انار بۇلت \ شينجياڭ گازەتىنىڭ تىلشىلەرى شى شين، گاۋ فىڭ 8 - ايدىڭ 7 - كۇنى ۇرىمجىدەن حابارلايدى. الدىڭعى جارتى جىلدا رايونىمىزدىڭ ونەركاسىپ ەكونوميكاسى ورنىقتى ارتۋدى ساقتاپ، بۇكىل رايوننىڭ كولەمنەن جوعارى ونەركاسىبىنىڭ ارتقان قۇنى سايكەس مەزگىلدەگىدەن ％7.6 ارتىپ، ارتۋ جىلدامدىعى بۇكىل ەلدىكىنەن 4.2 پايىز جوعارى بولدى.
3 ۇلكەن تۇردەن قاراعاندا، كەن قازۋ كاسىبىنىكى ％11.8؛ جاساۋ كاسىبىنىكى ％4.5؛ ەلەكتر، جىلۋ، وتىندىق گاز، سونداي - اق سۋ ءوندىرۋ جانە قامداۋ كاسىبىنىكى ％8.2 ارتىپ، ارتۋ جىلدامدىعى ءبىرىنشى ماۋسىمداعىدان 1.7 پايىز جوعارىلادى.
كاسىپ سالاسىنان قاراعاندا، ونەركاسىپتىڭ 40 ۇلكەن كاسىپ سالاسىنىڭ ىشىندە 23 كاسىپ سالاسىنىڭ ءوندىرىسى سايكەس مەزگىلدەگىدەن ارتتى. 11 نەگىزگى كاسىپ سالاسىنىڭ ىشىندە كومىر، حيميا ونەركاسىبى، مۇناي، مەتاللويت، ءتۇستى مەتال، ەلەكتر سياقتى 6 ءتۇيىندى كاسىپ سالاسىنىڭ دامۋى جاقسى بولىپ، ارتقان قۇنى جەكە - جەكە ％33.2، ％11.1، ％6.7، ％10.3، ％8.6. ％6.5 ارتىپ، كولەمنەن جوعارى ونەركاسىپتىڭ 7.0 پايىز ارتۋىن جەبەدى.
ەكونوميكا تۇرىنەن قاراعاندا، مەملەكەت مەنشىگىندەگى كاسىپورىنداردىكى ％8. 8، جارنا تۇزىمىندەگى كاسىپورىنداردىكى ％7.0، جەكە كاسىپورىنداردىكى ％0. 14 ارتقان.
ءونىم جاعىنان قاراعاندا، ەنەرگيا ونىمدەرى ءبىرشاما تەز ارتىپ، سۇرىپتاۋسىز كومىردىڭ ءونىم مولشەرى ％8. 28 ارتىپ، ارتۋ جىلدامدىعى بۇكىل ەلدىكىنەن 17.8 پايىز جوعارى بولعان؛ شيكى مۇنايدىڭ ءونىم مولشەرى ％9. 8 ارتىپ، ارتۋ جىلدامدىعى بۇكىل ەلدىكىنەن 9. 4 پايىز جوعارى بولعان؛ ەلەكتر تاراتۋ مولشەرى ％5. 0 ارتقان، مۇنىڭ ىشىندە، سۋ، جەل، جارىق سياقتى تازا ەنەرگيانىڭ ەلەكتر تاراتۋ مولشەرى ％6. 10 ارتقان؛ شينجياڭنان سىرت جەرلەرگە جەتكىزىلگەن ەلەكتر مولشەرى 57 ميلليارد 269 ميلليون كيلوۆات ساعاتقا جەتىپ، ％4. 3 ارتقان.
كاسىپورىنداردىڭ تابىسى ۇزدىكسىز جاقساردى. 1 - ايدان 5 - ايعا دەيىن بۇكىل رايونداعى كولەمنەن جوعارى ونەركاسىپ كاسىپورىندارىنىڭ جالپى پايداسى 124 ميلليارد 917 ميلليون يۋانعا جەتىپ، ％4. 77 ارتىپ، ارتۋ جىلدامدىعى بۇكىل ەلدىكىنەن 4. 76 پايىز جوعارى بولعان؛ بىرلىك ورىنداعى وزىندىك قۇن قاراجاتى 94. 79 يۋان بولىپ، سايكەس مەزگىلدەگىدەن 4.55 يۋان ازايعان. مۇنىڭ ىشىندە ءار 100 يۋان تيجارات كىرىسىنىڭ وزىندىك قۇنى 33. 73 يۋان بولىپ، 40. 2 يۋان ازايعان؛ ءار 100 يۋان تيجارات كىرىسىندە جۇمسالعان قاراجات 61. 6 يۋان بولىپ، 15. 2 يۋان ازايعان.
اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسىنىڭ باس ەكونوميسى نيە شۋميڭ مىنالاردى ءبىلدىردى: الدا ورنىقتىلىقتى ماڭداي الدى ورىنعا قويۋ، ورنىقتىلىق بارىسىندا ىلگەرىلەۋ قىزمەت جالپى ارناسىنا ۇزدىكسىز تاباندى بولىپ، ءتۇرلى ارتۋدى ورنىقتىرۋ ساياساتتارىن تياناقتاندىرۋدى مىقتى يگەرۋ، كەلەلى ونەركاسىپ نىساندارى قۇرىلىسىن ىلگەرىلەتۋ، ساۋداگەر شاقىرىپ قارجى ەنگىزۋ قىزمەتىن مىقتى يگەرۋ، باقشا رايوندارىنىڭ جاڭالىق اشا دامۋىن ىلگەرىلەتۋ، كاسىپورىندارعا قىزمەت وتەۋ قىزمەتى مەن ءوندىرىس حاۋىپسىزدىگى قىزمەتىن مىقتى يگەرۋ جاعىندا كۇش سالىپ، ونەركاسىپ ەكونوميكاسىنىڭ جوعارى ساپالى دامۋىن ىلگەرىلەتەمىز.
