اس اسحاناسى‘ توڭىرەگىندە زەردەلىلەندىرۋ، قولايلىلاستىرۋ دەڭگەيىن جوعارىلاتىپ، كوپ نەگىزدى تۇتىنۋ فورماسىن بايىتىپ، بۇقارانىڭ تۇرلىشە قاجەتىن ۇزدىكسىز قاناعاتتاندىردىق“، - دەدى انجۇي الەۋمەتتىك اۋماعىنىڭ مەڭگەرۋشىسى جاڭ بين، بيىل بۇل الەۋمەتتىك اۋماق تاعى جاڭا داۋىردەگى وركەنيەت امالياتى پۋنكتىن دانەكەر ەتىپ، بۇقارانى اناعۇرلىم كوپ، اناعۇرلىم ساپالى مادەنيەتپەن قامدايدى.
مەملەكەتتىك حالىق قۇرىلتايىنىڭ ۋاكىلى ۋ ۋىنشيۋ بىلاي دەدى: جاڭا باستامادا حالىقتىڭ تاماشا تۇرمىسقا دەگەن تالپىنىسى ۇزدىكسىز تەرەڭدەدى، كەڭەيدى، ءسوز جوق، قالىڭ حالىق بۇقاراسىنىڭ كۇن سايىن ارتىپ وتىرعان الۋان ءتۇرلى قاجەتىن ارقاۋ ەتىپ، نەگىزگى ساتىداعى الەۋمەتتىك قىزمەت وتەۋدىڭ كەڭدىگى مەن تەرەڭدىگىن ۇزدىكسىز كەڭەيتىپ، قىزمەت وتەۋ تاسىلىندە جاڭالىق اشۋ سياقتى جولدارمەن، بۇقارانىڭ اناعۇرلىم جوعارى ساپالى تۇرمىس كەشىرۋىنە مۇمكىندىك جاساۋ كەرەك.
دامۋ جەتىستىكتەرى ارقىلى حالىق تۇرمىسىنا تيىمدىلىك جاساپ، جۇرت تىلەگىن ۇيىستىرۋدى اناعۇرلىم زور تەبىنمەن ىلگەرىلەتتى
وڭتۇستىك شينجياڭعا كوكتەم ەرتە كەلەدى، ءبىراق كوكتەمنەن دە ەرتە بولعانى ءپايزاۋات اۋدانى جاڭا ءمالى اۋىلى لايلىق قىستاعىنىڭ تۇرعىنى ارزىگۇل ياسىننىڭ ىشكى ەسەبى ەدى.
”وتباسىمىز 5 مۋ جەرگە شينمەي ەكتى، جىلىنا 65 مىڭ يۋان كىرىس كىرەدى. مەن قىستاقتا اۋىل شارۋاشىلىعى ونىمدەرىن وڭدەۋ سەلبەستىك كووپەراتيۆىندە جۇمىس ىستەيمىن، ايىنا 1800 يۋان ەڭبەكاقى الامىن. بىلتىر اۆتوكولىك اۋىستىردىم، بيىل انگە، بيگە جاتتىعۋعا قولايلى بولۋ ءۇشىن جاقسى كۇي ساندىق الۋدى ويلاپ ءجۇرمىن“! وزدەرى ەككەن شينمەيدىڭ ءوسۋ جاعدايىن كورە ءجۇرىپ ارزىگۇل ياسىن ىڭىلداپ ءان ايتا جونەلدى.
”دامۋدى يگەرۋ، حالىق تۇرمىسىنا تيىمدىلىك جەتكىزۋ ارقىلى بۇقارانىڭ ىستەيتىن ءىسى، تاباتىن تاپاۋاتى، ءۇمىتى بولۋىنا مۇمكىندىك جاساپ، پارتيانىڭ ءار ۇلت بۇقاراسى اراسىنداعى ۇيىستىرۋ قۋاتىن ۇزدىكسىز كۇشەيتۋ، وتاندى ءسۇيۋدىڭ، شينجياڭدى ءسۇيۋدىڭ وڭ ەنەرگياسىن ۇزدىكسىز مولايتۋ كەرەك“.
”شينجياڭدا جاي دامۋدى عانا تىلگە تيەك ەتۋگە كەلمەيدى، قايتا دامۋ مەن ورنىقتىلىقتىڭ، دامۋ مەن حالىق تۇرمىسىنىڭ، دامۋ مەن جۇرت تىلەگىنىڭ تىعىز بايلانىسىن جىعا تانۋ كەرەك“.
باس شۋجي شي جينپيڭنىڭ ءبىر قىدىرۋ ماڭىزدى سوزدەرى مەن ماڭىزدى نۇسقاۋلارى شينجياڭنىڭ ەكونوميكالىق، قوعامدىق دامۋى مەن حالىق تۇرمىسىن جاقسارتۋ قىزمەتىن جاقسى ىستەۋگە ايقىن باعدار كورسەتتى.
حالىق تۇرمىسى − دامۋدىڭ ماقساتى، جۇرت تىلەگى − ەڭ ۇلكەن ساياسي. اۆتونوميالى رايوندىق پارتكوم دامۋ مەن ورنىقتىلىقتىڭ، دامۋ مەن حالىق تۇرمىسىنىڭ، دامۋ مەن جۇرت تىلەگىنىڭ تىعىز بايلانىسىن تەرەڭ تانىپ، حالىق تۇرمىسىنا تىعىز جاناسىپ، جوعارى ساپالى دامۋدى ىلگەرىلەتۋگە تاباندى بولدى.
مىڭ قىستاقتى جاسىلداندىرۋدى، كورىكتەندىرۋدى ورىستەتىپ، 61 مىڭ اۋىل - قىستاق تازا دارەتحاناسىن جاڭادان سالدى... 2022 - جىلى اۋىل - قىستاق نەگىزدىك قۇرىلعىلار قۇرىلىسىن ۇزدىكسىز كەمەلدەندىرىپ، حالىق تۇرمىسىن جاقسارتۋدى ۇزدىكسىز ىلگەرىلەتۋ نەگىزىندە، كەدەيلىكتەن قۇتىلعان ءتىپتى دە كوپ ادامنىڭ ىستەيتىن ءىسى، تاباتىن تاپاۋاتى، ءۇمىتى بولۋىنا مۇمكىندىك جاساۋ ءۇشىن، شينجياڭ اۆتونوميالى رايون دارەجەلى وسى زامانعى اۋىل شارۋاشىلىعى كاسىپ سالاسى باقشاسى قۇرىلىسىن جاپپاي باستاپ، كەدەيلىكتەن ارىلعان وڭىرلەردىڭ كاسىپ سالاسىنىڭ دامۋىنداعى ولقىلىقتاردى تولىقتاۋىنا قولداۋ كورسەتىپ، اۋىل شارۋاشىلىعىنىڭ تۇتاس كاسىپ سالاسى تىزبەگىن جەتىلدىرۋدى، دامىتۋدى جەدەلدەتتى.
”قىستاعىمىزدا شينمەي ەگىلگەن جەر اۋدانى 3150 مۋدان اسىپ، ءونىم قۇنى 20 ميلليون 800 مىڭ يۋانعا جەتتى، شينمەي كاسىپ سالاسى كىرىسى بۇكىل قىستاق تۇرعىندارىنىڭ جان باسىندىق ورتاشا تازا كىرىسىنىڭ ％60تەن استامىن ۇستاپ، 400 نەشە ادامدى جۇمىستانۋعا جەتەكتەدى“، - دەدى لايلىق قىستاعى پارتيا ياچەيكاسىنىڭ شۋجيى ابدۇشكۇر مامەت. گۋاڭدۇڭ − ءپايزاۋات شينمەي كاسىپ سالاسى باقشاسىنا سۇيەنىپ، شارۋالاردىڭ كەيبىرەۋى جيڭدۇڭ ەگىس الاڭىنا قوسىلدى، كەيبىرەۋى شينمەي دەلدالىنىڭ ۋاكىلى بولدى. كەلەسى قادامدا قىستاق تاعى ءتۇرلى ورايدان پايدالانىپ، شارۋالارعا شينمەي ەگۋ، تىكە تاراتۋ ارقىلى زات ساتۋ سياقتى باعىتتامالى باۋلۋ جۇرگىزىپ، شارۋالاردىڭ كاسىپ سالاسىن دامىتۋ بارىسىندا اناعۇرلىم كوپ پايداعا كەنەلۋىنە كومەكتەسەدى.
حالىق باي - باقۋاتتى بولسا، مەملەكەت تىنىش بولادى، حالىق شات - شادىمان تىرشىلىك كەشىرسە، مەملەكەت بەيبىت، ورنىقتى بولادى. اۋىل - قىستاقتان قالاعا، ەگىنجايلاردان اۆتوماتتاندىرىلعان سەحقا دەيىن، كاسىپ سالاسىنىڭ گۇلدەنىپ - كوركەيۋى ءاربىر ادامدى، ءاربىر وتباسىن باقىتقا بولەدى. مەملەكەتتىك حالىق قۇرىلتايىنىڭ ۋاكىلى پاڭ زىجيان بىلاي دەدى: اۋىل - قىستاقتى ءىس جۇزىندىكتى تياناق ەتىپ، ەرەكشە كاسىپتەردى دامىتۋعا ىنتالاندىرۋمەن بىرگە، جۇمىسقا ورنالاسۋ ورايى مەن جۇمىسقا ورنالاسۋ قابىلەتى جاعىنان كومەك بەرۋدى بەلسەنە ورىستەتىپ، شارۋالاردىڭ نىق قاداممەن بايۋىنا مۇمكىندىك جاساپ، حالىق تۇرمىسىنىڭ وسى جاڭا كارتيناسىن اناعۇرلىم مەيىرلى، اناعۇرلىم كوركەم، اناعۇرلىم جارقىن ەتۋ كەرەك.
جۇڭگو ۇلگىسىندەگى وسىزامانداندىرۋ − ءبىر ميلليارد 400 ميلليوننان استام حالىق بىرگە باييتىن وسىزاماندانۋ. مۇحتار سادىق مىنانى ءبىلدىردى: اماليات حالىق تۇرمىسىن ۇزدىكسىز قامتاماسىز ەتۋ جانە جاقسارتۋ كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋدىڭ، اۋىل - قىستاقتى گۇلدەندىرۋدى ىلگەرىلەتۋدىڭ ماڭداي الدى مىندەتى، بىرگە بايۋدى جۇزەگە اسىرۋدىڭ ماڭىزدى جولى ءارى جۇڭگو ۇلگىسىندەگى وسىزامانداندىرۋدىڭ تابيعي تالابى ەكەندىگىن دالەلدەدى.
