رايونىمىزداعى ءارقايسى تاراۋلار، ورىندار اۆتونوميالى رايوندىق 10 - كەزەكتى پارتكومنىڭ ءۇشىنشى جالپى ءماجىلىسىنىڭ رۋحىن جەتكىزدى، ۇيرەندى
تىڭ ىسكەرلىك كورسەتىپ، جاڭا ناتيجە جاراتامىز
انار بۇلت \ شينجياڭ گازەتىنىڭ تىلشىلەرى
ءىستىڭ ورىندالۋىنىڭ ءبىر ۇلەسى ورنالاستىرۋعا بايلانىستى بولسا، توعىز ۇلەسى تياناقتاندىرۋدان كەلەدى. بىرنەشە كۇننەن بەرى، رايونىمىزداعى ءارقايسى تاراۋلار، ورىندار اۆتونوميالى رايوندىق 10 - كەزەكتى پارتكومنىڭ ءۇشىنشى جالپى ءماجىلىسىنىڭ رۋحىن مۇقيات جەتكىزدى، ۇيرەندى. كوپشىلىك جابال مىنالاردى ءبىلدىردى: ىستەۋدى ماڭداي الدى ورىنعا قويىپ، ناقتى كۇش سالۋعا ىنتالاندىرىپ، ناقتى شارا قولدانىپ، ناقتى ونىمدىلىككە تالپىنىپ، تىڭ ىسكەرلىك كورسەتۋگە كۇش سالىپ، جاڭا ناتيجە جاراتىپ، پارتيا 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتىمىزبەن قارسى الامىز.
اۆتونوميالى رايوندىق پارتكوم ۇگىت ءبولىمى:
جالپى ءماجىلىس نىسانا - مىندەتتەرىنىڭ تياناقتانىپ ونىمدىلىك كورسەتۋىن تىڭعىلىقتى ىلگەرىلەتەمىز
5 - ايدىڭ 17 - كۇنى اۆتونوميالى رايوندىق پارتكومنىڭ ۇگىت ءبولىمى ءبولىم ىستەرى ءماجىلىسىن اشىپ، اۆتونوميالى رايوندىق 10 - كەزەكتى پارتكومنىڭ ءۇشىنشى جالپى ءماجىلىسىنىڭ رۋحىن جەتكىزىپ، ۇيرەنىپ، دايەكتىلەندىرۋ، تياناقتاندىرۋ قىزمەتى جونىنەن ورنالاستىرۋ جاسادى.
ءماجىلىس بىلاي دەپ اتاپ كورسەتتى: جالپى ءماجىلىستىڭ رۋحىن مۇقيات ۇيرەنىپ، ۇگىتتەپ، دايەكتىلەندىرىپ، يدەيا مەن ارەكەتتى باس شۋجي شي جينپيڭنىڭ ماڭىزدى سوزدەرىنىڭ رۋحىمەن جانە پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن شىن مانىندە بىرلىككە كەلتىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسى جونىندەگى تۇسىنىك پەن يگەرۋدى ونان ارى تەرەڭدەتىپ، زاڭمەن باسقارۋ وي جەلىسىن جوعارىلاتىپ، جالپى ءماجىلىستىڭ بارلىق نىسانا - مىندەتتەرىنىڭ تياناقتانىپ، ونىمدىلىك كورسەتۋىن تىڭعىلىقتى ىلگەرىلەتۋ كەرەك. ىشكەرىلەي ۇيرەنىپ، ءتۇسىنىپ، جەتە ۇيرەنۋ، جەتە ءتۇسىنۋ، شىنايى تياناقتاندىرۋ جاعىندا كۇش سالىپ، ۇگىت، يدەيا، مادەنيەت قىزمەتىندە ءتىپتى دە زور ناتيجەگە قول جەتكىزۋگە شىنايى كەپىلدىك ەتۋ كەرەك. دايەكتىلەندىرۋدى، تياناقتاندىرۋدى ويداعىداي يگەرىپ، جالپى ءماجىلىستىڭ يدەولوگيا قىزمەتى جونىندەگى ورنالاستىرۋىن مۇقيات يگەرىپ، ءتۇرلى يدەولوگيا شەبىن شىن مانىندە ويداعىداي قورعاپ، شينجياڭدى مادەنيەتپەن نارلەندىرۋ ينجەنەرياسىن جان - جاقتى ىشكەرىلەي اتقارىپ، ءبىر توپ تاڭداۋلى ادەبيەت - كوركەمونەر تۋىندىلارىن جاراتىپ، ءار ۇلت بۇقاراسىنىڭ رۋحاني مادەنيەت قاجەتىن ۇزدىكسىز قاناعاتتاندىرىپ، پارتيا 20 - قۇرىلتايىنىڭ جەڭىسپەن اشىلۋىنا قويۋ راي قالىپتاستىرۋ كەرەك.
اۆتونوميالى رايوندىق پارتكوم وقۋ - اعارتۋ قىزمەت كوميتەتى:
جالپى ءماجىلىس رۋحى ارقىلى شينجياڭنىڭ وقۋ - اعارتۋ قىزمەتىنە جەتەكشىلىك ەتەمىز
5 - ايدىڭ 16 - كۇنى اۆتونوميالى رايوندىق پارتكومنىڭ وقۋ - اعارتۋ قىزمەت كوميتەتى كادرلار ءماجىلىسىن اشىپ، اۆتونوميالى رايوندىق 10 - كەزەكتى پارتكومنىڭ ءۇشىنشى جالپى ءماجىلىسىنىڭ رۋحىن جەتكىزدى، ۇيرەندى.
ءماجىلىس مىنالاردى تالاپ ەتتى: وقۋ - اعارتۋ جۇيەسىندەگى پارتيا مۇشەلەرى، كادرلار يدەيا مەن ارەكەتتى جالپى ءماجىلىستىڭ رۋحىمەن بىرلىككە كەلتىرىپ، زاڭ بويىنشا ءىس ءبىتىرۋ وي جەلىسىن ونان ارى كۇشەيتىپ، زاڭ بويىنشا وقىتۋ جۇرگىزۋ، مەكتەپ باسقارۋ دەڭگەيىن جوعارىلاتىپ، شينجياڭدى زاڭمەن جونگە سالۋ تالابىن شينجياڭنىڭ وقۋ - اعارتۋ قىزمەتىنىڭ ءار جاعىندا تياناقتاندىرىپ، وقۋ - اعارتۋ قىزمەتىنىڭ باستان - اياق زاڭمەن باسقارۋ ارناسىندا العا باسۋىنا شىنايى كەپىلدىك ەتۋ كەرەك؛ جالپى ماجىلىستە تۇراقتاندىرىلعان نىسانا - مىندەتتەردى تىعىز ارقاۋ ەتىپ، پارتيانىڭ وقۋ - اعارتۋ قىزمەتىنە جاپپاي باسشىلىعىن كۇشەيتۋ، جۇڭحۋا ۇلتى ورتاق تۇلعا تانىم تاربيەسىن بەكەمدەۋ، مەملەكەتتە ءبىر تۇتاس قولدانىلاتىن ءتىل - جازۋ وقۋ - اعارتۋىن جانە جالپىلاستىرىپ قولدانۋدى ىلگەرىلەتۋ سياقتى جاقتاردا ۇزدىكسىز كۇش سالىپ، ناقتى دايەكتىلەندىرۋ، تياناقتاندىرۋ شارالارىن مۇقيات العا قويىپ، تياناقتانۋىن ءبىر - بىرلەپ قاداعالاپ، جالپى ءماجىلىس سۇلبالاعان دامۋ ۇلى جوباسىن شينجياڭ وقۋ - اعارتۋ قىزمەتىن جوعارى ساپالى دامىتۋدىڭ تاماشا رەالدىعىنا شىن مانىندە اينالدىرۋ كەرەك.
اۆتونوميالى رايوندىق قازىنا مەڭگەرمەسى:
شينجياڭنىڭ دامۋىنا بەرىك قازىنالىق كەپىلدىك ازىرلەيمىز
5 - ايدىڭ 19 - كۇنى اۆتونوميالى رايوندىق قازىنا مەڭگەرمەسى پارتيا باسشىلىق گرۋپپاسىنىڭ كەڭەيتىلگەن ءماجىلىسىن اشىپ، اۆتونوميالى رايوندىق 10 - كەزەكتى پارتكومنىڭ ءۇشىنشى جالپى ءماجىلىسىنىڭ رۋحىن جەتكىزدى، ۇيرەندى.
ءماجىلىس مىنالاردى تالاپ ەتتى: قازىنا تاراۋلارىنداعى پارتيا مۇشەلەرى، كادرلار ۇيرەنۋ جەتىستىگىن دامۋدى جوسپارلاۋدىڭ قىزمەت وي جەلىسىنە، دامۋدى جەبەۋدەگى ساياسات - شارالارعا، ماسەلەنى شەشۋدەگى ءىس جۇزىندىك قابىلەتكە شىن مانىندە اينالدىرۋ كەرەك. جالپى ءماجىلىستىڭ رۋحىنا تۋرالانىپ، بەلسەندى قازىنا ساياساتىنىڭ اناعۇرلىم بەلسەندى، ۇتىمدى بولۋىن ىلگەرىلەتىپ، قازىنانى زاڭمەن باسقارۋ قۇرىلىسىن كۇش سالا ىلگەرىلەتىپ، قازىنا تۋىنداتۋ، قازىنا توپتاۋ، قازىنا باسقارۋ، قازىنا ىستەتۋ سياقتى ءارقايسى بۋىنداردىڭ زاڭمەن باسقارۋ ارناسىندا جۇمىس جۇرگىزۋىنە شىنايى كەپىلدىك ەتىپ، قازىنانىڭ رولىن اناعۇرلىم ويداعىداي ساۋلەلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرۋدى بەرىك قازىنالىق كەپىلمەن قامداپ، پارتيا 20 - قۇرىلتايىنىڭ جەڭىسپەن اشىلۋىن ۇزدىك ناتيجەلەرمەن قارسى الۋ كەرەك.
اۆتونوميالى رايوندىق ورگان ىستەرىن باسقارۋ مەكەمەسى:
ولشەمگە، ۇلگىگە تۋرالانىپ، جالپى ءماجىلىس رۋحىن تياناقتاندىرۋدى يگەرەمىز
5 - ايدىڭ 16 - كۇنى اۆتونوميالى رايوندىق ورگان ىستەرىن باسقارۋ مەكەمەسى جالپى كادرلار جينالىسىن اشىپ، اۆتونوميالى رايوندىق 10 - كەزەكتى پارتكومنىڭ ءۇشىنشى جالپى ءماجىلىسىنىڭ رۋحىن ۇيرەندى، دايەكتىلەندىردى، تياناقتاندىردى.
ءماجىلىس مىنالاردى اتاپ كورسەتتى: جالپى كادرلار ”ءار دايىم قام جەپ تۇراتىن“ جاۋاپكەرشىلىك سەزىمىمەن جالپى ءماجىلىس رۋحىنىڭ ولشەمىنە، ۇلگىسىنە تۋرالانىپ، قىزمەت ءىس جۇزىندىگىمەن ۇشتاستىرىپ، تياناقتاندىرۋدى يگەرۋى كەرەك. نازاردى باس نىساناعا شوعىرلاندىرۋ، جاسىل، تومەن كومىر قىشقىل گازدى تيبىن وزگەرتىپ دامۋ، حالىق ءۇشىن ناقتى ىستەر ىستەۋ ونىمدىلىگىن كۇشەيتۋ سياقتى جاقتاردا بەلسەنە ىسكەرلىك كورسەتىپ، ۇنەمشىل ورگان قۇرىلىسىن تىڭعىلىقتى ىلگەرىلەتۋ كەرەك. زاڭ بويىنشا اكىمشىلىك جۇرگىزۋگە تاباندى بولىپ، اكىمشىلىك بيلىككە زاڭمەن باسقارۋ ارقىلى ەرەجە بەلگىلەۋ، شەك - شەكارا قويۋ كەرەك. سيفرلاندىرۋ وي جەلىسىن بەلسەنە ورناتىپ، سيفرلى ۇكىمەت قۇرىلىسىندا ءورىس اشا العا ىلگەرىلەپ، اۆتونوميالى رايوننىڭ باسقارۋ جۇيەسى مەن باسقارۋ قابىلەتىن وسىزامانداندىرۋعا ورگان ىستەرىنىڭ كۇش - قۋاتىن ارناۋ كەرەك.
