ءوزىنىڭ العا قويعان ۇسىنىستارىنىڭ سەبەبىنە ايالداعاندا، اكرام ءمامتىمىن ماڭىنداعى بۇقارانىڭ كوپتەگەن اسەرلى اڭگىمەسىن باياندادى، بۇنىڭ بارلىعى ونىڭ باستان - اياق اۋىل - قىستاققا تامىر تارتىپ، ىشكەرىلەي تەكسەرۋ - زەرتتەۋ جۇرگىزگەندەگى شىنايى كەشىرمەلەرىنەن كەلگەن. ”مەن نەگىزگى ساتىدان كەلدىم، ەڭ نازار اۋداراتىنىم اۋىل - قىستاقتى گۇلدەندىرۋ“. بۇل تىلشىلىك بارىسىندا اكرام ءمامتىمىننىڭ ەڭ كوپ تىلگە تيەك ەتكەن ءسوزى بولدى.
بۇقارانىڭ قاجەتىن، ءزارۋ ىستەرىن مۇقيات ۇعىسىپ، قىستاق تۇرعىندارىن مازالاعان ىستەردى، ۋايىمداتقان ىستەردى، الاڭداتقان ىستەردى ءوزىنىڭ مىندەت وتەۋدەگى ماڭداي الدى ءىسى دەپ ءبىلدى، بۇقارا ءۇشىن ناقتى ءىس ىستەۋدى، قيىنشىلىعىن شەشۋدى ءوزىنىڭ مىندەت وتەۋدەگى ءتۇيىندى قىزمەتى سانادى، بۇل اكرام ءمامتىمىننىڭ حالىق قۇرىلتايى ۋاكىلىندىك جاۋاپكەرشىلىگى مەن بورىشىن بەينەلەدى.
كوكتەم كوركى جايناعان ءدال وسى ساتتە، كۇللى تىرشىلىك جاندانىپ، جادىرادى. اكرام ءمامتىمىن بىلاي دەدى: بورىشىمدى وتەپ، مىندەتىمدى اتقارىپ، جاۋاپكەرشىلىگىمدى ادا ەتىپ، اۋىلداستاردى باستاپ اۋىل - قىستاقتى گۇلدەندىرۋدى جاپپاي ىلگەرىلەتىپ، اۋىل - قىستاقتىڭ اناعۇرلىم باي، تۇرمىسىنىڭ اناعۇرلىم باقىتتى، اۋىل - قىستاقتىڭ اناعۇرلىم كورىكتى بولۋىنا مۇمكىندىك جاسايمىن.
