انار بۇلت \ شينجياڭ گازەتىنىڭ ءتىلشىسى چىن چياڭۋي 5 - ايدىڭ 20 - كۇنى ۇرىمجىدەن حابارلايدى. 5 - ايدىڭ 20 - كۇنى ءۇرىمجى كەدەنى اقپار جاريالاۋ ءماجىلىسىن وتكىزىپ، «ءۇرىمجى كەدەنىنىڭ شينجياڭ سىرتقى ساۋداسىنىڭ ورنىقتىلىعىن ساقتاپ، ساپاسىن كوتەرۋىن جەبەۋ جونىندەگى 16 تارماقتى شاراسىن» جاريالاپ، جۇڭگو − ەۆروپا كەزەكشى پويەزى ىستەرىنىڭ دامۋىنا قولداۋ كورسەتۋ، شينجياڭداعى شەكارا اتتاعان زات اينالىمىنىڭ تاسىمال قۋاتىن جوعارىلاتۋ، كاسىپورىنداردىڭ قيىنشىلىعىن شەشىپ، قيىندىقتان ارىلۋىنا كومەكتەسۋ سياقتى 16 تارماقتى 42 ءتۇرلى شارانى جولعا قويدى.
”وسى 16 تارماقتى شارا ۇلكەن جاعىنان سىرتقى ساۋدانىڭ نەگىزگى جاعدايىن ورنىقتىرۋ، كاسىپ سالاسى تىزبەگىنىڭ، قامداۋ تىزبەگىنىڭ ىركىلىسسىزدىگىن قامتاماسىز ەتۋ، بازار تۇلعالارىنىڭ سەنىمىن كۇشەيتۋ جانە كاسىپورىنداردىڭ قيىنشىلىعىن شەشىپ، قيىندىقتان ارىلۋىنا كومەكتەسۋ سياقتى 4 جاققا بولىنگەن“، - دەدى ءۇرىمجى كەدەنى زاڭ ەرەجە جانە جالپىلىق كاسىپ باسقارماسىنىڭ باستىعى يۋان جياڭۋي.
سىرتقى ساۋدانىڭ نەگىزگى جاعدايىن ورنىقتىرۋ جاعىندا ءۇرىمجى كەدەنى كاسىپورىنداردىڭ RCEP مۇشە ەلدەردىڭ كەدەن باجىسىن ازايتۋىمەن بىرلەستىرىپ، ساۋداعا رەتتەۋ جۇرگىزىپ ورنالاستىرۋ جاساۋىنا قولداۋ كورسەتىپ، اسىلگى وندىرىلگەن جەر انىقتاماسىنا قىزمەت وتەۋدى ۇزدىكسىز ساپالىلاندىرىپ، كاسىپورىنداردىڭ ”زەردەلى تەكسەرۋىنە“ ”ءوزى باسىپ شىعارۋدى“ قوسىپ پايدالانىپ، اسىلگى وندىرىلگەن جەردىڭ كۋالىگىن بىتىرۋگە جەتەكتەدى؛ شينجياڭداعى 4 كەشەندى باجىسىز اۋماقتىڭ ”اۋماق، پورت بىرلەسىپ ارەكەتتەنۋدى“ دامىتۋدىڭ ءىس جۇزىندىك جاعدايىمەن بىرلەستىرىپ الدىن الا اۆياتسيا تاسىمال جۇمىسىن ورنالاستىرۋىنا قولداۋ كورسەتىپ، ”كەدەن اۋىستىرىپ توتە جەتكىزۋ“ ۇلگىسىن جانە كەشەندى باجىسىز اۋماقتىڭ شەكارالىق وتكەل جۇمىس فۋنكتسياسىن كەڭەيتىپ، ەكسپورت ەتىلگەن زاتتاردى ”ءبىر جولدا جولداۋ، ءبىر جولدا تەكسەرۋ، ءبىر جولدا وتكىزۋدى“ جۇزەگە اسىرىپ، سىرتقى ساۋدا كاسىپورىندارىنىڭ ءتۇزىم سيپاتىنداعى وزىندىك قۇنىن ۇنەمدەۋىنە كومەكتەسىپ، ءتىپتى كوپ جەرگىلىكتى كاسىپورىنداردى شەتەل بازارىن اشۋعا، كەڭەيتۋگە جەتەكتەدى؛ ەكسپورت ەتىلەتىن ازىق - تۇلىكتەردى وندىرەتىن كاسىپورىنداردى ەستەلىككە الۋدى ءبىتىرۋ شەكتى ۋاقىتىن قىسقارتىپ، يمپورت - ەكسپورت ەتىلەتىن جاس، ءتىرى، وڭاي ءشىريتىن اۋىل شارۋاشىلىق قوسىمشا ونىمدەرىنىڭ قاراستى جەرىن تەكسەرۋدىڭ جاسىل ارناسىن قۇرىپ، الدىمەن تەكسەرۋ جانە ”2 + 5“ كەلىسىپ الىپ تەكسەرۋدى اتقاردى.
بازار تۇلعالارىن دامىتۋ، زورايتۋ جاعىندا ءۇرىمجى كەدەنى مالىمدەلگەن ورىنداردى ”كوپ كۋالىكتى بىرىكتىرۋ“ رەفورماسىمەن تۇتاس قامتۋدى ىلگەرىلەتىپ، شينجياڭداعى جوعارى دارەجەلى كۋالانعان كاسىپورىنداردىڭ سانىن ورنىقتى جوعارىلاتتى؛ ”كاسىپورىندارمەن تىكە بايلانىس جاسايتىن قىزمەت وتەۋ تۇعىرىن“ ورناتىپ، ”كاسىپورىنداردىڭ ماسەلەنى نولگە ءتۇسىرۋىن“ جۇزەگە اسىردى؛ كاسىپورىنداردىڭ AEO جوعارى دارەجەلى كۋالانعان كاسىپورىندارعا قولايلىلىق جاساۋ شاراسىنان تولىق، ويداعىداي پايدالانۋىنا جەتەكشىلىك ەتىپ، ”بىرگە ءبىر“ نىسانالى تۇردە كاسىپورىنداردىڭ قيىنشىلىعىن شەشىپ، قيىندىقتان ارىلۋىنا كومەكتەسىپ، كاسىپورىننىڭ زورايىپ، دامۋىنا قولداۋ كورسەتتى.
كاسىپ سالاسى تىزبەگىنىڭ، قامداۋ تىزبەگىنىڭ ىركىلىسسىزدىگىن قامتاماسىز ەتۋ جاعىندا، ءۇرىمجى كەدەنى ءۇرىمجى حالىقارالىق قۇرلىقتىق پورتتى ءتۇيىن ەتىپ، كاسىپورىنداردىڭ ”تەمىر جول جىلدام ارناسى“ كاسىبىن ورىستەتۋگە جىگەرلەندىرىپ، شەكارا ىشىندەگى تەمىر جول زات اينالىمىنىڭ قولايلىلىق دەڭگەيىن اناعۇرلىم جوعارىلاتىپ، جۇڭگو − ەۆروپا كەزەكشى پويەزى (ءۇرىمجى) جيناۋ ورتالىعى قۇرىلىسىنا قولداۋ كورسەتتى؛ ”كەدەن، تەمىر جول ىركىلىسسىز ارناسى“ سەلبەستىگىن اتقارۋدى ىلگەرىلەتىپ، كەزەكشى پويەز جۇرەتىن ولكە (رايون)، قالانىڭ كەدەنىمەن بايلانىس جاساۋدى، سايكەسۋدى كۇشەيتىپ، ەكى جاقتىڭ كەزەكشى پويەز ساندى مالىمەتىن ۇلاستىرۋ، تۇتاستىرۋدى ىلگەرىلەتىپ، جۇڭگو − ەۆروپا كەزەكشى پويەزىنىڭ ەل ىشىندەگى بولەگىندە ەكراننان كورسەتۋدى جۇزەگە اسىرىپ، جۇڭگو − ەۆروپا كەزەكشى پويەزىنىڭ شەكارا اتتاعان تاسىمالىن قولايلىلاندىرۋ دەڭگەيىن ۇزدىكسىز جوعارىلاتتى.
كاسىپورىنداردىڭ قيىنشىلىعىن شەشىپ، قيىندىقتان ارىلۋىنا كومەكتەسۋ جاعىندا ءۇرىمجى كەدەنى بوس كونتينەرگە، شەكارادان بوس وتكىزۋگە قولداۋ كورسەتىپ، كاسىپورىنداردىڭ ”كونتينەر پايدالانۋ قيىن بولۋ“ ماسەلەسىن جەڭىلدەتىپ، شەكارا اتتاعان زات تاسىمالىنىڭ وزىندىك قۇنىن تومەندەتەدى؛ جۇڭگو − قىرعىزستان − وزبەكستان ”تاس جول، تەمىر جول بىرلەسىپ تاسىمالداۋىندا“ ۇدايىلاندىرا جونەلتۋدى ىلگەرىلەتىپ، شينجياڭداعى شەكارا اتتاعان زات تاسىمال قابىلەتىن اناعۇرلىم جوعارىلاتىپ، قازىرگى كەدەنگە بارۋ ۇلگىسىن ساپالىلاندىرىپ، ءارقايسى جۇمىس الاڭدارى تاۋلىك بويى كاسىپورىنداردىڭ زاتىن شەكارادان وتكىزۋ ءوتىنىشىن قابىلداپ، يمپورت ەتىلگەن ساۋدا بۇيىمدارىن تەكسەرۋ ۋاقىتىن ۇزدىكسىز قىسقارتادى.
مۇنان سىرت، شەكارادان تۇتاس ءوتۋ ونىمدىلىگىن جوعارىلاتۋ جاعىندا ءۇرىمجى كەدەنى ءارقايسى ايماق، وبلىس (قالا) شەكارا وتكەلدەرىنىڭ شەكارادان ءوتۋ ۋاقىتىن باقىلاۋ - ولشەۋ ءىرى ساندى مالىمەت ۇلگىسىن قۇرىپ، شەكارادان تۇتاس ءوتۋ ۋاقىتىنا ىقپال جاسايتىن كەسىرلى ءتۇيىندى، بوگەتتى دۇرىس تاۋىپ، دالمە - ءدال شارا قولدانىپ، شينجياڭ شەكارا وتكەلدەرىنەن تۇتاس ءوتۋ ونىمدىلىگىن ۇزدىكسىز جوعارىلاتادى.
