اۆتونوميالى رايوننىڭ ”ءۇش كەڭىستىك، ءۇش سىزىقتى“ بەلگىلەۋ قىزمەتىن ورنالاستىرۋ، ىلگەرىلەتۋ جونىندەگى تەلەۆيزور - تەلەفون ءماجىلىسى اشىلدى
بەلگىلەۋ قىزمەتىن جالپى جاعداي دەڭگەيىنەن جوعارى ساپامەن ورىنداۋ كەرەك
انار بۇلت \ شينجياڭ گازەتىنىڭ ءتىلشىسى جاڭ يانفاڭ 5 - ايدىڭ 26 - كۇنى ۇرىمجىدەن حابارلايدى. 5 - ايدىڭ 26 - كۇنى، اۆتونوميالى رايوننىڭ ”ءۇش كەڭىستىك، ءۇش سىزىقتى“ بەلگىلەۋ قىزمەتىن ورنالاستىرۋ، ىلگەرىلەتۋ جونىندەگى تەلەۆيزور - تەلەفون ءماجىلىسى اشىلدى، ءماجىلىس باس شۋجي شي جينپيڭنىڭ مەملەكەت جەرى كەڭىستىگىن جوبالاۋ قىزمەتى جونىندەگى ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، مەملەكەتتىك ”ءۇش كەڭىستىك، ءۇش سىزىقتى“ بەلگىلەۋ قىزمەتى جونىندەگى تەلەۆيزور - تەلەفون ءماجىلىسىنىڭ تالابىن جاپپاي تياناقتاندىرىپ، بۇكىل رايوننىڭ ”ءۇش كەڭىستىك، ءۇش سىزىقتى“ بەلگىلەۋ قىزمەتىن ىشكەرىلەي ورنالاستىرۋ جاساپ ىلگەرىلەتتى. اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ءتوراعاسى چىن ۋيجۇن ماجىلىسكە قاتىناستى ءارى ءسوز سويلەدى.
ءماجىلىس مىنالاردى اتاپ كورسەتتى: ”ءۇش كەڭىستىك، ءۇش سىزىقتى“ بەلگىلەۋ قىزمەتى مەملەكەتتىڭ دامۋى مەن حاۋىپسىزدىگىن ءبىر تۇتاس جوسپارلاۋدىڭ ماڭىزدى شاراسى، مەملەكەت جەرى كەڭىستىگىنىڭ جوعارى ساپالى دامۋىن جۇزەگە اسىرۋدىڭ ماڭىزدى العى شارتى. جەر - جەر، قاتىستى تاراۋلار جالپى جاعداي تانىمىن تەرەڭدەتىپ، ”ءۇش كەڭىستىك، ءۇش سىزىقتى“ بەلگىلەۋ قىزمەتىنىڭ بورىش - مىندەتىن شىنايى ارقالاۋ كەرەك.
ءماجىلىس مىنالاردى باسا دارىپتەدى: نازاردى كەزەڭدىك نىساناعا شوعىرلاندىرىپ، ”ءۇش كەڭىستىك، ءۇش سىزىقتى“ بەلگىلەۋ قىزمەتىنىڭ ولشەمى مەن ساپاسىنا جاپپاي شىنايى كەپىلدىك ەتۋ كەرەك. جۇيەلى ويدى مىقتاپ ورناتىپ، مەملەكەت جەرى كەڭىستىگى جوباسىن دايەك ەتىپ، ساياسي جاۋاپكەرشىلىكتى باتىل ارقالاپ، جاسىل دامۋدى ىلگەرىلەتىپ، جەرگىلىكتى جاعدايعا قاراي ىستەپ، ءبىر تۇتاس جوسپارلاۋدى، تەڭگەرىمدى بولۋدى كۇشەيتىپ، ەگىستىك جەردى قورعاۋدىڭ، ەكولوگيالىق ورتانى قورعاۋدىڭ جانە جەردى ۇنەمشىلدىكپەن پايدالانۋدىڭ ەڭ قاتاڭ ءتۇزىمىن اتقارۋ كەرەك. جاراتىلىس، جان سانى، ەكونوميكا زاڭدىلىعىنا بويسۇنىپ، ”ءۇش كەڭىستىك، ءۇش سىزىقتى“ عىلمي بەلگىلەۋ كەرەك. بەلگىلەۋ ەرەجەسىن ويداعىداي يگەرىپ، ماڭگىلىك، نەگىزگى ەگىنجايلاردى قورعاۋدىڭ قىزىل سىزىعىن بەلگىلەۋگە تيىستىلەرىن مۇمكىندىگىنشە بەلگىلەۋ، ەكولوگيانى قورعاۋدىڭ قىزىل سىزىعىنىڭ جالپى جاقتان تۇراقتىلىعىن ساقتاۋ، قالا - قالاشىقتاردى اشۋدىڭ شەكاراسىن ۇيلەسىمدى مەڭگەرۋ، ءتۇرلى فۋنكتسيالىق كەڭىستىكتەردى عىلمي جولمەن، ءتارتىپتى تۇردە ءبىر تۇتاس جوسپارلاۋ، ايقاستىرماۋ، قاباتتاستىرماۋ، قايشى كەلمەۋ كەرەك. ۇيىمدىق باسشىلىقتى كۇشەيتىپ، مەحانيزمدى اقاۋسىزداندىرىپ، جوعارى ونىمدىلىكپەن سايكەستىرە ىلگەرىلەتىپ، بەلگىلەۋ قىزمەتىنىڭ جوعارى ساپامەن ورىندالۋىنا شىنايى كەپىلدىك ەتۋ كەرەك.
