انار بۇلت \ شينجياڭ گازەتىنىڭ ءتىلشىسى لياڭ ليحۋا 5 - ايدىڭ 26 - كۇنى ۇرىمجىدەن حابارلايدى. 5 - ايدىڭ 26 - كۇنى تۇستەن بۇرىن اۆتونوميالى رايوندىق 13 - كەزەكتى حالىق قۇرىلتايى تۇراقتى كوميتەتىنىڭ 33 - رەتكى ءماجىلىسى ەكىنشى جالپى جيىنىن وتكىزدى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن جيىندى باسقاردى.
تۇراقتى كوميتەت قۇرامىنداعى 52 ادام جيىنعا قاتىناستى، بۇل زاڭدا بەلگىلەنگەن ادام سانىنا ۇيلەسەدى.
جيىن اۆتونوميالى رايوندىق حالىق ۇكىمەتىنىڭ 2022 - جىلعى اۆتونوميالى رايوننىڭ ءوز دارەجەسىندەگى مەجە ەسەپتى رەتتەۋ جوباسى (جوبا نۇسقاسى)، اۆتونوميالى رايوننىڭ جەمىس ورمان شارۋاشىلىعىنىڭ دامۋ جاعدايى، اۆتونوميالى رايوننىڭ كاسىپتىك وقۋ - اعارتۋ قىزمەتى جاعدايى جونىندەگى بايانداماسىن، اۆتونوميالى رايوندىق حالىق قۇرىلتايى تۇراقتى كوميتەتى سايلاۋ كەڭسەسىنىڭ وبلىستىق (قالا)، اۋداندىق (قالا، رايون)، اۋىلدىق (قالاشىق) حالىق قۇرىلتايلارىنىڭ كەزەك اۋىستىرۋ سايلاۋ قىزمەتى جاعدايى جونىندەگى بايانداماسىن، اۆتونوميالى رايوندىق ءادىليا مەڭگەرمەسىنىڭ، اۆتونوميالى رايوندىق تۇرعىن ءۇي جانە قالا، اۋىل قۇرىلىسى مەڭگەرمەسى باستىقتارىنىڭ مىندەتتى زاڭ بويىنشا وتەۋ جاعدايى جونىندەگى باياندامالارىن، اۆتونوميالى رايوندىق حالىق قۇرىلتايى تۇراقتى كوميتەتى زاڭنىڭ اتقارىلۋىن تەكسەرۋ گرۋپپاسىنىڭ «جۇڭحۋا حالىق رەسپۋبليكاسىنىڭ ءوندىرىس حاۋىپسىزدىگى زاڭىنىڭ» جانە «شينجياڭ ۇيعۇر اۆتونوميالى رايونىنىڭ ءوندىرىس حاۋىپسىزدىگى ەرەجەسىنىڭ»، «جۇڭحۋا حالىق رەسپۋبليكاسىنىڭ ءونىم ساپاسى زاڭىنىڭ» جانە «شينجياڭ ۇيعۇر اۆتونوميالى رايونىنىڭ ءونىم ساپاسىن باقىلاۋ ەرەجەسىنىڭ» اتقارىلۋ جاعدايىن تەكسەرۋ جونىندەگى بايانداماسىن، اۆتونوميالى رايوندىق حالىق قۇرىلتايى اۋىل شارۋاشىلىعى جانە اۋىل - قىستاق كوميتەتىنىڭ اۆتونوميالى رايوندىق 13 - كەزەكتى حالىق قۇرىلتايى 5 - ءماجىلىسى ءتوراعالار القاسىنىڭ قاراۋعا تاپسىرعان ۋاكىلدەردىڭ العا قويعان كەڭەستىك جوبالارىن قاراۋ ناتيجەسى جونىندەگى باياندامانى تىڭدادى. كادرلاردى مىندەتكە تاعايىنداۋ، مىندەتىنەن قالدىرۋ كەڭەستىك جوباسى جونىندەگى تۇسىنىكتى تىڭدادى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىلەرى دۇڭ شينگۋاڭ، جاۋ چيڭ، سو يۋە، توحتى ياقۇپ، مۇقيات جارمۇقامەت، باس حاتشى ءمۇتالىپ روزى جيىنعا قاتىناستى.
اۆتونوميالى رايوننىڭ ورىنباسار ءتوراعاسى ليۋ سۋشى، اۆتونوميالى رايوندىق جوعارى حالىق سوتى مەكەمەسىنىڭ باستىعى باھارگۇل سامەت، اۆتونوميالى رايوندىق حالىق پروكۋراتۋراسىنىڭ باس پروكۋرورى لي يۇڭجۇن، اۆتونوميالى رايوندىق باقىلاۋ - تەكسەرۋ كوميتەتىندەگى قاتىستى جاۋاپتى جولداستار، اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار باس حاتشىلارى، ءارقايسى ارناۋلى كوميتەتتەردىڭ، تۇراقتى كوميتەت قىزمەت تاراۋلارىنىڭ جاۋاپتىلارى، وبلىستىق، قالالىق حالىق قۇرىلتايى تۇراقتى كوميتەتتەرىنىڭ، ايماقتىق حالىق قۇرىلتايى قىزمەت كوميتەتتەرىنىڭ، بيڭتۋان حالىق قۇرىلتايى قىزمەت كوميتەتىنىڭ، اۆتونوميالى رايونعا توتە قاراستى اۋداندىق، قالالىق حالىق قۇرىلتايى تۇراقتى كوميتەتتەرىنىڭ جاۋاپتىلارى، مەملەكەتتىك جانە اۆتونوميالى رايوندىق حالىق قۇرىلتايىنىڭ ءىشىنارا ۋاكىلدەرى، سونداي - اق قاتىستى تاراۋلاردىڭ جاۋاپتىلارى قاتارلىلار جيىنعا سىرتتاي قاتىناستى.
جيىننىڭ ورنالاستىرۋىنا ساي، اۆتونوميالى رايوندىق حالىق قۇرىلتايى تۇراقتى كوميتەتىنىڭ وقۋ - اعارتۋ، عىلىم، مادەنيەت، دەنساۋلىق ساقتاۋ قىزمەتى كوميتەتىنىڭ مەڭگەرۋشىسى تيان لەيجىن جيىنعا قاتىناسقان تۇراقتى كوميتەت مۇشەلەرىنە جانە جيىنعا سىرتتاي قاتىناسقان حالىق قۇرىلتايى ۋاكىلدەرىنە ”جالپى بارىستىق حالىق دەموكراتياسىن جان - جاقتى امالياتتا ايگىلەيىك، دامىتايىق“ تاقىرىبىندا ارناۋلى لەكسيا سويلەدى.
