انار بۇلت \ شينجياڭ گازەتىنىڭ ءتىلشىسى ۋاڭ يۇڭفي 8 - ايدىڭ 6 - كۇنى ۇرىمجىدەن حابارلايدى. شينجياڭ بانكە - قامسىزداندىرۋدى باقىلاۋ - باسقارۋ مەكەمەسىنەن ۇعىسۋىمىزشا، 6 - ايدىڭ سوڭىنا دەيىن قاراستى بانكە سالاسى مەن فينانس قۇرىلىمدارى 14 ميلليارد 959 ميلليون يۋان قارىز اقشانىڭ نەگىزگى سوماسىنىڭ قايتارىلۋ ۋاقىتىن ۇزارتىپ، 6558 بازار تۇلعاسىنا تيىمدىلىك جەتكىزگەن؛ 214 ميلليون يۋان ءوسىم سوماسىنىڭ تولەنۋ ۋاقىتىن كەشىكتىرىپ، 925 بازار تۇلعاسىنا تيىمدىلىك جەتكىزگەن.
2020 - جىلى 3 - ايدىڭ 1 - كۇنى جۇڭگو بانكە - قامسىزداندىرۋدى باقىلاۋ - باسقارۋ كوميتەتى مەن حالىق بانكەسى سياقتى ورىندار بىرلەسىپ ورتا، شاعىن، ۇساق كاسىپورىنداردىڭ نەگىزگى سوماسى مەن ءوسىمىن ۋاقىتشا كەشىكتىرىپ قايتارۋ جونىندە ساياسات شىعارىپ، ءارقايسى بانكە سالاسى مەن فينانس قۇرىلىمدارىنىڭ كاسىپورىنداردىڭ سۇرانىسىمەن ىرىقتى تۇردە سايكەسىپ، ۋاقىتىن ۇزارتۋ، جالعاستى قارىز اقشا بەرۋ سياقتى تاسىلمەن، ىندەت ىقپالىنا ۇشىراعان، ۋاقىتشا قيىنشىلىققا تاپ بولعان ورتا، شاعىن، ۇساق كاسىپورىنداردىڭ (شاعىن، ۇساق كاسىپورىن قوجايىندارىن، جەكە ساۋدا - ونەركاسىپشىلەر سياقتىلاردى قامتيدى) العان قارىز اقشالارىنىڭ قايتارۋ ۋاقىتىن ۇزارتۋ، ءوسىمىن كەشىكتىرىپ تولەۋ جونىندە ۋاقىتشا ورنالاستىرۋ جاساۋىنا جەتەكشىلىك ەتتى.
شينجياڭ بانكە - قامتاماسىزداندىرۋ باقىلاۋ - باسقارۋ مەكەمەسى قارىز اقشانى قايتارۋ ۋاقىتىن ۇزارتۋ، ءوسىمىن كەشىكتىرىپ تولەۋ ساياساتىنىڭ ناقتاپ تياناقتانۋىن ۇزدىكسىز ىلگەرىلەتتى. تاياۋدا شينجياڭ بانكە - قامسىزداندىرۋ باقىلاۋ - باسقارۋ مەكەمەسى ۇقتىرۋ باسىپ تاراتىپ، قىزمەت تالابىن ونان ارى ايقىنداپ، جۇمىس باسىندا باقىلاۋ - جەتەكشىلىك ەتۋ قىزمەتىن ورىستەتىپ، بانكە سالاسى، فينانس قۇرىلىمدارىنىڭ ساياساتتى ۇگىتتەۋ تەبىنىن كۇشەيتۋىنە قۋزاۋ سالىپ، كاسىپورىنداردىڭ قارىز اقشانى قايتارۋ ۋاقىتىن ۇزارتۋ، ءوسىمىن كەشىكتىرىپ تولەۋ جاعىنداعى قاجەتىن الدىن الا انىقتاپ، ينتەرنەت جەلىسى جانە جەلىدەن تىسقارى سياقتى ءتۇرلى ارنالار اشىپ، كاسىپورىنداردىڭ قارىز اقشانى قايتارۋ ۋاقىتىن ۇزارتۋ، ءوسىمىن كەشىكتىرىپ تولەۋ ءوتىنىشىن بەرۋىنە قولايلىلىق جاساپ، كاسىپورىنداردىڭ ءوتىنىشىن دەر كەزىندە قابىلداپ، شەكتى ۋاقىت ىشىندە جاۋاپ قايتارىپ، ءبىر جاقتى ەتىپ، ۇزارتۋعا تيىستىلەرىن مۇمكىندىكتىڭ بارىنشا ۇزارتىپ، قيىنشىلىعى بار كاسىپورىنداردىڭ قيىنشىلىق قىسپاعىنان وتۋىنە كومەكتەستى.
شينجياڭعا قاراستى وڭىرلەردەگى بانكەلەر تۇس - تۇستان شارا شىعارىپ، باقىلاۋ - باسقارۋ تاراۋلارىنىڭ تالابىن تياناقتاندىرىپ، كاسىپورىنداردىڭ قيىنشىلىعىن جەڭىلدەتۋگە شىن مانىندە كومەكتەستى. شيڭيە بانكەسى ءۇرىمجى بولىمشەسى نەگىزگى سومامەن ءوسىمدى كەشكتىرىپ قايتارۋ ساياساتىن بەلسەندى تۇردە تياناقتاندىردى، بيىل الدىڭعى جارتى جىلدا وسى بانكە 37 كاسىپورىنعا 146 ميلليون يۋاندىق نەگىزگى سوماسى مەن ءوسىمى كەشىكتىرىلىپ قايتارىلاتىن قارىز اقشا بەردى.
شينجياڭ كرەمنيلى، وتقا شىدامدى ماتەريال شەكتى سەرىكتەستىگى ءدال وسى ساياساتتىڭ يگىلىگىن كوردى. 7 - ايدىڭ 19 - كۇنى شيڭيە بانكەسى ءۇرىمجى بولىمشەسى وسى سەرىكتەستىككە 6 ميلليون يۋان قارىز اقشانىڭ نەگىزگى سوماسىن قايتارماي جالعاستى ءبىر جىل قارىز اقشا الۋدى ءبىتىرىپ بەردى. ”بۇل قارىز اقشانى العاش رەت 2020 - جىلى 11 - ايدا تەحنيكالىق جاڭالاۋ نىسانىنىڭ جۇمىسىن باستاۋعا قارجى جەتپەي قالعاندا العان بولاتىنبىز، شيڭيە بانكەسى سەرىكتەستىككە وسىمەن 2 رەت نەگىزگى سوماسىن قايتارماي جالعاستى قارىز اقشا بەرىپ، ءبىزدىڭ ەڭ قيىن كەزەڭنەن وتۋىمىزگە مۇمكىندىك جاسادى، بيىل جىل سوڭىندا سەرىكتەستىگىمىزدىڭ پايدا تابۋىنان ءۇمىت بار“، - دەدى سەرىكتەستىكتىڭ القا باستىعى گاۋ جيانمين.
