انار بۇلت \ شينجياڭ گازەتىنىڭ ءتىلشىسى گو ليڭ 11 - ايدىڭ 21 - كۇنى ۇرىمجىدەن حابارلايدى. ىندەتتىڭ ىقپالىنا ۇشىراپ، تۇرمىستا قيىنشىلىق تارتقان جۇمىسشى - قىزمەتكەرلەرگە كوڭىل ءبولۋ، قامقورلىق جاساۋ تەبىنىن ونان ارى ارتتىرۋ ءۇشىن، اۆتونوميالى رايوندىق باس جۇمىسشى ۇيىمى، ىندەتتىڭ ىقپالىنا ۇشىراۋ دارەجەسىنىڭ ۇقساماۋىنا قاراي، ءارقايسى ايماقتارداعى (وبلىس، قالا) جۇمىسشى ۇيىمدارىنا جانە بيڭتۋاننىڭ جۇمىسشى ۇيىمدارىنا 100 ميلليون يۋان ارناۋلى قارجى ءبولدى، قازىر 21 ميلليون 856 مىڭ 800 يۋان بوساتىلىپ، 36 مىڭ 428 ادام جۇمىسشى ۇيىمىنىڭ قۇتقارۋ - كومەكتەسۋ قاراجاتىن الدى.
ءتىلشىنىڭ اۆتونوميالى رايوندىق باس جۇمىسشى ۇيىمىنان ۇعىسۋىنشا، ىندەت كەزىندە، كاسىپورىنداردىڭ جۇمىستى، ءوندىرىستى، تيجاراتتى توقتاتۋىنان تۋىنداعان قىزمەتسىز، كىرىسسىز نەمەسە جۇمىسسىز قالعان جۇمىسشى ۇيىمى مۇشەلەرىنىڭ، سونداي - اق تاماق جەتكىزۋشى، جەدەل جەتكىزۋشى سياقتىلاردىڭ جەتكىزۋ مولشەرى 8 - ايدان باستاپ ءۇرتىس 2 اي جانە ودان جوعارى، اي سايىن 50 تاپسىرىستان تومەن بولعانداردىڭ تۇگەلدەي قۇتقارۋ - كومەكتەسۋ قاراجاتىن ءوتىنىش ەتۋىنە بولادى، تەكسەرىپ ماقۇلدانعان سوڭ، ءار وتباسىنا 600 يۋاندىق ولشەم بويىنشا تاراتىلادى ەكەن.
شارتقا ۇيلەسەتىن جۇمىسشى - قىزمەتكەرلەردىڭ ”تيانشان جۇمىسشىلارعا تيىمدىلىك جاساۋ“ شاعىن باعدارلاماسى ارقىلى ءوتىنىش بەرۋىنە دە، ”تيانشان جۇمىسشىلارعا تيىمدىلىك جاساۋ APP“ىن ءتۇسىرىپ ءوتىنىش ەتۋىنە دە بولادى، جەكەلىك ينفورماتسياسى، ەڭبەك قاتىناسى انىقتاماسى (ەڭبەك قاتىناسىن كۇشىنەن قالدىرۋ انىقتاماسى) سياقتى قاتىستى ماتەريالداردى ينتەرنەت جەلىسىندە تولتىرىپ، ارتقى تۇعىردا جيناقتاعاننان كەيىن، قاراستى جەر پرينسيبى بويىنشا ءارقايسى ايماقتارعا (وبلىس، قالا) جولداۋعا بولادى. تاماق جەتكىزۋشىلەر، جەدەل جەتكىزۋشىلەر سياقتى قۇتقارۋ - كومەكتەسۋدى ءوتىنىش ەتۋشىلەر، ءسوز جوق، ءوزىنىڭ قىزمەت كۋالىگىن، تاپسىرىس مولشەرى ساناق كەستەسىن جولداۋى كەرەك.
قازىر قۇتقارۋ - كومەكتەسۋ قاراجاتىن تاراتۋ قىزمەتى ۇزدىكسىز جۇرگىزىلۋدە، ءار دارەجەلى جۇمىسشى ۇيىمدارى قيىنشىلىعى بار جۇمىسشى - قىزمەتكەرلەردىڭ قۇتقارۋ - كومەكتەسۋ ءوتىنىشىن تەكسەرۋ قارقىنىن تەزدەتىپ، اناعۇرلىم كوپ ادامنىڭ كومەككە يە بولۋىنا مۇمكىندىك جاساۋدا. سونىمەن بىرگە، جۇمىسشى - قىزمەتكەرلەردىڭ تالاپ - تىلەگىنە، ەڭبەك قاتىناسىنا قاتىستى ماسەلەلەردى دە جيناپ، رەتتەپ، جوعارىعا مالىمدەپ، ىندەت كەزىندەگى جۇمىسشى - قىزمەتكەرلەرگە قىزمەت وتەۋ قىزمەتىن شىن مانىندە ويداعىداي ىستەۋدە.
