شىنجىن قالاسىنىڭ ۋاكىلدەر ۇيىرمەسى شينجياڭعا كەلىپ، باعىتتامالى كومەكتەسۋ قىزمەتىن تەكسەردى
مىڭ فانلي، حى جۇڭيوۋ قيمىلدارعا قاتىناستى
انار بۇلت \ شينجياڭ گازەتىنىڭ ءتىلشىسى لياڭ ليحۋا 8 - ايدىڭ 6 - كۇنى قاشقاردان حابارلايدى. 8 - ايدىڭ 2 - كۇنىنەن 4 - كۇنىنە دەيىن، گۋاڭدۇڭ ولكەلىك پارتكومنىڭ ورىنباسار شۋجيى، شىنجىن قالالىق پارتكومنىڭ شۋجيى مىڭ فانلي شىنجىن قالاسىنىڭ ۋاكىلدەر ۇيىرمەسىن باستاپ شينجياڭعا كەلىپ، باعىتتامالى كومەكتەسۋ قىزمەتىن تەكسەرىپ، ۇشتاستىرىپ، باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن مۇقيات ۇيرەنۋ، دايەكتىلەندىرۋ، ولكەلىك پارتكومنىڭ، ولكەلىك ۇكىمەتتىڭ جاڭا داۋىردەگى جاڭا جورىقتا گۋاڭدۇڭنىڭ شينجياڭعا باعىتتامالى كومەكتەسۋ قىزمەت ورنالاستىرۋلارىن ويداعىداي تياناقتاندىرۋ، شىنجىننىڭ شينجياڭنىڭ قاشقار ايماعىنىڭ ءبىر قالا، ءبىر اۋدانىنا باعىتتامالى كومەكتەسۋ قىزمەتىن ويداعىداي ىستەۋ جونىندە اۋىس - كۇيىس جاساسىپ، قىزمەتتەردى ۇشتاستىردى. اۆتونوميالى رايوندىق پارتكومنىڭ ورىنباسار شۋجيى حى جۇڭيوۋ قيمىلدارعا قاتىناستى.
ۋاكىلدەر ۇيىرمەسىندەگىلەر ىلگەرىندى - كەيىندى شىنجىن كاسىپ سالاسى باقشاسى، قاشقار قالا الەۋمەتتىك قاتىناس توبى باسقارۋ ورتالىعى، پاقتاكلا اۋىلى سورباق قىستاعى مەن داۋشياڭچۋان قىستاعى، قاشقار شىنجىن قالاسى، قاشقار داشۋەسى شينچۋان مەكتەپ رايونى، قاشقار قالالىق حالىق شيپاحاناسىنىڭ شىعىس قالا بولىمشەسى سياقتى جەرلەرگە بارىپ، جەرگىلىكتى ورىننىڭ ەكونوميكالىق، قوعامدىق دامۋىن جانە شينجياڭعا حالىق تۇرمىسى جاعىنان كومەكتەسۋ، شينجياڭعا كاسىپ سالاسى بويىنشا كومەكتەسۋ، شينجياڭعا اقىل - پاراسات جاعىنان كومەكتەسۋ، ۇلتتاردىڭ ارالاسۋى، ىشتەسۋى، توعىسۋى سياقتى سالالارداعى باعىتتامالى كومەكتەسۋ قىزمەتتەرىنىڭ جاعدايىن ەگجەي - تەگجەيلى ۇعىسىپ، كەلەسى ساتىداعى قىزمەتتەردى ىلگەرىلەتۋدى اقىلداستى. وسى بارىستا مىڭ فانلي شىنجىننان شينجياڭعا كومەككە كەلگەن كادرلار - دارىندىلار اڭگىمە ءماجىلىسىن باسقارىپ اشتى.
ۇعىسۋعا قاراعاندا، بيىل العاشقى جارتى جىلدا شىنجىننىڭ شينجياڭعا كومەكتەسۋ نىساندارى مەن قارجىسىنىڭ سانى ۇزدىكسىز جوعارى ورىندى ساقتاپ، جيىنى شينجياڭعا كومەكتەسەتىن 73 نىسان ورنالاستىرعان. قازىر 73 نىسان تۇگەلدەي قۇرىلىس باستاپ، قۇرىلىس باستاۋ مولشەرى ％100، قارجىنىڭ شينجياڭعا تياناقتانۋ مولشەرى ％100 بولعان. بيىلعى جوسپاردى ورىنداعان نىسان جيىنى 4، جوسپار بويىنشا قالىپتى ىلگەرىلەتىلۋ ۇستىندەگى نىسان جيىنى 69، مۇندا 22 نىساننىڭ ىلگەرىلەۋ اياق الىسى ％50تەن جوعارى بولعان .
10 نەشە جىلدان بەرى شىنجىن ەكونوميكا - ساۋدا، تەحنيكا، جاڭالىق اشۋ، دارىندى، ەسىك اشۋ سياقتى جاقتارداعى باسىمدىعىن تولىق ساۋلەلەندىرىپ، ىلگەرىندى - كەيىندى شينجياڭعا كومەكتەسۋگە 1409 كادر - دارىندى جىبەرىپ، شينجياڭعا كومەكتەسەتىن 822 ءتۇرلى نىساندى ۇيىمداستىرىپ اتقارعان جانە جەتەكشىلىك ەتكەن.
