انار بۇلت \ شينجياڭ گازەتىنىڭ حابارى (ءتىلشىسى لي لي، پراكتيكانت ءتىلشى پاڭ شۇي، پراكتيكانت جاڭ مو). بۇلدىرگەن مۋزيكا مەرەكەسى ۇرىمجىدە وتكىزىلەتىنى جايلى حابار جۋىردا كوپتەگەن مۋزيكا اۋەسكەرلەر اراسىندا قىزۋ تالقىعا ءتۇسىپ، اۋەستەرىن قوزعادى. بۇلدىرگەن مۋزيكا مەرەكەسى نەلىكتەن شينجياڭدا وتكىزۋدى تاڭدادى؟ قالايشا شينجياڭعا كەلەتىن بولىپ قالدى؟ ول شينجياڭعا نەلەردى اكەلەدى؟ 2 - ايدىڭ 21 - كۇنى بەيجيڭ مودىڭ تيانكۇن مادەنيەت دامىتۋ شەكتى سەرىكتەستىگىنىڭ ورىنباسار باس جوراسى شىن يۋە، لۋشاڭ كاسىپكەرلىك قارجى قوسۋ شەكتى سەرىكتەستىگىنىڭ ورىنباسار باس جوراسى، شينجياڭ زاۋكۇڭ مادەنيەت كاسىپ سالاسىن دامىتۋ شەكتى سەرىكتەستىگىنىڭ باس ديرەكتورى تاۋ حان وسى ماسەلەلەر جونىندە تۇسىنىك جاسادى.
”شينجياڭنىڭ ەجەلدەن ’ءان - ءبي‘ مەكەنى دەگەن اتاعى بار، باي مازمۇندى مۋزيكالىق فاكتورلارعا يە، جاستار قاۋىمىنىڭ مۋزيكا مادەنيەتىنە دەگەن قابىلداۋ دەڭگەيى مەن بازار قاجەتسىنۋى ءبىرشاما جوعارى، بۇل ارادا مۋزيكا مەرەكەسىن وتكىزۋدىڭ كومەسكى قۋاتى وتە زور“،- دەيدى شىن يۋە، حالىق سانى مەن بازار، جاعراپيالىق ورىن مەن قاتىناس، مادەنيەت جانە ساۋدا ورتاسى سياقتىلاردىڭ ءبارى بۇلدىرگەن مۋزيكا مەرەكەسىن وتكىزەتىن ورىندى تاڭداعاندا ويلاستىرىلاتىن فاكتور سانالادى.
بۇلدىرگەن مۋزيكا مەرەكەسى كونسەرتىنىڭ ناق مايدانى. (سۋرەت ماتەريالدان الىندى) سۋرەتتى بەيجيڭ مودىڭ تيانكۇڭ مادەنيەت دامىتۋ شەكتى سەرىكتەستىگى قامداعان
جاستىق كوكتەم، ومىرشەڭدىك كۇش، جاڭاشىلدىقتى ەرەكشەلىك ەتكەن، كوپتەگەن تانىمال مۋزيكانتتار مەن انسامبىلدەردىڭ باسىن قوسقان بۇلدىرگەن مۋزيكا مەرەكەسى مۋزيكانىڭ عانا سالتاناتتى ساحاناسى ەمەس، سونىمەن قاتار كوركەمونەرلىك جاڭالىق پەن جاڭاشا جوبالاۋدى ءبىر تۇلعالاندىرعان تەكشە. مۋزيكا مەرەكەسى ءبىر ءتۇرلى مادەنيەت سەزىنۋى، سونىمەن قاتار قوعامدىق قاتىناس ءوزارا ىقپالداستىعى ءتاسىلى. شينجياڭنىڭ مۋزيكا اۋەسكەرلەرى، ساياحاتشىلارى، جاستار قاۋىمى، كوركەمونەرمەن شۇعىلدانۋشىلارى سياقتىلار بۇلدىرگەن مۋزيكا مەرەكەسىنىڭ كوزەمەلى تاماشالاۋشىلارى ەسەپتەلەدى.
”بۇرىنعى تاجىريبەلەرگە نەگىزدەلگەندە مۋزيكا مەرەكەسى كەزىندە كوپتەگەن مۋزيكا اۋەسكەرلەرى بۇكىل ەلدىڭ جەر - جەرىنەن مۋزيكا مەرەكەسىنە قاتىناسۋعا اتتانىپ، جەرگىلىكتى ورىننىڭ مادەنيەت، ساياحات ىستەرىنىڭ دامۋىن جەبەيدى“. شىن يۋە بىلاي دەيدى: مودىڭ تيانكۇڭ شينجياڭنىڭ جەرگىلىكتى ەرەكشە مادەنيەت مازمۇنىنا ساي كونسەرت ورنالاستىرىپ، جەرگىلىكتى ورىننىڭ ەرەكشە مادەنيەت، ساياحات بايلىعىنا ۇشتاستىرا وتىرىپ، وزگەشە ەرەكشەلىككە يە مۋزيكانىڭ سالتاناتتى جينالىسىن تۇلعالايتىن بولادى، سونداي - اق وسى رەتكى وراي ارقىلى بازاردى ونان سايىن كەڭەيتىپ، بۇلدىرگەن مۋزيكا مەرەكەسى سىندى ماركانىڭ ىقپالى مەن تانىمالدىعىن ارتتىرامىز.
مودىڭ تيانكۇڭنىڭ سەلبەسۋشى تاراپى رەتىندە لۋشاڭ كاسىپكەرلىگى، زاۋكۇڭ مادەنيەتى بۇلدىرگەن مۋزيكا مەرەكەسىنىڭ شينجياڭدا وتكىزىلۋىنە سەنىممەن قاراپ وتىر. ”ەكى جىلعا جۋىق ۋاقىت مودىڭ تيانكۇڭمەن قارىم - قاتىناس جاساپ، ەڭ سوڭىندا پىكىر بىرلىگىنە كەلىپ، 2023 - جىلى بۇلدىرگەن مەرەكەسىن وتكىزۋگە، سونداي - اق جالپى بەتتىك ستراتەگيالىق سەلبەستىك ورناتۋعا كەلىستىك“. تاۋ حان بىلاي دەيدى، بۇلدىرگەن مۋزيكا مەرەكەسىن ەنگىزۋ ارقىلى مادەنيەت، ساياحاتتى دامىتىپ، ناقتى ەكونوميكانى، تۇتىنۋدى جەبەپ، قالىڭ ادەبيەت - كوركەمونەر اۋەسكەرلەرىنە باي مازمۇندى مۋزيكانىڭ سالتاناتتى جينالىسىن دايىنداپ بەرۋگە بولادى.
بۇلدىرگەن مۋزيكا مەرەكەسى كونسەرتىنىڭ ناق مايدانى. (سۋرەت ماتەريالدان الىندى). سۋرەتتى بەيجيڭ مودىڭ تيانكۇڭ مادەنيەت دامىتۋ شەكتى سەرىكتەستىگى قامداعان
سوڭعى جىلدارى لۋشاڭ كاسىپكەرلىگى شينجياڭدا جالىنتاۋ، چاڭفۋگۇڭ، شياۋگازى سياقتى ەرەكشە اس - سۋ ماركالارىن تۇلعالادى. ”تيبىن وزگەرتىپ، دەڭگەيىن كوتەرۋدى ءۇرتىس جالعاستىرامىز، وزىندىك ابزالدىلىقتى تولىق ساۋلەلەندىرىپ، بۇلدىرگەن مۋزيكا مەرەكەسىن ەنگىزۋ بارىسىندا قولدا بار بايلىقتى ءبىر - بىرىمەن سايكەستىرۋگە كۇش سالامىز“. تاۋ حاننىڭ ايتۋىنشا شينجياڭ بۇلدىرگەن مۋزيكا مەرەكەسى اس - سۋ، ويىن - ساۋىعى تولىق مۋزيكانىڭ سالتاناتتى جينالىسى بولماقشى ەكەن.
”بۇلدىرگەن مۋزيكا مەرەكەسى ءبىر تال تۇقىم سياقتى الاڭ مۋزيكا مەرەكەسىنىڭ شينجياڭدا دامۋىنىڭ نەگىزىنە اينالسا ەكەن دەيمىن“. تاۋ حاننىڭ ايتۋىنشا لۋ شاڭ كاسىپكەرلىگى، زاۋكۇڭ مادەنيەتى مودىڭ تيانكۇڭمەن بولعان سەلبەستىكتى ونان سايىن جالعاستىرىپ، جەلىلەس الاڭداعى كولەمدى مۋزيكا مەرەكەسىن تۇلعالاپ، ونەر كورسەتۋشى دارىندىلاردى جەبەپ، وزىندىك زاۆود، ماركالاردى تۇلعالايدى ەكەن.
