اتۇش قالاسى ازاق قالاشىعىنىڭ كاسىپ سالاسى كوشەسىنە قايتالاي تىلشىلىك ىستەگەندە −
”100 ميلليون يۋاندىق كوشەنىڭ“ بايلىق جاراتۋ جونىندەگى ”كەشكى ءماسليحات“
انار بۇلت \ شينجياڭ گازەتىنىڭ تىلشىلەرى سۇڭ ۋيگو، لۋ فىڭباۋ
5 - ايدىڭ 18 - كۇنى ساعات 0دەن 30 مينۋت، قالا بىرتىندەپ جىم - جىرتتىققا شومدى، اتۇش قالاسى ازاق قالاشىعىنداعى ءجۇزىم جاپىراقتارى قوڭىراجاي سامالمەن باياۋ ىرعالىپ تۇر، ازاق قالاشىعىنىڭ كاسىپ سالاسى كوشەسىندە 4 − 5 كاسىپورىن ۇستەمە قىزمەت ىستەپ جاتتى، ءبىر ۇلكەن جۇك اۆتوكولىك سۋىق قامباعا قاراي كەتىپ بارادى، ارا - تۇرا جۇمىس كيىمىن كيگەن جۇمىسشىلار شىراعى جايناپ تۇرعان زاۆود ۇيلەرىنە قاراي بەتتەدى.
بىرنەشە كۇننىڭ الدىنداعى تىلشىلىك سۇحباتىندا ازاق قالاشىعى پارتكومىنىڭ ورىنباسار شۋجيى، قالاشىق باستىعى ءمۇتالىپ الىمبەك بىلاي دەدى: كەزەكتە ازاق قالاشىعىنىڭ كاسىپ سالاسى كوشەسىنە 24 كاسىپورىن ىرگە تەپتى، 2021 - جىلى 180 ميلليون يۋاندىق ءونىم قۇنىن جاراتتى. ۇزىندىعى 1.5 كيلومەتر كەلەتىن وسى كوشەدە قانداي سيقىر بار، اۋىل - قىستاقتىڭ ”بايلىق جاراتۋ بازاسىنا“ قالاي اينالا الدى؟ ارى - بەرى تولعانعان ءتىلشى بۇل ارادا جازۋعا ءتيىستى كەرەمەتتەر بارلىعىن سەزىنىپ، ءتۇن ورتاسىنداعى كاسىپ سالاسى كوشەسىنە بارىپ، ونداعى حيكايالاردى بىلۋگە بەكىدى.
تاستيار سۋلياۋ بۇيىمدارىن ساتۋ دۇكەنىنىڭ الدىندا ءبىر ادام وتىر، ول وسى كاسىپورىننىڭ جاۋاپتىسى تاستيار تۇرسۇن ەدى. بۇل كاسىپورىندا سۋلياۋ بۇيىمدارىن وندىرەتىن 2 جابدىق بار بولىپ، جىلىنا مۇناق ءجۇزىمىن سالۋعا ىستەتىلەتىن ءبىر ميلليون شارباق وندىرەدى. كاسىپورىندا تاعى 30 سۋىق قامبا بار، ءاربىر سۋىق قامبادا 100 توننا مۇناق ءجۇزىمىن ساقتاۋعا بولادى. بيىل 39 جاستاعى تاستيار ازاق قالاشىعى تىجەن قىستاعىندا ومىرگە كەلگەن، جامىراعان جۇلدىزدى اسپان استىندا ول تىلشىگە ءوزىنىڭ ساۋداگەرلىك جولىن اڭگىمەلەدى.
”ءبىرىنشى ءتاسىل ەلدەن ەرەك بولۋ“. تاستياردىڭ اكەسى 20 جاسىندا تىجەن قىستاعىندا مۇناق ءجۇزىمى كەڭ كولەمدە ەگىلە باستاعان، الايدا وتباسىندا تەك 4 مۋ جەر عانا بار بولعاندىقتان، بارلىق جەرگە ءجۇزىم ەكسەدە كىرىس ماردىمسىز بولاتىن. وتباسىنداعىلاردى اناعۇرلىم جاقسى تۇرمىسقا كەنەلتۋ ءۇشىن، اكەسى ءجۇزىم، ءانجۇر، ورىك سياقتى جەمىس - جيدەكتەردى ساۋدالاۋعا بەكيدى.
سودان باستاپ، اكەسى جەمىس - جيدەك ساتىپ الۋمەن نەمەسە جەمىس - جيدەك ساتۋمەن قاربالاستاپ، ۇنەمى ۇيدە بولمايدى. اكەسى جاپا - ماشاقات تارتىپ ءبىرتالاي كىرىس تابادى، وسى جەمىس - جيدەكتەر تىجەن قىستاعىنان ءۇرىمجى، قارامايلى سياقتى جەرلەرگە جەتكىزىلىپ، جاقسى باعادا ساتىلادى.
”ەسەپ جاساۋعا شەبەر بولۋ ءبىزدىڭ ەكىنشى ەرەكشەلىگىمىز“، - دەيدى تاستيار.
اكەسىنىڭ ريزا بولمايتىنى ءجۇزىمنىڭ باعاسى ەڭ جاقسى بىرنەشە ايدا وزىندە ساقتاۋلى زات قالماعان ەدى، ويتكەنى جەمىس - جيدەكتى جاس كۇيىندە ساقتاۋ ءبىر ۇلكەن قيىن ماسەلە.
ءجۇزىم ساقتاۋ قيىن بولۋ ماسەلەسىن شەشۋ ءۇشىن اكەسى 2001 - جىلى كەرپىشتەن ءبىر بولمەلى ساقتاۋ ءۇيىن سالىپتى، كەرپىش ءۇيدىڭ قىستا جىلى، جازدا سالقىن بولۋ ەرەكشەلىگى ولاردىڭ مۇناق ءجۇزىمدى ءبىر ايدان استام ۋاقىت ۇزارتىپ ساتۋىنا مۇمكىندىك اپەردى. كوپ وتپەي، ازاق قالاشىعىنداعى جەمىس - جيدەك ساۋدالايتىن باسقادا ديقاندار دا ىركەس - تىركەس ساقتاۋ ءۇيىن سالدى.
تاستيار ورتالاۋدى بىتىرگەننەن كەيىن اكەسىنە ەرىپ جەمىس - جيدەك ساۋداسىن ىستەي باستادى. ول مۇناق ءجۇزىمىن سالاتىن 4 قاباتتى قاعاز جاشىكتىڭ وتە ۇلكەن ەكەندىگىن، 20 كيلوگرامدىق مۇناق ءجۇزىمىن نىسانالى جەرگە تاسىپ جەتكىزگەندە ۇنەمى ءبىر جارىمعا تاياۋ قاباتى جانشىلىپ بۇلىنەتىن. وسى ماسەلەنى شەشۋ ءۇشىن، اكەلى - بالالى ەكەۋى ۇرىمجىدەن ءجۇزىم سالاتىن سۋلياۋ شارباق ساتىپ الۋدى ۇيعاردى، بۇل تاسىمال بارىسىنداعى شىعىندى 3 كيلوگرام اينالاسىندا ازايتىپ، ولاردى قاباعات قۋانتتى.
الايدا ۇرىمجىدەن سۋلياۋ شارباق تاسۋدىڭ وزىندىك قۇنى كوبەيگەندىكتەن، تاستياردىڭ بۇعان ءىشى اشيدى. 2014 - جىلى ول سۋلياۋ شارباق وندىرەتىن اسپاپ ساتىپ اكەلىپ، جاقىن ماڭدا وندىرۋگە بەكيدى.
ءبىر جىلعا جەتپەيتىن ۋاقىتتا ازاق قالاشىعىنىڭ كاسىپ سالاسى كوشەسىندە تاعى 3 سۋلياۋ شارباق وندىرەتىن كاسىپورىن قۇرىلدى، تاستياردىڭ تاجىريبەسىنەن باسقالار ۇيرەندى.
”ەسكىنى قالدىرىپ، جاڭانى شىعارۋ ءبىزدىڭ ءۇشىنشى امالىمىز“. تاستيار اسپانداعى جامىراعان جۇلدىزدارعا قاراپ تۇرىپ، تاعى ءبىر ”قۇپياسىن“ ايتتى.
سۋلياۋ شارباقتان پايدالانعاندا ءاربىر شارباق ءجۇزىمنىڭ شىعىنىن 8 كيلوگرامنان 3 كيلوگرامعا تومەندەتۋگە بولادى، قالعان وسى 3 كيلوگرامدى تاعى دا تومەندەتۋ مۇمكىندىگى بار ما، جوق؟ تاستيار تاعى دا تولعانا باستادى.
تاستيار مىناداي ءبىر ءىستى ەسىنە الدى، ىلگەرى ءبىر قاريدار ءجۇزىم سالعان جاشىكتىڭ وتە ۇلكەن ەكەندىگىن، 20 كيلوگرام سالماق ءىشىنارا ايەل قاريدارلار جونىنەن العاندا وتە اۋىر ەكەندىگىن، ادەتتەگى شاعىن وتباسىلاردىڭ مۇنشالىق كوپ المايتىندىعىن اڭىس ەتكەن بولاتىن. ول سۋلياۋ شارباقتى ۇزدىكسىز كىشىرەيتۋدى قولعا الىپ، ءبىر قابات ءجۇزىم سالاتىن، سيىمدىلىعى 5 كيلوگرامدىق سۋلياۋ شارباق جاساپ شىعىپ، شىعىن ماسەلەسىن شەشتى ءارى بۇل قاريدارلاردىڭ قاجەتىنە دە اناعۇرلىم ۇيلەستى.
تاستيار مەن اكەسى تاعى سۋىق تىزبەكتى تاسۋ اۆتوكولىگىن مايعا الىپ، ءجۇزىمدى ءتىپتى دە الىس بازارعا ساتتى، قازىر گانسۋ، گۋاڭدۇڭ، گۋاڭشي، حيلۇڭجياڭ، لياۋنيڭ سياقتى جەرلەردە دە ازاق قالاشىعىنىڭ جاڭا مۇناق جۇزىمىنەن ءدام تاتاتىن بولدى.
”بىرنەشە ايدان كەيىن بيىلعى ءجۇزىم پىسادى، مەن كەيبىر جاڭا امالداردى ويلاۋدامىن“. ساعات ءتىلى تاڭعى ساعات ءبىردى كورسەتتى، تاستيار تىلشىمەن قوشتاستى. تۇن قاراڭعىسىندا ول ءوزىنىڭ دالالىق اۆتوكولىگىمەن ۇيىنە قايتتى، اۆتوكولىك شىراعى ونىڭ الدىڭعى جاق جولىن جارىقتاندىرادى، ونىڭ تۋ سىرتىنداعى كاسىپ سالاسى كوشەسىندە زاۆود ۇيلەرىنىڭ شىراعى ءالى دە جانىپ تۇر جانە ماشينالاردىڭ گۇرىلدەگەن داۋىسى ەستىلۋدە، سونداي - اق تاعى كوپتەگەن تاستيار سياقتى ادامدار وزدەرىنىڭ بايۋ جولدارىن ويلاسىپ، كۇننەن - كۇنگە جاقسى تۇرمىسقا جەتۋدى كوكسەۋدە.
