انار بۇلت \ شينجياڭ گازەتىنىڭ ءتىلشىسى ميھىرگۇل عوپۇر 5 - ايدىڭ 26 - كۇنى ۇرىمجىدەن حابارلايدى. 5 - ايدىڭ 23 - كۇنى بۇكىل رايونداعى بىرلىكساپ بولىمدەرى باستىقتارىنىڭ، ۇلت - ءدىن ىستەرى مەكەمەلەرى باستىقتارىنىڭ اڭگىمە ءماجىلىسى اشىلدى. اۆتونوميالى رايوندىق پارتكومنىڭ تۇراقتى مۇشەسى، بىرلىكساپ ءبولىمىنىڭ باستىعى ءزۇمىرات وبۇل ماجىلىسكە قاتىناستى ءارى ءسوز سويلەدى.
ءماجىلىس مىنالاردى اتاپ كورسەتتى: اۆتونوميالى رايوندىق 10 - كەزەكتى پارتكومنىڭ ءۇشىنشى جالپى ءماجىلىسى شينجياڭ قىزمەتى جاڭا باستامادا، جاڭا مىندەتكە ءدوپ كەلگەن ماڭىزدى كەزەڭدە اشىلعان ءبىر رەتكى ايرىقشا ماڭىزدى ءماجىلىس. بۇكىل رايونداعى بىرلىكساپ جۇيەسى ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، يدەيانى بىرلىككە كەلتىرىپ، ورتاق تانىم ۇيىستىرىپ، جالپى ءماجىلىس رۋحىنىڭ شينجياڭ بىرلىكسابىندا تياناقتانىپ، ونىمدىلىك كورسەتۋىن ىلگەرىلەتۋ كەرەك.
ءماجىلىس مىنالاردى باسا دارىپتەدى: جۇڭحۋا ۇلتى ورتاق تۇلعا تانىمىن بەرىك ورناتۋ قىزمەتىن ناقتى، جاندى، ءونىمدى ويداعىداي ىستەپ، ۇگىتتىڭ، تاربيەنىڭ ساپاسىن، ونىمدىلىگىن جوعارىلاتىپ، ۇلتتار ىنتىماعىندا، العاباسارلىعىندا وزات بولۋ قىزمەتىن تەرەڭدەتىپ، ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىن جاقسارتىپ، كەمەلدەندىرىپ، ۇلتتار ىنتىماعىن ۇزدىكسىز بەكەمدەۋ، دامىتۋ كەرەك. جاڭا داۋىردەگى پارتيانىڭ ءدىن قىزمەتى نازارياسى مەن باعىتىن، ساياساتىن جاپپاي دايەكتىلەندىرىپ، شينجياڭدا ءىسلام ءدىنىن جۇڭگوشالاندىرۋدى ىشكەرىلەي ىلگەرىلەتىپ، ءىسلام ءدىنىن جۇڭگوشالاندىرۋ ءدىني ءپان يدەيا قۇرىلىسىن كۇشەيتىپ، ”ءۇش قوسىن“ قۇرىلىسىن كۇشەيتىپ، ءدىن قىزمەتىن زاڭمەن باسقارۋ قۇرىلىسىن كۇشەيتىپ، ءدىندى سوتسياليستىك قوعامعا ۇيلەسۋگە بەلسەنە جەتەكتەۋ كەرەك. حالىقتىق شارۋاشىلىقتىڭ دامۋىن جەبەۋدە اناعۇرلىم ونىمدىلىك كورسەتىپ، ۇكىمەت ىستەرىنە اقىل - كەڭەس بەرۋ ساپاسىنىڭ اناعۇرلىم جوعارى بولۋىن ىلگەرىلەتىپ، شينجياڭ ەكونوميكاسىنىڭ جوعارى ساپالى دامۋىن ىلگەرىلەتۋگە زەيىن - زەردە، كۇش - قۋات ۇيىستىرۋ كەرەك. ساياسيدى دارىپتەۋ، قابىلەتكە ءمان بەرۋ، ستيلدى كۇشەيتۋ جاعىنا كۇش شوعىرلاندىرىپ، كادرلادىڭ قابىلەتىن، ساپاسىن شىڭداپ، ءىس جۇزىندىك ارەكەت ارقىلى پارتيا 20 - قۇرىلتايىنىڭ جەڭىسپەن اشىلۋىن قارسى الۋ كەرەك.
