قۇتقارۋ - كومەكتەسۋدە جىلدام، قورعاۋدا مەيىرلى بولدى

− شينجياڭدى اشۋ، گۇلدەندىرۋ سيلىعىنىڭ يەگەرى، اقسۋ ايماقتىق ءورت ءسوندىرۋ، ورتتەن ساقتانۋ، قۇتقارۋ - كومەكتەسۋ تارماق اترەتى جونىندە

انار بۇلت \ شينجياڭ گازەتىنىڭ ءتىلشىسى گو ليڭ

　　ەندى عانا وتكەن ”1 - مامىر“ قىسقا دەمالىسىندا اقسۋ ايماعىنداعى باقشا كورىنىس ءوڭىرى، ساۋدا سارايى، بازار، قوناق ءۇي، اسحانا سياقتى ورىنداردىڭ بارىنەن اقسۋ ايماقتىق ءورت ءسوندىرۋ، ورتتەن ساقتانۋ، قۇتقارۋ - كومەكتەسۋ تارماق اترەتىندەگىلەردىڭ بەينەسىن كورۋگە بولادى، ولار ءبىرىنشى شەپتەن تاپجىلماي، يكەمدى شارلاۋ جۇرگىزىپ، حاۋىپسىزدىكتى تەكسەرىپ، ءورت ءسوندىرۋ، ورتتەن ساقتانۋدى ۇگىتتەپ، بۇقارانىڭ مەرەكەنى الاڭسىز وتكىزۋىنە قورعانىش، قالتقى بولدى.

　　اقسۋ ايماقتىق ءورت ءسوندىرۋ، ورتتەن ساقتانۋ، قۇتقارۋ - كومەكتەسۋ تارماق اترەتى 1974 - جىلى قۇرىلعاننان بەرى، ءتۇرلى قاتەرلى جاعدايلارداعى 155 مىڭ رەتكى قۇتقارۋ - كومەكتەسۋگە قاتىناسىپ، قيىندىقتا قالعان بۇقارادان 202 مىڭ ادام - رەت قۇتقارىپ، 43 ميلليارد يۋاننان استام مال - مۇلىكتى قورعادى، قيىنشىلىعى بار 320 وقۋشىعا قارجىلاي كومەكتەسىپ، قيىنشىلىعى بار بۇقارادان 5000نان استام ادامعا قول ۇشىن بەردى... ناقتى شايقاس ساندى مالىمەتتەرى ارقىلى قاراستىلىعىنداعى ءار ۇلت بۇقاراسىنا تولىمدى جاۋاپ قايتاردى، ىلگەرىندى - كەيىندى مەملەكەتتىك قوعام حاۋىپسىزدىگى ءورت ءسوندىرۋ، ورتتەن ساقتانۋ بولىمدەرى حاۋىپسىزدىك قىزمەتىندەگى ۇزدىك اترەت، مەملەكەتتىك وركەنيەتتى ورىن سياقتىلارعا يە بولدى، 4 - ايدىڭ 28 - كۇنى وسى تارماق اترەت اۆتونوميالى رايوندا اشىلعان ”1 - مامىر“ حالىقارالىق ەڭبەكشىلەر مەرەكەسىن قۇتتىقتاۋ جانە ماداقتاۋ - سيلاۋ جينالىسىندا شينجياڭدى اشۋ، گۇلدەندىرۋ سيلىعىنا يە بولدى.

　　”پارتيا الاڭسىز بولاتىن، بۇقارانىڭ قالاۋىنان شىعاتىن قوسىن قۇرۋ ءبىزدىڭ جاۋاپكەرشىلىگىمىز جانە بورىشىمىز“، - دەدى وسى تارماق اترەت پارتكومىنىڭ شۋجيى، جىڭۋيى جاڭ گولي.

　　حالىق بۇقاراسى قاجەت ەتكەندە اتويلاپ العا شىقتى، وتقا، سۋعا تۇسۋدەن جاسقانباي، ەشقانداي قيىندىقتان تايسالمادى. 2021 - جىلى 3 - ايدا باي اۋدانىندا 5.4 بال جەر سىلكىنگەندە وسى تارماق اترەتتەگى بارلىق ءورت ءسوندىرۋ، ورتتەن ساقتانۋ، قۇتقارۋ - كومەكتەسۋ قىزمەتكەلەرى ءۇرتىس 48 ساعات بويى ەرلىكپەن سايىسىپ، جالپى 193 وتباسىن ءبىر - بىردەن تەكسەردى، بۇقارادان 810 ادامدى وزگە جەرگە بىتىراتتى؛ 2010 - جىلى 7 - ايدا كۇشاردىڭ سولتۇستىگىندەگى تاۋلى وڭىردە ەرەكشە ۇلكەن تاسقىن اپاتى تۋىلىپ، 1000نان ارتىق ادام قامالىپ قالعاندا ءورت ءسوندىرۋ، ورتتەن ساقتانۋ، قۇتقارۋ - كومەكتەسۋ قىزمەتكەرلەرى 5 تاۋلىك ەرلىكپەن شايقاس جاساپ، قامالعان بۇقارانى ءساتتى قۇتقاردى؛ 1984 - جىلى 9 - ايدا كۇشار جەرىندەگى تارىم مۇناي الابىندا قۇدىقتان مۇناي اتىلىپ ءورت كەتۋ شىرعالاڭى تۋىلعاندا ءورت ءسوندىرۋ، ورتتەن ساقتانۋ، قۇتقارۋ - كومەكتەسۋ قىزمەتكەرلەرى شولدەگى قۇبا تۇزدە ءۇرتىس 58 كۇن ەرلىكپەن سايىسىپ، ”ءورت قۇبىجىعىن“ اقىرى باعىندىردى...

　　”اپات دەگەنىمىز بۇيرىق، بۇقارانىڭ باس اماندىعى بارىنەن ماڭىزدى“! وسى تارماق اترەتتىڭ باستىعى نيۋ دۇڭۋي بىلاي دەدى: ”بارلىق اپات تۇرىنە، توتەنشە جاعدايعا توتەپ بەرۋ“ مىندەتىنىڭ قاجەتىنە ۇيلەسۋ ءۇشىن، تارماق اترەت ءار اپتادا مەجەلەنگەن جۇمىس (تۇسپالدانعان شايقاس جاعدايى بويىنشا شايقاسقا، سوعىسقا ۇيىمدى قولباسشىلىق ەتۋگە جاتتىعاتىن ءبىر ءتۇرلى جاتتىعۋ ءتاسىلى) ورىستەتەدى، ءار ايدا شىنايى قارۋمەن جاتتىعۋ جاسايدى، ءار ماۋسىمدا تيپتىك دەلو مىسالدارىنا ۇرىس قورىتىندىسىن جاسايدى، ءورت ءسوندىرۋ، قۇتقارۋ - كومەكتەسۋ كاسىپتىك اترەتىنەن جەتەۋىن تاڭداپ قۇردى، ءورت ءسوندىرۋ، ورتتەن ساقتانۋ 26 ارناۋلى اترەتىن بىرىكتىردى، 1900دەن استام ميكرو ءورت ءسوندىرۋ، ورتتەن ساقتانۋ پۋنكتىنىڭ كۇشى ءبىر تۇتاس بىرىكتىرىلىپ، ورنالاستىرىلدى، زەردەلى تۇجىرىمداۋ، دالمە - ءدال قولباسشىلىق ەتۋ جانە شەشىم جاساۋعا كومەكتەسۋ سياقتى يقۋاتتار ءبىر تۇلعالاندىرىلعان وسى زامانعى قولباسشىلىق ورتالىعىن قۇرىپ، ءتۇرلى ءورت جاعدايلارىن مۇلدە قاعىس قالدىرماۋدى جۇزەگە اسىردى.

　　تۇتاس اقسۋ ايماعىنىڭ ءورت ءسوندىرۋ، ورتتەن ساقتانۋ حاۋىپسىزدىگىن باقىلاۋ - باسقارۋ، ۇگىتتەۋ سەرپىنىن ارتتىرۋ ءۇشىن، بۇل تارماق اترەت ءورت ءسوندىرۋ، ورتتەن ساقتانۋ، قۇتقارۋ - كومەكتەسۋ پۋنكتىنىڭ سانىن 25كە كوبەيتتى، كوپ يقۋاتتى ءورت ءسوندىرۋ، ورتتەن ساقتانۋ عىلىم جالپىلاستىرۋ تاربيەسى بازاسىن قۇردى، 20 نەشە مىڭ ادامدىق 1562 نەگىزگى ساتى توتەنشە جاعدايعا توتەپ بەرۋ، قۇتقارۋ - كومەكتەسۋ قوسىنىن قۇردى ءارى قوعامداعى 7400 نەشە مەكەمە - ورىننىڭ كومەسكى قاتەرلەردى رەتتەۋىنە، جونگە سالۋىنا ”تۇيىننەن - تۇيىنگە“ كومەكتەستى، جەتەكشىلىك ەتتى. سونىمەن قاتار ءورت ءسوندىرۋ، ورتتەن ساقتانۋدى اكىمشىلىك تەكسەرىپ - بەكىتۋ ىستەرىن جەرگىلىكتى ۇكىمەتتىڭ ۇكىمەت ءىسى تۇعىرىنا ەنگىزىپ، ەلەكتروندى كۋالىكتى ”ينتەرنەتتە ءبىر تۇتاس ءبىتىرىلۋىن“ جۇزەگە اسىردى.

　　كۇشار قالالىق بالالار پاناجايىندا تۇراتىن جەتىمدەر جەرگىلىكتى ورىنداعى ءورت ءسوندىرۋ، ورتتەن ساقتانۋ، قۇتقارۋ - كومەكتەسۋ قىزمەتكەرلەرىنىڭ كوكەيىنەن ءبىر ءسات تە كەتپەيدى. 1995 - جىلدان باستاپ بۇل تارماق اترەتتىڭ كۇشار قالالىق ءورت ءسوندىرۋ، ورتتەن ساقتانۋ، قۇتقارۋ - كومەكتەسۋ ۇلكەن اترەتىنىڭ ءار كەزەكتى پارتكوم مۇشەلەرىنىڭ اربىرەۋى ءبىر بالانى اسىراپ الدى ءارى پاناجايمەن اسىراپ الۋ كەلىسىمىن جاساستى. ولار بالالاردىڭ تۇرمىستاعى جانە ۇيرەنۋدەگى ءىس جۇزىندىك قيىنشىلىقتارىن دەر كەزىندە شەشىپ كەلدى، 27 جىل بويى ىستەلىپ كەلەدى.

　　بۇل اترەت ”لين جيلۋ ءورت ءسوندىرۋ، ورتتەن ساقتانۋ ەرىكتى قىزمەت وتەۋ اترەتىن“ دە قۇرىپ، جەرگىلىكتى ورىنداعى پاناجايعا، جەتىمحاناعا جانە قيىنشىلىعى بار بۇقارانىڭ ۇيىنە بارىپ تازالىق ىستەۋ، وقۋعا قارجىلاي كومەكتەسۋ، شيپاگەر، ءدارى جەتكىزۋ، ءورت ءسوندىرۋدى، ورتتەن ساقتانۋدى ۇگىتتەۋ سياقتى قيمىلداردى ورىستەتىپ، قوعامعا وڭ ەنەرگيا جەتكىزدى.

　　اقسۋ ايماعىنداعى 13 نەگىزگى ساتى ءورت ءسوندىرۋ، ورتتەن ساقتانۋ، قۇتقارۋ - كومەكتەسۋ پۋنكتىندەگى كەزەكشىلىك ءۇيىنىڭ بارىنەن ”حالىققا قولايلى قىزمەت وتەۋ پۋنكتى“ قۇرىلىپ، تەرموس، ينە - ءجىپ دورباسى، ناسوس، قۇرال - جابدىق ساندىعى، ءدارى - دارمەك ساندىعى سياقتى بۇيىمدار ۇنەمى دايىندالىپ، ءار ۇلت بۇقاراسىنا قولايلىلىق جاسالدى.

　　اقسۋ ايماقتىق ءورت ءسوندىرۋ، ورتتەن ساقتانۋ، قۇتقارۋ - كومەكتەسۋ تارماق اترەتىنىڭ داڭق بولمەسىندە ءتۇرلى سيلىقتاردان سىرت، جەرگىلىكتى ءار ۇلت بۇقاراسى ۇسىنعان سيلىق جالاۋشالارى دا بار. ”وسى داڭقتارعا پارتيا مەن حالىقتىڭ بىزگە دەگەن سەنىمىنىڭ ارقاسىندا قول جەتكىزدىك، بۇل ءبىر اۋىر جاۋاپكەرشىلىك، تارماق اترەتىمىز ۇزدىكسىز قۇلشىنىپ، قوعامنىڭ جاراسىمدىلىعىن، ورنىقتىلىعىن قورعاۋعا اناعۇرلىم زور ۇلەس قوسادى“، - دەدى جاڭ گولي.