اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 21 - رەتكى تۇراقتى كوميتەت ءماجىلىسى جابىلدى
جىبەك جولى ەكونوميكالىق بەلدەۋى وزەكتى رايون قۇرىلىسىن ىلگەرىلەتۋگە ۇلەس قوسۋ كەرەك
انار بۇلت \ شينجياڭ گازەتىنىڭ ءتىلشىسى جاڭ يۇنمەي 5 - ايدىڭ 25 - كۇنى ۇرىمجىدەن حابارلايدى. 5 - ايدىڭ 25 - كۇنى اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 21 - رەتكى تۇراقتى كوميتەت ءماجىلىسى ءتۇرلى كەڭەستىك تارتىپتەرىن ورىنداعاننان كەيىن ۇرىمجىدە جابىلدى. اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ءماجىلىستى باسقاردى ءارى ءسوز سويلەدى.
نۇرلان ءابىلماجىن بىلاي دەپ اتاپ كورسەتتى: دەڭگەيدى جوعارىلاتىپ، تەرەڭدەي ۇيرەنىپ، ەگجەي - تەگجەيلى ءتۇسىنىپ، يدەيا مەن ارەكەتتى اۆتونوميالى رايوندىق 10 - كەزەكتى پارتكوم ءۇشىنشى جالپى ءماجىلىسىنىڭ رۋحىمەن بىرلىككە كەلتىرىپ، باس شۋجي شي جينپيڭنىڭ شينجياڭ جونىندەگى جەلىلەس ماڭىزدى سوزدەرىنىڭ، ماڭىزدى نۇسقاۋلارىنىڭ، بەكىتپەلەرىنىڭ رۋحىن جانە جاڭا داۋىردەگى پارتيانىڭ شينجياڭدى جونگە سالۋ جالپى جوباسىن قايتالاي ۇيرەنۋدى، قايتالاي ءتۇسىنۋدى تەرەڭدەتىپ، ساياسي كەڭەستىڭ تۇزىمدىك ابزالدىلىعىن شينجياڭدى باسقارۋدىڭ ونىمدىلىگىنە اناعۇرلىم ويداعىداي اينالدىرۋ؛ ورتالىقتىڭ ۇلت قىزمەتى ءماجىلىسىنىڭ جانە مەملەكەتتىك ءدىن قىزمەتى ءماجىلىسىنىڭ رۋحىن قايتالاي ۇيرەنۋدى، قايتالاي ءتۇسىنۋدى تەرەڭدەتىپ، شينجياڭنىڭ ىنتىماقتى، جاراسىمدى، حاۋىپسىز، ورنىقتى جاقسى جاعدايىن بىرگە ويداعىداي قورعاۋ؛ باس شۋجي شي جينپيڭنىڭ حالىق ساياسي كەڭەسى قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن جانە ورتالىق ساياسي كەڭەس قىزمەتى ءماجىلىسىنىڭ رۋحىن قايتالاي ۇيرەنۋدى، قايتالاي ءتۇسىنۋدى تەرەڭدەتىپ، شينجياڭنىڭ ساياسي كەڭەس قىزمەتىنىڭ جاڭا جاعدايىن ۇزدىكسىز اشۋ كەرەك.
نۇرلان ءابىلماجىن مىنالاردى تالاپ ەتتى: يدەيانى ازات ەتىپ، ءورىس اشا جاڭالىق اشىپ، باس شۋجي شي جينپيڭنىڭ ”ءبىر بەلدەۋ، ءبىر جولدى“ بىرگە قۇرۋ جونىندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن تولىق، دالمە - ءدال ءتۇسىنۋدى، جالپى بەتتىك دايەكتىلەندىرۋدى، تياناقتاندىرۋدى ”ەكىنى تۇراقتاندىرۋدى“ قورعاۋدىڭ، ”ەكىنى قورعاۋدى“ امالياتتا ايگىلەۋدىڭ ناقتى سىناعى ەتىپ، جىبەك جولى ەكونوميكالىق بەلدەۋىنىڭ وزەكتى رايونى قۇرىلىسىن جەدەلدەتۋدىڭ كەلەلى ءمانى جونىندەگى تانىمدى ىشكەرىلەي تەرەڭدەتىپ، ءوز - وزىنە توڭكەرىس جاساۋ باتىلدىعىمەن يدەياداعى، كوزقاراستاعى كەدەرگىلەر مەن مۇددە جاعىنداعى قاتىپ - سەمگەن بوگەتتەردى باتىلدىقپەن تالقانداپ، ”ءاردايىم قام جەپ تۇراتىن“ جاۋاپكەرشىلىك سەزىمىمەن جانە ۋاقىت كۇتىپ تۇرمايدى دەيتىن كوكەي تەستى سەزىمىمەن جىبەك جولى ەكونوميكالىق بەلدەۋىنىڭ وزەكتى رايونىن ويداعىداي قۇرۋدىڭ، ويداعىداي دامىتۋدىڭ تاريحي بورىشىن باتىلدىقپەن ارقالاۋ كەرەك.
نۇرلان ءابىلماجىن بىلاي دەپ باسا دارىپتەدى: جۇڭگو - ەۆروپا كەزەكشى پويەزىن جوعارى ساپالى دامىتۋدى، ءۇرىمجى حالىقارالىق قۇرلىقتىق پورت رايونى قۇرىلىسىن، قاتىناستى ءوزارا ۇلاستىرۋ، ءوزارا تۇتاستىرۋ ۇلكەن ارناسى قۇرىلىسىن، كاسىپ سالاسىن دامىتۋدى ىلگەرىلەتۋدى ارقاۋ ەتىپ، اينالىم قابىلەتىن جوعارىلاتۋدا، توعىسا دامۋدا، ينتەرنەت ونىمدىلىگىندە، ساياساتتىق قولداۋدى كۇشەيتۋدە قوزعاۋشى كۇشتى قاۋلاتۋ، كۇش ۇيىستىرىپ قىرپۋلى ەڭبەك ەتۋ كەرەك. بورىشتى، مىندەتتى تۇراقتاندىرىپ، قوعامنىڭ ءار سالاسىنىڭ اقىل - پاراساتى مەن كۇش - قۋاتىن وزەكتى رايون قۇرىلىسىنا شوعىرلاندىرۋ؛ ساياسي كەڭەستىڭ مول ءماسليحاتتاسۋ فورماسىن جانە كەمەلدەنگەن ءماسليحاتتاسۋ مەحانيزمىن تايانىش ەتىپ، وزەكتى رايوننىڭ جوعارى ساپالى دامۋىنا ماماندانعان شارا، ۇسىنىس قوسۋ؛ باتىس سولتۇستىكتەگى 5 ولكە، رايون ساياسي كەڭەستەرىنىڭ جىبەك جولى ەكونوميكالىق بەلدەۋى قۇرىلىسىنا قىزمەت وتەۋ ىستەستىك، اۋىس - كۇيىس مەحانيزمىنەن ويداعىداي پايدالانىپ، ىشكى قۇرلىقتىق ەسىك اشۋ مەن شەكارالىق ەسىك اشۋدىڭ بيىگىن كۇش بىرىكتىرە تۇلعالاپ، زەيىن - زەردەنى، كۇش - قۋاتتى ۇيىستىرىپ جىبەك جولى ەكونوميكالىق بەلدەۋىنىڭ وزەكتى رايونى قۇرىلىسىنا دەم بەرۋ كەرەك.
ءماجىلىس «جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، جىبەك جولى ەكونوميكالىق بەلدەۋىنىڭ وزەكتى رايونى قۇرىلىسىنا دەم بەرۋ جونىندەگى قاراردى» قاراپ ماقۇلدادى؛ قاتىستى كادرلار ىستەرىن ماقۇلدادى.
ماجىلىستە اۆتونوميالى رايوننىڭ قاتىستى ماماندارى ”اۆتونوميالى رايوندىق 10 - كەزەكتى پارتكوم ءۇشىنشى جالپى ءماجىلىسىنىڭ رۋحىن مۇقيات دايەكتىلەندىرىپ، جىبەك جولى ەكونوميكالىق بەلدەۋى وزەكتى رايونىنىڭ جوعارى ساپالى دامۋىن تىڭعىلىقتى ىلگەرىلەتەيىك“ ارناۋلى تاقىرىبىندا لەكسيا سويلەدى.
اۆتونوميالى رايوندىق ساياسي كەڭەستىڭ ورىنباسار ءتوراعالارى پىڭ جيارۇي، جاروللا يسامدين، دۋ ۋانگۇي، چيۋ شۋحۋا، ياڭ يۇڭ، ءيىلحام سابىر، ابدۇرىقىپ ءتومۇرنياز، نۇرىم سىمايىلقان، ءدىلشات قىدىرقان، ازەز مۋسا، ليۋ حۇيجۇن، باس حاتشى گاۋ جياڭحۋاي ماجىلىسكە قاتىناستى.
