انار بۇلت \ شينجياڭ گازەتىنىڭ ءتىلشىسى دۋ جيانحۇي
7 - ايدىڭ 19 - كۇنى كورلا قالاسى شارباق اۋىلى تومەنگى قوسباق قىستاعىنداعى جينشيا باعىمشىلىق شارۋالار كاسىپتىك سەلبەستىك كووپەراتيۆىنىڭ تاۋىق فەرماسىنا بارعانىمىزدا ءتىلشى تاۋىق فەرماسىندا بىردە - ءبىر جۇمىسشىنىڭ جوق ەكەندىگىن، ەشقانداي بوگدە ءيىستىڭ دە جوق ەكەندىگىن بايقادى، جۇمىرتقالايتىن تاۋىق تازا دا جارىق ”عيماراتتا“ قىت - قىتتايدى، قابىرعاعا ورناتىلعان كوپتەگەن جەلدەتكىشتەر گۇرىلدەپ ىسكە قوسىلىپ تۇر.
شارباق اۋىلى بوستان قىستاعىنىڭ تۇرعىنى باھارگۇل امەت ەلەكتروسيكلىمەن تاۋىق فەرماسىنا كەلىپ، سەلبەستىك كووپەراتيۆىنىڭ جاۋاپتىسى گو جينشياعا: ”اپەكە ماعان تاعى 10 تاباق جۇمىرتقا بەرىڭىزشى، تۇستەن بۇرىن العان جۇمىرتقامدى ساتىپ بولدىم، 60 يۋان تاپتىم“، - دەدى قۋانا.
باھارگۇل بيىل 3 - ايدا تاۋىق فەرماسىنا قىزمەتكە ورنالاسقان، ءار كۇنى تۇستەن بۇرىن 3 ساعاتتان استام قىزمەت ىستەيدى، ول جەتكىزۋ تاسپاسىنداعى جۇمىرتقانى قاعاز تاباققا سالىپ بەرىپ قانا ايىنا 3000 يۋان ەڭبەكاقى الادى. بوس ۋاقىتىنان پايدالانىپ سەلبەستىك كووپەراتيۆىنىڭ جۇمىرتقاسىن ساتىپ، اقشا تابادى.
گو جينشيا 15 جىلدىق تاۋىق باعۋ تاجىريبەسىنە يە، باعىمشىلىق كولەمى ەڭ العاشقى 5000 تاۋىقتان قازىرگى 70 مىڭعا جەتتى، باعىمشىلىق باسقارۋ تەحنيكاسى دا جارتىلاي اۆتوماتتانۋدان زەردەلىلەنگەن باسقارۋعا ويىستى.
”قازىر تاۋىق باعۋدىڭ وزىندىك قۇنى بارعان سايىن جوعارىلادى، تەك اۆتوماتتاندىرۋ، كولەمدەندىرۋ جولىمەن جۇرگەندە عانا بولاشاق بولادى“، - دەدى گو جينشيا.
تاۋىق فەرماسى اۆتوماتتى جەم بەرگىش، اۆتوماتتى سۋارعىش، اۆتوماتتى ساڭعىرىق قىرعىش سياقتى زەردەلى جابدىقتاردى قولدانىپ، جەم بەرۋ، سۋ بەرۋ، تەمپەراتۋرا تەڭشەۋ، زارارسىزداندىرۋ، ساڭعىرىق تازالاۋ سياقتى جەمدەۋ بۋىندارىن تۇگەلدەي اۆتوماتتاندىردى. گو جينشيا ءبىر جاعىنان تانىستىرىپ، ەندى ءبىر جاعىنان تاۋىققا جەم شاشىپ ءجۇر. ول تام قابىرعاسىنداعى كنوپكانى باسقاندا اۆتوماتتى جەم ازىرلەۋ ماشيناسىنداعى دايىندالعان جەم تۇتىك ارقىلى استاۋعا توگىلدى، جەمدى كورگەندە جۇمىرتقالايتىن تاۋىقتار جاپا - تارماعاي استاۋعا باس قويدى.
”بۇرىن ءداستۇرلى ادىسپەن 70 مىڭ تاۋىق باعۋعا، از دەگەندە 10 جۇمىسكەر قاجەت بولاتىن، قازىر اۆتوماتتاندىرىلعان باعىمشىلىققا تەك 4 ادام جەتىپ اسادى، ونىڭ ۇستىنە ىستەلەتىن جۇمىس تا جەڭىل“، - دەدى گو جينشيا.
تاۋىق باعۋ جابدىقتارى زەردەلىلەندى، گو جينشيا جۇمىرتقاعا تاعى دا وي جۇگىرتتى. 10 جىلدىڭ الدىندا گو جينشيا ”گو اپەكە“ ماركاسىن تىركەۋگە الدىرعان بولاتىن. قازىر ول 5 ءتۇرلى قارا استىق جۇمىرتقاسىن وندىرۋدەن تىس، يانچي حۇيزۋ اۆتونوميالى اۋدانىنان سەلەندى جەم ساتىپ الىپ، سەلەندى جۇمىرتقا ءوندىردى، بۇل جۇمىرتقا قاتىستى تاراۋلاردىڭ تەكسەرۋىنەن ءوتىپ، كورلا قالاسىنداعى ۇلكەن ەرەن بازارلارعا سالىندى.
”قازىر تاۋىق فەرمالارى وتە كوپ، باسەكە وتە قيان - كەسكى، كوز الداعى دامۋدىڭ تاماشا بەتالىسىن ساقتاۋ ءۇشىن، كوبىرەك مي جۇمساۋ كەرەك“. گو جينشيا بىلاي دەدى: ول استاتسين جۇمىرتقاسىن، جۇڭگوشا ءشوپ ءدارىسى جۇمىرتقاسىن زەرتتەپ جاتىر، تەكسەرۋ مالىمەتىن العاننان كەيىن بازارعا سالۋعا بولادى.
كاسىپتە تابىسقا جەتكەن گو جينشيا ىنتالى ادام، جەرگىلىكتى ورىنداعى 7 قىستاق تۇرعىنىن ورنىقتى جۇمىسقا ورنالاستىرۋدان سىرت، قىستاق تۇرعىندارىنىڭ تاۋىق باعىپ، كىرىسىن ارتتىرىپ، بايۋىنا دا كومەكتەستى.
قىستاق تۇرعىنى ارزىگۇل مامەت گو جينشيانىڭ باستاۋىندا ءۇي قۇستارىن باعۋعا كىرىستى. ”بىلتىر اۋلامدا تاۋىق باقتىم، گو اپەكە ماعان شوجە بەرۋدەن سىرت، تاعى ۇنەمى كەلىپ تاۋىق باعۋ ءادىسىن ۇيرەتەدى، مەن بىلتىر 30 مىڭ يۋاننان استام پايدا تاپتىم“. ارزىگۇل قۋانا بىلاي دەدى: ”گو اپەكە ماعان جانە قىستاق تۇرعىندارىنا كومەكتەسىپ ولاردىڭ تاۋىق جۇمىرتقاسىن، قاز جۇمىرتقاسىن ساتىپ بەرەدى، ول، راسىندا، ىزگى جان“!
”مەندە قازىر دايىن ساتۋ تورى بار، قىستاق تۇرعىندارىنىڭ جۇمىرتقا ساتۋىنا كومەكتەسۋ وڭاي شارۋا، بارلىعى اۋىلداستار، قولىمنان كەلگەنىنشە كومەكتەسەم“، - دەدى گو جينشيا.
